ދެ ފުލުހަކު ޑިއުޓީގައި: މީހުން މެރުމަށާއި ހަމަނުޖެހުން ހިންގަން ސޯޝަލް މީޑިއާގައި ގޮވާލަމުން ދިޔަ މީހެއްގެ ބަންދަށް ކޯޓުން ވަނީ އިތުރު 15 ދުވަސް ޖަހާފައި.
22 އޮކްޓޯބަރ 2019 - 12:37
17 comments
ކަރުބުރިކޮށް، މީހުން މެރުމަށާއި ހަމަނުޖެހުން ހިންގަން ސޯޝަލް މީޑީއާގައި ގޮވަމުން ދިޔަ ކަމުގެ ތުހުމަތުގައި ހައްޔަރުކުރި މީހާގެ ބަންދުގެ މުއްދަތު ދެ ވަނަ ފަހަރަށް އިތުރުކޮށްފި އެވެ.
މި މަހުގެ 12 ގައި އެ ފިރިހެން މީހާ ހައްޔަރުކުރީ، މުޖުތަމައުގެ ތެރޭގައި ބިރުވެރިކަން އުފެދޭ ގޮތަށް މީހުންގެ ފުރާނަަ އަށް ގެއްލުން ދިނުމަށާއި އަނިޔާވެރި އަމަލުތައް ހިންގުމަށް ގޮވާލައި ސޯޝަލް މީޑިއާގައި ޕޯސްޓްތައް ކުރަމުންދާ ކަމުގެ ތުހުމަތުގަ އެވެ. އަނިޔާ އަށް ހިތްވަރު ދިނުމުގެ އިތުރުން ޓެރަރިސްޓް ޖަމާއަތްތަކުގެ ނިޝާންތަކާއި ލިޔެކިއުންތައް ވެސް އޭނާ ދިޔައީ ސޯޝަލް މީޑިއާގައި ޕޯސްޓް ކުރަމުންނެވެ.
ޓެރަރިޒަމަށް ހިތްވަރު ދޭ ކަމުގެ ތުހުމަތުގައި އުމުރުން 27 އަހަރުގެ އެ މީހާ ހައްޔަރުކޮށް ބަންދަށް ފުރަތަމަ ޖެހީ ފަސް ދުވަހެވެ. އެކަމަކު މި ހަފުތާގައި މާލެ ގެނެސް ކްރިމިނަލް ކޯޓުން އޭނާގެ ބަންދަށް 15 ދުވަސް އިތުރުކޮށްފައިވާ ކަމަށް ފުލުހުން ބުންޏެވެ.
ދީނީ ހަރުކަށި ފިކުރުގެ އައިއެސް ޖަމާއަތުން ބޭނުންކުރާ ފޮޓޯތަކާ އެކު އޭނާ ވަނީ "ކަރުގެ ނޮޅި ވަކިކޮށްލަންވީ" ކަމަށް ބުނެ ބައެއް މީހުންނަށް އިންޒާރުދީފަ އެވެ. އަދި ލާދީނިއްޔަތާ ދެކޮޅަށް ލޭ އޮހޮރުވާލަން ވެސް ކެރިގެން ތައްޔާރަށް ތިބި ކަމަށް ބުނެ ބައެއް މީހުންނަށް ބިރުދައްކާފައިވެ އެވެ.
ޓެރަރިޒަމަށް ހިތްވަރު ދޭ މީހަކު ހައްޔަރުކޮށް ބަންދުގެ މުއްދަތު އިތުރުކުރި އިރު މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ދީނަށް ފުރައްސާރަކޮށް ނެރުނު ރިޕޯޓު ލިއުނު މީހުން މަރަން ގޮވާލައި ދާދި ފަހުން މުޒާހަރާކޮށްފައިވެ އެވެ. އެ މައްސަލަ ވެސް ފުލުހުން އަންނަނީ ތަހުގީގު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާޖާ
23 October 2019
ތިޔަ ގޮތަށް ކަންތައް މެދުވެރިވީ ދިވެހިރާއްޖޭގެ ޤާނޫނު ތަކާ ބައިނަލްއަޤުވާމީ ކޮންވެންޝަން ތަކާ ޚިލާފަށް ނިރުބަވެރި ޖަމާޢަތެއް ކަމުގައިވާ އެމްޑީއެންއިން ނެރުނު ރިޕޯޓަށް ފިޔަވަޅު ނޭޅުން. އަދި އެކަން ދިފާޢު ކުރުމަށް މަޖްލިހުގެ ރައީސާއި އެނޫންވެސް ބައެއް ނިރުބަވެރި ވިސްނުން ހުރި މީހުންގެ ބަސްމަގު ހުރި ގޮތުން. ތިގޮތަށް ތާކުން ތާކު ނުޖެހޭ ގޮތަށް ބަންދު ކުރުމުން ސުވާލު އުފެދޭ. އަނިޔާވެރިވީމާ ދެން އެމީހާ އަތް އުރާލައިގެން ހުންނާނީތޯ.
ޔަގީ
22 October 2019
ނަސިދުމަރަންގޮވިީހާކޮބައި
އައް.ޑު
22 October 2019
މަދު ޒުވާނުން ކޮޅެއް ނަމަވެސް ލޭ ހުއްދަ ކުރަން ގޮވާލުމަކީ ބަލައިގަނެވޭނެ ކަމެއް ނޫނެވެ. މިފަދަ ކަންތައްތައް ބެލެން ޖެހެއެވެ. ޏަމަވެސް ހިތާމައަކީ އަދިވެސް އެމޑީއެން ގެ އެކަކުވެސް ފުލުހަށް ހާޒިރު ނުކުރެވޭ ކަމެވެ.
ކޮއްތު
22 October 2019
ލޭހުއްދަ ކުރަނީ ދިވެހި ޒުވާނުންނެއްނޫން. އެއީ ސީދާ ސަލަފުގައި ތިބި ސޭހުންނޭ ކިޔައިގެން ޕާކިސްތާނުގެ މަދްރަސާތަކުން ކިޔަވައިގެންނޭ ކިޔައިގެން އުޅޭ ބައިގަނޑެއް. އެމީހުންގެ ތައުލީމީ ސެޓްފިކެޓް އެމްއޭކިއު އެޕްރޫވަލްއެއް ނޫން.
އަސްތާ
23 October 2019
މިގޮލާ މީ ވަރަށް ނޮލެޖް ހުރި މީހެއް
މަބުނީ
22 October 2019
ދިވެހިންނަކަށް ގުރުއާނު ހަދީސް އިޖުމާއުގަ އޮތް އެއްޗެއް ނޭނގޭ. ޝެއިޙަކު ބުނިގޮތަކީ އެއީ ދީނުގައި އޮތްގޮތްކަމަށް ބަލަނީ. ސަލަފު ޝެއިޙުން ދީން ކިޔައިދެނީ ހައްދުފަހަނައެޅި ވިސްނުން އިސްކޮށްގެން. މިކަން ހުއްޓުވަންޖެހޭ ބޭރުގައުމުތަކުގެ ރަނގަޅު ޝެއިޙުން ގެނަންވީ ހަފްތާއަކު އެއްފަހަރުނަމަވެސް
98965
22 October 2019
ދިވެހިންނަށް ހެޔޮވިސްނުން ދެއްވާށި. އާމީން. 2018 އާ ހަމައަށް ދިވެހިން އަމިއްލައަށް އަނިޔާވެރިގޮވީ ހައްޤުން ކަމަކާ ނުލާ. ﷲ ތަޢާލާ އެބައެއްގެ މައްޗަށް ކޯފާ ފޮނުއްވަނީ އެކިގޮތްގޮތުން. އަނިޔާވެރިކަމުގެ ކުޑަމިންވަރެއް މިވޭތުވެދިޔަ 10 ވަރަކަށް މަސްތެރޭ އަދި މިފެނުނީ. ދައުލަތް އެކީ ހުސްކޮށް ފަގީރުކޮށްލައިފި. ސަރުކާރުގެ ވަޒީފާތަކުން ލަފުގަހިފާފަ ނަގާ އެއްލާއެލަނީ.
ފފފފ
22 October 2019
މަރުގެ އިންޒާރު ދިން މީހެއްނޫން މިއީ. އޭނަ ޝެއަރ ކުރީ ފޮޓޯއެއް. އަނިޔާވެރި ސަރުކާރުގެ ނުބައި ނުލަފާކަން މިފެންނަނީ.
ވަރަށްވާހަކަ
22 October 2019
ޖަޒުބާތުގަ ޖެހިގެންވެސް ޝެއަރނުކުރަންޖެހޭ އެއްޗެހި ހުންނާނެ. ބުނެގެން ނުވާނެ އެއްޗެހި ހުންނާނެ. މިކަން ދަންނަންޖެހޭ. ފުރާނައިގެ ވެރިފަރާތަކީ ސަލަފް ޖަމްމިއްޔާއެއްނޫން. އަދި ދީނީ ޝެއިޙުންނެއްވެސް ނޫން. މިބުނީ ވަރަށްވާހަކަ.
ރާޖާ
23 October 2019
ވަރަށް ވާހަކަ ދެއްކިޔަސް ހަމަ އެމް ޑީ އެން ރިޕޯޓަކީ ލާދީނީ ރިޕޯޓެއް.
މިގޭ
22 October 2019
ރިޕޯރޓް ލިޔުނުމީހުންނާއި. ފޮނުވިމީހުން އަދި ބައިވެރިވި މީހުން ސަރުކާގެ ބޮޑެތި ވަޒީފާގައި. އެކަމާ ވާހަކަ ދައްކާ މީހުންނަށް ޖަލުގެ ކުޑަގޮޅި. ލާދީނީ ސަރުކާރު މަމެން އަބަދުވެސް މިހެން ކިޔާނަން.
ކޮއްތު
22 October 2019
"ދީނީ ހަރުކަށި ފިކުރުގެ އައިއެސް ޖަމާއަތުން ބޭނުންކުރާ ފޮޓޯތަކާ އެކު އޭނާ ވަނީ "ކަރުގެ ނޮޅި ވަކިކޮށްލަންވީ" ކަމަށް ބުނެ ބައެއް މީހުންނަށް އިންޒާރުދީފަ އެވެ. އަދި ލާދީނިއްޔަތާ ދެކޮޅަށް ލޭ އޮހޮރުވާލަން ވެސް ކެރިގެން ތައްޔާރަށް ތިބި ކަމަށް ބުނެ ބައެއް މީހުންނަށް ބިރުދައްކާފައިވެ އެވެ." މީރިޕޯޓަކާ ދެކޮޅަށް ވާހަކަ ދައްކާފައިއެއްނޫން މިއޮތީކީ
ނޭނގޭތަ
22 October 2019
އެމީހުންގެ މައްސަލަވެސް އެބަދެ ކުރިއަށް
އާދަނާ
22 October 2019
ތިވަރަށްދެން ވަކި ފަރާތަކަށް ނުޖެހި މަސައްކަތް ކުރެވޭނީ، ދީނަށް ފުރައްސާރަ ކުރި މީހުން ޤައުމުން ދަންދެން ދޫކޮށްލާފަ، ސޯސަލް މީޑިއާގަ ފޮޓޯއެއް ލީމަ، ހައްޔަރު ކޮށްފަ!!1
ހަމަޖެހެ
22 October 2019
ދީނަށް ފުރައްސާރަކުރިނަމަ އެކަންވެސް ތަހުގީގު ކުރާނީ ހަމަ ފުލުހުން. ދީނާ ދެކޮޅަށް މީހުންމަރަން އުޅޭމީހުންގެ ތަހުގީގުވެސް ކުރާނީ ފުލުހުން.
އައް.ޑު
22 October 2019
ލޭ އޮހޮރުވުމަށް ހިއްވަރު ދެނީ އިސްލާމްދީނުގެ އުސޫލުތަކާ ޚިލާފަށް މަދު ޒުވާނުންކޮޅެއް ކުރާ ކަމެއް..އެ ކަންތައް ބެލުމަކީ ރަގަޅު ކަމެއް. ނަމަވެސް ދެރަ ކަމަކީ އަދިވެސް އެމްޑީއެން ގެ ބަޔަކު ހާޒިރު ނުކުރުވޭކަން...
ހަމަނުޖެހޭ
23 October 2019
އޭ ހަމަ ޖެހޭ!! ފުލުހުންގެ ރިޕޯޓެއްތޯ އެމްޑީއެން އިން ނެރެފަ ވަނީ؟؟ ސުވާލު އުފެދިއްޖެ