މިއަދު ބޭއްވި ބަޖެޓް ކޮމިޓީގެ ބައްދަލުވުމަށް ފިނޭންސް މިނިސްޓަރު އަމީރު ވަޑައިގަންނަވަނީ: ޖަޕާނުގެ މާކެޓަށް ރާއްޖެ އިން ވިއްކަނީ ސަމުރާއީ ބޮންޑެއް ކަމަށް ވިދާޅުވި،---ފޮޓޯ: ނިޝާން އަލީ/މިހާރު
10 ނޮވެމްބަރ 2019 - 17:47
28 comments
އަންނަ އަހަރުގެ ބަޖެޓް ޑެފިސިޓް ހަމަޖައްސަން ބޭނުންވާ ފައިސާ ހޯދުމަށް 300 މިލިއަން ޑޮލަރުގެ ބޮންޑެއް ޖަޕާނަށް ވިއްކަން ނިންމާފައިވާ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ބަޖެޓް ދިރާސާކުރާ ކޮމިޓީގައި މިނިސްޓަރު ވިދާޅުވީ ޖަޕާނުގެ މާކެޓަށް ވިއްކަނީ ސަމުރާއީ ބޮންޑެއް ކަމަށެވެ. މީގެ ކުރިން ސަރުކާރުން ވިއްކާފައިވާ ޓީ ބޮންޑުތަކަށް ވުރެ މާ ރަނގަޅު އަގެއްގައި އެ ބޮންޑު ވިއްކޭނެ ކަމަށް އޭނާ ވިދާޅުވި އެވެ.
ސަމުރާއީ ބޮންޑަކީ ޖަޕަނީސް ޔެން އިން އަގުކުރާ އަދި އެ ގައުމުން ބޭރުގެ ފަރާތްތަކުން ވިއްކާ ބޮޑެވެ.
މިހާރު ކަނޑައަޅާފައިވާ ގޮތުން، މި ބޮންޑުގެ އިންޓްރެސްޓް ރޭޓަކީ 0.75 ޕަސެންޓެވެ. ގެރެންޓީ ފީ އާއި މެނޭޖްމެންޓް ފީއާ އެކު މިއަދަދަށް ކޮންމެވެސް ވަރެއްގެ ބަދަލެއް އައުން އެކަށީގެންވާ ކަމަށް އަމީރު ވިދާޅުވި އެވެ.
"ތިންސަތޭކަ މިލިއަން ޑޮލަރު އަޅުގަނޑުމެން އެއްފަހަރާ ޕްލޭސްކުރާނީ. އެކަމަކު ތިން ޓްރާންޗެއްގެ ގޮތުގައި. އެއީ 8 އަހަރުން މެޗުއާވާ އެއްޗަކާއި 9 އަހަރުން މެޗުވާއާ އެއްޗެއްގެ އިތުރުން 10 އަހަރުން މެޗުއާވާ ގޮތަށް. އެހެންވީމަ 100 މިލިއަން ޑޮލަރުގެ ތިން ޓްރާންޗެއް ހިމެނޭ،" އޭނާ ވިދާޅުވި އެވެ.
މާލީ މުއާމަލާތްތަކުގައި ޓްރާންޗަކީ ސެކިއުރިޓީސް ވިއްކާއިރު އެއް ޓްރާންސެކްޝަނެއްގެ ގޮތުގައި އެކަމަކު އެކު ފަހަރުމަތިން ވިއްކާ ނުވަތަ އޮފާ ކުރާ ކޮންމެ ޑީލެކެވެ.
ޑެފިސިޓް ހަމަޖައްސަން މީގެ އިތުރުން ބޭނުންވާ 563 މިލިއަން ރުފިޔާ ޓީ ބިލްގެ ގޮތުގައި ވިއްކުމަށް ހަމަޖެހިފައިވެ އެވެ. ޓީބިލް ވިއްކާނީ މިހާރު ވެސް އެމްއެމްއޭ އިން ކަނޑއަޅާފައިވާ އުސޫލުތަކުގެ ދަށުންނެވެ.
ދައުލަތުން އަންނަ އަހަރަށް ލަފާ ކުރާ ބަޖެޓުގެ ގޮތުގައި ކަނޑައަޅާފައި ވަނީ 37.3 ބިލިއަން ރުފިޔާ އެވެ. މި އަހަރުގެ ބަޖެޓް ޑެފިސިޓަކީ 5.6 ބިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައްތާރު
11 November 2019
ދެން ދަރިންގެ ދަރިންނޯ؟ :ޕ
ޭވަޓް
11 November 2019
ލާރިން ވާވަރައް ކަންކޮއް ނުވާވަރުން ނުދަރާ ތިބުން މާމޮޅު
ޑުރެކިއުލާ
11 November 2019
ޓެކްސްތައް އުވާލަން އެބަޖެހޭ، ކޮންމެ އަހަރެއް ފެށޭއިރު އެއަހަރަކަށް ބޭނުންވާނެ ފައިސާ ބޭރުން ދަރަންޏަށް ނަގައިގެން ދެއަތްއުރައިގެން ތިބެންވީ. ސިންގަޕޫރުވެސް ތަރައްގީވީ އެގޮތަށް.
އެކޮން ސްޓޫޑެންޓް
11 November 2019
ބޭރުފައިސާއިން ބޮންޑް ވިއްކުމަކީ ވަރަށް ނުރައްކާތެރި ކަމެއް. ވެނެޒުއޭލާ އަށް ވެސް ވީ މިހެން. ތެލަށް ބަރޯސާވެ ޔޫއެސް ބޮންޑް ވިއްކީ. ދެން ތެލުގެ އަގު ދަށަށް ދިޔަވަގުތު ބޮންޑް މޭޗުއަވީމަ ފައިސާ ނުދެއްކުނީ. ދިވެހި ރުފިޔާއިން ކިތަންމެ ވަރަކަށް ބޮންޑް ވިއްކިޔަސް މައްސަލައެއް ނެތް. އެއީ މޭޗުއަ ވީމަ ދައުލަތުން ދޭންޖެހޭ ފައިސާ އެއީ އާ ފައިސާ. މިއީ އަސްލުވެސް ވަރަށް ގޯސް ކަމެއް. ރައީސް ޔާމީން ކުރިޔަސް ކުރާކަށް ނުޖެހޭ.
އަލީރާޖާ
11 November 2019
ވަރަށް ރަގަޅު ރޭޓެއް. މަރްހަބާ.
falcon_autho
11 November 2019
ރައްޔިތުން ދަރާތީއާއި ޢާއިލީ ވެރިކަމާއި އެޓޮލްސްގެ ވަޒީފާގައިތިބޭ ޚާއްޞަ އެހީތެރިންނާއި މީހުން ޖަލަށް ލާތީއާއި ޝަރީއަތަށް ނުފޫޒު ފޯރުވާތީ ޑިކްޓޭޓަރަކަށްވެ މައުމޫނުގެ ސަރުކާރު ވައްޓާލީ. މިހާރު ރައްޔިތުންގެ މާލިއްޔާއިން ޕާޓީ ކުންފުނިތަކަށް ފައިސާދޭން ބޮންޑް (ދަރަނި) ނަގާތީއާއި ޕާޓީ އެކްޓިވިސްޓުންނަށް ވަޒީފާދޭތީއާއި ގޭކުދިން މަޖިލީހުގަޔާއި ޝަރުއިއްޔާގެ ބެލިވެރިކަމުގަޔާއި ކޯޓުތަކުގައި ތިބީމާ މިވަނީ ޑިމޮކްރަސީގެ ކާފައަށް.
އަޖާއިބުތަ
11 November 2019
ބޮންޑު ވިއްކުމަކީ ދަރަނި ނެގުމެއްނޫން ކަން އިނގޭ ބަޔަކު ކޮމެންޓު ސެކްޝަން ގައި މަދު. ސމހ.
ސައްތާރު
11 November 2019
ބޮންޑް މެޗުއާ ވީމަ ދައުލަތުން ނެގި ފައިސާ އަނބުރާ ބޮންޑް ވިއްކި ފަރާތަށް ދޭން ޖެހޭ އެއްނޫންތަ؟ އެއަށް ދަރަނި ނުކިޔާ ކިޔަނީ ކޯއްޗެއް؟
މަންޑޭލާ
11 November 2019
ރައިސް ޔާމިންގެ އިގްތިސާދު މާބޮޑައްވެސް ރަގަޅު. ދިވެހިން ތިބީ ކައިގެން ބޮއެގެން އިންޑިޔާއިން ދަތިކުރިޔަސް.
ބަޑުބޭލާ
11 November 2019
މިހާރު ތިހިރީ ނުކައި އައިސް މިތާ ކޮމެންޓު ކުރަން އުތަ؟
ޖިޖި
11 November 2019
މި ވަޒީރު ހަބަރުން ފެނުން މިއީ މިހާރު ނަފްސާނީ ބައްޔަކަށް ވެއްޖެ. ފެންނަނީ ދަރަނި ހުސް ދަރަނި. ނަގާހާ ލޯނަކުން ވިއްކާހާ ބޮންޑާ ޓީ ބިލުން އާންމު ރައްޔިތު މީހާޔަށް ވާ އެއް ކަމެއް ވެސް ހަމަ ނެތީ.
ދޯތަތަބުރުލާޖީ
11 November 2019
މައުމޫން ގެ ވެރިކަން ވައްޓާލަން 2018 ގައި އަޑަށް އެންމެ ބާރުލާފަ ގޮވި އެއް ގޮވެއްޔަކީ ދަރިންނާއި ދަރިންގެދަރިން ދަރުވާލާފައިވާ ވާހަކަ. މައުމޫންގެ ވެރިކަން ވެއްޓުނުތާ މާދަމާ އަށް 11 އަހަރު ފުރޭއިރު މިގައުމުގެ ދަރިންނާއި ކާފަދަރިންގެ އިތުރުން މިވަނީ ހޫރުކާފަ ދަރިންނާއި މުސްމުޅިކާފަ ދަރިންވެސް ދަރުވާލާފަ. މައުމޫންގެ ވެރިކަން ނިމުނުއިރު ދައުލަތުގެ ދަރަނި 5 ބިލިއަން . މިއަހަރު ނިމޭއިރު 52 ބިލިއަން. ދަރަނީގެ ނިސްބަތް ޒިމްބާބުވޭ އާއި އަރާ ހަމަކުރަނީ .
ޖައްލާދު
11 November 2019
ރައީސް މައުމޫން ގެ ސަރުކާރު ނިމުނު އިރު ދަރަނި އޮތީ ބޮލަކަށް 2500 ޑޮލަރުކަމަށް އޭރުގެ އިދިކޮޅު ބޭފުޅުން ސިޔާސީ ޕޯޑިއަމްތަކުގައި ކިއެވެ. މިސަރުކާރުން ވިދާޅުވެފައިވަނީ މިއަހަރު ނިމޭއިރު ދައުލަތުގެ ދަރަނި ހުންނާނީ 52 ބިލިއަން ރުފިޔާގައިކަމަށް . ވީމާ މިހާރު ބޮލަކަށް ޖެހޭނީ 8430 ޑޮލަރެވެ. އެއީ ކުރިއަށްވުރެ 3 ގުނައަށްވުރެ ބޮޑު އަދަދެއް.