ހުޅުމާލޭގައި ބިދޭސީންތަކެއް ބްރިޖެއް ހެދުމުގެ މަސައްކަތް ކުރަނީ. --- ފޮޓޯ: ހުސެއިން ވަހީދު/ މިހާރު
13 ނޮވެމްބަރ 2019 - 21:16
2 comments
ހުޅުމާލޭގައި ހަދަމުން އަންނަ އިމާރާތެއްގެ ދެ ވަނަ ބުރިން ވެއްޓި ބިދޭސީ އަކަށް މިއަދު އަނިޔާވެއްޖެ އެވެ.
ފުލުހުން ބުނީ ވެންޒަ ކޮމްޕެނީ ޕްރައިވެޓް ލިމިޓެޑުން ހުޅުމާލޭގައި ހަދާ އިމާރާތެއްގެ ދެ ވަނަ ބުރިން ވެއްޓި، އެމީހާގެ ކަނާތް ފަރާތު ކޮނޑުމަތީގެ ކަށިތަކާއި މޭމަތީގެ ގިނަ ކަށިތަކެއް ބިންދައިގެން ގޮސް އެކިވަރުގެ އަނިޔާ ލިބިފައިވާ ކަމަށެވެ. އެމީހާ އަށް ފަރުވާދެނީ ހުޅުމާލޭ ހޮސްޕިޓަލުގަ އެވެ.
މި ހާދިސާގައި އަނިޔާވެފައި ވަނީ އުމުރުން 40 އަހަރުގެ ބަންގްލަދޭޝް ފިރިހެނެކެވެ.
ފުލުހުން ބުނީ ހަވީރު 5:30 ހާއިރު އެމީހާ ވެއްޓިފައި ވަނީ އިމާރާތުގެ ސޭފްޓީ ނެޓް އުސް ކުރުމުގެ މަސައްކަތް ކުރަމުން ދަނިކޮށް ސޭފްޓީ ބެލްޓް ނާޅައި ހުރުމުގެ ސަބަބުން ކަމަށެވެ.
ހުޅުމާލޭގައި ހަދަމުން ދިޔަ އިމާރާތަކުން ވަރަށް ފަހުން ވެއްޓި ބިދޭސީއަކު ވަނީ މަރުވެފަ އެވެ. އަދި ދޭތެރެ ދޭތެރެއިން އެފަދަ ހާދިސާތައް ހިނގަ އެވެ.
އިމާރާތްކުރުމުގައި ހަރަކާތްތެރިވާ މީހުން ސޭފްޓީއަށް ނުބަލައި މަސައްކަތް ކުރުމަކީ ރާއްޖޭގައި އާންމު ކަމެކެވެ. ހާއްސަކޮށް ހަރަދު ކުޑަކުރުމަށް ބިދޭސީން ލަށްވައި މަސައްކަތްތައް ކުރުވަނީ އެ މީހުންނަށް ސަލާމަތީ އާލާތްތައް ނުދީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަބުރުލް ސަލީމް
14 November 2019
މީހުންތައް އިމާރާތްތައް މަތިން ވެރޭވަރަށް ވެރެނީ. އެކަމަކު މީހަކު އަޅާލިއްޔާތާ.
ސަރިނާ
13 November 2019
ދިވެހިން އިސްލާހުވާނެނަމަ ވާވަރަށް ނުރައްކާތެރި ހާދިސާތައް ހިނގާ. ވަރަށް ވަރަށް ދެރަކަމެއް މީހެއްގެ ހައްޓަށް ފުރާނައަށް ލިބޭ ގެއްލުން އަގުނުކުރެވޭނެ. އެކަމަކު ޖީބުން ޚަރަދު ހިނގާފާނެ ފައިސާ ފޮއްޗަކައްޓަކައި މަސައްކަތުމީހުންގެ ރައްކާތެރިކަމަށް ނުވިސްނާ.