ހެންވޭރު ދެކުނު ދާއިރާގެ މެމްބަރު ހުސެއިން ޝަހީމް (އަނދުން ހުސެއިން) މަޖިލިހުގައި. --- ފޮޓޯ: މަޖިލިސް
21 އޮކްޓޯބަރ 2019 - 13:10
33 comments
މާލެ މީހުންނަށް މޮޅު ގޮތް ވާން ނުޖެހޭނެ ކަމަށާއި ރަށްރަށުގެ މީހުންނަށް މާ ރަނގަޅު ގޮތްތައް ވާންޖެހޭ ކަމަށް ރައްޔިތުންގެ މަޖިލިހުގެ އެމްޑީޕީގެ ޕާލަމެންޓްރީ ގްރޫޕްގެ ޑެޕިއުޓީ ލީޑަރު އަދި ހެންވޭރު ދެކުނު ދާއިރާގެ ހުސެއިން ޝަހީމް (އަނދުން ހުސެއިން) މަޖިލިހުގައި މިއަދު ވިދާޅުވެއްޖެ އެވެ.
ސަރުކާރުން ރައްޔިތުންގެ މަޖިލިހަށް ހުށަހެޅި ލާމަރުކަޒީ ގާނޫނަށް އިސްލާހު ގެނައުމުގެ ބިލަށް މަޖިލިހުގައި ބަހުސް ކުރައްވަމުން ހުސެއިން މިސާލެއްގެ ގޮތުގައި ނެންގެވީ ދ. ކުޑަހުވަދޫ އެވެ. ކުޑަހުވަދޫގައި 4،000 އެއްހާ މީހުން ދިރިއުޅޭ އިރު، އެ ރަށުގެ މަގުތަކުގައި ތާރު އަޅައި އެއާޕޯޓެއް ހަދާފައިވާކަން އޭނާ ފާހަގަކުރެއްވި އެވެ.
އެކަމަކު، އެ ރަށުގައި ދިރިއުޅޭ މަސްވެރިން މަސް ނުކިރިގެން އުކާލަން ޖެހިފައިވާ ކަމަށް އޭނާ ވިދާޅުވި އެވެ. އޭނާ ކުޑަހުވަދޫން މިސާލު ނެންގެވީ ރާއްޖޭގެ ރަށްތައް އެންމެ ފުރިހަމަ ގޮތުގައި ތަރައްގީ ނުކުރެވޭ ކަމުގެ މިސާލެއްގެ ގޮތުގަ އެވެ. އެކަމަކު، ހަމަ އެ ނޭވާގައި، އަނދުން ހުސެއިން ވަނީ ރާއްޖޭގެ އެއްވެސް ރަށެއްގެ މީހަކު ބާކީ ނުވެ، ހަމަހަމަކަމާ އެކު، ހިދުމަތްތައް ދޭން ޖެހޭނެ ކަމަށް ވިދާޅުވެފަ އެވެ.
ހުސެއިން ވިދާޅުވި ގޮތުގައި ބިލްގެ ބޭނުމަކީ އިދާރީ ދާއިރާތައް ލާމަރުކަޒީ އުސޫލުން ހިންގުމާއި ކައުންސިލްތަކަށް ލިބިދީފައިވާ ބާރުތަކުގެ ތެރެއިން ވޭތުވެދިޔަ މުއްދަތުގައި ކައުންސިލްތަކުގެ ކިބައިން ވަކިކުރެވިފައިވާ ބާރުތަކާއި ޒިންމާތައް އިއާދަކޮށްދިނުން ކަމަށެވެ.
ބިލް ދިރާސާ ކުރާ އިރު، ރަށެއްގެ އިހްތިސާސްގެ ތެރޭގައި 700 މީޓަރުގެ ރޭޑިއަސްގައި ހިމެނޭ ތަންތަނަކީ އެ ރަށަކަށް އެއްވެސް ކަމެއްވާ ތަނެއްތޯ އާއި އެއްވެސް ފައިސާއެއް ލިބޭ ތަނެއްތޯ ބަލަން ޖެހޭ ކަމަށް އޭނާ ވިދާޅުވި އެވެ. އަދި އަންހެނުންނަށް 33 ޕަސެންޓު ކައުންސިލްތަކުން ދޭން ބިލްގައި ބުނާ އިރު، އެކަމަށް ތާއީދު ކުރައްވާ ކަމަށާއި އެކަން ބަހާނެ އިންސާފުވެރި ގޮތެއް ނިންމަން ޖެހޭ ކަމަށް އޭނާ ވިދާޅުވި އެވެ.
ހުސެއިންގެ ވާހަކައިގައި މާލޭގެ ރައްޔިތުންގެ ދިފާއުގައި ވެސް ވާހަކަ ދެއްކެވި އެވެ.
ހުސެއިން ވިދާޅުވީ ގާނޫނުއަސާސީގައި ރާއްޖޭގެ އިދާރީ ދާއިރާތައް ހިންގަން ވާނެ ގޮތުގެ ވާހަކަ އޮތް އިރު، ސަރުކާރުގެ އާމްދަނީން ފަސް ޕަސެންޓު ރަށްރަށަށް ދީ، އެ ރަށެއްގެ އިހްތިސާސްގައި ނުހިމެނޭ ފަޅު ރަށާއި އުފުލާ ނުގެންގުޅެވޭ އެއްޗެއްގެ ބިމު ކުލީގެ ގޮތުގައި ލިބޭ އެއްޗަކުން 40 ޕަސެންޓު ދޭން ބިލްގައި ހިމެނި އިރު، މާލެ އާއި ހުޅުމާލެ އާއި ވިލިމާލެ ރައްޔިތުން މިކަންކަމުން މަހްރޫމްވެފައިވާ ކަމަށެވެ.
އެހެންވެ، ގާނޫނުއަސާސީ އަށް ބަދަލު ގެނެސްގެން ވިޔަސް، "މާލެ އަތޮޅު" ރަށެއްގެ ގޮތުގައި މާލެ ހިމަނާފައި ވެރިރަށުގެ ގޮތުގައި މާލެ އޮތުމަކުން މައްސަލައެއް ނެތް ކަމަށް އޭނާ ވިދާޅުވި އެވެ.
މާފަންނު މެދު ދާއިރާގެ އެމްޑީޕީގެ މެމްބަރު އިބްރާހިމް ރަޝީދު (ބޮންޑޭ) ވިދާޅުވީ މާލޭގައި ދިރިއުޅޭ ރައްޔިތުން އެކި ތަންތަނުގައި ދިރިއުޅެވޭނެ ތަނެއް ހޯދަން ޖެހޭ ކަމަށެވެ. މާލޭގައި އުޅޭ 80،000-90،000 މީހުންން ދިރިއުޅެނީ 12 ފޫޓާއި ހަ ފޫޓުގެ "ކާޑު ފޮއްޓެއްގެ" ތެރޭގައި ކަމަށް އޭނާ ވިދާޅުވި އެވެ.
އިގްތިސާދީ ގޮތުން ވިޔަފާރި ކުރެވޭނެ ގޮތެއް މާލޭގެ ރައްޔިތުންނަށް އޮންނަން ޖެހޭނެ ކަމަށް ވެސް ބޮންޑޭ ވިދާޅުވި އެވެ. އެހެންވެ، މާލެ އާއި ވިލިމާލޭގައި ހުރި ވޯކްޝޮޕްތަކާއި އެސްޓީއޯގެ ގުދަންތައް ނަގައި ވެށިފަހި ސަރަހައްދެއް ބިނާ ކުރަން ޖެހޭ ކަމަށް ވެސް ބޮންޑޭ ވިދާޅުވި އެވެ.
"މާލޭގައި ދިރިއުޅޭ ރައްޔިތުންނަށް ވީހާވެސް އަވަހަކަށް ވެށިފަހި މާލެއެއް، ވައުދުވެފައިވާ މިންވަރަށް ފްލެޓާއި ގޯތީގެ އިންތިޒާމުތައް ހަމަޖައްސައި ދިނުމަށް އެދެން،" ބޮންޑޭ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟީނަ
21 October 2019
ނިކަން ތި ދޭ ތަންތަނުގަ އުޅެނީ އެތަން ލިބޭ މީހުންތޯ ރެ ގިއުލޭޓް ކޮށްބަލަ. ޢަދި ކުލި ވަކި ވަރަކަށްވުރެ ބޮޑުކޮށް ނުނެގޭ ގޮތަށް ހަދާބަލަ. ޢޭރަށް ތި މާލެ މީހުނެއް ނޫޅޭނެ ގެ ނުލިބިގެނެއް. މިހާރުވެސް ގިނަ މާލޭ މީހުން އުޅެނީ ގެ ކުއްޔަށް ދީފަ ކޮންމެވެސް އެހެން ގައުމެއްގަ. ދެން އަދި ކުއްޔައްދޭ މީހާވެސް އެބަ ނަގާ ދެމަހުގެ އެޑްވާންސް. ތަނެއް މައްސަލަ ޖެހިގެން ހަދާ ނުދޭތާގަ އެޑްވާންސް އަބުރާ ނުދޭ. ޢެޑްވަންސް ނުނެގޭގޮތަށް ފާސް ކުރަންވެއްޖެއެއްނު ގާނޫނެއް
އަހޤމަދު
21 October 2019
ޥަރަށް ރަގަޅު ވާހަކައެއް. މިހާރުވެސް ގިނަ މާލެ މީހުން މިއުޅެނީ ހިލޭ ފެންވަރުގަ. ޢެވަރުންން ނުވެގެން ބިމާ ފްލެޓްތައް ވެސް މިދެނީ އެމީހުންނަށް. ދެން ކުލި އަގުބޮޑު ވީމަ އެވާހަކަ މިދައްކަނީ. ގިނަ މާލޭ މީހުން މިހާރު އާމްދަނީ ހޯދަނީ މި ގެ ކުއްޔައް ދީގެން. ޢެހެން މީހުން މިޢުޅެނީ ކުލި ދައްކާފަ އެހެން ކަމެއް ކުރާނެ ލާރި އެއް ނެތިގެން.
އޮލިވް
21 October 2019
މިހާ ފިތުނަވެރި މަޖުލީހެއް ނުދެކެން. ދިވެހިންގެ ތެރޭގަ ޒަމާނުއްސުރެ އޮތް ހަމަޖެހުން ނަގާލަން ރޭވިގެން މަސައްކަތް ކުރަމުންދާ ތަން މި ފެންނަނީ. މާލޭގެ ރަށްވެހިންނާ އެހެން ރަށްރަށުން މާލެ އައިސް ތިބި ރައްޔިތުންނާ ޖެއްސުވުމަށް އެމްޑީޕީގެ މާލެ ތަމްސީލުކުރާ ބައެއް މެމްބަރުން މި ކުރާ ނާތަހުޒީބު ދަށު ދަރަޖައިގެ ފިތުނަވެރި އަމަލު ހުއްޓާލުމަށް ގޮވާލަން. އަދި މި ފަދަ މެމްބަރުންނާއިމެދު ފިޔަވަޅު އެޅޭނެ ގޮތަށް ގަވާއިދު ބަދަލުކުރަން އެބަޖެހޭ.
އިންޓަލެކްޓު
21 October 2019
މާލޭ މީހުންނަށްވެސް ވާކަށް ނުޖެހޭ. ރައްރަށު މީހުންނަށްވެސް ވާކަށް ނުޖެހޭ. ތަފާތުކުރުން ހުއްޓާލާ ހުރިހާ ރައްޔިތުންނަށްވެސް އެއްވަރަކަށް ވާންޖެހޭ!
އަޖައިބެއް
21 October 2019
ބޭކާރު އަނގަނުތަޅާ ކަމެއް ކޮށްބަލަ
އޮޅުއަށި
21 October 2019
ސަރުކާރު ބަދަލުވެއްޖެ. ޙުރިހާ ބާރުތަކެއް ރައްޔިތުން ހަވާލުކޮށްފި. ނަމަވެސް މިސަރުކާރުން އިހުލާސްތެރި ކަމާއިއެކު ކަންކަން ރަނގަޅުކޮށް ސަރުކާރު ކުޑަކޮށް، ރައްޔިތުންގެ ފުދުންތެރިކަން އިތުރުކޮށް ރައްޔިތުން ބިންވެރިކުރުވާ ގޯތިގެދޮރުގެ ފުރުސަތު ފަހިކޮށްދީ އާމްދަނީ ލިބޭނެ މަގު ތަނަސްކޮށްދީ ވަޒީފާގެ ފުރުސަތު ހޯދާދިނުމުގެ ބަދަލުގައި ކުރީގެވެސް ކަނަކުރަމުން އައިގޮތަށް ނަންބޯޑު އަޅުވައިގެން ހަމަޖައްސަން އުޅޭމަންޒަރު ފެންނަނީ. ލާމަރުކަޒު ކުރަނީވެސް އެގޮތަށް
ޒުހުދާ
21 October 2019
މާލެއަކީ ވެރިކަން ކުރަން ކަމުދާ ތަނެއް ނޫން. ދިވެހި ރާއްޖޭގެ ވެރިކަން އެބަޖެހޭ މެދުރާއްޖެތެރޭ ފަޅުބޮޑު ރަށަކަށް ބަދަލުކުރަން.. މިތަނުން ރަށެއްވެސް ރަގަޅުވާނެ 1. މ.މުލި 2. ދ.ކުޑަހުވަދޫ 3. ލ.ގަން-ފޮނަދޫ 4. އދ މާމިގިލި
އަދެ..
21 October 2019
ތިބުނީ، ހިތުން މާމޮޅު ވާހަކައެއް ހެއްޔެވެ؟ މިކިޔަނީ މާލެ މީހުންނަށްވީމަ މޮޅުގޮތް ހަދާށެކޭ ނޫނެވެ. މާލޭ ރައްޔިތުންނަށް ބޯހިޔާވަހިކަން ނުދީ، ރަށުގައި ބޮޑެތި ގޯތި ތިބި މީހުންނަށް މާލޭ ސަރަޙައްދުން ފްލެޓްތަށް ބަހާ ހުސްކޮށް ނުލާވާހަކަ އެވެ. މާރަނގަޅު މީހެއްކަމަށް ދައްކަން ތިދެއްކެނީ ބޯގަޅި ވާހަކައެވެ. ތިހެންވިއްޔާ، ކަލޭގެ ގެދޮރު ރާއްޖެތެރޭ މީހުން ހިލޭ އުޅެން ދޭންވީނޫން ހެއްޔެވެ؟
ސުމާޔާ
21 October 2019
ނެތޭ ދެވޭކަށް ސޮރީ. މީ ކެމްޕެއިން ޖަގަހަ ހަދަންވެސް އޮތްތަން.
ސަންފައްތަ
21 October 2019
މާލޭގައި ކޮންމެ މީހަކަށް ގޯއްޗެއް ލިބޭކަށް ނުޖެހޭ. މާލޭގެ ކޮންމެ ގެޔަކީ 10 ބުރިޔަށް ނުވަތަ 25 ބުރިޔަށް މައްޗަށް ނެގިޔަސް އަތުފަތުނޭޅި ފައިސާ ލިބޭ ތަންތަން. ރަށްރަށުގަ މިއުޅެނީ ބިން އޮތެއްކަމަކު އެންމެ ކޮޓަރިގަނޑެއްވެސް ހަދާލެވޭނެ ގޮތެއް ނުވެގެން. ލާރިލިބޭނެ މަގެއް ނެތް. ލޯނެއްނެގިޔަސް ދެއްކޭނެ ގޮތެއްވެސް ނެތް.
ޖަލީލު
21 October 2019
ބިންކޮޅެއް އޮތަސް ފައިސާނެތި ބުރިބުިއަށް ހެދޭތަ؟ ކޮންމވސް މަހުޖަނެއް ދިގު މުއްދަތައް ބިން ނަގައިގެން އެތަން ހަދައިގެން ކުރާ ވިޔަފާރިއަކީ ބިމުގެ ވެރިންނަށް މާ ބޮޑު މަންފާއެއް ވާކަމެއްނޫން.
ތިހެންވިއްޔާ
21 October 2019
މތިހެންވިއްޔާ ތަރައްޤީއޭ ކިޔާފަ، މީ އެން މެންގެ ދުނިޔެއޭ، މި ދުނިޔޭގެ ކޮން މެ ޤައު މެއްގަ ވެސް ބޭނުން މޯހަކަށް އުޅެވެން ޖެހޭނެޔޭ ބުނެ، އެ މެރިކާ އަށް ވެރިވެގަންނަން ދާންވީނު! ލޮލް
ބުސާމް
21 October 2019
މާލޭ ރައްޔެތުންނަށް ރަށްރަށުން ގޯތިވެސް ލިބެން ޖެހޭ. މިހާރު ކައުންސިލް ތަކުން ކުރާ އިއުލާން ތަކުގާ އެކަމެއް ނޯވޭ، ގުޅީމަވެސް ބުނަނީ މީ ހަމަ އެކަނި މިރަށު މީހުންނަށް ދޭ ގޮތަށް ހަމަ ޖައްސާފަ އޮތް އިއުލާނެކޭ. ކޮބާތޯ ހަމަ އަކީ؟
ޢަލީބެ
21 October 2019
މާލެ ހިއްކައިގެން މާލޭ ބޭފުޅުންނަށް ގޯތިދީބަލަ. ހުޅުމާލެއަކީ އެންމެން ހަމަހަމަ ތަނެއް.
ޑަބިޔާ
21 October 2019
ބަލަ މާލޭ މީހުންނަށް ތަނެއް ދިނިއްޔާ އެތަނެއްގަ އެބައުޅޭތޯ. ހުޅުމާލޭން ނެގިހާ ފުލެޓް ތަކުގައި މާލޭ ބަޔަކު އުޅޭތޯ ނިކަން ބަލާބަ. މާލޭމީހުން ތަންތަން ހޯދަނީ ކުލީ ވިޔަފާރިކުރަން. ޢެހެންބަޔަކަށް ކުއްޔަށް ދީފަ ގޮސް ބޭރުގައުމުތަކުގައި އުޅެން ކުލި ހޯދާނެ މަގެއް ހޯދަން. މާލޭގަ ތިހުރިހާ އިމާރާތްތަކުގައި މާލޭ ބަޔަކު އެބައުޅޭތޯ؟ 10 ވަރަކަށް ހާސް މާލޭ މީހުން ރާއްޖޭގަ އުޅޭ ކަމެއްވެސް ނޭގެ. ދެނޯ؟