ޓްރާންސްޕޯޓު މިނިސްޓަރު އައިޝަތު ނަހުލާ. އެ މިނިސްޓްރީގެ މުވައްޒަފުންތަކެއް ވަކިކުރަން ނޯޓިސް ދިން މައްސަލަ އޮތީ ބޮޑުވެފައި..-- ފޮޓޯ: ހުސެއިން ވަހީދު/ މިހާރު
27 އޮކްޓޯބަރ 2019 - 12:58
31 comments
ޓްރާންސްޕޯޓް އޮތޯރިޓީގެ ބައެއް މުވައްޒަފުން ވަޒީފާ އިން ވަކިކުރަން ނޯޓިސް ދިން މައްސަލަ ރައްޔިތުންގެ މަޖިލިހުގެ ކޮމިޓީއަކުން ބަލަން މިއަދު އެޖެންޑާކޮށްފި އެވެ.
މަޖިލިހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ދިރާސާކުރަން ނިންމީ ޓްރާންސްޕޯޓް އޮތޯރިޓީން ވަކިކުރުމަށް ނޯޓިސް ދީފައިވާ މުވައްޒަފުން ފޮނުވި ސިޓީތަކެވެ.
ކޮމިޓީ ބައްދަލުވުން ބޭއްވުމަށް އެޖެންޑާކޮށްފައި ވަނީ މިއަދު 2:30 އަށެވެ.
ޓްރާންސްޕޯޓުގެ މުވައްޒަފުންތަކެއް ވަކިކުރަން ނޯޓިސް ދީފައި ވަނީ ރައްޔިތުންނަށް ޚިދުމަތް ދިނުމުގައި ފަރުވާކުޑަ ކުރާ މުވައްޒަފުންނާ މެދު ގާނޫނީ އިމުގެ ތެރެއިން ފިޔަވަޅު އަޅުއްވާނެ ކަމަށް މިނިސްޓަރު އައިޝަތު ނަހުލާ ވިދާޅުވުމުން އެކަމުގެ ޕްރެޝަރު އޭނާ އަށް ބޮޑުވެފައި ވަނިކޮށެވެ.
ޓްރާންްސްޕޯޓުން ކުރިން ބުނި ގޮތުގައި ބައެއް މުވައްޒަފުންނަށް ނޯޓިސް ދިނީ މިނިސްޓްރީގެ ދަށުން ހިންގާ ހުރިހާ ތަނެއް ހިމެނޭ ގޮތުން ނެގި ހާޒިރީ ރިޕޯޓަކަށް ބެލުމަށް ފަހުގައި ކަމަށެވެ. ނޯޓިސް ފޮނުވީ ކިހާ މުވައްޒަފުންނަކަށް ކަމެއް ސާފުވާ ގޮތެއް ނުވި އެވެ.
މުވައްޒަފުންނާ އެކު ބޭއްވި ބައްދަލުވުމުގައި އަދި ރައްޔިތުންގެ މަޖިލީހުގެ ކޮމިޓީގައި ވެސް ނަހުލާ ވިދާޅުވެފައި ވަނީ، ކިތަންމެ ގިނަ ބަޔަކަށް ފިޔަވަޅު އަޅަން ޖެހުނަސް ޖެހިލުންވެ ވަޑައިނުގަންނަވާނެ ކަަމަށެވެ. ޓްރާންސްޕޯޓުގައި ގިނައީ ވަރަށް "ހިތާމަވެރިކޮށް، ވަރަށް ދެރަވަރު ފެންވަރުގައި މަސައްކަތްކުރާ ބޭފުޅުން" ކަމަށް އޭނާ ވިދާޅުވި އެވެ.
ޓްރާސްޕޯޓް އޮތޯރިޓީ އަކީ ސަރުކާރުގެ އިދާރާތަކުގެ ތެރެއިން ޚިދުމަތް ހޯދަން އެންމެ އުނދަގޫ އެއް އިދާރާކަމުގެ ޝަކުވާ ބޮޑެވެ. ސަރުކާރުގެ އެހެން އިދާރާތަކުގެ ހިދުމަތްތަކަށް ފަސޭހަ ބަދަލުތަކެއް އައި ކަމުގައި ވިއަސް ޓްރާންސްޕޯޓަށް ޒަމާނީ ބަދަލު ނާންނަ ކަމުގެ ހިތްހަމަނުޖެހުން ވެސް ބޮޑެވެ. އެކަމަކު އެކަން ހައްލުކުރަން ފަށައި މިހާރު ވަނީ ބައެއް ބަދަލުތަކެއް ގެނެސްފަ އެވެ. އޭގެތެރޭގައި ބައެއް ޚިދުމަތްތަކަށް އޮންލައިން މެދުވެރިކޮށް އެދުން ހިމެނެ އެވެ.
މުވައްޒަފުންތަކަކަށް ނޯޓިސް މި ދިނީ، ނުހައްގުން ވަޒީފާ އިން ވަކިކުރަން އުޅޭ ކަމަށް ބުނެ ގިނަ އަދަދެއްގެ މުވައްޒަފުން ހިތްހަމަނުޖެހި ރައީސް އިބްރާހިމް މުހައްމަދު ސޯލިހްގެ އިތުރުން ސިވިލް ސާވިސް ކޮމިޝަނަށް ވެސް ޕެޓިޝަނެއް ހުށަހަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަނާރު
27 October 2019
ކޮން އެއްޗެއް ބަލާކަށްތޯއެވެ. ފަރުވާ ކުޑަކުރާ މުވައްޒަފުން ވަޒީފާއިގައި ބައިތިއްބާނެ ކަމެއް ނެތެވެެ. ދެ ދުވަހުން އެއްދުވަހު ސަލާމް ބުނާ ބަޔަކު ލައިގެން ކިހިނެތް އޮފީސް ހިންގާނީ! މަޖިލީހުންވެސް ތިނޫން ކަމަކާ އުޅޭށެވެ. އަބަދު ސަލާމް ބުނެ ޗުއްޓީ ނަގާ މީހުންލައިގެން ޚިދުމަތެއް ނުދެވޭނެއެވެ. ރައްޔިތުން މިތިބީ އަވަސް ޚިދުމަތައް ބޭނުން ވެފައެވެ.
ޞުންބުލީ
27 October 2019
ބަލަ ފަނާރު އައް ކޯޗެއް އިގިގެން ތިއުޅެނީ.. ދާން ވީނު އަވަސް ހިދުމަތް ދޭން
އަލްބާ
27 October 2019
ކޮބައިތަ ތިތަނުގެ ޗީފް އެގްޒެކްޓިވް މަހުދީ އޭނައަކީ ނަހައްދަވާ އަޅެއްތަ، އަޅެ ފަހެ އޭނަގެ ހަބަރެއްވެސް ނެތީ، މި ބޭފުޅާ މީ ކީއްކުރައްވާ ބޭފުޅެއްތޯ؟ މިތަން މިހާލުގަ ޖެހޭއިރުވެސް
ހުސާނާ
27 October 2019
މިކޮން ގޮތަކަށް ކަންކުރާ ބައެއް. ބަލަ ސިވިލް ސާވެންޓުންނަކީ މިނިވަން ބައެއް. މިނިސްޓަރު ނުފޫޒު ހިންގަނީ ސިވިލް ސާވިސް ގާނޫނާ ހިލާފަށް. ސިވިލް ސާވެންޓުންނަށް ފިޔަވަޅު އަޅާނީ ކޮމިޝަނުން ބަލާފަ. ކޮމިޝަނުން އޮވޭ އެޕްރައިޒަލް އެއް ހަދަން. އެއިގެން އިނގޭނެ ފިޔަވަޅު އަޅަން ވެއްޖިއްޔާ. މިނިސްޓަރު ނުޖެހޭނެ ތީގެ ތެރެއަށް ގާނޫނާ ހިލާފަށް ވަދެ ނުފޫޒު ހިންގަން.ތީ ބޮޑު ގާނޫނީ މައްސަލައެއް.މިނިސްޓަރަކަށް ތިފާޑަކަށް ވާހަކަވެސް ނުދެއްކޭނެ.ކޮބާތަ ޒިއްމާދާރުވެރިޔާ
ބަރަބޯ
27 October 2019
މަވެސް މީ ސިވިލް ސަރވަންޓެއް. ޢަހަރެމެން މިނިސްޓްރީގައި ބައެއް ވެރިން އާދޭ ޕިޖާމާގަ 6.30 ގަ ޕަންޗް އިން ކޮށްލަން. ދަައްކާލާނީ 10 ގެ ފަހުން. ޢަހަރެމެން ދުވާލަކު 2 މިނިޓު ގަޑި ޖެހުނަސް ވާނީ މައްސަލައަކަށް.
ހުތް އާދަނު
27 October 2019
މަޖިލީހަކީ މިހާރު ތަހުޤީޤީ އިދާރަާއެއް ބާ
ފިނދަނަ
27 October 2019
ބަލަންވީ ބަލަންވީ! ފިޔަވަޅުވެސް އަޅަންވީ!
އަބްދުކަލޯ
27 October 2019
މިވެސް މަޖިލިހުން ބަލަންޖެހޭވަރުގެ ކަމެއްބާ؟ މަޖިލިހުގެ މެމްބަރުންގެ އަގުހުރި ވަގުތުތައް އޮފީހެއްގެ މުވައްޒަފުންގެ ޒާތީ މައްސަލަ ބަލަން ހޭދަކުރަންޖެހޭބާ؟ އެހެންވެއްޖިއްޔާ ދެމަފިރިއަކު ވަރިވާންވިޔަސް މަޖިލިހަށް ކުއްލި މައްސަލަ ހުށަހަޅަންވީ!
ރާށުމީހާ
27 October 2019
ތީއީ އަދި ގަބޫލް ކުރެ ވޭކަމެއް ނޫން ސަބަބަކީ އަހުރެން މިއަދު ކުޑަމައުލޫމަތެއްހޯދަން ތި އޮތޯރެތީއަށް ދިޔާ 1ގަޑިއިރު ފަހުން މައުލޫމާަތު ސާފު ވާގޮތް ވީ
ފިނރުޓޭ
27 October 2019
ނަނހުލަ ވިނދާޅުވިޔަސް ތެނދެއް ވާނނީ ތެނދަކަށް ދޯނ؟ ޓްރާންސްޕޯނޓަކީ ސަނރުކާނރުގެ އޮނފީސް ތަކުން އެންމެ ކޮނރަޕްޓް ކަނމަށް ބުނނާ އެއް އޮނފީސް! ފިނޔަވަޅު އަނޅަންވެންޖެތާ ކިނތަންމެ ދުނވަހެއްކަމަށް ބެނލެވެނީ!
ހަސަން ފުތާ
27 October 2019
ގަވާއިދުން ފިޔަވަޅު އަޅާފަ ކަނޑާލަން ނޯޓިސް ފޮނުވި ނަމަ ކިތަންމެހާވެސް ރަނގަޅު، އެކަމަކު މިހާރު މިކަން މިކޮށްފައިވަނީ ރަނގަޅަކަށްނޫން އޮތޯރިޓީގެ ގިނަ ކަންކަން މިހާރުވަނީ ބޮޑުތަނުން ރަނގަޅު ކޮށްފައި، ހިދުމަތް ހޯދަން ގޮސް މިހާރު ގިނަ އިރު ތިބޭކަށް ނުޖެހޭ. ވަރަށް ގިނަ ބަދަލުތައް މުވައްޒަފުން ގެނެސްފި