ބޮލީވުޑްގެ ޚަބަރުތައް ކުރުކޮށް

އަދިތިޔާ.

އަހުމަދު އަދްޝަން، މިހާރު

16 ނޮވެމްބަރ 2019 - 07:11

ކުރިން މި އަހަރުގެ ސެޕްޓެމްބަރު މަހު ރިލީޒްކުރަން އުޅުނު، ޑައިރެކްޓަރު އަނޫރާގް ބާސޫގެ އާ ފިލްމަށް އަނެއްކާ ވެސް އާ ތާރީހެއް ހަމަޖަސައްފައިފި އެވެ.

އަދިވެސް ނަން އިއުލާންނުކުރާ މި އެންތޮލިޖީ ފިލްމު މިހާރު ސިނަމާތަކަށް ގެންނަން ނިންމާފައި ވަނީ އަންނަ އަހަރުގެ މާޗް 13 ގަ އެވެ.

ޝޫޓިން ނިންމާލައި މިހާރު ޕޯސްޓް-ޕްރޮޑަކްޝަން މަރުހަލާގައި އޮތް ފިލްމުގެ ކާސްޓުންނަކީ އަބީޝެކް ބައްޗަން، ފާތިމާ ސަނާ ޝެއިހް، ރާޖްކުމާރު ރާއޯ، ސާނިޔާ މަލްއުތުރާ، އަދިތިޔާ ރޯއި ކަޕޫރްގެ އިތުރުން ޕަންކަޖް ތުރިޕަތީ އެވެ.

ކުރިން ވެސް "ލައިފް އިން އަ...މެޓްރޯ" ކިޔާ ކާމިޔާބު އެންތޮލޮޖީ ފިލްމެއްގެ އިތުރުން "ބަރްފީ" ގެނެސްދިން އަނޫރާގް އެންމެ ފަހުން ބެލުންތެރިންނަށް ގެނެސްދިނީ 2016 ގައި ރަންބީރު ކަޕޫރާއި ކެޓްރީނާ ކެއިފް ކުޅުނު "ޖައްގާ ޖާސޫސް" އެވެ.

New release date... Anurag Basu's next film - not titled yet - will now release on 13 March 2020... Stars Abhishek Bachchan, Aditya Roy Kapur, Rajkummar Rao, Fatima Sana Shaikh, Sanya Malhotra and Pankaj Tripathi. pic.twitter.com/7DPSJQS79K
— taran adarsh (@taran_adarsh) November 15, 2019

އެކަމަކު އެއީ ބެލުންތެރިންނަށް އެހާ ކަމުދިޔަ ފިލްމެއް ނޫނެވެ.

"ދިލް ބޭޗާރާ" 2020 ގެ މެއިގައި

ކުރިން މި މަހުގެ 29 ވަނަ ދުވަހު ރިލީޒްކުރަން ތާވަލުކުރި ފިލްމު "ދިލް ބޭޗާރާ" އަންނަ އަހަރުގެ މެއި މަހުގެ 8 ގައި ސިނަމާތަކަށް ގެންނަން ނިންމައިފި އެވެ.

.#DilBechara- An extraordinary love story of two ordinary people, directed by @CastingChhabra. Releasing on 8th May, 2020, only in cinemas. @itsSSR @sanjanasanghi96 @arrahman pic.twitter.com/rRepRsporO
— Fox Star Hindi (@foxstarhindi) November 15, 2019

ފިލްމު ސިނަމާތަކަށް ގެންނަން އާ ތާރީހެއް އިއުލާންކޮށްފައި މި ވަނީ މި ފިލްމު ސިނަމާތަކުގައި ނާޅުވައި ނެޓްފްލިކްސް އިން ސްޓްރީމްކުރަން ނިންމާފައިވާ ކަމަށް އަޑުއަރާފައި ވަނިކޮށެވެ.

"ދިލް ބޭޗާރާ" އަކީ 2014 ގައި ރިލީޒްކުރި ހޮލީވުޑްގެ ފިލްމު "ދަ ފޯލްޓް އިން އަވާ ސްޓާޒް" ގެ ރިމެކެކެވެ. ސުޝާންތު ސިންގް ރާޖްޕޫރާއި ސަންޖަނާ ސާންގީ ލީޑް ރޯލް ކުޅެފައިވާ ފިލްމުގެ ޑައިރެކްޓަރަކީ އަލަށް ޑައިރެކްޝަނަށް ނުކުތް ކާސްޓިން ޑައިރެކްޓަރު މުކޭޝް ޗަބްރާ އެވެ.

"ތަނަޖީ" ގެ ޓީޒާއެއް

އަޖޭ ދޭވްގަންގެ ތާރީހީ ހަނގުރާމަ ފިލްމު "ތަނާޖީ: ދި އަންސަންގް ވޮރިއާ" ގެ ޓީޒާއެއް ދައްކާލައިފި އެވެ.

Swaraj se badhkar kya? #TanhajiTheUnsungWarrior, in cinemas 10th January 2020. 4 DAYS TO TANHAJI TRAILERhttps://t.co/NaDnhMcxAz @itsKajolD #SaifAliKhan @omraut @itsBhushanKumar @ADFFilms @TSeries @TanhajiFilm
— Ajay Devgn (@ajaydevgn) November 15, 2019

އަންނަ އަހަރުގެ ޖެނުއަރީ މަހުގެ 10 ގައި ސިނަމާތަކަށް ގެންނަން ނިންމާފައިވާ މި ފިލްމަކީ އަޖޭއާ އެކު އަންހެނުން ކާޖޮލް ވެސް އަހަރުތަކެއް ފަހުން ސްކްރީނުން އެކީގައި ފެނިގެންދާނެ ފިލްމެކެވެ. "ތަނަޖީ" ގެ ޑައިރެކްޓަރަކީ އޯމް ރައުތެވެ.

މި ފިލްމުގެ ކާސްޓުންގެ ތެރޭގައި ސައިފް އަލީ ޚާނާއި ނޭހާ ޝަރުމާ ވެސް ހިމެނެ އެވެ.

"ތަނަޖީ" ގެ ޓްރެއިލާ ރިލީޒްކުރާނީ މި މަހުގެ 19 ވަނަ ދުވަހު އެވެ.

"ދަ ބޮޑީ" ގެ ޓްރެއިލާ ދައްކާލައިފި

އިމްރާން ހާޝިމީ މުހިއްމު ރޯލަކުން ފެނިގެންދާ ފިލްމު "ދަ ބޮޑީ" ގެ ޓްރެއިލާ ދައްކާލައިފި އެވެ.

Death is not always the end. #TheBody Official Trailer out now! In Cinemas this December, Friday the 13th https://t.co/RGFeG3bzKG @chintskap @vedhika4u @sobhitaD @jeethu007 @TheBodyMovie @Viacom18Studios @iAmAzure, @AndhareAjit @SunirKheterpal @TSeries @khannasunny pic.twitter.com/wUl5SGQGjs
— Emraan Hashmi (@emraanhashmi) November 15, 2019

އަންނަ މަހުގެ 13 ވަނަ ދުވަހު ރިލީޒްކުރާ މި ފިލްމުގެ ކާސްޓުންގެ ތެރޭގައި ރިޝީ ކަޕޫރާއި ސޮބީތާ ދުލިޕާލާ އާއި ވެދިކާ އެވެ.

މި ސަންސްޕެންސް ތުރިލާގެ ޑައިރެކްޓަރަކީ ޖީތޫ ޖޯސެފެވެ.

"ދަ ބޮޑީ" އަކީ މި އަހަރު ރިލީޒްވާ އިމްރާންގެ ދެވަނަ ފިލްމެވެ.

އޭނާ މި އަހަރު ފެނިގެން ދިޔަ ފުރަތަމަ ފިލްމަކީ ޖެނުއަރީ މަހު ރިލީޒްކުރި "ވާއި ޗީޓް އިންޑިއާ؟" އެވެ. އަދި ނެޓްފްލިކްސް އިން ސެޕްޓެމްބަރު މަހު ސްޓްރީމްކުރި ވެބްސީރީޒް "ދަ ބާޑް އޮފް ބްލަޑް" އިން ވެސް އިމްރާން ފެނިގެން ގޮސްފައިވެ އެވެ.