އިކޮނޮމިކް މިނިސްޓަރު ޖޮބް ސެންޓަރު އިފްތިތާހު ކުރުމަށް ބޭއްވި ރަސްމިއްޔާތުގައި އިކޮނޮމިކް މިނިސްޓަރު ފައްޔާޒް ވާހަކަ ދައްކަވަނީ.--- ފޮޓޯ: ހުސައިން ވަހީދު/ މިހާރު
17 ނޮވެމްބަރ 2019 - 13:14
18 comments
މި ސަރުކާރުގެ މިދިޔަ އެއް އަހަރުގެ ތެރޭގައި 9،000 އެއްހާ ވަޒީފާ އުފެއްދިއްޖެ ކަމަށާއި ޖޮބް ސެންޓަރާ އެކު، ވަޒީފާގެ އިތުރު ފުރުސަތުތައް ފަހިވާނެ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް މިއަދު ވިދާޅުވެއްޖެ އެވެ.
ޖޮބް ސެންޓަރުގެ ވެބްސައިޓް އިފްތިތާހު ކުރުމަށް ބޭއްވި ރަސްމިއްޔާތުގައި އޭނާ ވިދާޅުވީ، ޖޮބް ސެންޓަރާ އެކު، ބައެއް މީހުން މިހާރު ތިބި ވަޒީފާތަކަށް ވުރެ ރަނގަޅު ވަޒީފާތަކަށް ބަދަލުވުމުގެ ފުރުސަތު ލިބޭނެ ކަމަށެވެ. އެކަން ކާމިޔާބު ކަމާ އެކު ކުރިއަށް ގެންދިޔުމަށްޓަކައި މުހިއްމު ގިނަ ފިޔަވަޅުތައް އަޅާނެ ކަމަށް ވެސް ފައްޔާޒް ވިދާޅުވި އެވެ.
"ވަޒީފާ ދޭ ފަރާތްތަކުން ލިސްޓު ކުރުމަކަށް އަޅުގަނޑުމެން މަޖުބޫރެއް ނުކުރަން. އެހެން ނަމަވެސް ކުރިއަށް އޮތް ތަނުގައި ބޭރު މުވައްޒަފުންނަށް ކޯޓާ ދިނުމުގައި، މި ޕޯޓަލްގައި ރަޖިސްޓަރީ ކޮށްފައިވާ މީހުންނަށް ނޫނިއްޔާ ވޯކްޕާމިޓެއް ނުދޭނަން،" އޭނާ ވިދާޅުވި އެވެ.
ފައްޔާޒު ވިދާޅުވި ގޮތުގައި، ވަޒީފާ ދޭ މީހުން ބޭނުންވާ ވަޒީފާތައް ޖޮބް ސެންޓަރުގައި ޝާއިއުކޮށް، އެ ވަޒީފާ އަށް ފިޓުވާ ދިވެހިން ތިބި ނަމަ އެންމެ ފުރަތަމަ އިސްކަން ދޭނީ އެ ބަޔަކަށެވެ. އަދި ބިދޭސީންނަށް އިސްކަން ދޭނީ ދިވެހިން ނެތް ދާއިރާތަކުން ކަމަށް އޭނާ ވިދާޅުވި އެވެ.
މިނިސްޓަރު ވިދާޅުވީ، މިކަމުގައި ވަޒީފާދޭ މީހުންގެ ކަންބޮޑުވުންތަކެއް ހުރެދާނެ ކަމަށާއި އެ ބަދަލުތަކަކީ، އާންމުންނާއި ވިޔަފާރިތަކަށް ވެސް އެންމެ ރަނގަޅު ބަދަލުތަކަށް ވާނެ ކަމަށެވެ.
ޖޮބް ސެންޓަރުގެ ވެބްސައިޓް އިފްތިތާހު ކުރުމަށް މިއަދު ބޭއްވި ރަސްމިއްޔާތުގައި ބައިވެރިވެވަޑައިގެންނެވި ބައެއް ބޭފުޅުން.---ފޮޓޯ: ހުސައިން ވަހީދު/މިހާރު
"މި ސަރުކާރުން ދެކެނީ އަޅުގަނޑުމެންނަކީ ވިޔަފާރިތަކުގެ ވެސް ބައިވެރިއެއް ކަމަށް. މިގޮތުން އެ އަންނަ ތަކްލީފުތައް ފަސޭހަ ކުރުމަށްޓަކައި ސަރުކާރުގެ ތެރޭގައި ހުރި ރެޑް ޓޭޕް [އުނދަގޫ ގޮތްތައް] މަދުކޮށް ފަސޭހައިން ވިޔަފާރި ކުރެވޭނެ ގޮތްތައް އަޅުގަނޑުމެން މިދަނީ ބަލަމުން،" އޭނާ ވިދާޅުވި އެވެ.
ފައްޔާޒް ވިދާޅުވީ، ކުރިމަގުގައި މިނިމަމް ވޭޖް ކަނޑައަޅައި، ޓްރޭޑް ޔޫނިއަންތަކުގެ މަސައްކަތްތައް ވެސް ފެންނާނެ ކަމަށެވެ.
ޕެންޝަން އޮފީހުގެ ތަފާސްހިސާބުތަކުން ދައްކާ ގޮތުން 105،000 ވަޒީފާ ރަޖިސްޓަރީ ވެފައި ވެ އެވެ. އަދި ޕެންޝަން އޮފީހުގައި ރަޖިސްޓަރީ ނުވާ 55،000 ވަޒީފާ ހިމެނޭނެ ކަމަށް ލަފާ ކުރެވެ އެވެ.
ރާއްޖޭގައި މަސައްކަތް ކުރާ އުމުރުގެ އާބާދީގައި ތިން ލައްކަ މީހުން ހިމެނޭ އިރު އޭގެ ތެރެއިން ވަޒީފާ އަދާކުރަނީ 160،000 މީހުން ކަމަށް ފައްޔާޒް މިއަދު ވިދާޅުވި އެވެ.
މީގެ އިތުރުން، ވަޒީފާ ހޯދަން އުޅެ ވަޒީފާ ނުލިބި 10،000-15،000 އާ ދެމެދުގެ މީހުން އުޅޭ ކަމަށް ބެލެވޭ ކަމަށް މިނިސްޓަރު ވިދާޅުވި އެވެ. އަދި 99،000 މީހުންނަކީ އެއްވެސް ކަހަލަ ވަޒީފާއެއް ހޯދުމަށް މަސައްކަތް ނުކުރާ މީހުން ކަމަށް އޭނާ ވިދާޅުވި އެވެ.
ޖޮބް ސެންޓަރުގެ އެންމެ ބޮޑު ބޭނުމަކީ ވަޒީފާ އިތުރު ކުރުމުގެ އިތުރަށް އަދާކުރަމުންދާ ވަޒީފާތަކަށް ވުރެ ރަނގަޅު ފުރުސަތުތަކެއް ހޯދާދިނުމެވެ. މިއަދު އިފްތިތާހުކުރި ޖޮބް ސެންޓަރަށް ލޮގިން ވުމުން، އެ މީހަކަށް އެންމެ އެކަށީގެންވާ ވަޒީފާތަކުގެ ނޯޓިފިކޭޝަން ލިބޭނެ އެވެ. އަދި އެ ވަޒީފާތަކަށް އޮންލައިންކޮށް ކުރިމަތިލުމުގެ ފުރުސަތު ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕަރިވިން ބާބް0
22 March 2020
ސާބަހޭ ކަލޯ! ތިހުރިހާ ވަޒީފާއެއް ލިބެނީ ބިދޭސީންނައް، ދިވެހިންނަކަށް ފުރުސަތެއްނެތް. އަލައް ރިސޯޓެއްހުޅުވިޔަސް ބޭރުމީހުންނައް ފުރުސަތުދީފަ ބާކީ ވެއްޖެއްޔާ ދިވެއްސަކަށް ފުރުސަތު ލިބެނީ، މިކަންކަން ސަރުކާރުން ހުއްޓުވަންޖެހޭ، ރިސޯޓުތަކުގެ ވެރިންނައް ހަރުކަށިކޮށް އަންގަންޖެހޭ، ވާ ވާ މި އޮތީވާ ކަމެއް. ދިވެހިން އެބަޖެހޭ ހޭއަރަން ، މިކަންކަމައް އަޑުއުފުލަން ، ސަރުކާރުން މިކަންކަން ނުކުރެވެއްޔާ އިސްތިއުފާދީފަ ގޭގަ ތިއްބަވާ!
އޮނަރަބްލް އަފީފު ދީދީ
18 November 2019
ރައްޔިތުންނަށް މާބޮޑަށްހެޔޮއެދޭމީހަކަށް ހެދެންއުޅޭނެކަމެއްނެތް. މަޤާމްގެ މަސްއޫލިއްޔަތާއި ކޮށްގެންހުރި ހުވަޔާއިއެއްގޮތަށް ޒިންމާ އުފުލާ. # ބިދޭސިންގެ މައްސަލަ ހައްލުނުވެއްޖެނަމަ މަޤާމުން އިސްތިއުފާދެއްވާނެ ކަމަށްވެސް ވިދާޅުވީ ތިފަދަ މަކަރުވެރި ގޮތަކަށް. ބަލަ ބިދޭސިންގެ މައްސަލަ ހައްލުވިޔަސް ނުވިޔަސް ތިޔަ މަޤާމްގެ މުއްދަތު 5 އަހަރު ހަމަވުމުން އުވިގެންދާން. # ތެދުވެރިން އެފަދަ ބަސް ބުނެ އުޅެނީ ތާރީޙް ދީފައި ކަންކަން ޙާސިލް ކުރާނެ މުއްދަތުބުނެފަ.
އޮނަރަބްލް އަފީފު ދީދީ
18 November 2019
ސޯލިޙް ސަރުކާރުގެ އިޤުތިސޯދީވަޒީރާއި ޓްއަރިޒަމް މިނިސްޓަރަކީ އެމީހުންގެ ޒިންމާއާއި ޙަވާލުކުރި މަސައްކަތަށްވުރެން ބޮޑަށް "އެހެންބަޔަކު ބޭނުންވާގޮތަށް" މަސައްކަތް ކުރަމުންދާބައެއް. # ރާއްޖޭގައި ތިބި އިމިޤްރޭޝަން ޤާނޫނާއި ހިލާފް މީހުންގެ މައްސަލަ ހައްލުކުރުމަށް މީނާ މަސައްކަތް ކުރާކަމަށް އަޑުފަތުރާއިރު ކޮންމެދުވަހަކު މިޤައުމަށް އެފަދަ 300 މީހުންއެތެރެވާކަން އޭނައަށްވެސްއިގޭ. # އެކަމަކު އެކަންނުހުއްޓުވަނީ "ސަބަބެއްއޮތީމަ" ކަން އެންމެނަށްވެސް އިގޭނެ.
ދޭސީ
17 November 2019
އެއީ މިއަހަރު ހުޅުވި ރިސޯޓް ތަކަށް ބަލާފަ އެ ރިސޯޓް ތަކުގައި ބިދޭސީންނަށް ލިބުނު ވަޒީފާތަކުގެ ވާހަކަހެން ހީވަނީ. ދެން އުފެދުނީ ސަރުކާރު ބިޔަކުރަން މާލޭގަ އުފެއްދި ސަރުކާރާ ކުންފުނިތަކުގެ އެކިފެންވަރުގެ ވަޒީފާތަށް. ރިކަރެންޓް ހަރަދަށް 20 ބިލިޔަން ރުފިޔާ. މާލޭ ކުއްޔަށް ބަދަލުވާނެ ފައިސާ . ހެހެ
ނަސިދު
17 November 2019
ބަންގާޅިންނައްތަ ހީޙީހަލާކުވު ވޭމިމީހުންގެ ސޭކުކަމުން
ނަން
17 November 2019
އެ 9000 ވަޒީފައަކީ ޕާޓީ ކުދިންނަށް ދިން ސިޔާސީ މަޤާމް ތަކާއި އިންޑިޔާ، އަދި ދެން ހުރި ބޭރު ޤައުމު ތަކުގެ މީހުންނަށް ރިސޯޓްތަކުން ދިން ވަޒީފާގެ ވާހަކަ ހެއްޔެވެ. އަލަށް ހުޅުވާ ރިސޯޓް ތަކުގައި ނަމުން %40 ދިވެހިން ހުރޭ، އަމަލުން %30 ހަމަވަނީ ކިރިޔައެވެ. މި ސިޔާސީ މީހުން ދުލުން ތެދެއް ހަމަ ނެހެދެނީބާ. 9000 ވަޒީފާ ދެވުނު ގޮތް ބުނެދެންވީނޫން.
ކަރީމުއްދީން ބާޝާ
17 November 2019
9،000 ތަ ނޫނީ 90،000 ތަ؟ ދެން ތިބުނާ ވަޒީފާތަކެއް ލިބުނިއްޔާ ލިބުނީ ލޮބުވެތި ބަންގާޅީންނަށް.
މުޙުއްމާ
17 November 2019
ފައްޔާޒްވެސް ޔާމީނު ސަރުކާރުން ހެދިކަހަލަ ބުއްދި ޤަބޫލު ނުކުރެވޭ ބޮޑު ދޮގުނަހަދައްޗޭ. ދިވެހިންނަކީ ކޮހުންނެއްނޫން.
4444
17 November 2019
ބޭރުމީހުންނަށް! ޕަކާކާކާސް
މިއަދު
17 November 2019
9000 ވަޒީފާ އުފެދުނީތަ ނޫނީ 9 ހާސްމީހުން ވަޒީފާއިން ވަކިކުރެވުނީތަ