ގާސިމް (މ) އާއި އަލީ އާރިފް އަދި ނިހާން: ގާސިމްގެ ދިފާއުގައި ނިހާނާއި އަލީ އާރިފް ވަނީ ޕީޕީއެމަށް ބަހުގެ ހަމަލާތަކެއް އަމާޒު ކުރައްވާފައި. --ފޮޓޯ/މިހާރު
02 ޑިސެމްބަރ 2019 - 12:21
46 comments
ކުރީގެ ރައީސް އަބްދުﷲ ޔާމީންގެ ޖަލު ހުކުމާ، ޖުމްހޫރީ ޕާޓީގެ ލީޑަރު ގާސިމް އިބްރާހީމާ ގުޅުވައި ޕީޕީއެމުން ކުރާ ތުހުމަތުތައް، އެ ޕާޓީގެ ކުރީގެ އިސް ދެ މެމްބަރުން ކަމަށްވާ އަހްމަދު ނިހާނާއި އަލީ އާރިފް ރޭ ދޮގު ކުރައްވައިފަ އެވެ.
މަނީ ލޯންޑްރިންގެ ކުށުގައި ޔާމީން ފަސް އަހަރަށް ޖަލަށް ލީ ސަރުކާރު ކޯލިޝަންގައި ހިމެނިވަޑައިގަންނަވާ ގާސިމް އަޑީގައި ހުންނަވައި، ފަނޑިޔާރުންނަށް ރިޝްވަތު ދެއްވައިގެން ކަމަށް ޕީޕީއެމުން ވަނީ ތުހުމަތުކޮށްފަ އެވެ. މީގެއިތުރުން، ޕީޕީއެމަށް ގަދަކުރުމުގެ ފުރުސަތު ނުދެއްވަން އެދިވަޑައިގެން ޔާމީން މިސާލު ޖެއްސެވި މިނިކާ ބާޒަކީ ވެސް ގާސިމް ކަމަށް ޕީޕީއެމްގެ އިސް ބައެއް ބޭފުޅުން ވިދާޅުވެ އެވެ.
ގާސިމް ދިފާއު ކުރައްވައި، ވީޓީވީގައި އަލީ އާރިފް ވިދާޅުވީ ޔާމީން ޖަލަށް ލުމަކީ މި ސަރުކާރުން ވީ ރިޔާސީ ވައުދެއް ކަމަށެވެ. އެ ހުކުމްގެ އިންސާފުވެރިކަމާ މެދު އެއްޗެއް ވިދާޅުވާން ބޭނުމެއް ނޫން ކަމަށާއި އެކަމަކު އެއީ ގާސިމާ އެއްވެސް ގުޅުމެއް ހުރި ކަމެއް ނޫން ކަމަށް ވިދާޅުވި އެވެ. އަލީ އާރިފާއި ނިހާން މިހާރު އުޅުއްވަނީ ޖުމްހޫރީ ޕާޓީގަ އެވެ.
ޔާމީނަށް ކުރިމަތިވެވަޑައިގަތް ހާލަތުން ގާސިމްގެ އިސްތަށިފުޅުގައި އަޅުވަނީ ދޮގު އިލްޒާމްތަކެއް ކަމަށް ކަމަށް ވެސް ނިހާނާއި އަލީ އާރިފް ވިދާޅުވި އެވެ.
"ގާސިމް އިބްރާހިމްގެ އިސްތަށިފުޅުގައި އެކި ޒާތްޒާތުގެ ކަންކަން އެޅުވުމަކީ ޒަމާނުއްސުރެ ހިނގަމުން އަންނަ ކަމެއް. އޭގައި ގިނަ ފަހަރަށް ބަލައެއް ނުލާ، ކޮން މިންވަރަކަށްތޯ ގުޅެނީ ވެސް،" ޕީޕީއެމްގެ ޕާލަމެންޓްރީ ގްރޫޕްގެ ލީޑަރުކަން ކުރެއްވި ނިހާން ވިދާޅުވި އެވެ.
ޔާމީން: މަނީ ލޯންޑްރިންގެ ކުށް ސާބިތުވެ އެމަނިކުފާނަށް ވަނީ ފަސް އަހަރުގެ ޖަލު ހުކުމެއް އިއްވާފައި.
ޕީޕީއެމް ދޫކުރައްވައި، ޖުމްހޫރީ ޕާޓީއާ ވަރަށް ފަހުން ގުޅިވަޑައިގެންނެވި ނިހާނާއި އަލީ އާރިފް ވިދާޅުވީ ގާސިމްގެ ބޮލުގައި ދޮގު އިލްޒާމް އަޅުވާ ސަބަބު އެނގިވަޑައިގަންނަވާ ކަމަށެވެ. ޕީޕީއެމަކީ އެ ދެ ބޭފުޅުން ވެސް ތިއްބެވި ޕާޓީއެއް ކަމަށާއި "މި ކުޅި ހިނގާ މަގު" އެނގިވަޑައިގަންނަވާ ކަމަށް ވިދާޅުވި އެވެ.
ރައީސްކަން ކުރެއްވި ބޭފުޅުން، ކޮންމެވެސް ތުހުމަތެއްގައި ޖަލަށް ލާ ތަން ރާއްޖޭގައި ފެންނަމުންދާ ކަމަށާއި އެކަން ގަބޫލުނުކުރައްވައި ގާސިމްގެ ބޮލުގައި އިލްޒާމް ނޭޅުއްވުމަށް އަލީ އާރިފް އެދިވަޑައިގަތެވެ.
"އެންމެންނަށް ވެސް އެބަފެނޭ، މިކަން ވަމުން އަންނަ ކަން. ދެން ހައްގުތޯ ނުހައްގުތޯ އެކި ފަހަރު އެކި އެއްޗިހި ގޮވަނީ. އިއްޔެ އެއް ބަޔަކު ގޮވި ސިޔާސީ ދައުވާއެކޭ. މިއަދު އަނެއް ބަޔެކޭ މި ގޮވަނީ ސިޔާސީ ދައުވާއޭ. އެހެންވީމަ މި ވާހަކަ ބާއްވާށޭ. އެންމެންނަށް ފެނޭއެއް ނޫންހޭ މިކަން އަންނަތަން. އައީމަ ގާސިމް އިބްރާހިމްގެ އިސްތަށިފުޅުގައި މީތި އަޅުވަން ނޫޅުއްވާށޭ،" އަލީ އާރިފް ވިދާޅުވި އެވެ.
އޭނާގެ ވާހަކައިގައި ޔާމީންގެ ވެރިކަމުގައި ސިޔާސީ އެކި ކަންކަމާ ގުޅުވައި ޖަލަށް ލީ އަދަދު 30 އަށް އަރާ ކަން ފާހަގަކުރެއްވި އެވެ. އެއީ، ހައްގުންތޯ ނުހައްގުންތޯ ނުނިންމަވާ ކަމަށް އޭރު ސަރުކާރުގެ ދިފާއުގައި މަސައްކަތް ކުރެއްވި އަލީ އާރިފް ވިދާޅުވި އެވެ.
"މިއީ، އެ ބޭފުޅުންގެ ރިޔާސީ ވައުދެއް. ކެމްޕޭންގައި އެ ބޭފުޅުން ވިދާޅުވަމުން ގެންދެވި ރައީސް ޔާމީން ޖަލަށް ލާނަމޭ. އަނެއްހެން ބުނަންޏާ އެ ބޭފުޅުންގެ ރިޔާސީ ވައުދެއް މި ފުދުނީ. އަޅުގަނޑު ނުދަންނަވަން ފުއްދެވީއެކޭ،" ވެރިކަން ކުރާ ކޯލިޝަންގައި ހިމެނިވަޑައިގަންނަވާ ގާސިމް ދިފާއުކުރައްވައި އަލީ އާރިފް ވިދާޅުވި އެވެ.
"ރައީސް ޔާމީނަށް އެޕީލް ފުރުސަތު އެބައޮތް، ގާސިމް އިބްރާހީމަކީ ޖަޖެއް ނޫން. މި ހުކުމާ ދޭތެރޭގައި ޕާޓީގެ ލީޑަރުގެ ހައިސިއްޔަތުން އެއްޗެއް ވިދާޅުވާކަށް ގާސިމް އިބްރާހިމް ޖެހިވަޑައެއް ނުގަންނަވާ."
ޖުމްހޫރީ ޕާޓީގެ ޖަލްސާއެއްގައި ގާސިމްގެ އަރިހުގައި އަލީ އާރިފް. --ފޮޓޯ: ނިޝާން އަލީ/މިހާރު
ޔާމީން ޖަލަށް ލުމަކީ މި ސަރުކާރުގެ ވައުދެއް ކަމަށް ވިދާޅުވި އިރު، ޖުމްހޫރީ ޕާޓީ ވެސް ހިމެނިވަޑައިގަންނަވަނީ ވެރިކަން ކުރާ ކޯލިޝަންގަ އެވެ. ރައީސް އިބްރާހިމް މުހައްމަދު ސޯލިހް، ރިޔާސީ ކެންޑިޑޭޓެއްގެ ގޮތުގައި ނުކުންނަވައި ވެރިކަން ކާމިޔާބު ކުރެއްވީ އެމްޑީޕީ އާއި ޖުމްހޫރީ ޕާޓީ އާއި އަދާލަތު ޕާޓީގެ އިތުރުން ކުރީގެ ރައީސް މައުމޫން ހިމެނިވަޑައިގެންނެވި "ގުޅިފައިވާ ޕާޓީތަކުގެ މެނިފެސްޓޯ"އަކުންނެވެ.
ގާސިމްގެ ދިފާއުގައި އެ ދެ ބޭފުޅުން މިއަދު ވާހަކަ ދެއްކެވުމުން ފާޑުކިއުން އަންނާނެ ކަމަށާއި އެކަމަކު، ސިޔާސީ މަސައްކަތުގައި ބަލަނީ ވީ އެންމެ ރަނގަޅަކަށް އެކަން ކުރެއްވޭތޯ ކަަމަށް ވިދާޅުވި އެވެ. މިދިޔަ ސަރުކާރުގައި ބަސް ނުހިނގައި ކިތަންމެ ކަމެެއް އަތްނުފޯރާ ހިސާބުން ވެދިޔަ ކަމަށް އަލީ އާރިފް ވިދާޅުވި ނަމަވެސް ތަފްސީލަކަށް ވަޑައެއް ނުގަންނަވަ އެވެ.
"އަޅުގަނޑުމެން ދެ މީހުން މިއަދު މިތާ މި ތިބީ، ލީޑަރު [ގާސިމް]ގެ ބޮލުގައި ނުހައްގުން މިކަން އަޅުވާތީވެ އެއީ ކަނޑައެޅިގެން ބުހުތާނުކަން ދިވެހި ރައްޔިތުންނަށް ކިޔައިދޭން،" އަލީ އާރިފް ވިދާޅުވި އެވެ.
އަޅުގަނޑުމެން ނޫޅޭން އިނގޭތޯ މިނިކާ ބާޒުތަކެއްހެން. ޖުމްހޫރީ ޕާޓީ އާއި ލީޑަރެއް ނޫޅޭ ޕީޕިއެމް ޖަހައިގަންނާކަށް. --އަލީ އާރިފް
އޭނާ ވިދާޅުވި ގޮތުގައި ޔާމީން ޖަލަށް ލުމުން އޭނާ އަށް ގުޅުއްވި ޕީޕީއެމްގެ ބޭފުޅަކު ވެސް ތުހުމަތުތަކެއް ކުރެއްވި އެވެ.
"އައި ކޯލްގައި މި ބުނަނީ، އަލީ އާރިފްމެން، ނުވަތަ ގާސިމް އިބްރާހިމްމެން ތި އުޅުއްވަނީ ޕީޕީއެމްގެ ރިޔާސީ ޓިކެޓް އަތުލަންހޭ. އަޅުގަނޑު ދިޔައީ ސިއްސައިގެން. ދެންނެވިން ނޫނެކޭ، މި އުޅެނީ ޕާޓީ [ޖުމްހޫރީ ޕާޓީ] ބޮޑުކުރާށޭ،" އޭނާ ވިދާޅުވި އެވެ.
އަލީ އާރިފް ވިދާޅުވީ މަނީ ލޯންޑްރިންގެ ތުހުމަތުގައި ހައްޔަރުކޮށް ޝަރީއަތް ނިމެންދެން "ވާނުވާ" ބަންދެއްގައި ޔާމީން ބެހެއްޓެވުމުން އެކަމާ ދެކޮޅަށް ގާސިމް އަޑު އުފުއްލެވި ކަމަށެވެ. އެކަމަކު، ހުކުމް އިއްވުމުން އެއްޗެއް ވިދާޅުނުވީ އޭނާ އަކީ އެންމެންގެ ހައްގުތަކާ މެދު ވިސްނަވާ ބޭފުޅަކަށް ވާތީ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަށްޑޫ ކަތީބު
03 December 2019
ވައުދު ދަނީ ފުއްދަމުން. ޔާމީނު ޖައްލަށްލުން އެއީ ވައުދެއް. ރަންގަޅު ވާހަކަޔެއް. ދެން ވައުދު ވީ ޖުޑިޝަރީ އިސްލާހުކުރުން. މިހާރު އިސްލާހު ކުރުކުރީނުން އެތަންވެސް އޮތީ މަޖިލީހުގެ ގޮއްޕަކަށްވެފަ. ދެން ވައުދުވީ ރައީސްގެ ބަޖެޓް ދައްކުރުން. އެކަންވެސް ކޮށްފި. މިހާރު ގައުމު ހިންގަނީ މަޖިލީހުން އެހެންވީމަ ރައީސްމީހާޔަކަށް މާޞޮދު ހަރަދެއް ނުދާނެ. ދެން އޮތީ އެންމެ ވައުދެއް ނުފުއްދި. ރައްޔިތުންނަކީ ނެއްބަޔަކަށް ހަދާލުން. އެކަންވެސް ކުރާނެ.
ގައުމުގެ ދޫ
03 December 2019
ވައުދުވީ ވަކި މީހަކު ޖަލައްލާކަށް ނޫން، ނަމަވެސް އިންސާފު ގާއިމުކުރަން. ހަމަ އެއާއެކު ފާހަގަކޮށްލަން ބައެއް ބޭފުޅުން އިންސާފު ގާއިމުކުރުމާ ސީދާ ދެކޮޅަށް އޭރު ވަކާލާތުކޮށް މޫސުން ބަދަލުވުމާ އެކު އެ ބޭބޭފުޅުންގެވެސް ރާގުބަދަލުވެ ސިޔާސީ ހިމާޔަތް ހޯއްދަވައިގެން އުޅުއްވާކަން.
ސަލާޙް
03 December 2019
ކަޑައެޅިގެން އެތައް ޕޯޑިޔަމް އެއްގައި ރައީސް ޔާމީން ޖަލަށް ލާން ވައުދުވި. އެއީ ނުފޮރުވޭނެ ހަގީގަތެއް. ހުކުމް އައިގޮތާމެދު އެއްޗެއް ނުބުނާނަން.
ހަފުސް
03 December 2019
އެކަމަކުވާ ލަދުކު ޑަ މީހުންވެސް އުޅޭ އެކަމަކު މިވަރުކަމެއް އަދިނުދެކެން ގާސިމައް ވެރިކަން ހޯދާދޭން ގޮހޯމިތިބީ
ދޮން ކަމަނާ
03 December 2019
ކުރިންކީ ލަވައަކީ މިސްކިތުގަ ސަޖިދައަށް އޮއްވަހޭ ޖަލަށްލީ ... މިހާރު ލަވަޔާ މިއުޒިކް ބަދަލްވެފަ... ކީކޭދެން ބުނާނީ މިމީހުންގެ ފެންވަރު މިހާރު ލާދީނީ ފަނާ ކުރަނިވި ކޮލިޝަންގަ....
ޢަބްދުﷲނާފިޒް
02 December 2019
ފުރެންޑު ނިހާނު އަދި އަލީއާރިފޫ، ތީދެން މިހާރު ސިޔާސީ ގޮތުން ވަރު ފައިބާފަ ތިބި މީހުން، ފަސްބައި ވަރަށް މިލަވެފަ ތިތިބީ، ތިޒާތަށް ދެން އުޅެން ނުހަދާ، މިހާރު ކަލޭމެން ދައްކާ ވާހަކަ ޤަބޫކުރާނެ މީހަކު އުޅޭނެހެން ވަރަށް ހީނުވޭ.
ޙާކިމާ .ކަޢްޕި.މިރައީސް
02 December 2019
ތިބުނާ ވައުދެއް ވީއިރު އޮތީ ކޮލިޝަން ހަދާފަކަނޫންތަ ....ނިހާންއާ އަލީއާރިފް ބަހަށްޓާގެންތަ ވައުދުވީ...
ށީނާ
02 December 2019
މި މީހުން މިއުޅެނީ ގާސިމު މުލުންލުހެލަން ..މިމީހުނާހެދި ގާސިމްޕާޓީގަ ތިބިމޒިހުން ގާސިމާ ފެއަށް ޖެހިއްޖެ ....
އްލަކިން ނޯލަ
02 December 2019
ގާސިމަށް ރިޔާސީ އިންތިހާބުގަ ވޯޓު ނުލެވޭގޮތް ހެދީ ނިހާން ޕާލަމެންޓްރީ ގްރޫޕް ލީ ޑަރަކަށް ހުރެގެން .އެކަމަކު މިސަރުކާރުން ގާސިމް ޕާޓީ މީހަކު ގައުމުގެ ނައިބް ރައިސް އަކަށްލީ
ހަނުހުންނަ މީހާ1
02 December 2019
ގާސިމް ހަދާން ނެތޭނެތަ ގާސިމަށް ދިންއަނިޔާ ތިދެބޭފުޅިން ހުރި ހިސާބުގައި ރާމާމަކުނެތް ހުރިނަމަވެސް ބުނީހީ ތިހެން
ޣާސިމު
02 December 2019
ވައްކަންކުރީމަ ޖަލަށްލީ.
ލެއްގި ކޮމިޝަނަރ
03 December 2019
ވައްކަން ކޮށްގެނެއްނޫން ޖަލަށްލީ. ވައްކަންކުރި ކަމަކަށް ދައުވާއެއްވެސް ނުކުރޭ. ސާބިތެއްވެސްނުވޭ. ޑައުވާކޮށް ހުކުމްކުރީ މަނީލޯންޑިންގ. ވައްކަން ކުރުމާ މަނީލޯންޑިންގ މީ ތަފާތު 2 ކަމެއް. ސާބިތުނުވަނީސް ވަގެކޭ ނުބުނެވޭނެ.