ޚަބަރު / އިބްރާހިމް ހަސަން، ހަޔާ އެޑިއުކޭޝަން މިނިސްޓަރު

ޔާމީންގެ ސަރުކާރުން މަތީ ތައުލީމަށް ކިޔެވުމުގެ ލޯނު މިދިޔަ އަހަރު ދިނީ 52 ދަރިވަރަކަށް

ސްޓޫޑެންޓް ލޯން ލިބުނު ދަރިވަރުންނަށް ލިޔުން ހަވާލުކުރަން މީގެ ކުރިން ބޭއްވި ރަސްމިއްޔާތުގެ ތެރެއިން.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

28 ނޮވެމްބަރ 2019 - 12:35

2 comments

ކުރީގެ ރައީސް އަބްދުﷲ ޔާމީންގެ ސަރުކާރުން، މަތީ ތައުލީމަށް ކިޔެވުމުގެ ލޯނުގެ ގިނަ ފުރުސަތުތަކެއް މިދިޔަ އަހަރު ހުޅުވައިލި ނަމަވެސް އެ ފުރުސަތު ދީފައި ވަނީ 52 ދަރިވަރަކަށް ކަމަށް ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން އިއްޔެ ވިދާޅުވެއްޖެ އެވެ.

މީޑިއާއާ އެކު ބޭއްވެވި ހަވީރު ސައިފޮދުގައި މިނިސްޓަރު ވިދާޅުވީ، މަތީ ތައުލީމަށް ކިޔެވުމަށް ގިނަ ފުރުސަތުތަކެއް ހުޅުވައިލި ކަން މީޑިއާ އިން އޭރު ހާމަކޮށްފައިވާ ކަމަށެވެ. އެކަމަކު، މިދިޔަ އަހަރުގެ ނޮވެމްބަރު 17 ގައި މަގާމާ ހަވާލުވެވަޑައިގެން އެކަން ބެއްލެވިއިރު ޔާމީީންގެ ސަރުކާރުން ފުރުސަތު ދީފައި އޮތީ ވަރަށް މަދު ދަރިވަރުންނަށް ކަމަށް އޭނާ ވިދާޅުވި އެވެ.

މަތީ ތައުލީމަށް ކިޔެވުމަށް މިދިޔަ އަހަރުގެ އޮގަސްޓް މަހު 600 ފުރުސަތު ހުޅުވައިލިޔަސް، އެ އަހަރުގެ ނޮވެމްބަރު މަހާ ހަމައަށް ދިޔައިރު ވެސް ޔާމީންގެ ސަރުކާރު ގައި ދަރިވަރުންގެ ފޯމުތައް ޕްރޮސެސް ނުކުރާ ކަމަށް ހަޔާ އެޑިއުކޭޝަން މިނިސްޓަރު ވިދާޅުވި އެވެ. އޭނާ ވިދާޅުވި ގޮތުގައި، އެ ފޯމުތައް ޕްރޮސެސްކޮށް ބަޖެޓް ކަނޑައެޅީ ވެސް މި ސަރުކާރުންނެވެ.

އޭގެ ކުރިން މިދިޔަ އަހަރުގެ މާޗު މަހު ސަރުކާރުން ވަނީ މަތީ ތައުލީމް ލޯނުގެ 560 ފުރުސަތަށް ހުޅުވާލައިފަ އެވެ.

މި ސަރުކާރަށް މި ވީ އެއް އަހަރުގެ ތެރޭގައި މަތީ ތައުލީމަށް ކިޔަވަން 567 ލޯނު ދޫކޮށްފައި ވެ އެވެ. އެކަމަށް 54 މިލިއަން ރުފިޔާ ހަރަދުކޮށްފައިވާ ކަމަށް މަތީ ތައުލީމާ ބެހޭ ވަޒީރު ވިދާޅުވެ އެވެ.

ތައުލީމް މަތީ ތައުލީމު އިބްރާހިމް ހަސަން، ހަޔާ އެޑިއުކޭޝަން މިނިސްޓަރު މިނިސްޓްރީ އޮފް ހަޔާ އެޑިއުކޭޝަން ރައީސް އަބްދުﷲ ޔާމީން ދިވެހި ސަރުކާރު

2 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

28 November 2019

ސޯލިޙްގެ ސަރުކާރުން އެބަޖެހޭ މިކަހަލަ ކަންކަމަށް ދައުލަތުން ކުރާ ޙަރަދު އެންމެ ބޭނުންތެރިގޮތުގައި ކުރަން. # މިގޮތުން ބަޖޭޓުން ތައުލީމަށް އެލޮކޭޓް ކުރާ ފައިސާއިން ކުރިއަށްއޮތް 5 އަހަރު މުޅިންވެސް ތަމްރީނު ކުރާނީ ނަރުހުންނާއި މެޑިކަލް ޑޮކުޓަރުން އަދި އެކައުންޓްސް ދާއިރާ އާއި ޝަރުޢީ ޤާނޫނީ މީހުންކަމަށް ނިންމާންޖެހޭ. # މިފަދަ ގޮތަކަށް ކަންކަން ކޮށްގެންނޫނީ ކުރިއަރާދިއުމަށް ފުރުސަތު ހަނިވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮގު

28 November 2019

ދޮގު މަޢުލޫމާތު. ޔާމީން ސަރުކާރުން ދިން ލޯން އެހީގެ ދަށުން ކޮންމެ އަހަރަކުވެސް އެތައް ސަތޭކަ ކުދިންނެއް ކިޔަވަން ރާއްޖެއިން ބޭރަށް ދިޔަ. އަހަރަކު ތިންސަތޭކަ ހަސަތޭކަ ފުރުޞަތު ދީ ލޯނު ހަމަޖައްސާ ދިން.