ހިލޭ ޑިގްރީއަށް ކިޔަވައިދިނުމުގެ ޕްރޮގްރާމު އިފްތިތާހުކުރަން މިދިޔަ ފެބްރުއަރީ މަހު ބޭއްވި ރަސްމިއްޔާތުގައި ރައީސް އިބްރާޙިމް މުހައްމަދު ސޯލިހާއި ނައިބު ރައީސް ފައިސަލް އަދި ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަންގެ އިތުރުން ދައުލަތުގެ ބައެއް މިނިސްޓަަރުން ބައިވެރިވެވަޑައިގަންނަވަނީ.---ފޮޓޯ: ހުސައިން ވަހީދު/މިހާރު
23 އޮކްޓޯބަރ 2019 - 18:34
17 comments
ސަރުކާރުން ހިލޭ ޑިގްރީ އަށް ކިޔަވައިދިނުމަށް މިހާތަނަށް 24 މިލިއަން ރުފިޔާ ހަރަދުކޮށްފައިވާ ކަމަށް ހަޔަ އެޑިއުކޭޝަން މިނިސްޓްރީން މިއަދު ބުނެފި އެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމެޓީގައި ވާހަކަދައްކަވަމުން ހަޔަ އެޑިއުކޭޝަންގެ ޑެޕިއުޓީ މިނިސްޓަރު އައިޝަތު ޝަފީނާ ވިދާޅުވީ ސަރުކާރުގެ ވައުދުގެ ތެރޭގައި ހިމެނޭ ހިލޭ ޑިގްރީ ޕްރޮގްރާމުގެ ދަށުން މިހާރު 5،679 ދަރިވަރުން ކިޔަވަމުން އަންނަ ކަމަށެވެ. ނަމަވެސް އޭގެ ތެރެއިން 60 ޕަސެންޓް ފޯމު ޕްރޮސެސްކޮށް ފައިސާ ދައްކާފައިވާ ކަމަށް ވިދާޅުވި އެވެ. ބާކީ ތިބި ދަރިވަރުންގެ ކޯހުގެ ފީ އަދި ނުދެއްކި ކަމުގައި ވިއަސް، އެ ދަރިވަރުންނަކީ ވެސް ހިލޭ ޑިގްރީގެ ދަށުން ކިޔަވަމުން އަންނަ ދަރިވަރުންނެވެ.
ރިފަންޑު ހޯދުމަށް 1،691 ފޯމް އަދި ފައިސާ ދެއްކުމަށް ޔުނިވާސިޓީތަކާއި ކޮލެޖުތަކުން 3،089 ފޯމް ހުށަހަޅާފައިވާ ކަމަށް ވިދާޅުވި އެވެ.
މެމްބަރަކު ކުރެއްވި ސުވާލަކަށް ޖަވާބުދެއްވަމުން ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވިދާޅުވީ ހިލޭ ޑިގްރީ ޕްރޮގްރާމުގައި ކިޔަވާ ދަރިވަރުންގެ ކޯސް ފީ ދެއްކުން ލަސްވަނީ، އެ ދަރިވަރަކު ކިޔަވާ މަރުކަޒަކުން އިންވޮއިސް ނުލިބޭތީ ކަމަށެވެ. އެކަމަށް ހައްލެއް ގެނައުމަށް ވެސް ގޮތްތަކެއް ރާވާފައިވާ ކަމަށް ވިދާޅުވި އެވެ.
ސަރުކާރުން ދަރިވަރުންގެ ކޯސް ފީ ދައްކައިދޭނީ، ކޮލެޖު/ޔުނިވާސިޓީއަކުން ފައިސާގެ ރަސީދު ދިނުމުންނެވެ. އެ ރަސީދު ގެނައުމުން މިނިސްޓްރީން މިހާރު ފައިސާ ދައްކަމުން އަންނަނީ އެ ދަރިވަރަކު ކިޔަވަމުން އަންނަ މަރުކަޒަކަށެވެ. ނަމަވެސް އެ ޕްރޮސެސް އަވަސްކުރުމަށް ސީދާ ދަރިވަރުންގެ އަތަށް ފައިސާ ދިނުމާ ގުޅޭ ގޮތުން މަޝްވަރާކުރަމުން އަންނަ ކަމަށް ވިދާޅުވި އެވެ.
މިނިސްޓަރު ވިދާޅުވީ އެ ފައިސާ ދޭނީ، ކޮންމެ ސެމިސްޓާއަކަށް ވަކިވަކިން ކަމަށެވެ.
"..އޭރުން ޕްރޮސެސް އަވަސް ވެގެންދާނެ. ލިޔުންލިބުނީމަ އެ ދަރިވަރަށް އަވަހަށް ކޯހުގެ ފައިސާ ދެއްކޭނެ،" މިނިސްޓަރު ވިދާޅުވި އެވެ.
ސަރުކާރުން މިދިޔަ ފެބްރުއަރީ މަހު ތައާރަފްކުރި ހިލޭ ޑިގްރީ ޕްރޮގްރާމުގެ ދަށުން، 100 ޕަސެންޓް ހިލޭ ވަނީ ހަމައެކަނި ސަރުކާރުގެ ދެ ޔުނިވާސިޓީގަ އެވެ. އަމިއްލަ ކޮލެޖުތަކުގައި ހިންގާ ކޯސްތަކުގެ ޓިއުޝަން ފީ ވެސް ސަރުކާރުން ކަނޑައަޅާފައިވާ އަދަދަށް ކަވަރު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަނާނާ ސަރުކާރު
24 October 2019
ކޮންތާކުންހޭ ތިބުނާ ހިލޭ ޑިގްރީއަށް ކިޔެވެނީ.. އިގޭ މީހަކުހުރިނަމަ މިކަން އިގޭނެގޮތަކަށް ކޮމެންޓެކޮއްބަލަ.. މަގޭކުދިންނަ ކިޔަވަދޭން މަމިއުޅެނީ މިސަރުކާރުން ހިލޭ ކިޔަވަދޭނަބުނީއްސުރެ ކިޔެވޭތަން ނޭގިގެން.. ގާއިމު ލުއިކަމެލިބޭނެދޯ ޖީބަށް. 500ކުދިންނަ ހިލޭކިޔަވަން ފުރުސަތުދިނީ ސިއްރުންތަ. އިއުލާނުކުރިކަމެ ނުދެކެން އެއްވެސް ނޫހަކުން ޓީވީއަކުން. ބިޑަކާނުލާ ޕްރޮޖެކްޓްތަ ދޭއުސޫލުން މިކަންވެސް ނިންމާލީތަ.. އަހަރެމެން އިންތިޒާރުގަމިތެބެނީ ހިލޭކިޔަވަން.
ހޭލާ
24 October 2019
ގޭގަ ނިދާފަ އޮވެގެން ހިލޭ ކިޔަވަދޭށޭ ކިޔަސް ނުވާނެ! ދަރިން ކައިރީ ބުނެބަލަ ކޮލެޖުންދޭ އިރުޝާދު ރަނގަޅަށް އަޑު އަހައިގެން ފޯމުތައް ފުރާފަ ލާށޭ!!! ގޭގަ އޮވެގެން ރަންފޮއްޓެއް ލައްގަނޭ ކިޔަސް ނުވާނެ!!!
ދޫނިމާ
24 October 2019
ވަރަށް ގިނަ މީހުން ދައްކާ ވާހަކައެއް ރާއްޖޭގައި ކިޔެވީމަ ކޮލެޓީއެއް ނުހުރެއޭ، އެވިސްނުން މިހާރު ދޫކޮށްލަންޖެހޭ، ކޮލެޓީއަކީ ކިޔަވަންދާ މީހާ ސަމާލުކަންދޭކަމެއް، އެވިޑްއަށް ހުރިހައި ކުދިން މާސްޓާރސް ހަދަންދަނީ ކީއްވެގެންތޯ؟ އެއީ ޓެސްޓް ނަހަދައި، އެސައިމަންޓް ނަހަދައި، ކުލާހަށް ނުގޮސް ފައިސާކޮޅެއް ދިނީމަ ޑިގްރީލިބޭތީ، އޭގެ މީހުންވެސް އެބައުޅޭ، އެހެންކަމުން އޭނާ އެކަން ވިސްނަންޖެހެނީ
އުމަރުބެ
24 October 2019
ދިވެހިން ހިންހަމަ ނުޖެހޭނެ ކޮންމެކެއް ކޮށްދިނަސް، ހިލޭ ބޭސްފަރުވާކޮށްދޭތީވެސް ހިތްހަމަ ނުޖެހޭ، ހެނދުނުގެ ނާސްތާ ދޭތީ ހިތް ހަމަ ނުޖެހޭ ހިލޭ ޑިގްރީއަށް ކިޔަވައިދޭތީ ހިތްހަމަ ނުޖެހޭ، ފެންވަރު ރަނގަޅު އެތި ހޯދަން މަސައްކަތް ކުރަންވާނީ ކުއްޖާ، ފިހާރައެއްގައިވެސް ހުންނާނެ މުއްދަތު ހަމަވެފައި ހުންނަ ތަކެތި، އަގުހެތޮތަކެތި ސޭލް އަޅުވާފައިހުރި ތަކެތި، އެއެއްޗެހި ގަންނަ މީހާ ވިސްނާނީ ކޯޗެއްތޯ ނަގާނީ، ދިވެހިން މިހާރު ތިބީ ފަސޭހައަށް އާދަވެފައި
އަޒިޒް
24 October 2019
ހުސް ލޯނު ލޯނު.. ލާދީނީ ލާދީނީ.. ތަރައްގިއެއް ގެންނާކައް ނޭނގުނު.. ހުސް ކޮސް މެޓިކު ކޮސް ހަދަނީ. ޔާ މީނައް ދެވަނަ ދައުރު ދިންނަ މަ މިތަން ސިންގަޕޫރައްވީސް. މި ފަސް އަހަރު ނި މޭއިރު އޮންނާނީ ހުސަ ހަޑިހާވާފަ.
ޢަނީ
23 October 2019
24 މިލިއަން ޑިގްރީއަށް ކިޔަވާކުރދިންނަށް ހަރަދުވީމަ އުފާކުރަން. ޢެކަމަކު އިބްރާއަށް އެކަނި 50 މިލިއަންއާއި ސްކޫލެއްއަޅަން ބެމެއް ނުވަތަ އަޅާފައިވާ އިމާރާތެއްދޭ ވާހަކަ ވަރަށް ގަދަޔަށް ދެކެވޭތީ މިއީ ކިހިނެއް ހިނގާކަމެއްތޯ ބަލަން މަޖުލިހަށް ގޮވާލާ ކަން ކޮއްނިންމާފިއްޔާ ސަރުކާރުތިޔައޮތީ ކުރި ފޮނި ހުވާތަކާއި ހިލާފުވެފައިވާކަމަށްވެސް ގޮވާލަން.
އިިސްމާލު
23 October 2019
ޑިިގުރީގެ އެއްވެސް އަގެއް ނޯވޭ. މިިހާރުވެސް މިއުޅެނީ ސެޓުފިިކެޓު ގަނޑަށްޓަކައި ކިިޔަވާމީހުން ގިިނަކަމުން. މިި އާދަ މިއަދު މިއޮތީ ބޮޑު ވަބާއަކަށް ވެފައިި. ޑިގުރީވެސް ހިިލޭ ދޭންވީ، އެކަމަކު އުސޫލެއްގެ ތެރެއިން ހިިއްވަރާއިިއެކު މަސައްކަތްކޮށް އަދި ނަތީޖާ ނެރޭ ދަރިވަރުންނަށް. ހުރިިހާ އެންމެނަށް މިފަދަ ބެނެފިޓްސް ދިނުމަކީ ސުންޕާ ވިިސްނުމެއް. ޑިޕްލޮމާ ހިިލޭނުކުރީ ކީއްވެތޯ؟ އެކުދިިންގެ ތެރޭ ވޯޓު ނުލެވޭ، އަށާރަ އަހަރުނުވާ ކުދިން ނިިސްބަތުން ގިިނަވީމަތޯ؟
ބޮޑުމީހާ
23 October 2019
ކަލޭމެން ބަދަލުދިން އަދަދުތައްވެސް އިސްތިހާރުކޮށްބަލަ
ތތތހހ
23 October 2019
ބިގަށް ދިން މީގެ 3 ގުނަ
ހީންގޮވާލާ
23 October 2019
ކޮބައިތަ ބޭރަށް ދާން ދޫކުރާ ލޯނު
އިސްމާލްކަލޭފާނު
23 October 2019
ތީ ހަމަކަލޭމެންގެ އަމިއްލައަތުން ކަލޭމެން ބޮއި ބޮނޑިއެއް. ވޯޓުހޯދަންވެއްޖިއްޔާ ހައްޓަކު ހެޔެއްނުހުރޭވިއްޔަ.