ކުޑަކުދިންނަށް ކުރާ އަނިޔާއާ ދައްކުވައިދޭ ފޮޓޯއެއް: ކުޑަކުދިން ހިމާޔަތްކުރަން ހަރުކަށި ފިޔަވަޅުތަކެއް ވެސް އަޅަން ޖެހޭ ވަރަށް ރާއްޖޭގައި އެ މައްސަލަ ބޮޑުވެފައި.
17 ޖެނުއަރީ 2020 - 14:13
62 comments
ދެކުނުގެ ރަށެއްގައި ދެ އަހަރުގެ އަންހެން ކުއްޖާ އަށް ޖިންސީ ގޯނާ ކުރުމުގައި އެ ކުއްޖާގެ ބައްޕަ، ކާފަ އަދި މުނިކާފަ ބައިވެރިވާ ކަމަށް އެ ރަށުގައި އުޅޭ ބައެއް މީހުން މިއަދު ތުހުމަތު ކޮށްފި އެވެ.
ކުޑަ އަންހެން ކުއްޖާ އަށް ޖިންސީ ގޯނާކުރި ކަމުގެ މައްސަލައެއް ފުލުހުންނަށް ހުށަހެޅީ އިއްޔެ އެވެ. އެ މައްސަލައިގައި ފުލުހުން އަދި މާ ބޮޑު މައުލޫމާތުތަކެއް ހާމައެއް ނުކުރެ އެވެ. އެނގިފައިވާ ގޮތުގައި މި މައްސަލައިގައި ތުހުމަތު ކުރެވޭ މީހުން އަދިވެސް ދިރިއުޅެނީ އެ ކަން ހިނގި ރަށުގަ އެވެ. އެކަމަކު މި މައްސަލައިގައި އަދި އެއްވެސް މީހަކު ހައްޔަރު ނުކުރާ ކަމަށް ފުލުހުން ވަނީ ބުނެފަ އެވެ.
މައުލޫމާތު އެނގޭ ބައެއް މީހުން "މިހާރު" އަށް ކިޔައިދެމުން ބުނީ ކުއްޖާ އަށް ސީރިއަސް އަނިޔާތަކެއް ލިބިފައިވާ ކަމަށެވެ. އެ މީހުން ގަބޫލު ކުރާ ގޮތުގައި ކުއްޖާއާ ދޭތެރޭ ހިންގީ ރޭޕްގެ އަމަލެކެވެ. ކުޑަ އަންހެން ކުއްޖާ ޖެންޑާ މިނިސްޓްރީގެ ބެލުމުގެ ދަށުން މިހާރު ވަނީ މާލެ ގެނެސްފަ އެވެ.
ރަށުން ވާހަކަ ދެއްކި މީހުން ބުނީ ކުއްޖާގެ ބައްޕަ އާއި މަންމައަކީ ވެސް މަސްތުވާތަކެތީގެ ވަބާގައި ޖެހިފައިވާ ދެ މީހުން ކަމަށެވެ. އެހެންވެ، ކުއްޖާ އަށް ދޭން ޖެހޭ އަޅާލުމާއި އެހީތެރިކަން ދެ މީހުންގެ ފަރާތުން އެއްވެސް ވަރަކަށް ލިބިފައި ނުވާ ކަމަށް ވެސް އެމީހުން ބުންޏެވެ.
"ބައެއް ފަހަރު އާއިލާގެ ދެން ތިބޭ މީހުން، އަވަށްޓެރިންގެ ފަރާތުން އެއްޗެހި ހޯދާފައި ކުއްޖާ އަށް ދޭނީ. މައިންބަފައިންގެ ފަރާތުން ލިބެންވާ އޯގާތެރިކަމެއް ހަގީގަތުގައި ނުލިބޭ،" ދެ އަހަރުގެ ކުޑަ އަންހެން ކުއްޖާ ދިރިއުޅޭ ގެ ކައިރީގައި އުޅޭ އަވަށްޓެރިއަކު ނަން ނުޖަހަން ޝަރުތުކޮށް ބުންޏެވެ.
އެ ރަށު މީހުން ތުހުމަތު ކުރާ ގޮތުގައި އަންހެން ކުއްޖާ އަށް ޖިންސީ ގޯނާ ކުރީ ސިއްހީ ސަބަބަކާ ހުރެ، އެ ކުއްޖާގެ މަންމަ މިދިޔަ ހޯމަ ދުވަހު މާލެ ދިޔަ ފަހުންނެވެ. ކުއްޖާ ދިރިއުޅޭ ގޭގައި އެ ކުއްޖާގެ މައިންބަފައިންގެ އިތުރުން ކާފަ އާއި މުނިކާފަ ވެސް ދިރިއުޅޭ ކަމަށްވެ އެވެ.
"ކުއްޖާގެ މަންމަ މާލެ ދިއުމާ އެކީގައި ގޭގައި އަންހެނަކު ނޫޅޭނެތީ އާއިލާގެ މެމްބަރަކު އެދުނު އެ މީހުން ގޭގައި އަންހެން ކުއްޖާ ބެހެއްޓިދާނެ ކަމަށް. އެކަމަކު އެކަމާ ދެކޮޅު ހެދީ ބައްޕަ. ބައްޕަ ބުނި ކަމަށްވަނީ ތިމަންނަ އަށް ދަރިފުޅު ބެލޭނެއޭ. އެހެން މީހަކު ހަވާލުވާން ނުޖެހޭނެއޭ،" އޭނާ ކިޔައި ދިނެވެ.
އޭނާ ބުނި ގޮތުގައި ކުއްޖާގެ މަންމަ މާލެ ދިޔަ ފަހުން، އެ ކުއްޖާގެ ބޮޑުދައިތަ ކޮންމެ ދުވަހަކު ވެސް ގެއަށް ގޮސް، ކުއްޖާ އަށް ބޭނުންވާ އެހީތެރިކަންދެ އެވެ. އަންހެން ކުއްޖާ އަށް ޖިންސީ ގޯނާ ކުރިކަން ބޮޑުދައިތަ އަށް ފަޅާ އެރީ މިދިޔަ ބުދަ ދުވަހު ކުއްޖާ ފެންވަރުވަން އުޅުމުގެ ތެރޭގައި ކަމަށްވެ އެވެ.
"އަންހެން ކުއްޖާ އަށް ކޮންމެވެސް ވަރަކަށް ވާހަކަ ދެއްކޭ. އަތުގެ އިޝާރާތުން ދައްކާފައި ބުނީ މިވެނި ތަނަކަށޭ ތަދުވަނީ. ކުއްޖާގެ ވާހަކަ ހުރި ގޮތުން އެއީ ބައްޕަ ކުރި ކަމެއް ކަން ވެސް ބުނޭ. ޖިންސީ ގޯނާކުރި ކަމުގެ ނިޝާންތައް ފެންނަން ވެސް ހުރި ކަމަށްވޭ،" މައުލޫމާތު އެނގޭ މީހާ ބުންޏެވެ.
ކުއްޖާ އަށް ލިބުނު ބޮޑެތި އަނިޔާތަކާ ގުޅިގެން އެ ރަށު ސިއްހީ މަރުކަޒުގެ ޑޮކްޓަރަކަށް ދެއްކި އެވެ. އަދި ކުއްޖާ އަށް ލިބިފައިވާ އަނިޔާތައް ސީރިއަސް ކަމުން، ޑޮކްޓަރު ވެސް ހުރީ ހައިރާންވެފަ އެވެ. އޭނާ ވެސް އެދިފައި ވަނީ ވީހާ ވެސް އަވަހަށް ފަރުވާ ކުރަން މާލެ އަށް ގެންދިއުމަށެވެ.
އެނގިފައިވާ ގޮތުގައި އެ ކުއްޖާ މާލެ ގެނެސް، އައިޖީއެމްއެޗްގައި ދަނީ ފަރުވާދެމުންނެވެ.
މި މައްސަލައިގައި ފުލުހުން ހަމައެކަނި ބުނީ ކުޑަ ކުއްޖާ އަށް ޖިންސީ ގޯނާ ކުރި މައްސަލަ ވަރަށް ސީރިއަސް މައްސަލައެއްގެ ގޮތުގައި ތަހުގީގު ކުރަމުންދާ ކަމަށެވެ. މި މައްސަލައާ ގުޅިގެން ޖެންޑާ މިނިސްޓްރީން މިހާތަނަށް އައި އިރު އެއްވެސް އެއްޗެއް ނުބުނެ އެވެ.
Ekudhinge bappainna e kudhinge kaafainna e kudhinge munikaafainves.. subuhanallah .. lhadharinnah othee kon rakkatherikameh ?
— Minnu (@Miinnnu) January 16, 2020
އޭސީސީގެ ކުރީގެ މެމްބަރު މިންނާ ކުރެއްވި ޓުވީޓު.
އެ އަންހެން ކުއްޖާ އަށް ޖިންސީ ގޯނާ ކުރި ކަމަށް ބެލެވޭ މީހުންގެ ފޮޓޯތައް އާންމުވެފައިވާ އިރު، ގިނަ ބައެއްގެ ނުރުހުން ވަނީ އެ ކަން ކުރި މީހުންނަށް ވަރަށް ބޮޑަށް އަމާޒުވެފަ އެވެ. ސޯޝަލް މީޑިއާގައި އެތައް ބަޔަކު ސުވާލު ކުރީ ކުޑަކުދިންނަށް ރާއްޖޭގައި އެއްވެސް ކަހަލަ ރައްކާތެރިކަމެއް އޮތްތޯ އެވެ. އަދި ކުޑަކުދިންނަށް ގޯނާ ކުރާ މީހުންނަށް ދެވެން އޮތް އެންމެ ބޮޑު އަދަބު ދޭން ގޮވާލި އެވެ.
މި އަމަލު ސަރުކާރުގެ ބައެއް މިނިސްޓަރުންނާއި މަޖިލިސްގެ މެމްބަރުންގެ އިތުރުން ސިޔާސީ އެހެން ބައެއް ބޭފުޅުން ވެސް އަންނަނީ ކުށްވެރިކުރައްވައި އެކަން ހިންގި މީހުންނަށް ހަރުކަށި އަދަބު ދިނުމަށް ގޮވާލައްވަމުންނެވެ.
E mausoom kujjaa ah shifa dhevvumashaai heyo rahmathah edhi dhua kuramun, mi nubai amal hingi meehunnah dheven oih emme harukashi adhabuthakeh las nukoh dhinumah dhaulathuge kamaa behey muassasaathakah ilthimaas kuran. 💔 https://t.co/SUAhjw7gaZ
— Mohamed Ghassan Maumoon (@mgmaumoon) January 17, 2020
ޣައްސާން މައުމޫން ކުރެއްވި ޓުވީޓު.
ގިނަ ބަޔަކު ސިފަ ކުރި ގޮތުގައި ދެ އަހަރުގެ ކުއްޖަކަށް ބަޔަކު ޖިންސީ ގޯނާ ކުރި މައްސަލައަކީ ޖަނަވާރުންގެ އަމަލެކެވެ.
I can’t believe what I’m reading.. 2 years old. 2!!!! what kind of evil would even think of hurting a baby😣I hope those who hurt her die a slow painful death
— Maashie (@Maashie) January 16, 2020
މީހަކު ކުރި ޓުވީޓެއް.
"ޖަނަވާރެކޭ ކިއަން ވެސް ލަދުގަނޭ. އެއީ އަހަރުމެން ދެކެން ޖަނަވާރު ވެސް އޭގެ ދަރިން ހިމާޔަތް ކުރަން އުޅޭ ގޮތް،" ޔުމްނާ ހަބީބް ނަމުގައި ފޭސްބުކްގައި ކޮމެންޓެއް ކުރި މީހަކު ބުންޏެވެ.
މައުލޫމާތު އެނގޭ މީހުން ކިޔައި ދިން ގޮތުގައި އެ ރަށަކީ ކުޑަކުދިންނާ ޖިންސީ ގޯނާ ކުރުމުގެ މައްސަލަތައް ވަރަށް ބޮޑަށް އިތުރުވެފައިވާ ރަށެކެވެ. އެކަމަކު، ޑަކުދިންނަށް ކުރާ އަނިޔާގެ މައްސަލަތަކުގައި އެ ކުދިންގެ ނަމާއި އެ ހާދިސާ ހިނގި ރަށެއް ފުލުހުން މިހާރު ހާމައެއް ނުކުރެ އެވެ.
Offenders | Child Sex Offenders Registry
ޖިންސީ ގޯނާކުރާ މީހުންގެ ރަޖިސްޓަރީ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕީޖޭ
18 January 2020
ސިޔާސީ މީހުންނަށް ބޮޑު މުސާރަ(މެމްބަރުން ކައުންސިލަރުން) ކިޔަވައިގެން ތިބި މީހުން ކުޑަ މުސާރައިގައި ނުކިޔަވާ ތިބި މީހުން ހަދާ ހޮޅި ޤާނޫނުތައް ތަންފީޒުކުރަން..އަޖާއިބު ވަނީ ޤާނޫނުތަކާއި އަދަބުތައް އޮތީ މީގެ 1400 އަހަރު ކުރިން ހަދާ ނިމިފައި..ބޮޑު އަދަބު ދޭން މަޖިލީހު ތިބޭ ރަބަރު ސްޓޭމްޕްތައް ހެއްކާއި ބެހޭ ސިވިލައިޒް ގާނޫނެއް ހަދާން ނޭގޭ، ވަރިހަމައެއްނު ކައުންސިލަރުން ފެންވަރަށް ބެލުމެއް ނެތި 30000 ހާސް..ރަށްފުށުގައި މަދު ފުލުހުން..
އާދައިގެ ދިވެއްސެއް
18 January 2020
ސުވާލު: މި 3 މީހުންގެ މައްޗަށް ކުށް ސާބިތު ވެއްޖެއްޔާ މި އަހަރު ތެރޭ ހުކު މް ތަންފީޒުކުރަން ފެށޭނެ ކަ މަށް ފެނޭތަ؟
ސުޖީތު
18 January 2020
ކޮބާ އިންޑިޔާއަށް ބަވާ ކުދިންކޮޅު. ބަޔަކާ ދިމާލަށް އެއްޗެއް ބުނެވެން އެބަ އޮތްތަ.
ކުޑަހުއްތު
17 January 2020
މިގައުމުގައި މިހާލަތަށް ނުވެއްޓިއޮތީ ކޮންމެއް. ކުޑަކުދިން ރޭޕޮކުރުން މަގުފޭރުން ރާބުއިން ވައްކަންކުރުން މަގުމަތީ މީހުން މެރުން ތަޅާފޮޅުން ގޭންގުހިންގުން ވެރިން ކަރަފުސަންހިންގުން މިހެން ކިޔާކަށް ކޮންކަމެއް ނެތީ. ބަލާބަޔަކު ހުއްޓުވާބަޔަކުނެތް. ގައުމު ބޮލާފޮށާއެޅިފަ. ވަރަށްމޮޅެތި ގަވާއިދު ހަދާ މުޒާހަރާކުރެވިދާނެ. ހައްލެއް ނުގެނެވުނު ވަލުޖަނަވާރުންގެ ދަރަޖައަށް މިއޮތީ ވެއްޓިފަ. މުއައްސަސާތައް ތާއްޔާޖެހިފަ
ހަސަނު123
18 January 2020
ތިހުރިހާ ކްރައިމްސްއެއްގެ 95% ގުޅިފައިވަނީ މަސްތުވާ އެއްޗިއްސާ
ފައްލޯ
17 January 2020
މި ވަގުތު މިކަމަށް ފިޔަވަޅު ނާޅާ ދޫކޮށްލައިފިނަމަ އަވައްޓެރި އިންޑިޔާ ގޮތައް ހިނގައިދާނެ. ތިކަން ކުރާ މީހުންގެ އަދަބު އަދިވެސް ހަރުކަށި ކުރުމަށް ގޮވާލަން. އަދި މިފަދަމީހުން މުޖުތަމައުން އެކަހެރި ކުރުމައް ވެސް ގޮވާލަން. އެ ތިން ޖަނަވާރައް ﷲ ގެ ލައުނަތް ލައްވާންދޭވެ. އާމީން.
ޖީވަން
18 January 2020
މިތަނުގައި އަވައްޓެރި އިންޑިޔާގެ ނަން ގެންނަންޖެހެނީ ކީއްވެބާ. އިންޑިޔާގަ އަމިއްލަ ތުއްތު ދަރިންނާ ބެހުން މާ ގިނައީތަ، ނޫނީ ގަންނާކުރައްވާ ލަދުން އެހެންބަޔެއްގެ ވާހަކަ ހަމަ ބުނެލަނީތަ؟؟
ޢެއްބަސް އެކަމަކު
18 January 2020
ތިކަމަށް އެއްބަސް. އެކަމަކު ޖަނަވާރުންނަށް އިންސަލްޓް ނުކުރޭ. ޖަނަވާރުންނަކީ ނުބައިބައެއްނޫން. މިކަންކުރި މީހުންނަކީ ނުބައިނުލަފާ ބައެއް.
ބޯވަ
17 January 2020
ކައުންސިލަރުން މިއީ ކީއްކުރާ ބައެއް. ރަށުގެ މިބާވަތުގެ ކަންކަން ނުބެލޭކަމަށްވާނަމަ މި މީހުންގެ ބޭނުމެއް ނެތެވެ. މާލޭގައި ހުންނަ ޖެންޑަރ މިނިސްޓްރީއަށް ހުރިހާ ރަށެގައި ހިނގާ މި ބާވަތުގެ ކަންކަން ވަގުތުން ވަގުތަކަށް ނޭންގޭނެއެވެ.
މޭން
17 January 2020
ކޮބާކަލޭ ގެ ޒިންމާ، ކޮންމެ ރޭޕިސްޓެއްގެ ފަހަތުގަ ކައުންސިލަރަކު ނުހުންނާނެ
އިބިރިހިންބެއްޔާ
18 January 2020
ރަށުކައުންސިލަށް ބޯއިތުރު ކޮއްފި. ދެން ތިބާވަތުގެ ކަންތައް ފާޅާއަރާލެއް އަވަސްވާނެކަމަށް ބަލަން.
ކައްކާ، ހަބަރުދާރުމާގެ
17 January 2020
ބުނާކަށް ވާހަކައެއްނެތް، އަދަބުދިނުމަކީ ދައުލަތުންކުރަންޖެހޭކަމެއްކަމަށް ގާނޫނުގަ އޮންނަނީ އެހެންނޫންނަމަ އަތުޖެހުނު އެއްޗެއް ހިފައިގެންގޮސް ތިތާ އެންމެކުރީގަ މަމެން ތިބޭނަން، މިހާރުވެސް ހަތަރުމީހަކު ހިފަހައްޓައިގެންތިބީމަ މައިތިރި މިވަނީ.
އަލީ ރަޝީދު
17 January 2020
މިކަމުން އެނގެނީ ބޭރުފުށަށް ކިތަންމެ އަޅުކަމެއް ކުރިއަސް އޭގެ އަސަރު ތިމާގެ ހިތާއި ރޫހާ ހަމައަށް ނުފޯރަންޏާ އެއަޅުކަމަކީ ހަމައެކަނި ކުރާ ކަސްރަތެއްކަން.
ސަތޭކަޕަސެންޓު
17 January 2020
މީ ސަތޭކަ ޕަސެންޓު ކާފަރުން ވެސް އެމީހުންގެ ރަށް ތަކުގައި ބޮޑު ހުތުރު ކަންތައް. ބޮޑު އަދަބުދޭ ކަންތައް މިހުންނަނީ. ނިކަން މި ޤައުމުގަ އަދުލް އިންސާފު އޮތް ވަރު ދައްކާލަބަލާ
ރައްޔިތުހ
17 January 2020
މިފަދަ މީހުންނަށް މިހާރު ވެސް 15 އަހަރާއި 25 އަހަރާއި ދެމެދުގެ މުއްދަތަށް ޖަލަށް ހުކުމް ކުރޭ އެކަމަކުވެސް ކުޑަކޮށް ނަމަވެސް ނުހުއްޓުވޭނެ. ހައްލަކީ އިސްލާމީ ޝަރީޢަތުގައި ވާ ގޮތަށް ހުރިހާ ހައްދެން ޤާއިމް ކުރުން. ކަލޭމެންނަށް ނުކެރިގެން ތިޔަ އުޅެނީ ކީއްވެ ތަ ޔުނައިޓެޑް ނޭޝަން،ޔޫރަޕިއަން ނޫނީ ﷲ ތަ ރިޒުޤު ދެއްވަނީ. ދިވެހީން ބޭނުންވަނީ އިސްލާމީ ޝަރީޢަތް މިރާއްޖޭގައި ޤާއިމްކުރަން. އޭރުން އަމާންވާނީ
ރުޅިކޮޅަށްދިޔައީ
17 January 2020
ތިޢާއިލާގެ މުނިކާފައާއިހިސާބުންވެސް ފާހިޝުކަން އުޅޭކަމާއިމެދު ޝައްކެއްވެސް ނެތްކަން ކަށަވަރެވެ. ތިފަދަމީހުނަށް ރައްޔިތުންނުކުމެ އަދަބުދިނީމަ ނިމުނީ! ކޮންޤާނޫނަކާ ޤަވާޢިދެއް! ތިމީހުންގެ ޤާނޫނަކާއި ޤަވާޢިދެއްނެތްއިރު އެހެންމީހުން ތިމީހުނާމެދު ކޮންޤާނޫނަކާއި ޤަވާޢިދަކަށްވިސްނަން! ތި 3 މީހުންވެސް ރަޖަމުކުރަންވީ! ދެންވެސް މިފަދަކަމެއްކުރާމީހުންވެސް ރަޖަމުކޮށްބަލަ؛ ހުއްޓުނީ. ނިމުނީ. 15 އަހަރު 25 އަހަރަށް ޙުކުމްކުރީމައި ވަނީކީއް!