ރައްޔިތުންގެ މަޖިލީހުގެ ޖަލްސާއެއްގައި މެމްބަރު ވަހީދު ވާހަކަ ދައްކަވަނީ: ކާޑުގެ އަގު ބޮޑުކުރި މައްސަލާގައި އޭނާ ހުންނެވީ ވަރަށް ބޮޑަށް ހިތްހަމަޖެހިވަޑައިނުގެންފައި.---ފޮޓޯ: މަޖިލިސް
03 އޮކްޓޯބަރ 2016 - 13:53
36 comments
ސަރުކާރުން ކާޑުގެ ބާވަތްތަކުގެ އަގު ބޮޑުކުރުމަކީ ރައްޔިތުން ސަލާން ޖައްސުވަން ހުޅުވައިލި ފުރުސަތެއް ކަމަށް ތުލުސްދޫ ދާއިރާގެ ޕީޕީއެމްގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ) މިއަދު ވިދާޅުވެއްޖެ އެވެ.
ކާޑު ސަބްސިޑީ ނިކަމެތިންނަށް އެކަނި ހާއްސަކޮށް، ކާޑުގެ އަގު 100 ޕަސެންޓް ބޮޑުކުރި މައްސަލާގައި "މިހާރު"އާ ވާހަކަ ދައްކަވަމުން ވައްޑެ ވިދާޅުވީ، ސަރުކާރުގެ ނިންމުމާ ގުޅިގެން އޭނާގެ ދާއިރާގެ ރައްޔިތުން މިހާރު ތިބީ "ސަލާންޖަހާ ހިސާބުގައި" ކަމަށެވެ. އަދި ދާއިރާގެ ހަތަރު ރަށް ކަމަށްވާ ތުލުސްދު އާއި ހުރަ އާއި ހިންމަފުއްޓާއި ދިއްފުށީގެ ރައްޔިތުންގެ ޝަކުވާ އިންތިހާ އަށް ލިބެމުން ދާ ކަމަށް އޭނާ ވިދާޅުވި އެވެ.
"މީހާ އަށް ލިބޭ މުސާރައިން، އުޅޭ ތަނުގެ ކުލި ދައްކާފައި، ޒަރޫރީ ގޮތުން ކޮންމެ މަހަކު ގެއަށް ހޯދަންޖެހޭ އެތިކޮޅު ހޯދާފައި ކާޑުގެ އަގު ބޮޑުވެފައި ހުރީމާ އޭނާ އަށް ލިބޭ މުސާރައިން ދެން ދެކޮޅެއް ނުޖެހޭނެ. ދެން ޖެހޭނީ ސަލާން ޖަހަން ނުކުންނަން. އެހެންވީމާ ކާޑުގެ ބާވަތްތަކުގެ އަގު ބޮޑުވުމަކީ ސަލާން ޖައްސުވަން ހުޅުވައިލި ފުރުސަތެއް،" ވައްޑެ ވިދާޅުވި އެވެ.
އޭނާ ވިދާޅުވީ ކާޑުގެ އަގުބޮޑުކޮށް، އަދި ސާޗާޖުގެ ގޮތުގައި ކަރަންޓު ޔުނިޓަކަށް މަހަކު ހަތަރު ލާރި ނަގަން ސްޓެލްކޯއިން ނިންމި ނިންމުން އިޔާދަ ކުރުމަށް ނުވަތަ އަގު ހެޔޮ ކުރުމަށް ސަރުކާރަށް ގޮވާލައްވާ ކަމަށެވެ.
"މިގޮތަށް މި ކަންތައްތައް ނުކުރެވޭނެ. މިފަދަ ޒާތުގެ ކަންކަން ބަޔަކަށް ތަކުލީފަކަށް ޖައްސުވާކަށް ނުވާނެ. އަޅުގަނޑު ހިތަށް އަރާ ކޮން ކަމެއް ނުވެގެންބާއޭ މި ބަދަލުތައް މި ގެންނަނީ،" ވައްޑެ ވިދާޅުވި އެވެ.
އޭނާ ވިދާޅުވީ ރާއްޖޭގައި މަސައްކަތްކުރާ ބިދޭސީން ބޭނުންކުރާ ކާޑުގެ ބާވަތްތަކުގެ އަގު ބޮޑުކުރާ ނަމަ، ރައްޔިތުންނަށް އެކަމުން އުނދަގޫ ނުވާ ގޮތަށް ނުވަތަ ބޮޑު ބުރައެއް އުފުލަން ނުޖެހޭނެ އިންތިޒާމުތަކެއް ހަމަޖައްސަންޖެހޭ ކަމަށެވެ. އަދި ކާޑުގެ ބާވަތްތަކަކީ އަސާސީ އެއްޗަކަށް ވާއިރު، އެތަކެތި އާންމުންނަށް އަގު ހެޔޮކޮށް ލިބެންޖެހޭނެ ކަމަށް ވައްޑެ ވިދާޅުވި އެވެ.
ކާޑު އަގު ބޮޑުކުރުން ފަދަ ކަމެއް ސަރުކާރުން ނިންމިއިރު ރައްޔިތުންގެ މަޖިލިހާ އެކަން ހިއްސާ ނުކުރި މައްސަލާގައި ވެސް ވައްޑެ ފާޑު ވިދާޅުވި އެވެ.
އޭނާ ވިދާޅުވީ ރައްޔިތުންގެ މަޖިލިހުގެ ސުޕަ މެޖޯރިޓީ ސަރުކާރަށް އޮތް އިރު، އެ މަޖިލީހާ އެއްވެސް ކަމެއް ހިއްސާ ނުކުރުމުން ކަންބޮޑުވެވަޑައިގަންނަވާ ކަމަށެވެ.
"އިގުތިސޯދީ މާހިރުންނޭ އަޅުގަނޑުމެން ކިޔަނީ، އިގުތިސޯދީ ގޮތުން ހެޔޮ އަގެއްގައި ފުދުންތެރި ބަޔަކަށް ހަދައި ދިނުމަށް ކިޔާ އެއްޗަކަށް. އެއީ އިގުތިސޯދީ މާހިރުން ކުރާ ކަމަކީ. އޭގެ ބަދަލުގައި އިގުތިސޯދީ މާހިރުންނަކީ ރައްޔިތު މީހާގެ ޖީބުގައި އޮންނަ ފައިސާ ކޮޅު ނަގައިގެން ބައިތުލްމާލަށް ލައިގެން އެއާ ކުޅޭ ބައެއް ނޫން،" ވައްޑެ ވިދާޅުވި އެވެ.
އޭނާ ވިދާޅުވި ގޮތުގައި ކަރަންޓުގެ އަގު ބޮޑުކުރުމުން އެކަމުން ސަލާމަތް ނުވެ އުޅެނިކޮށް، ކުރިން ނޯޓިހެއް ވެސް ނުދީ، ކުއްލި ގޮތަކަށް ކާޑުގެ އަގު ބޮޑުކުރުމަކީ އެންމެންނަށް އަންނާނެ ބޮޑު ސިހުމެކެވެ.
"އެއްކަލަ ފަގީރު މީހާ ހޮޓަލަށް ގޮސްފައި، އިއްޔެ ފަސް ރުފިޔާއަށް ކާން ލިބުނު އެތިކޮޅު މިއަދު މި ޖެހެނީ 25ރ.-30ރ. އަށް. ނޫނިއްޔާ އޭނާއަށް ކާއެތިކޮޅެއް ލިބޭ ވަރެއް ނުވޭ. އެހެންވީމާ ރައްޔިތުންގެ މަޖިލިސް ތަންކޮޅެއް ޒިންމާދާރުވާންޖެހޭނެ ކަމަށް އަޅުގަނޑު ދެކެން،" ވައްޑެ ވިދާޅުވި އެވެ.
އިގުތިސޯދީ މާހިރުންނޭ އަޅުގަނޑުމެން ކިޔަނީ، އިގުތިސޯދީ ގޮތުން ހެޔޮ އަގެއްގައި ފުދުންތެރި ބަޔަކަށް ހަދައި ދިނުމަށް ކިޔާ އެއްޗަކަށް. އެއީ އިގުތިސޯދީ މާހިރުން ކުރާ ކަމަކީ. އޭގެ ބަދަލުގައި އިގުތިސޯދީ މާހިރުންނަކީ ރައްޔިތު މީހާގެ ޖީބުގައި އޮންނަ ފައިސާ ކޮޅު ނަގައިގެން ބައިތުލްމާލަށް ލައިގެން އެއާ ކުޅޭ ބައެއް ނޫން.
އޭނާ ވިދާޅުވީ ސަރުކާރުން ހިންގާ މި ކަހަލަ ކަންކަން، ރައްޔިތުންގެ މަޖިލިހުގެ ހުއްދަ ނެތި ނުކުރެވޭނެ ގޮތަށް ގާނޫނެއް ފާސްކުރަންޖެހޭ ކަމަށެވެ.
"އެހެން ނޫނިއްޔާ ހައްދު ފަހަނައަޅައިގެން ހިނގައިދާނެ. ރައްޔިތުންގެ މަޖިލިހުގެ ޒިންމާއެއް، ބަހެއް ނެތި ރައްޔިތުންނަށް ހިތު ހުރިހާ ގޮތެއް ހަދަމުންދާއިރު، އަޅާނުލައި ތިބުމަކީ ޒިންމާދާރު ގޮތެއް ނޫން. ރައްޔިތުންގެ މަޖިލިހުގެ މެމްބަރުން ސަރުކާރާއެކު ތިއްބެވިޔަސް އެ މެމްބަރުންނަކީ ސަރުކާރު ޒިންމާދާރު ކުރުވަން ޖެހޭ ބައެއް. ސަރުކާރުން ކުރާ ހުރިހާ ކަމަކަށް އާދެ ލައްބަ ކިޔައިގެން ތިބެގެން ވާނެ ކަމަށް ނުދެކެން،" ވައްޑެ ވިދާޅުވި އެވެ.
ކާޑުގެ އަގު ބޮޑުކުރި މައްސަލާގައި ވައްޑެ ވަނީ ޕީޕީއެމްގެ ޕާލަމެންޓްރީ ގުރޫޕް (ޕީޖީ) ގެ ވައިބާގައި ވެސް ފާޑުވިދާޅުވެފަ އެވެ.
"ބޭރު މީހުންނަށް އަގުބޮޑު ކުރިޔަސް، ދިވެހި ރައްޔިތުންގެ ފައިސާއިން ގެންނަ އަސާސީ ކާޑުގެ ތިން ބާވަތް ކުއްލިއަކަށް ދިވެހި ރައްޔިތުންނަށް ދެ ގުނަ އަގުބޮޑުކޮށް، އަތްނުފޯރާފަށަށް ގެންދިއުމަށް ސަރުކާރުގެ އިގުތިސޯދީ މާހިރުން ނިންމިޔަސް، އެއީ ބަލައިގަނެވޭނެ ކަމެއް ނޫން ކަމަކަށް ވާތީ، ލަސްނުކޮށް މި ނިންމުން ރުޖޫއަ ކުރުމަށް އަޅުގަނޑު ގޮވާލަން. ރައްޔިތުންގެ މަޖިލިހުގެ މެމްބަރުން އެއީ އެއްވެސް ބަޔަކަށް ނުހަދައި މަޝްވަރާ ކުރުމެއް ނެތި، މިގޮތަށް ކުއްލިއަކަށް ކާޑުގެ ތިން ބާވަތް އަގުބޮޑު ކުރީ ކޮން ކަމެއް ނުވެގެންތޯ؟،" ރައީސް ޔާމީން ވެސް ހިމެނޭ ޕީޕީއެމްގެ ޕީޖީގެ ވައިބަ ގުރޫޕްގައި ވައްޑެ ސުވާލު ކުރައްވާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
GAN Island
03 October 2016
އިއްޒަތްތެރި ''ޓްވީތަރުންނަށް'' ތިނޫން ވަރެއް ނުކުރެވޭނެ. ޖަލްސާ އެއް ބާއްވައިފި ނަމަ ކޯރަމެއް ހަމަ ނުވޭ. ވޯޓް ދެއްވަނީ ''އެހެން ކޮންމެވެސް މީހަކު ބުނާ ގޮތަކަށް'' އަމިއްލަ އިޙްތިޔާރުގައެއްނޫން. ހަމަ އެކަނި ފުރުސަތު އޮތީ ''ޓްވީޓެއް'' ކޮށްލަން. ނަގޫފިތުނަސް ތިވަރު ތަންފުކެއް ބޮޑުކަން ނޭގެ.
ބަކުރު އެންޑް ޒުބޭރް
03 October 2016
ހިތްވަރެއް، އިހުލާސްތެރިކަމެއް ހުރިއްޔާ އިސްތިއުފާދީބަލަ. ނުކެރޭނެ. ލާހިކެއްނޫން.
މުހައިމިނު
03 October 2016
ސާބަސް ވައްޑެ.ނަމޫނާ ބޭފުޅެއް.ކޮބާ ދެންތިބި މެމްބަރުން.ހައްގު ގޮތުގް ދެމިހުންނާތި ވައްޑެ.މިފަހަރުވެސް މަގޭ ވޯޓް ވައްޑޭ އަށް.
ގޭސް
03 October 2016
ހުސް އެކްޓް. ސިޔާސީޕޮއިންޓް ހޯދަން ދައްކާވާހަކަ ތީ ހުސް. ނުދޭނަން އެންމެ ވޯޓެއްވެސް.
ހާސަރު
03 October 2016
މަޖްލިހަށް މިމައްސަލަ ވެއްދީމަ ބަހުސް ކޮށްލަންވެސް ފުރުސަތު ނުދީ ކޮއްލާނީ ބޭރު! ދެން މިމީހުން ކޮންހާވާހަކައެއް މިދައްކަނީ!
އަހުމަދު
03 October 2016
ޒުވާނުން ބާރުވެރިކުރަން. 7000މިލިޔަން، ބަށިކޯޓުއަޅަން 1500މިލިޔަން، މަސައްކަތްތެރިކަން ދަސްކޮށްދިނުމަށް 5000މިލިޔަން. މިބޯޑުތައް ފެންނަންފެށުމުން މަގޭހިތައްއެރި މިއުޅެނީ އާޓެކްސްތައް ނަގާ އަހަރެމެން ރޯނާގަންނަވާލާށޭ. ސަރުކާރުން ބުރިޖުގެ އަގުވެސް އޮޅުވާލައިގެން ތިކުދިން ހަނދާން ނުހުންނާނެކަން ޔަގީން.
ފެމުނު
03 October 2016
ވައްޑެއަކައްވެސްނުކެރުނު ސަރުކާރުގެހިޔާނާތުގެވާހަކަދައްހާކައް ތިމީހުންތިކަންތިކުރުވަނީ ދެންމާ ރައްޔިތުންނައްހެޔޮބަޔަކައްވާންވެގެން ތިމީހުންގެ ވައްތަރުއެގެޔޭ
އަލްޖިބްރާ
03 October 2016
ވަރިހަމައެއްނު ! ޔާމީނަށް ކުރުނީސް ކޮށްގެން ކަލޭމެންގެ ބޭނުން ފުދިއްޖެނު ! ދެން ކޮން ރައްޔިތުންނެކޭ ތިގޮވަނީ ! އަދިވެސް ގޮސް ޔާމީނުގެ ފައިންޕުޅު ހޯދާފާ " މޮޅު އެކޮނޮމިސްޓެކޭ " ދަންނަވަންވީނު ؟
ޖައިސަމް
03 October 2016
2016ގެ ބަޖެޓް އޮތީ ފާސްކޮށްފަ. ކާޑުގެ ސަބްސިޑީވެސް ހިމެނޭ ގޮތަށް. ބަޖެޓަކީ ގާނޫނެއްފަދަ އެެއްޗެއް. ޔާމިނު ބަޖެޓާ ޚިލާފުވެ ރައްޔިތުންގެ ލާރި އިތުރަށް ނެގުމަކީ ގާނޫނީ ކުށެއް. ނިކަން ވައްޑެމެނަށް ކެރެންޏާ ޔާމިނު ޖަވާބުދާރީ ކުރުވަން މަސައްކަތް ކޮށްބަލަ. މަށަށް ޔަގީން ދާއިރާގެ ރައްޔިތުންގެ ލޮލުގަ އަނދުން އެޅުވުމަށް ދައްކާ ވާހަކައިގެ އިތުރުން އެއްކަމެއްވެސް ނުކުރާނެކަން. މެމްބަރު ޑީޑީވެސް ހެދީ އެހެން. އަސްމާވެސް އެފަދަ. ޕީޕީ ޕާލަމެންޓަރީ ގްރޫޕަކަށް އިތުބާރެއް ނެތް.
އއ
03 October 2016
ވައްޑޭ ތީހަމަ ފޭކެއްބާ ނޫނީ އިހުލާސްތެރިވެގެން ދަށްކާވާހަކައެއްބާ ދީދީ މެންނައްވީހެން ނުވިއްޔާ ރަގަޅު
ދެކުނު ފަޑިޔާރު
03 October 2016
ބޭފުޅުންނޭ ކިތައްމެ ވަރަކަށް ތިވާހަކަ ދެއްކިއަސް ކުރާނެ ފާއިދާއެއްނޯންނާނެ. ރައްޔިތުން ބަޑަށްޖެހެނީ ކާޑު ހަމައަގަށް ބަދަލުކުރުމަކުންނޫން. ރައްޔިތުން ބަޑަށްޖެހެނީ މުދަލާ ޚިދުމަތުގެ އަގު ކޮންޓްރޯލް ނުކުރެވިގެން . އެއްމިސާލެއް ދައްކާނަމަ މާލެއިން ކޭސްރޭޓުން ގަނެގެން 235.00 ރުފިޔާ އަށް ލިބޭ ކިރުދަޅެއް ފުވައްމުލަކުގައި ވިއްކަނީ 50 ރުފިޔާ އިން 35 ރުފިޔާ އާއި ދެމެދުގެ އަގެއް ދަޅަކުން ބޮޑުކޮށް.