ވަޒީފާއިން ވަކިކުރީ ފޭސްބުކް ޕޭޖް ހިންގާކަމުގެ ތުހުމަތުގައި!

ހޮންޑާފުށިން ކަނޑާލި މުވައްޒަފު އަހުމަދު ޝިމްހާޒް، އޭނާގެ ދަބަސް ހިފައިގެން ރިސޯޓުން ފައިބަނީ --ފޮޓޯ: ރިސޯޓް ބޮއީސް

ފާތިމަތު ޝަނާ މުހައްމަދު، މިހާރު

30 ޑިސެމްބަރ 2019 - 12:12

ހދ. އަތޮޅު ހޮނޑާފުށި ރިސޯޓުގެ ވަޒީފާ އިން އޭނާ ވަކިކުރީ ފޭސްބުކް ޕޭޖެއް ކަމަށް ވާ ރިސޯޓް ބޯއީޒް މޯލްޑިވްސް ހިންގާކަމުގެ ތުހުމަތުގައި ކަމަށް، ރޭ އެ ރަށުން ފޮނުވާލި މުވައްޒަފު މިއަދު ބުނެފި އެވެ.

ރިސޯޓްގެ ސެކިއުރިޓީއެއްގެ މަގާމުގައި މަސައްކަތް ކުރަމުން އައި އަހުމަދު ޝިމްހާޒް ބުނީ ޑިއުޓީގައި ހުއްޓާ ރިސޯޓްގެ އެޗްއާރް މެނޭޖަރާއި ޖެނެރަލް މެނޭޖަރު އޭނާއާ ބައްދަލުކޮށް ކުރި އެއް ތުހުމަތަކީ ރިސޯޓް ބޮއީސް މޯލްޑިވްސް ފޭސްބުކް ޕޭޖު ހިންގަނީ އޭނާ ކަމަށެވެ. އަަނެއް ތުހުމަތަކީ "ރިސޯޓުގެ އަގުވެއްޓޭ ފަދަ ވާހަކަތައް ދެއްކުން" ކަމަށް އޭނާ ބުންޏެވެ.

"އަޅުގަނޑު ބުނިން އެ ޕޭޖުގެ ކަންކަމަކީ އެނގޭ ކަމެއް ނޫނޭ. ސާވިސް ޗާޖާ ގުޅޭ އެއްވެސް މައުލޫމާތެއް ނުދެމޭ. ރިސޯޓުގެ ވެސް އެއްވެސް މައުލޫމާތެއް ނުދެމޭ،" ޝިމްހާޒް ބުންޏެވެ.

"ދެން ޖެނެރަލް މެނޭޖަރު ވިދާޅުވި، އަޅުގަނޑު މައުލޫމާތުތައް ދޭ ވީޑިއޯއެއް އިން ވާހަކަ ވެސް. އެމީހުންނަށް އެކަން ފުލުހުންނަށް ވެސް ހުށަހެޅޭނެ ކަމަށް ވިދާޅުވި."

އެކަމަކު ތ. ގުރައިދުއަށް އުފަން ޝިމްހާޒް ބުނީ އެ ހުރިހާ ތުހުމަތުތަކަށް ވެސް އޭނާ އިންކާރުކުރި ކަމަށެވެ.

އޭނާ ބުނި ގޮތުގައި އެ ވީޑިއޯ އޭނާއަށް ދައްކާފައެއް ނުވެ އެވެ. އެކަމަކު އޭނާގެ މައްސަލަ ފުލުހަށް ހުށައަޅައިފި ނަމަ، ކޮންމެ ދުވަހަކު އިތުރު ގަޑީގެ ފައިސާ ނުދީ، އަށް ގަޑިއިރަށް ވުރެ ގިނަ އިރު އޭނާ ލައްވާ މަސައްކަތްކުރުވާ ވާހަކަ ވެސް ބުނާނެ ކަމަށް، މެނޭޖަރުންނަށް އެ ވަގުތު ޝިމްހާޒް އެންގި އެވެ.

ރައީސް އޮފީހުގެ މިނިސްޓަރު އަލީ ޝިޔާމާއި ފ. ބިލެތްދޫ ދާއިރާގެ ކުރީގެ މެމްބަރު އަހުމަދު ހަމްޒާގެ އާއިލީ ކުންފުނި ކަމަށް ވާ ތްރީއޭއިން ހިންގާ ރިސޯޓްގެ މެނޭޖްމަންޓުން ފުރަތަމަަ އުޅުނީ، އޭނާ ބުނި ގޮތުގައި، ވަޒީފާއިން ވަކިކުރާކަށެއް ނޫނެވެ. އޭނާގެ ކިބައިން އެދުނީ އަމިއްލައަށް އިސްތިއުފާ ދޭން ކަމަށާއި ނަމަވެސް އެކަމަށް އިއުތިރާޒުކުރި ކަމަށް ބުންޏެވެ.

ރިސޯޓްގެ އަގު ވެއްޓޭ ގޮތަށް ވާހަކަ ފެތުރުމުގެ ސަބަބު ދެއްކުމަށް ފަހު ޝިމްހާޒް ވަޒީފާ އިން ވަކިކުރީ ރޭގަ އެވެ. އޭނާގެ މުސާރައަށް ވާ 5،000ރ އާއި ސާވިސް ޗާޖަށް 36 ޑޮލަރު (555ރ) ދިނެވެ.

ރިޒޯޓް ބޯއީޒް މޯލްޑިވްސް ޕޭޖް މި ދުވަސްވަރު މަޝްހޫރު ވެގެން އުޅެނީ ރިސޯޓްތަކުގެ ސާވިސް ޗާޖާ މެދު ޓޫރިޒަމް މިނިސްޓަރު އަލީ ވަހީދު ދެއްކެވި ވާހަކައަކުންނެވެ. އޭނާ ވިދާޅުވެފައި ވަނީ ރިސޯޓްތަކުން ސާވިސް ޗާޖު ދޭ ވަރާއި ވަޒީފާގައި ދިވެހިން ހިފަހައްޓާ މިންވަރު ރަނގަޅު ކަމަށެވެ.

ނަމަވެސް ގިނަ ރިސޯޓްތަކަކުން ސާވިސް ޗާޖު ބަރާބަރަށް ނުދިނުމުގެ ޝަކުވާ ކުރިންސުރެ އޮވެ އެވެ. އަދި ރާއްޖޭގެ ބައެއް ރިސޯޓްތަކުން ސާވިސް ޗާޖު ދިނުމުގައި ނަމޫނާ ދައްކާފައި ވެސް ވެ އެވެ.

އޭނާ ދެއްކެވި ވާހަކައިގެ މާނަ ނުބައިކޮށް ނެގޭ ނަމަ، އެކަމަށް މައާފަށް އެދިވަޑައިގަންނަވާ ކަމަށް، މިނިސްޓަރު ފަހުން ވަނީ ވިދާޅުވެފަ އެވެ.

އެކަމަކު ރިސޯޓް ބޯއީޒް މޯލްޑިވްސް ޕޭޖް މެދުވެރިކޮށް ބައެއް މީހުން ގެންދަނީ އަލީ ވަހީދަށް ވަރަށް ބޮޑަށް ފާޑުކިޔަމުންނެވެ.

އުމުރުން 29 އަހަރުގެ ޝިމްހާޒަކީ އެއް ވަޒީފާއެއްގައި މާ ގިނަ ދުވަހު އުޅޭ މީހެއް ނޫނެވެ. ހޮނޑާފުށީގެ ވަޒީފާއަށް އޭނާ ދިޔައީ މިދިއަ އޮކްޓޯބަރު މަހު އެވެ. އޭގެ ކުރިން، 2013 ގައި، ތ. އަތޮޅުގެ ރިސޯޓެއްގައި އަހަރެއްހާ ދުވަހު މަސައްކަތްކުރި އެވެ.

އެކަމަކު މި ދުވަސްވަރު އުފެދިގެން އުޅޭ މައްސަލަގަނޑުގެ ތެރޭގައި ޝިމްހާޒް ވަކިކުރުމުން ގިނަ ބައެއްގެ ފަޑުކިއުން ހޮނޑާފުށި ރިސޯޓަށް ވެސް ވަނީ ކުރިމަތިވެފަ އެވެ.

ޓޫރިސްޓުން ޓޫރިޒަމް ރިސޯޓްތައް ސާވިސް ޗާޖް ވަޒީފާ ޖޮބް ސެކިއުރިޓީ ޓޫރިޒަމް މިނިސްޓްރީ އަލީ ވަހީދު، ކުރީގެ ޓޫރިޒަމް މިނިސްޓަރު

75 ކޮމެންޓް, 152 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މީތަ ދުނިޔޭގެ ދެވަނައެއް

31 December 2019

މީތަ ދުނިޔޭގެ ދެވަނައެއް ނެތް ފަތުރުވެރިކަމުގެ ޤައުމުގެ ފަރުދާގެ އަނެއްފަރާތުގެ މޫނުމަށްޗަކީ، ހައިރާންހީވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

31 December 2019

ރާއްޖޭގެ ހުރިހާވެސް މައްސަލަތައް ހައްލުވާނީ މުޒާހަރާކޮށްގެން. މިއަދު އޭނަ ކަޑާލީ. މާދަން ކަޑާލާނީ ކާކުކަމެއް ނޭގޭނެ. މިމަހު 11 ޑޮލަރު ދިނިއްޔާ އަންނަ މަހުގަ ދީފާނެ 6 ޑޮލަރުވެސް. ސަަބަބަކީ 11 ޑޮލަރު ދިނީމަވެސް މުވައްޒަފުންގެ ފަރާތުން ޓީމެއްގެ ސިފައިގައި އެކަމާ އިހުތިޖާޖް ނުކުރަންޏާ އެކަމުގެ ނާޖާއިޒް ފައިދާ ރިސޯޓް އޯނަރުން ނަގާނެ. ރާއްޖެއަށް އެންމެ ގިނަ ބޭރު ފައިސާ ވައްދާ ސިނާއަތުގައި މަސައްކަތްކުރާ ދިވެހިންނަށް މިހެން ވާތީ ދެރަވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންމެސް މީހެއް

31 December 2019

ރާއްޖޭގައި ހިންގާ ރިޒޯޓުތަކުން ގާނޫނާ އެއްގޮތަށް ކަންކަން ކުރޭތޯ ބެލުމުގެ ޒިިންމާ މަތިކޮށްފައި އޮންނަނީ އެ ކަމަށް ހާއްސަކޮށް އުފައްދައިފައިވާ ޓޫރިޒަމް މިނިސްޓަރީއާ އެވެ. މީގެ އިތުރުން ވަޒީފައާ ބެހޭ ކަންކަން ބެލެހެއްޓުމުގެ ގާނޫނީ ޒިންމާ އޮންނަނީ ލޭބަރ ރިލޭޝަންސް އޮތޯރިޓީ އާއެވެ. އެހެންކަމުން، ދައުލަތުގެ މި ދެންނެވި މުއައްސަސާތަކުން ރާއްޖޭގައި ހިންގާ ރިޒޯޓުތަކުން ރާއްޖޭގެ ގާނޫނާ އެއްގޮތަށް އަމަލުކުރާކަން ޔަގީން ނުކުރެވެންވީ ސަބަބެއް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ތުއްތޮންބެ

30 December 2019

‫އެމް.ޑީ.ޕީ ގެ އެޖެންޑާ 19ގެ ވައުދު ވަރައްވެސްތަފާތުދެއްތޮ؟ ރިސޯރޓް ބޯއީސް މިހާރު ވަޒީފާ ނިންމާލާފަ އަންހެނުން ކައިރިއައް ނިދަން ފޮނުވަނީ ފޮށި ތަންމައްޗާ އަތްދަބަހާ ހުރިހާ އެއްޗެއް ހިފައިގެން ދެންއަނބުރާ ވަޒީފާއައް އަންބަންނުޖެހޭގޮތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްތުރާ

30 December 2019

އޯގާތެރި ސަރުކާރު. އަދިވެސް ދެން އަންނަ ހުރިހާ އިންތިހާބެއްގަ 100 ޕަސެންޓް އެމްޑީޕީ އަށް ދީ. ވަރަށް ޖަޒީރާ ވަންތަ ވާނެ އިނގޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

30 December 2019

ދިވެހިޒުވާނާ ޝިމްހާޒު ވަޒީފާއިންވަކިކުރީ ފޭސްބުކް ޕޭޖެއްގައި ލިއުމުންކަމުގައިވާނަމަ އެކަންކުރުމަށް ފުރުސަތުލިބުނީ ޓެލެކޮމިއުނިކޭޝަން މިނިސްޓަރާއި ދިރާޤު އަދި އުރީދޫ އެފުރުސަތު ލިބޭގޮތަށް ހިދުމަތް އާންމުކޮށްފައިވާތީ ކަމަށްބުނެ މިމީހުން ގޮވައިގެންވެސް ކޯޓަށް ދާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރު

30 December 2019

އަޅުގަނޑް ލިޔެ ސޮއިކޮއްދީފާނަން އެއްކަމެއްވެސް ރަނގަޅެއް ނުވާނެ މިގައުމުގެ، ސަބަބަކީ ވަގުންގިނަވީމަ މުޅި ރާއްޖެތެރޭ މީހުން މަސައްކަތް ކޮށްދޭންވީ މާލޭގެ މީހުން އުފަލުގެ ބޭތިއްބުމަށް މިއީ ކޮންމެ ސަރުކާރެއް އަޔަސް ކަންވާގޮތަކީ ކެމްޕެއިނުގެ ހުރިހާވާހަކައެއް ދަށްކާނެ ވާއެއްކަމެއްވެސް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްގުދީ

30 December 2019

ފޭސްބޫކް ޕޭޖްހިންގައި ތިފަދަކަންކަން ކުރުމަކީ ވިސްލްބްލޯވަރ ގާނޫނުން ރައްކާތެރިކަން ލިބޭނެކަމެއް. ވީމާ ޓްރިބިއުނަލަމައްސަލަލާ ރިސޯޓާދެކޮޅަށް ދައުވާކުރަން ގޮވާލަން ރިސޯޓް ޖޫރިމަނާކުރުމަށް ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްކަލަ މީހާ ދޯ

30 December 2019

ރިސޯޓް ތަކުގެ މެނޭޖަރުންނަށައި އަދި ފައިނޭންޝަލް ކޮންޓްރޯލަރ ފަދަ ބޭފުޅުންނަށް ދަންނަވާލަން އޮތީ ވަގުތީ ފައިދާ އަކަށް ޓަކައި ތިޔަބޭފުޅުން ތިޔަ ކުރައްވާ ކަންކަމުގެ ސަބަބުން ތިޔަ ބޭފުޅުންގެ އަގު ވެއްޓި އިތުބާރު ދަނީ ގެއްލެމުންނޭ. މަކަރު ހަދަން އެހީތެރިވެ ދިނުމުން އެކަމުގެ ބޮޑު ފައިދާ މި ނަގަނީ ރިސޯޓްތަކުގެ އޯނަރުންނޭ. ވީމާ މިކަމުގެ ތެރެއަށް ވަންނާށޭ. އެޗް.އާރް އިންވެސް މިކަން ބައްލަވާށޭ.