އަދީބާއި ނާޒިމް: ނާޒިމްގެ އަމަލަކީ އަދީބާ މެދު ނަފްރަތު އުފެއްދުން ކަމަށް އަދީބުގެ އާއިލާ އިން ބުނޭ.---ފޮޓޯ: މިހާރު
18 ނޮވެމްބަރ 2019 - 11:56
25 comments
ދީނީ އިލްމުވެރިޔާ އަދި ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް އަލީ އަވަހާރަކޮށްލި ގޮތް ތަހުގީގުކޮށް ރިޔާސީ ކޮމިޝަނުން ތައްޔާރު ކުރި ރިޕޯޓަށް، ރައްޔިތުންގެ މަޖިލީހުގެ ދިއްގަރު ދާއިރާގެ ކުރީގެ މެމްބަރު އަހުމަދު ނާޒިމް ދެއްވި ބަޔާނުގައި ކުރީގެ ނައިބު ރައީސް އަހުމަދު އަދީބާ ބެހޭ ގޮތުން ދައްކަވާފައިވާ ވާހަކަ އަދީބުގެ އާއިލާ އިން ދޮގުކޮށްފި އެވެ.
ގޮތް ނޭނގޭ ގަތުލުތަކާއި މީހުން ގެއްލުވައިލުމުގެ މައްސަލަތައް ތަހުގީގުކުރަން ރައީސް އިބްރާހީމް މުހައްމަދު ސޯލިހު އެކުލަވައިލެއްވި ރިޔާސީ ކޮމިޝަނުން، އަފްރާޝީމްގެ މަރާ ގުޅޭ ގޮތުން އެކުލަވައިލި ރިޕޯޓް ރައީސް އޮފީހުން އިއްޔެ ވަނީ އާންމުކޮށްފަ އެވެ. އެ ރިޕޯޓަށް، ރައްޔިތުންގެ މަޖިލީހުގެ ކުރީގެ ނައިބު ރައީސް ނާޒިމް ދެއްވާފައިވާ ބަޔާނުގައި އަދީބަށް ބޮޑެތި ތުހުމަތުތަކެއް ކުރައްވާފައިވެ އެވެ.
އެގޮތުންް، ކުރައްވާފައިވާ އެއް ތުހުމަތަކީ ކުރީގެ ރައީސް މުހައްމަދު ނަޝީދު އިންނެވި އުޅަނދެއްގައި ބޮމެއް ހަރުކޮށްގެން އެމަނިކުފާނު އަަވަހާރަކޮށްލަން އަދީބު ރޭއްވެވި ކަމަށް ވިދާޅުވެ، ކުރައްވާފައިވާ ތުުހުމަތެވެ. އަނެއް ތުހުމަތަކީ ރާއްޖެ ޓީވީ ގައި ރޯކޮށްލި ދުވަހު "މިޝަން އެކޮމްޕްލިޝްޑް" ޖަހާފައިވާ ޔާމީނަށް އަދީބު އެސްްއެމްއެސް އެއް ފޮނުއްވި ކަމަށް ވިދާޅުވެ ކުރައްވާފައިވާ ތުހުމަތެވެ.
ކުރީގެ ރައީސް އަބްދުﷲ ޔާމީނާ ގާތްގުޅުމެއް ބާއްވަމުން އައި ނާޒިމްގެ ވާހަކަތައް ދޮގުކޮށް، އަދީބުގެ އާއިލާ އިން ރޭ ރެނުނު ބަޔާނުގައި ބުނީ އަދީބަކީ އެއްވެސް އިރެއްގައި ނަޝީދަށް ގެއްލުމެއް ދޭން އުޅުއްވި ބޭފުޅެއް ނޫން ކަމަށެވެ. ރާއްޖެ ޓީވީ ރޯކޮށްލުމާ ބެހޭ ގޮތުން ނާޒިމްގެ ބަޔާނުގައި ދައްކަވާފައިވާ ވާހަކަ އަކީ ވެސް ދޮގެއް ކަމަށް އެ ބަޔާނުގައި ބުންޏެވެ.
"އަހުމަދު ނާޒިމްގެ މި ބަޔާނަކީ އަހުމަދު އަދީބާ މެދު ނަފްރަތު އުފައްދަން ކޮށްފައިވާ ކަމެއް ކަމަށް އާއިލާ އިން ދެކެމެވެ،" ބަޔާނުގައި ވެ އެވެ.
އަދީބުގެ އާއިލާ އިން ބުނިގޮތުގައި، އަފްރާޝީމްގެ މަރާ ބެހޭ ގޮތުން ނާޒިމާއި އެހެން ފަރާތްތަކުން އަދީބަށް ކުރަމުން ދިޔަ ތުހުމަތުތަކަކީ ދޮގު ތުހުމަތުތަކެއް ރިޔާސީ ކޮމިޝަނުގެ ތަހުގީގު ރިޕޯޓުން ވެސް ހާމަވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަލަކުރި
19 November 2019
މި ގައުމުގައި އެއްވެސް ޖަރީމާއެއް ހިންގި މީހަކު ނެތް އެހުރިހާ މީހުން ނިޔާވެއްޖެ. މިހާރު ތިބީއެމީހުންނާްއި ވައްތަރުގެ މީހުން އަވަށް ކުށެއް ނެތް މައުސޫމު މީހުންކަމުގައި ކަނޑައަޅައި ގައުމު ހިންގުމާއިގެން ކުރިއަށްދާން ފެންނަނީ މިހާރު މިިފެންނަ މަންޒަރަށްބަލާއިރު. ހުރިހާ ކަމެއް އެކެއްގެ މުށުތެރެއަށް ވަދެ ނިމިއްޖެ.
ޢަބްދުﷲނާފިޒް
19 November 2019
ނާޒިމް ކުރައްވަނީ ދޮގު ތުހުމަތެއް: އަދީބުގެ އާއިލާ، ތިހެންވެސް ވެދާނެ، އެކަމަކު އާއިލާއަށް އިނގޭބާ އަދީބު ހިންގާފަ ހުރި ޖަރީމާތަކާ މިލިއަނުން ފައިސާ ހޯދިގޮތަކާ!؟ އެކަމާ ދޭތެރޭ އާއިލާއިން ބުނަނީ ކީކޭބާ!؟އަދީބު ފިސްތޯލައެއް ގެންގުޅުނުކަން އާއިލާ ދެނަހުރިބާ، އެކަނޤަބޫލުކުރޭބާ، ފަހަރެއްގަވެސް ނާޒިމު ދެއްކީ ތެދުވާހަކައެކޭ ނޫން، އެކަމަކުވެސް............
ސާދާދާ
18 November 2019
އަޅެ އަދީބު މިދޭތެރެއިން ފިލިތޯ އަހާލަބަލަ އަދީބު އާޢިލާ ކައިރި
ތީނަ2
19 November 2019
ޢަދީބު ދިޔައީ ވަދާ
ނެޑް
18 November 2019
އަދީބު ޖަރީމާ ހިންގީ ކޮންމެ ފަހަރަކު އާއިލާއިން ހުއްދަ ހޯދައިގެންތަ؟
އަހުމަދު.
18 November 2019
އަދީބުގެ އާއިލާއިން ދުވާލަކުބަޔާނެއް ނެރުނަސް ތިދައްކާވާހަކަ މިއަދު ރާއްޖޭގެ ރައްޔިތުން ޤަބޫލެއްނުކުރާނެ. ބަޔާންނެރެވިދާނެ ގަޑިއަކުން ގަޑިއަކުންވެސް. އަދީބަކީ އެއްވެސް އިރެއްގައި ނަޝީދަށް ގެއްލުމެއް ދޭން އުޅުއްވި ބޭފުޅެއް ނޫނޭ، ރާއްޖެ ޓީވީ ރޯކޮށްލުމާ ބެހޭ ގޮތުން ނާޒިމްގެ ބަޔާނުގައި ދައްކަވާފައިވާ ވާހަކައަކީވެސް ދޮގެކޭކިޔަން ނުހަދާ،ށެވެ. ކޮނުނު ކޮނުނުހެން ފަސްގިނަވާނެ. ރައްޔިތުނގެ މުދަލާފައިސާއަށް އެވަރަށްޚިޔާނާތްތެރިވި މީހަކުނުކުރާނީ ކޮންކަމެއް.
ވިސްނާވިސްނާ
18 November 2019
ޢާއިލާއަށް ކުދިން ރަނގަޅަށް ތަރުބިއްޔަތުނު ކކުރެވުމުގެ ނަތީޖާ ތިފެންނަނީ .ތިމާގެ ދަރި ތިމާއަށް ދޮންފުތުވާނެ!
މީވީގޮތޭ
18 November 2019
އާއިލާ މީހުނާ މިޖެހުނީ އަދީބު އަވަހާރަވީތޯއެވެ? ނޫނީ އަދީބު ކުރާހާކަމެއް ކުރަނީ އާއިލާކައިރީގައި އަހާ ހުއްދަ ލިބިގެން ހެއްޔެވެ? ނޫނީ އަދީބަށް އަދި އަށާރަ އަހަރު ނުވަނީ ހެއްޔެވެ?
ގިޔާސް
19 November 2019
މަހާ ރެހެންދިއަށް އުފަންދުވަހުގެ ހަދިޔާއަކަށް ބީއެމްޑަބްލިއު ކާރެއް ދިން ވާހަކަވެސް އާއިލާއިން ދޮގު ކުރާނެ ކަމަށް ލަފާކުރެވޭ.
ވިސްނާވިސްނާ
18 November 2019
އާއިލާއަށް ކޯއްޗެއް އެނގޭނީ ދަރިންނަށް ފުރިހަމަ ތަރުބިއްޔަތެއް ދެވުނު ނަމަ އަދީބު ޖަލުގައި ނުހުންނާނެ!
ސަހަރޯ
18 November 2019
ކޮންމެ މީހަކުވެސް މިހާރު އުޅޭނެ ތިމާއަކީ އެއްވެސް ކުށެއްނެތް ހުދު ކާފޫރުކަމަށް ދައްކަން. ނާޒިމް ހަމަ އެއްވެސް ގަނޑެއް ގަނެފައިނެތީބާ މީހުންގެ ވާހަކަ ދައްކާއިރު. ސަހަލު އެކަކުވެސް ނެތް ތިތާކު
ނޫޑުލްސް
18 November 2019
ރައްޔިތުންނޭ ވިސްނަބަލަ، ކޮންމެ ރިޕޯޓެއްގަވެސް ތިބުނާ ޕެޓީ ވިއްކަން އުޅުނު ރީކޯ މޫސަގެ ނަން އޮވޭ ކޮންމެ ރިޕޯޓެއްގަ. މީ ވިސްނަން ޖެހޭ ކަމެއް. އަބަދުވެސް ކޮންމެސް ގޮތަކައް ސަލާމަތްވޭ. މިހާރު ރިސޯޓެއްވެސް ރިތްޔިތުންގެ ލާރިން ހަދާފި. އަދި އެތަކެއް ފަޅެއްވެސް ނަގާފަ އެބައޮތް!