ޕެރިސް ހިލްޓަން.
12 ޑިސެމްބަރ 2019 - 11:04
14 comments
އެމެރިކާގެ ރައްޔިތުންގެ މެދުގައި އެންމެ މަގުބޫލު މަންޒިލަކީ ދިވެހިރާއްޖެ ކަމަށް ސާޗް އެންޖިން ގޫގުލްގެ ތަފާސް ހިސާބުތަކުން ދައްކައިފި އެވެ.
ގޫގުލް އިން ކޮންމެ އަހަރަކު ނެރޭ "އިޔާ އިން ސާޗް" ލިސްޓުން ދައްކާ ގޮތުން އެމެރިކާގައި އެންމެ ގިނަ މީހުން "ޓްރިޕް ޓު" ޖަހައިގެން ގޫގުލްގައި އެންމެ ގިނައިން ސާޗްކޮށްފައި ވަނީ ދިވެހިރާއްޖެ އެވެ.
މި ލިސްޓު ދައްކާގޮތުގައި ގިނަ ބަޔަކު ވަނީ ރާއްޖޭގައި ޗުއްޓީ ހޭދަކުރުމަށް ހިނގާނެ ޚަރަދު ވެސް ބަލައިފަ އެވެ. މި ލިސްޓުން ދައްކާގޮތުގައި ރާއްޖެ އެންމެ ގިނައިން ސާޗް ކޮށްފައިވަނީ އެމެރިކާގެ ޓެކްސަސް އިންނެވެ. މީގެ އިތުރުން ކެލިފޯނިއާ، އިލިނޯއީ އަދި ނިއު ޔޯކް ފަދަ ބޮޑެތި ސްޓޭޓްތަކުގައި ވެސް ރާއްޖެ މަގުބޫލެވެ.
ގޫގުލް އިން މި އަހަރުގެ މެދުތެރޭގައި ނެރުނު ހިސާބުތަކުން އެމެރިކާގެ އެންމެ މަގުބޫލު މަންޒިލަކީ ބޯރާ ބޯރާ އެވެ. ނަމަވެސް ބޯރާ ބޯރާ ވަނީ މި ލިސްޓުގެ ތިންވަނައަށް ވެއްޓިފަ އެވެ. ލިސްޓުގެ ދެވަނާގައި އޮތީ ޖަޕާނެވެ.
ވިލް ސްމިތް މޯލްޑިވިއަންގެ ކެބިން ކްރޫއަކާ އެކު--
ބެލެވޭ ގޮތުގައި އެމެރިކާ މީހުންގެ މެދުގައި ރާއްޖެ މަގުބޫލުވީ މިއަހަރު ތެރޭގައި ހޮލީވުޑްގެ "އޭ ލިސްޓް" ފަންނާނުން ރާއްޖެ އަށް އައުމާ ގުޅިގެންނެވެ. މީގެ ތެރޭގައި ޖަސްޓިން ބީބާ އާއި ޕެރިސް ހިލްޓަން އާއި ވިލް ސްމިތާއި ލިއެނާޑޯ ޑިކެޕްރިއޯ އާއި ޖޯ ޖޯނަސް އަދި ސޯފީ ޓާނާ ހިމެނެ އެވެ. މީގެ އިތުރުން ސެރީނާ ވިލިއަމްސް އާއި ޕެޕް ގާޑިއޯލާ އާއި ލުއިސް ސުއަރޭޒް ފަދަ ކުޅިވަރުގެ ދާއިރާގެ ތަރިން ވެސް ވަނީ ރާއްޖެ އަށް ޒިޔާރަތްކޮށްފަ އެވެ.
މި އަހަރު ތެރޭގައި އެމެރިކާ އިން ރާއްޖެ އަށް އައި ޓޫރިސްޓުންގެ އަދަދު ވެސް ވަނީ އިތުރުވެފަ އެވެ. މި އަހަރުގެ އޮކްޓޯބަރު މަހުގެ ނިޔަލަށް އެމެރިކާ އިން 43،091 ޓޫރިސްޓުން ވަނީ ޒިޔާރަތްކޮށްފަ އެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 9،585 އިތުރު އަދަދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަގުންވެސް "ހުންނަވަނީތަ"؟
12 December 2019
ދެންއަހަރުމެންނަށް އޮތީ މީރާ ދޯ، އޭގެންނުލިބޭ އެވެސްއެޗެއް!
އަސްތާ
12 December 2019
އެމެރިކާމީހުންގެ ރާޑަރަށްއެރިތަނެއް ސަލާމަތުންނެތް. ވިސްނައިގެން ތިބެންވާނީ.
ސޯލާސަރާބު
12 December 2019
އެމެރިކާ އެންމެން ރާއްޖެޖައްސާލަބަލަ.
އެންދެރި
12 December 2019
އާއްމު ރައްޔިތުންނަށް ލިބޭ ފައިދާ ވ ކުޑަ އެވެ. ޓޫރިޒަމް ގެ ގިނަ ތަފާސް ހިސާބު ތަކަކީ ސިއްރެކެވެ.
އަރުވާލި އާދަނުގެ ސިޔާސީ ހާސަރު
12 December 2019
އަޅޭ ؟ ! މިނިސްޓަރ އަލީ ވަހީދު ނޫސްވެރިން ގޮވަިގެން ޕްރޮމޯޝަން އުދުހުމެއް ބަރުނާމިޖް ކުރެއްވީތޯ ނޫނޫ ކުރަށް ވަނީތޯ ނޫނީ ކުރަށްވަން ވީ ތޯ ؟ ______________ އެމެރިކާގެ ރައްޔިތުންގެ މެދުގައި އެންމެ މަގުބޫލު މަންޒިލަކީ ދިވެހިރާއްޖެ ކަމަށް ސާޗް އެންޖިން ގޫގުލްގެ ތަފާސް ހިސާބުތަކުން ދައްކައިފި އެވެ. ----------------- ކޮބާތޯ ތިިޔަ ހިސާބް ގޫގުލް ބުނި. ކިހާ ފައްކާ ވީސް ލިންކު ނަމަވެސް ދެއްވިނަމަ.
މާރަށް
12 December 2019
ކޮބައިތަ ޓީރިޒަމުން އިއުލާނުކުރަން ބުނި ރަށްތައް
އެތެރޭގެ ޙަބަރުތަށް
12 December 2019
އެތެރޭގެ ޙަބަރުތަށް އެވެރިންނައް ކިޔާލަދޭންވީތަ؟ އަދިފުއްޕޭކަށްނެތް!
މުހައްމަދު ބ
12 December 2019
ގައުމުގައި ނުރައްކާތެރި ހާދިސާތައް ނުހިނގާނެހެން ވިސްނުންބަހައްޓައިގެން އުޅުނީމާ ދިވެހިންނަށް ލިބެންއޮތް ރާއްޖޭ ވަރަށް މީރުވާނެ.
ޥައިބަރ
12 December 2019
އެމިރކާގެ ޓޯކްޝޯވ ތަކަށް އަހަރަކު 2 ފަހަރު އޯޑިއަންސް އިން ހޮވޭ ބަޔަކަށް ރާއްޖެއަށް 2 ދަތުރު ދޭނަމަ ވަރަށް އިސްތިހާރު ވާނެ. މިސާލަކަށް އެލެން. ޖޭމްސް ގެ ލޭޓް ލޭޓް ނައިޓް ޝޯ
ކަތްދައްތަ
12 December 2019
އެމެރިކާނުންވެސް ރާއްޖެ ނުބަލާ ނޫޅެވޭ ހިސާބަށް މިއޮތީ ގޮސްފައި. ހެޔޮ ވެރިކަމެއް އައިސް ގައުމު މަގުބޫލުވަނީ.
ދޮންދައްތަ
12 December 2019
އެމީހުން އަންނަނީ ވެރިކަން ކުރާ ގޮތް ބަލަންދޯ..
ބޮޑުދައިތަ
13 December 2019
ދޮންތާ، ވެރިކަން ކުރެވޭ ގޮތަކުން ބޭރުގައުމުތަކުން މިތަނަކަށް މީހުން ނާންނާނެ. އުތުރު ކޮރެޔާގައި ވެރިކަން ކުރެވޭ ގޮތަކުން ދާނެ އެކަކުވެސް ނުވޭ.