ކުޅުދުއްފުށީ ހޮސްޕިޓަލްގައި ކާޑިއެކް ސެންޓަރާއި ސީޓީ ސްކޭންގެ ޚިދުމަތް ރަސްމީކޮށް މިދިޔަ އޮކްޓޫބަރު ފައްޓަވައި ދެއްވުމަށް ފަހު، މިނިސްޓަރު އަމީން، އެ ޚިދުމަތްތައް ގާއިމް ކޮށްފައިވާ ފެންވަރު ބައްލަވަނީ.---ފޮޓޯ: ހެލްތު މިނިސްޓްރީ
16 ޖެނުއަރީ 2020 - 00:21
19 comments
މި ސަރުކާރުގެ ވިސްނުމަކީ ހދ. ކުޅުދުއްފުށީގައި އާ ހޮސްޕިޓަލެއް އިމާރާތް ކުރުން ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.
ކުރިއަށް އޮތް ލޯކަލް ކައުންސިލްތަކުގެ އިންތިޚާބާ ދިމާކޮށް، އެމްޑީޕީން ތިލަދުއްމައްޗަށް ކުރަމުން އަންނަ ކެމްޕެއިން ދަތުރުގެ ތެރެއިން، ކުޅުދުއްފުށީގައި ބޭއްވި ޖަލްސާގައި ރައީސް ވިދާޅުވީ، އެ ރަށުގައި މިހާރު ހުރި ހޮސްޕިޓަލް ޓާޝަރީ ފެންވަރަށް ތަރައްގީ ކުރަން ސަރުކާރުން ބޭނުންވާ ކަމަށެވެ. ނަމަވެސް ކުޅުދުއްފުށީ ރީޖަނަލް ހޮސްޕިޓަލް މިހާރު ހުރި ފެންވަރަކުން އެކަމެއް ނުވާނެ ކަމަށް ވިދާޅުވި އެވެ.
"މިހާރު ހުރި ހޮސްޕިޓަލަކުން އެކަމެއް ނުވާނެ. އަޅުގަނޑުމެންނަށް އެނގޭ. އަޅުގަނޑުމެންގެ ވިސްނުމަކީ މި ރަށުގައި އަލުން ހޮސްޕިޓަލެއް އަޅައި ތިޔަބޭފުޅުން ބޭނުންވާ ހިދުމަތްތައް އެ ތަނުން ލިބޭ ގޮތަށް ބަދަކުރުން،" ރައީސް ވިދާޅުވި އެވެ.
ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދާއި މިނިސްޓަރުންނާއި މަޖިލީހުގެ މެމްބަރުން ވެސް ބައިވެރިވެވަޑައިގެންނެވި ޖަލްސާގައި ރައީސް ވިދާޅުވީ، ކުޅުދުއްފުށީ އާ ހޮސްޕިޓަލް ވާނީ ހަމައެކަނި އެ ރަށުގެ ރައްޔިތުންނަށް ހިދުމަތް ދޭ ތަނަކަށް ނޫން ކަމަށެވެ. ތިލަދުއްމައްޗާއި ކުޅުދުއްފުއްޓާ ކައިރި ސަރަހައްދުތަކުގެ ހުރިހާ ރައްޔިތުންނަށް އެތަނުގެ އެހީ އާއި ހިދުމަތްތައް ލިބޭނެ ޕްލޭނެއް އެބައޮތް ކަމަށް އެމަނިކުފާނު ވިދާޅުވި އެވެ.
އެމްޑީޕީން ކުޅުދުއްފުށީގައި މިރޭ ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހާއި ކުރީގެ ރައީސް ނަޝީދު ބައިވެރިވެވަޑައިގަންނަވަނީ.
ކޮންމެ ދުވަހަކު ވެސް އެތައް ސަތޭކަ ބަޔަކު ދާ ކުޅުދުއްފުށީ ހޮސްޕިޓަލްގެ ޚިދުމަތްތަކުގެ ފެންވަރު ދަށްކަމުގެ ޝަކުވާ ކުރާތާ އެތައް ޒަމާނެވެ. އެކަށީގެންވާ ފަރުވާއެއް ނުލިބި، އެ ހޮސްޕިޓަލުގެ ހާލަތު ދިޔައީ ދަށަށެވެ.
"މިހާރު ހުރި ހޮސްޕިޓަލަކުން އެކަމެއް ނުވާނެ. އަޅުގަނޑުމެންނަށް އެނގޭ. އަޅުގަނޑުމެންގެ ވިސްނުމަކީ މި ރަށުގައި އަލުން ހޮސްޕިޓަލެއް އަޅައި ތިޔަބޭފުޅުން ބޭނުންވާ ހިދުމަތްތައް އެ ތަނުން ލިބޭ ގޮތަށް ބަދަކުރުން،" ރައީސް
ކުރީގެ ރައީސް އަބްދުުﷲ ޔާމީންގެ ސަރުކާރުގައި ވެސް ކުޅުދުއްފުށީ ހޮސްޕިޓަލް ޓާޝަރީ ފެންވަރަށް ހިންގަން އިންޑިއާގެ ނޫރުލް އިސްލާމް އިންޓަނޭޝަނަލް ޕްރައިވެޓް ލިމިޓެޑް (އެންއައިއައިއާ) އަށް 50 އަހަރަށް ހަވާލުކުރި އެވެ. ނަމަވެސް އެ ކުންފުނީގެ ދެ ހިއްސާދާރުންގެ މެދުގައި އުފެދުނު މައްސަލަތަކާ ހެދި އެއްބަސްވުމާ އެއްގޮތަށް ހޮސްޕިޓަލް ނުހިންގުމުން އެންމެ ފަހުން އެތަން ހިންގަން ފެށީ ހެލްތު މިނިސްޓްރީންނެވެ.
ނަމަވެސް އެންއައިއައިއާ އެކު ދިވެހި ސަރުކާރުން ހެދި އެއްބަސްވުން އަދިވެސް އުވައެއް ނުލަ އެވެ.
މި ސަރުކާރުގެ ހެލްތު މިނިސްޓަރު އަބްދުﷲ އަމީން ވިދާޅުވެފައި ވަނީ ކުޅުދުއްފުށީ ހޮސްޕިޓަލް ހިންގަން އެންއައިއާ އެކު ވެފައިވާ އެއްބަސްވުން ބާތިލްކޮށްފި ނަމަ ސަރުކާރުން ބަދަލުދޭން ޖެހޭ ކަމަށެވެ. އެހެންވެ، މައްސަލަ އަށް ހައްލެއް ހޯދުމުގެ މަސައްކަތް އަލުން ފަށާފައިވާ ކަމަށް މިނިސްޓަރު ވިދާޅުވެފައި ވެ އެވެ.
"ސަރުކާރުން ކަށަވަރުކޮށްދޭ ކަމަކީ ކުޅުދުއްފުށީ ހޮސްޕިޓަލް ޓާޝަރީ ހޮސްޕިޓަލަކަށް ބަދަލުވާނެ ކަން. މައްސަލަ ކޮންމެ ގޮތަކަށް ދިޔަ ނަމަވެސް ހޮސްޕިޓަލްގެ ތަރައްގީ އަށް ބަދަލެއް ނާންނާނެ،" މިދިޔަ އަހަރުގެ ޖެނުއަރީ މަހު އަމީން ވިދާޅުވެފައި ވެ އެވެ.
އޭނާ އެހެން ވިދާޅުވިތާ އަހަރެއް ވީއިރު ވެސް އެންއައިއައިގެ އެއްބަސްވުން އުވައެއް ނުލަ އެވެ. އަދި ހައްލެއް ވެސް ނުހޯދެ އެވެ.
ރައީސް އިބްރާހިމް މުހައްމަދު ސޯލިހު މިރޭ ވިދާޅުވި ގޮތުގައި، ދާދި ފަހުން ސިޓީއެއްގެ ދަރަޖަ ދިން ކުޅުދުއްފުށި، އިގުތިސޯދީ ހަބެއްގެ ގޮތުގައި ތަރައްގީ ކުރުމަށް ގިނަ މަސައްކަތްތަކެއް ވަނީ ރާވައިފަ އެވެ. ބޯހިޔާވަހިކަމަށް ދިމާވެފައިވާ މައްސަލަ ހައްލުކޮށް ވަރަށް އަވަހަށް ހައުސިން ޔުނިޓުތަކަށް ވަދެވޭވަރު ކުރާނެ ކަމަށް ވިދާޅުވި އެވެ. އޭގެ އިތުރުން ރަށުގެ މަގުތައް ވެސް ޒަމާނީ ފެންވަރަށް ހެދުމަށް މި އަހަރުގެ ބަޖެޓުގައި ހިމަނާފައިވާ ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތައްކާނުބެ
16 January 2020
ތެދުފުޅެއް ތިވިދާޅުވީ! ކަމަކާމެދު ވިސްނުން ގެންގުޅުއްވައިގެން އެކަމެއްވާނީ، އެހެނަސް އެއްޖަލްސާގައި ވިސްނާވާހަކަ، އަނެއްޖަލްސާއެއްގައި މަޝްވަރާކުރާ ވާހަކަ، އަނެއްޖަލްސާއެއްގައި ޚިޔާލުހޯދާ ވާހަކަ، އެނެއްޖަލްސާއެއްގައި ކުރާނެގޮތެއް ރާވާވާހަކަ ދެއްކިއަކަސް ކަމެއް ނުކުރެވޭނެ، ކަންކުރާމީހުން ވިސްނާ ވާހަކަ ދައްކާނީވެސް އެކަމުގެ ހުރިހާ ތައްޔާރީއެއް ކޮށްނިންމާފަ، އެހެންނޫނީ އެންމެފަހުން ވިސްނުން ބަދަލުވި ވާހަކަވެސް އިވުމަކީ އެކަށީގެންވާ ކަމެއް.
ޢައިމިނަ
16 January 2020
މިއުޅެނީ ހޮސްޕިޓަލް މަދުވެގެންތަ އައިޖީ އެމް އެޗް ކިޔުގަ 2 އަހަރު އިދެގެން ޑޮކުޓަރަށް ދެއްކެނީ އިމާރާތް ކުޑަވެގެންތަ ހިދުމަތް ދޭނެ ބަޔަކު މިތާމަދީ ވަސީލަތެއް ނެތީ މި ސަރުކާރު މައިގަނޑު ކަމަކީ ކުޅުދުއްފުށި މީހުން ގުނބޯ ހެއްދުން އީދު ދުވަހު ފުޅަނދު ބުރުގަ ތިއަޅާ ހޮސްޕިޓަލް ފެންނާނެ ކަމަށް އުއްމީދު ކުރަން
ބޮޑުމީހާ
16 January 2020
މި އުޅެނީ އިމާރާތްތައް ނެތިގެންނޫން. ވަސީލަތްތައް ފުރިހަމަ ކޮށްދިނީމަ ނިމުނީ. މާލެގަ އެބަހުރި 25 ބުރީގެ ހޮސްޕިޓަލް އިމާރާތެއް. ޑޮކްޓަރަށް ދައްކަން ކިޔު ކުޑަ ނުވޭ. ބޭނުންވާ ހިދުމަތެއް ނުލިބޭ.
އަހްމަދު
16 January 2020
ވިސްނުމުގައި ހުންނަ ހުރިހާ ކަމަކީ ވާނެ ކަންތައްތަކެއްނޫން. ރައީސްސޯލިހުގެ ވިސްނުމުގައި އޮތްކަމެއް ދުނިޔޭން ބޭރަށް ދިވެހިން ކިޔަވަން ފޮނުވުންވެސް. އެކަންވާނެބާ؟ މިހާރު ހުރި ހޮސްޕިޓަލް ގެކަންތައްވެސް މިދަނީ ދުވަހުން ދުވަހަށްދަށަށް. ދެން އާހޮސްޕީޓަލެއް އަޅާނީ ކިހިނެއް. މިހާރު އެތަން މަރާމާތްކުރަންވެސް ތިފެށީ މިރަށުގައި މަހާސިންތާ ބާއްވަން ވެގެން ރައްޔިތުން ގުނބޯ ހައްދަންވެގެން. ރަށަށް އެރިޔަނުދޭނެތީ.
ތުއްތޮންބެ
16 January 2020
ބޮޑެތި ހުސްޕިޓަލުތައް މިހާރުވެސް ރައްރަށުގަހުރޭ އެކަމަކު ކާންއިންދާ ކަރުގަ ކައްޓެއްޖެހުނަސް މިޖެހެނީ ފުރައިގެން މާލެއަންނަން.
އައްޔަަ
16 January 2020
ބޮޑެތި ހޮސްޕިޓާ ތައް އަޅަންވީ، އެއްވެސް ވަސީލަތެއް، ޑޮކްޓަރެއް ހޯދާނެކަމެއް ނެތް. ވަރަށް ސަޅިއެންނު. ކޮބާ ހޯދުނު ކުރިއެރުމަކީ މީގެ 15 އަހަރާ މިހާރާވެސް ހިދުމަތް އެއްވަރު. ވަސީލަތެއް ނެތް
އަހުމަދުބޭ
16 January 2020
އިތުރު ހޮސްޕިޓަލް އެއް އެޅުމަށްވުރެ ރަގަނޅުވާނެ ކަންނޭގެ މިހަރުހުރި ހޮސްޕިޓަލް ބޮޑުކޮށް ތަރައްގީކުރިއްޔާ، ޚަރަދުގެ ގޮތުން އެތަށްތަނަކުން ޚަރަދު ކުޑަވެގެންދާނެ ކަމަށްބެލެވޭ، ތިތާ އަނެއްކާ ހޮސްޕިޓަލްއަޅާގެން ސަރުކާރަށް ތިޔަދެތަން ބެލެހެއްޓިދާނެބާ؟ މިހާރުވެސް ތިޔައުޅެނީ އެއްތަން ނުބެލެހެއްޓިގެން، ދެން ކިހިނެތް ދެތަން ބަލަހައްޓާނީ
ފފފފ
16 January 2020
ވިސްނުމަކީ ގައުމު ދަވާލާ އަޅުވެތިކުރުން. އެކަން ކުރަންމަދުވަނީ ކައުންސިލްތައް ލިބުން. އޭރުން މުޅިގައުމުގައި ބަގުޑިބެއްދުނީ. ބޭނުން އެއްޗެއް ހަދާލެވޭނެ. ބާޣީންގެ ފަރާތުން ތިނޫން ކަމެއް ނުފެންނާނެ.
އަލިފް ހ
16 January 2020
އަޅާފަ ހުރި އިމާރާތެއްގެ ތެރޭގައި ދޭންޖެހޭ ޚިދުމަތްތަކެއްގެ ފެންވަރު ރަނގަޅު ނުކުރެވިގެން އުޅޭ ބަޔަކު އައު ތަނެއް އަޅައިގެންނޭ އެ ޚިދުމަތުގެ ފެންވަރު ރަނގަޅު ކުރެވޭނީ ބުނީމާ ބޮލުރޮދި ގޮސް ހުރި މީހަކު ނޫނީ އެވާހަކަތަކަށް އަތް ނުޖަހާނެ!
ދިއްދޫ ހަންދަރު ޙަސަނު
16 January 2020
ރަނަގަޅުކަމެއް ގައުމު ބިނާކުރުމަކީ ކެނޑި ނޭޅި ކުރަން ޖެހޭ މަސައްކަތެއް ރައީސުލް ޖުމްހޫރިއްޔާގެ މަގާމް އޮންނަނީ އެކަމަށް އުފައްދާފަ އެކަމަކު މަނިކުފާނު ނޫންތޯ ވިދާޅުވީ ދިއްދޫގަ ޓާސަރީ ހަސްފަތާލެއް އަޅުއްވާނެ ވާހަކަ ޓާސަރީ ހަސްފަތާލު އަޅާނެ ރަށްތައް އިއުލާނުކުރި ލިސްޓްގައި ދިއްދޫ އެބައޮތްތޯ މަނިކުފާނު ހިމަނުއްވާފަ !!!!!