ޑެންގީ ހުން މިދިޔަ އަހަރު ފެތުރުނު އިރު، ވެކްސިން ޖަހަން ބަޔަކު މީހުން ދަމަނަ ވެށީގައި. ވެކްސިން ނުޖަހާ ކުދިން ވައްދާ ސްކޫލެއް ހުރި ކަމަށް ބައެއް ޑޮކްޓަރުން ތުހުމަތު ކުރައްވާ.
12 ޖެނުއަރީ 2020 - 19:13
54 comments
ވެކްސިން ނުޖަހައި ކުދިން ވައްދާ ސްކޫލެއް އައްޑޫގައި ހުރި ކަމަށް ވިދާޅުވެ އައިޖީއެމްއެޗުގެ ކުޑަކުދިންގެ ޑޮކްޓަރު އަހްމަދު ފައިސަލް މިއަދު ކަންބޮޑުވުންފާޅުކުރައްވައިފި އެވެ.
ވެކްސިން ދިނުމަށް ބާރު އަޅުއްވައި ސޯޝަލްމީޑިއާގައި އާއްމުން ހޭލުންތެރި ކުރުމުގެ މަސައްކަތް ކުރައްވާ ފައިސަލް އެ ސްކޫލުގެ ވާހަކަ ވިދާޅުވީ ވެކްސިން ނުދޭ ކުޑަ އަންހެން ކުއްޖަކަށް ހިމަ ބިހި ޖެހިގެން މިދިޔަ ހަފުތާގައި ފަރުވާ ދީފައި ވަނިކޮށެވެ. ހިމަ ބިއްސަކީ ރާއްޖެ އިން ނައްތާލާފައިވާ ބައްޔެކެވެ.
ވެކްސިން ދިނުމާ ގުޅޭ ގޮތުން ފާޅުކުރާ ހިޔާލުތަކަށް ޖަވާބެއްގެ ގޮތުން ފައިސަލް ކުރެއްވި ޓުވީޓެއްގައި ވިދާޅުވީ ވެކްސިން ޖަހާފައި ތިބޭ ކުދިންނަށް ނުރައްކަލެއް ނެތް ކަމަށެވެ. އެ ކުދިންގެ ސަބަބުން އެހެން ކުދިން ނަށް ވެސް ނުރައްކަލެއް ނެތް ކަމަށް އޭނާ ވިދާޅުވި އެވެ.
އެކަމަކު މައްސަލައަކީ، އޭނާ ވިދާޅުވި ގޮތުގައި ވެކްސިން ނުޖަހައި ކުދިން ސްކޫލަށް ވެއްދުމެވެ. އެފަދަ ސްކޫލެއް އައްޑޫގައި ހިންގާ ކަމަށް ވިދާޅުވި ނަމަވެސް އެތަނުގެ ނަން އާއްމެއް ނުކުރައްވަ އެވެ.
"މާލޭގައި ވެސް އަދި އެހެން ރަށްރަށުގައި ވެސް އަޑިއަޑިން ވައްދާ. އެކަމަކު [އައްޑޫގެ] އެ ސްކޫލަކީ ގިނަ އަދަދެއްގެ ކުދިން ވެކްސިން ނުޖަހާ އުޅޭ ސްކޫލެއް،" ފައިސަލް ވިދާޅުވި އެވެ.
އޭނާގެ ވާހަކަ އަށް ތާއީދު ކުރެއްވި ޑރ. މުހައްމަދު އަލީ ވެސް ވިދާޅުވީ ވެކްސިން ނުޖަހައި ސްކޫލަށް ކުދިން ވެއްދުމަކީ ނުރައްކަލެއް ކަމަށެވެ. އަދި ވެކްސިން ޖެހުމާ ދެކޮޅަށް މަަސައްކަތް ކުރުމަކީ ގައުމީ ސަލާމަތަށް ހުރި ނުރައްކަލެއް ކަމަށް ވެސް އޭނާގެ ޓުވީޓުގައި ވިދާޅުވެފައިވެ އެވެ.
ވެކްސިން ނުޖަހަސުކޫލައް ވެއްދުމަކީ އާންމުންނަށް ހުރި ނުރައްކަލެއް! އަދި ވެކްސިން ޖެހުމާ ދެކޮޅަށް މަސައްކަތް ކުރުމަކީ ދިވެހިރާއްޖޭގެ ގއުމީ ސަލާމަތަށް އޮތް ނުރައްކަލެއް! މިކަން ބަލާ، އެކަން ހއްޓުވުމަކީ ތިޔަބޭފުޅުންގެ ޒިންމާއެއް @PoliceMv . މިކަންހުއްޓުވާ @ibusolih @HPA_MV https://t.co/xOInw2EpA1
— Dr. Mohamed Ali (@Moxamedalu) January 12, 2020
ޑރ. ފައިސަލްގެ ޓުވީޓަށް ތާއީދު ކުރައްވައި ވެކްސިން ނުދޭ މައްސަލައިގައި ޑރ. މުހައްމަދު އަލީ ވެސް ކަންބޮޑުވުންފާޅުކުރައްވާފައި.
"މިކަން ހުއްޓުވުމަކީ ތިޔަ ބޭފުޅުންގެ ޒިންމާއެއް. މިކަން ހުއްޓުވާ،" ރައީސްް އިބްރާހީމް މުހައްމަދު ސޯލިހާއި މޯލްޑިވްސް ޕޮލިސް ސާވިސް ޓެގް ކުރައްވައި ޑރ. މުހައްމަދު ކުރެއްވި ޓުވީޓުގައި ވިދާޅުވި އެވެ.
ސްކޫލްތަކުން ގްރޭޑް އެކަކަށް ކުދިން ވައްދާ އިރު، އެ ކުދިން ވެކްސިން ޑޯޒުތައް ފުރިހަމަކޮށްފައިވޭތޯ ކަށަވަރުކުރަން ޖެހެ އެވެ. ދެ ޑޮކްޓަރުންގެ ތުހުމަތާ ގުޅިގެން "މިހާރު"އިން ސުވާލު ދެންނެވުމުން އައްޑޫގެ މޭޔަރު އަބްދުﷲ ސޯދިގު (ސޯބެ) ވިދާޅުވީ ވެކްސިން ނުޖަހާ ކުދިން ވައްދާ ސްކޫލެއް އައްޑޫގައި ހުރި ކަން ސިޓީ ކައުންސިލަށް މައުލޫމާތު ލިބިފައި ނެތް ކަމަށެވެ. އެފަދަ ސްކޫލެއް ހުރިކަން އެނގިއްޖެ ނަމަ އެޑިއުކޭޝަން މިނިސްޓްރީ އާއި ފުލުހުން މެދުވެރިކޮށް ފިޔަވަޅު އަޅުއްވާނެ ކަމަށް ވެސް އޭނާ ވިދާޅުވި އެވެ.
"އަޅުގަނޑުމެންނަށް އެނގިފައެއް ނެތް އެފަދަ ސްކޫލެއް ހުރި ކަމެއް. އެކަމަކު ވަކި ވަކި ބައެއް ކުދިންނަށް ވެކްސިން ނުދޭކަން އެނގިގެން އަޅުގަނޑުމެން ހުންނާނެ ބެލެނިވެރިންނާ ވާހަ ދައްކައި، ވެކްސިން ދިނުމަށް ބާރު އަޅާފައި ވެސް،" އޭނާ ވިދާޅުވި އެވެ.
ރާއްޖޭން ނައްތާލައިފައިވާ ކަމަށް ދުނިޔޭގެ ސިއްހަތު ޖަމިއްޔާއިން އިއުލާން ކޮށްފައިވާ ހިމަބިހި ރާއްޖޭން އަނެއްކާވެސް ފެނުމާ އެކު އެ ބަލި ފެތުރުމުގެ ނުރައްކާ ބޮޑުވެފައިވާ ކަމަށް ބުނެ ބައެއް ޑޮކްޓަރުން އަންނަނީ ކަންބޮޑުވުން ފާޅުކުރައްވަމުންނެވެ.
ރާއްޖޭގައި ހިންގާ ގައުމީ ވެކްސިން ޕްރޮގްރާމްގެ ސަބަބުން ރާއްޖެއަކީ ހިމަބިހި ނުވަތަ މީސްލްސް ނައްތާލެވިފައިވާ ގައުމެއް ކަމަށް ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން އިއުލާން ކުރީ ޖޫން 2017 ގަ އެވެ.
ނަމަވެސް ހިމަބިހި ޖެހިފައިވާ "މީހަކު" ރާއްޖެއިން ފެނިއްޖެ ކަމަށް، މިދިއަ ހަފުތާގައި ސަރުކާރުގެ ކަމާ ބެހޭ އިދާރާތަކުން އާއްމުކޮށް، ރައްކާތެރިކަމުގެ ފިޔަވަޅު އަޅަން އެދިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްކާ
13 January 2020
ބައެއް ވެކްސިނުގެ ސަބަބުން ލޯއަނދިރިވުމާއި މަރުވުމުގެ ފުރުސަތުވެސް ކޮންމެވެސް ވަރަކަށް އޮންނަކަމަށް އެބަވޭ ދިރާސާކޮށް ބަލާލާއިރުގަ. ދައުލަތުން މަޖުބޫރުކޮށްގެން ވެކްސިން ޖަހާއިރު އެފަދަ ކަމެއް މެދުވެރިވެއްޖެނަމަ ދައުލަތުން ބަދަލުދޭނެތޯ، ދޭނީ ކިހާވަރެއްގެ ބަދަލެއްތޯ؟
ތައްކާނުބެ
14 January 2020
މަރު އެއީ ޔަޤީންކަމެއް، ކޮންމެވެސް ސަބަބެއް މެދުވެރިވެގެން އެކަންވާނީ، އެކަމާދޭތެރޭ ފިކުރުކުރާނެ ކަމެއްނެތް.
ޢަހުމަދު އިބުރާހިމް
13 January 2020
ވެކްސިނަކީ 100 ޕަސެންޓް ރައްކާތެރި އެއްޗެއްނޫން. ޙުރިހާ މީހުންނަކަށް ހުރިހާވެކްސިން ޖެހޭނެ އެއްވެސް ޑޮކްޓަރީ ހަމައެއް ނޯންނާނެ. ޥެކްސިނުގައިވެސް ބަޔާންކޮށްފައިވާނެ މިވެނި އެވެނި އެއްޗެއް މިވެނި އެވެނި ބައްޔެއް ހުރި އާއިލާއެއްގެ މީހުންނަށް ނުދެވޭނޭ. ކީއްވެތަ މިކަންކަން ބަލާނުލާ ވެކްސިންދެނީ. ކާކުތޯއަހަނީ. ޙަމަވިހާއިރަށް އަހާލުމެއް ކަހާލުމެއްނެތި ދެ ވެކްސިން އެބަޖަހާ. ބީ ސީ ޖީ ވެކްސިންގެ ސަބަބުން މަދުންނަމަވެސް ޓީވީ ޖެހޭ. މީހަގީގަތް.
ހާސަރު
13 January 2020
ޑޮކްޓަރ ތިދެއްކި ވާހައިން ގިނަބައެއްގެ ބޮލަށް ވަކިސްކޫލެއް ވަދެގެންއުޅެނީ. ޗެލެންޖް ކޮށްފަ މިބުނަނީ އެސްކޫލް ހިންގަނީ އެޑިޔުކޭޝަން މިނިސްޓްރީގެ ހުރިހާގަވައިދެއް ފޮލޯކޮށްގެން.
ތައްކާނުބެ
13 January 2020
ޗެލެންޖް ކުރެވޭނެހެނެއް ހިއެއްނުވޭ! އެއީ ކުޑަކުދިންގެ ބަލިތަކަށް ފަރުވާދޭ މަޝްހޫރު ޑޮކްޓަރެއް، މަޢުލޫމާތު ހޯދައި ޔަޤީންކޮށްގެން ނޫނީ އެފަދަ ބަހެއް މުޖްތަމަޢަށް ދޫކޮށްލާނެކަމަކަށް ޤަބޫލެއްނުކުރެވޭ! އެބުނި ބަހުގެ މައްޗަށް އެކަށީގެންވާ ހެކި ޑޮކްޓަރުގެ އަތުގައި ހުންނާނެކަމަށް ވަރަށްބޮޑަށް ޤަބޫލުކުރެވޭ.
މުހައްމަދު އިބުރާހިމް
13 January 2020
ޢެމް އެމް އާރު . މީ ހިމަބިހި، ކޯފުއްޕި އަދި ރުބެއްލާއަށް ޖަހާވެކްސިން. ސުވާލަކީ ކިތައްކުދިންގެ ކޯފުއްޕި ކޭސް މިގައުމުން ފެނިފައިވޭތޯއެވެ؟ ވެކްސިން އެކަށިގެންވަގޮތުގައި މަސައްކަތް ކުރާނަމަ ކޯފުއްޕި ފެނިގެން ނުވާނެދޯ. ޥިސްނާބަލަ. މީ ވެކްސިނާއި ދެކޮޅުވުމެއްނޫން. ޖަވާބުދީބަލަ. ޜަގަޅު އެއްޗެހި އެންމެންވެސް ބޭނުންވާނެ.
ހޭލާ
13 January 2020
ވެކްސިން ދިނުމުގެ މާނައަކީ 100 ޕަސެންޓް ކަވަރޭޖެއް ލިބުމެއް ނޫނެވެ. ވިސްނާލާށެވެ. ވެކްސިން ނުޖާހާއިރާ މިހާރާ ހުރި ތަފާތު. މިބާވަތުގެ ބަލިތައް އިތުރުވަމުން ދިޔަ ނިސްބަތް.
ޢަހުމަދު އިބުރާހިމް
13 January 2020
ގައުމީ މިމައްސަލައިގައި އާއްމުންނަށް ހުޅުވަލެވިފައިވަގޮތައް ޓީވީން ދުރައްފެންނަގޮތައް އަދި ބޭނުން ސުވާލެއް ކުރެވޭގޮތައް މައުލޫމާތުގެ ޝެޝަނެއް ބާއްވަދީ. މި ޝެޝަނުގައި މެޑިކަލް ޑޮކްޓަރުންނާއި ދީނީ ދަންނަބޭކަލުންވެސް ހިމަނެންވާނެ. ސުވާލު ކުރުމަށް އެކަށީގެންވަ ވަގުތު ދެވެންވާނެ. ޑޮކްޓަރުންނާއި ދަންނަބޭކަލުން ބޭނުން އެއްޗެއްބުނެފަ ނިންމާލާނީކީއެއް ނޫން. މިބައްދަލުވުމުގައި ކުރެވޭ ސުވާލަކަށް ޓެރަރިޒަމްގެ ދައުވާ ކުރެވިގެންނުވާނެ.
ހަބީބު
13 January 2020
ތިކަހަލަ މޭޔަރުން ތިބޭނެ ފެރާބުޑުގަ ފައިން ޖަހާލީމަ ފުންމަމުން ދުވާނެ
ޢަަހުމަދު އިބުރާހިމް
13 January 2020
ވެކްސިން ނުޖަހާ ސްކޫލަށްވެއްދީމާ އާއްމުންނަށް އޮތީ ކޮންނުރައްކަލެއްތޯ؟ ބުނެދީބަލަ؟ ނުރައްކާ އޮންނަނީނަމަ އެކަން އޮންނާނީ ނުޖަހާ ކުއްޖާއަށް ނުވަތަ މީހާއަށް . ޢެހެނޭ ކިޔާފައި ވެކްސިންޖަހާފާވާމީހާއަށް އޮތީ ކޮން ނުރައްކަލެއް. ޢަމިއްލަފުޅަށް ތިބުނަނީ ތިޔަޖަހާ ވެކްސިން ގެރެންޓީއެއް ނޫނޭ. މީލައްކަވާހަކަ
ކޭކު
13 January 2020
ގުޑް ޕޮއިންޓް
ތައްކާނުބެ
13 January 2020
ލައްކަވާހަކައެއްނޫން! ތިހެންބުނާއިރުވެސް އެނގޭނެ ވެކްސިން ނުޖެހުމުގެ ސަބަބުން ގައިންގަޔަށް އަރާ ބަލިތައް ފެތުރި އެހެންމީހުން އޭގެ ޝިކާރަޔަކަށްވުމުން އެހެންމީހުންނަށްލިބޭ ގެއްލުމެއް އިންތިހާޔަށް އޮތްކަން، ޑޮކްޓަރީ ބޭސް ބޭނުންކުރަން ރަނގަޅު، އެކަމަކު ވެކްސިން ޙަރާމް، މީކޮންކަހަލަ ފިކުރެއްގެ ބައެއް!
ޝިޓްމިކްސް
13 January 2020
އަޖައިބު، ނުޖަހާ ހުރީމަ ވާގޮތަކީ އުމުރުން ދުވަސް ވީ މީހުންނާއި އިމިއުން ސިސްޓަމް ކޮންޕްރޮމައިޒް ވެފައި ނުވަތަ ދިފާއީ ބާރު ދަށް ކުދިންނަށް އެބަލި ފެތުރެނީ. އަލަށް ވިހާ ކުދިންނާ މުސްކުޅިންނަށް ހާއްސަކޮށް. ވެކްސިން ޖަހާފަ ހުރި ކުއްޖާގައިން ބަލީގެ އަސަރުތައް ނުފެނުނަސް ވައިރަސް ޓްރަންސްމިޓް ކުރެވޭނެ މި ބުނެވުނު ކަހަލަ ކުދިންނާއި މީހުންނަށް. އޭތި ކަޑަދޯ.
ދޭހަ
13 January 2020
ވެކްސިން ނުޖާ ކުއްޖާ ބަލިވީމާ ދައުލަތުގެ ވަސީލަތްތައް އެކަމަށް ހޭދަކުރަންޖެހެެވެ. އެހެން ކަމަކަށް ބޭނުންކުރަން ހުރި ރިސޯސްތައް ބޭކާރުވެގެން ދެއެވެ. ދައުލަތުގެ ރިސޯސްތަކަކީ ރައްޔިތުންގެ އެއްޗެކެވެ. ވަކިވަކި ފަރުދުންގެ އަމަލުތަކުގެ ސަބަބުން ރައްޔިތުންނަށް ތަކުލީފެއް އުފަލަން ޖެހުމަކީ ރައްޔިތުންނަށް ހުރި ނުރައްކަލެކެވެ.
ބަގާ
14 January 2020
ވެކްސިން ނުދޭ މީހުން ބަލި ހިފައިގެން އައިސް ވެކްސިން ދޭ އުމުރަށް އަދި ނާޅާ ތިބި ތުއްތު ކުދިންނަށް ބަލިޖެއްސުމުގެ ފުރުސަތުގެ ވާހަކަ މި ދައްކަނީ. ކޮންމެ ވެކްސިނެއް ވެސް ދެވެނީ ކުއްޖާ ވަކި އުމުރަކަށް އެޅީމަ. އޭގެ ކުރީން އެ ކުއްޖާޔަށް ބަލި ޖެހިދާނެ. އަދި ރާއްޖޭގައި ގައުމޫ ވެކްސިން ޕްރޮގްރާމް ހިންގަން ފެށުމުގެ ކުރީން އުފަންވެފަ ތިބި ގިނަ ބަޔަކު ވެސް ތިބޭނީ ވެކްސިން ނުދީ. އެ މީހުންވެސް ނުރައްކަލުގެ ތެރެއަށް ވައްޓާލެވޭ! ސާފު ވެއްޖެތަ?
ޢަހުމަދު އިބުރާހިމް
13 January 2020
ޙުރިހާ ބޭފުޅުން ފުލަސިޑް ޕެރަލިސިސް ނުވަތަ ވެކްސިން ޑިރައިވްޑް ޕޯލިޔޯ އަކީ ކޯޗެއްތޯ ބައްލަވާ. ތަނެއް ދޮރެއް ނުބަލާ އެއްޗަކަށް އެލާޖީވޭތޯ ނުވަތަ ނުވޭތޯ ބަލާލުމެއްނެތި ވެކްސިން ދިނީމާ އޭގެ ސައިޑް އިފެކްގެ ސަބަބުން ދިމާވި ކަންކަމުގެ ނަތީޖާ މިފެންނަނީ. ބަލަ ބަދަލު ލިބޭނެގޮތް ހަމަޖައްސާދީފައި ވެކްސިން މަޖުބޫރު ކުރާނީ
ކައްކާ
13 January 2020
ވެކްސިނުގެ މައްސަލައަކީ ތަރައްގީވެފައިވާ ހުޅަނގުގެ ގައުމުތަކުގައިވެސް ވަރަށް ބޮޑަށް ބަހުސްކްރެވޭ ކަމެއް. ރާއްޖޭގައި ކިރިއާވެސް ބުއްދީގެ ތެތްކަމެއް ހުރީ އައްޑޫމީހުންކަމަށްވެފައި ތިފަދަ ކަމެއް އައްޑޫގައި ހިނގުމަކީވެސް އެކަށީގެންވާކަމެއް. ކ.މާލޭގައި ވިސްނޭބަޔަކު އުޅުނަސް އެހިނގި މަރުތަކާއި މަނީލޯންޑްރިންފަދަ ބޮޑެތި ހުރިހާ ކުށެއްގައި ދައުވާކުރަން އެފޮނުވަނީ އެރަށުމީހުނަށް، އެހެންވީމަ ކްރިމިނަލް މައިންޑާއި ނޯމަލް މައިންޑް ވަކިކުރަން ޖެހެނީ.
ޢަހުމަދު އިބުރާހިމް
13 January 2020
ޥެކްސިން ޖަހާފައި ތިބޭ ކުދިންގެ ފަރާތުން ނުޖަހާ ކުދިންނަށް ބަލި ޖެހުމުގެ ފުރުޞަތުއޮވޭ. ޢިތުރުފުޅު ނުހައްދަވާ. އަގަޔަށް ތިކިޖައްސާ ޕޯލިޔޯގެ ސަބަބުން ނުޖަހާ ކުއްޖާއަށް ޕޯލިޔޯ ޖެހިދާނެ. ބައެއްފަހަރު ވެކްސިނުގެ ސަބަބުންވެސް އެދޭކަމެއްގެ ބަލިޖެހިދާނެ. ތެދަށް ބުނެދެއްވާ. ދާދިފަހުން މެލޭޝިޔާއިން ފެނުނު ޕޯލިޔޯ ކޭސް އަކީ މީގެ ހެއްކެއް. ޢަދި ޕިލިޕީންސްއަކީވެސް މީގެ ހެއްކެއް