މާލެ އަތޮޅު ކަގި ފަރަށް އަރާފައިވާ ދޯނި: ސިފައިން މިހާރު އަންނަނީ ގެއްލުނު ކައްޕި ހޯދުމުގެ މަސައްކަތް ކުރަމުން
06 ޖެނުއަރީ 2020 - 13:29
11 comments
މާލެ އަތޮޅު ކަގި ފަރަށް މިއަދު ހެނދުނު އެރި ދޯނިން ގެއްލުނު ދިވެހި ކައްޕި ހޯދަން ކޯސްޓް ގާޑުން ބަލަމުން އަންނަ ސަރަހައްދުން ބައެއް އެއްޗެހި ފެނިއްޖެ އެވެ.
ގެއްލިގެން ހޯދަމުން އަންނަނީ ހދ. ކުޅުދުއްފުށީ، ހަވީރީ ނާޒު، މުހައްމަދު ޔޫސުފް، 37، އެވެ.
އެމްއެންޑީއެފްގެ މީޑިއާ އޮފިޝަލް މޭޖާ އިބްރާހީމް އާޒިމް ވިދާޅުވީ އެ ސަރަހައްދުގެ މޫދު އަޑިން ބޮކްސާ ވައްތަރުގެ ޝޯޓަކާއި މާސްކެއް، މިހާތަނަށް ފެނިފައިވާ ކަމަށެވެ.
އެކަމަކު އެއީ ޔޫސުފްގެ އެއްޗެހިކަމެއް ނުވަތަ ނޫން ކަމެއް އަދި ނޭނގެ އެވެ.
އާޒިމް ވިދާޅުވީ "ޓީޓީއެސް ފާން" ދޯނި މާލެ އަތޮޅު ކަގި ކައިރިން ފަރަށް އެރިކަމާއި ކައްޕި ގެއްލުނު ކަމުގެ ރިޕޯޓް ލިބުނީ ހެނދުނު 8:00 އެހާކަށް ހާއިރު ކަމަށެވެ. އެކަމަކު އޭނާ ވިދާޅުވި ގޮތުގައި ދޯނިން ރިޕޯޓްކުރީ ކައްޕި ގެއްލުނުކަން އެކަންޏެވެ.
އެ ދޯނީގައި ދެން ތިބީ ބިދޭސީ ދެ ފަޅުވެރިންނެވެ.
މާލެ އަތޮޅު ކަގި ފަރަށް މިއަދު އެރި ދޯނި: މި ދޯނީގެ ކައްޕި ވަނީ ގެއްލިފައި
އެމްއެންޑީއެފުން މީޑިއާއާ ހިއްސާކުރި ފޮޓޯތަކުން ފެންނަ ގޮތުގައި ދޯނި އުރިފައި އޮތީ ކަގި ކައިރިން މާލެ އަތޮޅަށް ވަންނަ އުޅަނދު ފަހަރުގެ ރައްކާތެރިކަމަށް ފަރުގައި ޖަހާފައިވާ ބައްތީގެ ކައިރި އަށެވެ. ދޯނި އޮތީ ވަރަށް ބޮޑަށް ފަރަށް އަރައިފަ އެވެ.
އާޒިމް ވިދާޅުވީ ޔޫސުފް ހޯދުމުގައި ކޯސްޓް ގާޑުގެ ޑައިވަރުން މިހާރު ވެސް ހަރަކާތްތެރިވަމުން އަންނަ ކަމަށެވެ.
މިދިއަ ބުރާސްފަތިދުވަހުގެ ރޭ، ބ. އަތޮޅު ދޮންފަނު ކައިރިން ޑިންގީއަކާއި ލޯންޗެއް ޖެހިގެން ހިނގި އެކްސިޑެންޓްގައި، ޑިންގީގައި އިން ނަސްރުﷲ އަބްދުﷲ، 41، ގެއްލިގެން ހޯދުމުގެ މަސައްކަތް މިހާރު ވެސް ސިފައިން އަަންނަނީ ކުރަމުންނެވެ. އެ އެކްސިޑެންޓް ހިނގީ އޭނާ އާއި އޭނާގެ އަންހެނުންގެ ދެ ބޭބެއަކު މަހަށް ނުކުމެ އުޅެނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޯން
08 January 2020
ދެރަ ހިތާމަވެރި ކަންކަން ފަހަކަށް އައިސް މިފެންނަނީ. ބަންގާޅިން ކިބައިން ޔާ أَللّٰهُ ބަންގާޅިން ކިބައިން މިގައުމުސަލާމަތް ކޮއްދެއްވާފާދޭވެ.،
މުހައްމަދު އަހްމަދު
07 January 2020
ކޮންމެވެސް ސަބަބަކާހުރެ އެވެރިން ކައްޕި މަރާލީ ކަމަށް ވުން އެކަށީގެންވޭ... އެއަށް ފަހު ގަސްތުގައި އެވެރިން ދޯނި ފަރަށް އަރުވާނީ ކަމަށް ބެލެވެނީ... ނުލާހިކު ތިލަކޮށް އޮތް ފަރަކަށް އަރައިގެން ކައްޕި ގެއްލެންވީ ސަބަބެއް ނެތް.. ވީލް ހައުސްތެރޭ ކައްޕި ހުއްޓާ ބުރައިގެން ނުދާނެ... އެހާ ތިލަ ތަނަކަށް ކައްޕި ފޭބިޔަސް ނުގެއްލޭނެ... އަދި ފޭބިޔަސް ފޭބިކަން އެވެރިންނަށް އެނގޭނެތާ...
އަހުމަދުނަސީރު
06 January 2020
ކައްޕިނެތި އެދެމީހުން ފިލަންވެގެން ދޯނިދުވަނިކޮން ފަރައްއެރީ
ާއުނިމާ
06 January 2020
އަޅުގަނޑުގެ ބުއްދިއަށް ޤަބޫލުކުރެވެނީ ކައްޕި ގެއްލުނުފަހުން ދަތުރުކުރަންނޭންގޭ ފަޅުވެރިޔަކު ތިޔަ ބޯޓު ދުއްވުމުގެ ސަބަބަުން ރޯމާ ދުވާލު ތިޔަ ފަޅަށް އަރާނީ!
ކަކުނިބޯ
06 January 2020
ކައްޕި ގެއްލުވާލު މަށްފަހު ކަ މަށް،ބުރަވެވެނީ
ނެޑް
06 January 2020
ބައްތި ކައިރިއަށް ވަރަށް އަރައި ކައްޕި ގެއްލުނީ! ކިހިނެތް ތިޔަ ތަނަށް ފަރަށް އަރާނީ އަދި ތިޔަ ތަނުން އޭނާ ގެއްލޭނީ؟ އަހަންނަށް ޝައްކު.
ބަރަބޯ
06 January 2020
އެންމެ ފުރަތަމަވެސް ބަލަންވީ ހަގީގަތުގައިވެސް ކައްޕި ގެއްލުނީތޯއެވެ. ކައްޕި ހޯދުމުގެ މަސައްކަތް ނުކުރާށެކޭ ނޫނެވެ. https://mihaaru.com/news/67234 މިކަހަލަ ކަންކަން ހިނގާތީއެވެ.
ޟޮޕްލިފްޓަރ777
06 January 2020
ފަރައް ދޯންޏެއް އަރައިގެން ކައްޕި ވިއްސައިގެން މޫދަކައްނުދާނެ އެއީ ގެގަނޑު ތެރޭހުނނާނީ.. ފަރައްއަރައިގެން މޫދައްފޭބީތަ؟ މޫދައްފޭބިޔަސް ގެއްލެންވީ ކީއްވެ؟ އަރާރުންވުމެއްގެ ތެރެއިން ކައްޕި ގެއްލުވާލީތަ؟ ޙުސްސުވާލު.. ފުލުހުން މިކަން ތަހުގީގުކޮށްފަ ޖަވާބެއްދޭނެކަމައް އުންމީދުކުރަން..
މމމމމެޒީން
06 January 2020
ކީއްވެ ކައްޕި ގެއްލުނީ؟ މައްސަލައެއް
ޢަލިމަނިކުފާނު
06 January 2020
ދެރަ ހިތާމަވެރި ކަންކަން ފަހަކަށް އައިސް މިފެންނަނީ.
ގައުމީ ލޯބީގާ
07 January 2020
އަމިއްލަ ގައުމުގަ ރައްޔިތުމީހާ ރޯމާދުވާލު ގެއްލުން އެވެސް ދޯނީގެ ކައްޕި .