20 ޖެނުއަރީ 2020 - 13:15
42 comments
މާލޭގެ ހާލަތު ރަނގަޅު ކުރަން ސިޓީ ކައުންސިލުން މަސައްކަތް ކުރާ މިންވަރު ލަހެއް ނޫން ކަމަށާއި މި ދުވަސްވަރު އެ ކައުންސިލް މާ ބޮޑަށް ހަރަކާތްތެރި ކަމަށް ބަޔަކަށް ހީވިޔަސް އެއީ ހަގީގަތެއް ނޫން ކަމަށް މޭޔަރު ޝިފާ މުހައްމަދު މިއަދު ވިދާޅުވެއްޖެ އެވެ.
މަސް މާރުކޭޓް ސަރަހައްދުގެ ފަޅު ތެރޭގައި ގިނަ ދުވަސްތަކެއް ވަންދެން އަޅާފައިވާ އުޅަނދުތައް ނެގުމުގެ މަސަައްކަތް ފުލުހުންގެ އެހީގައި ހިންގުމަށް މިއަދު ބޭއްވި ހަރަކާތުގެ ތެރެއިން، މީޑިއާގައި ޝިފާ އެހެން ވިދާޅުވިއިރު، އަންނަ އޭޕްރީލް މަހު ބާއްވާ ލޯކަލް ކައުންސިލްތަކުގެ އިންތިޚާބުގެ އެމްޑީޕީގެ ޕްރައިމަރީގައި އޭނާގެ އިތުރުން ސިޓީ ކައުންސިލްގެ ދެ މެމްބަރަކު ވާދަކުރައްވަ އެވެ. އެއީ ޑެޕިއުޓީ މޭޔަރު ޝަމާއު ޝަރީފާއި މެމްބަރު އަހުމަދު ނިޔާޒެވެ. އެ ތިން ބޭފުޅުން ވެސް މިހާރު ގެންވަނީ މާލޭގެ މޭޔަރުކަމަށް ވަޑައިގަތުމަށް އެމްޑީޕީގެ ޓިކެޓު ހޯއްދަވަން ކެމްޕެއިން ކުރައްވަމުންނެވެ.
ޕްރައިމަރީ އޮންނާނީ މި މަހުގެ 31 ގަ އެވެ.
މަސް މާރުކޭޓު ސަރަހައްދުގެ ފަޅުތެރޭގައި ހުރި ގިނަ ދުވަސް ވެފައިވާ ދޯނިތައް ނެގުމުގެ މަސައްކަތް ފެށުން، މިހާ ބޮޑަށް ލަސްވީ ކީއްވެތޯ "މިހާރު" ން ސުވާލު ކުރުމުން ޝިފާ ވިދާޅުވީ ލަހެއް ނުވާ ކަމަށެވެ.
"އަޅުގަނޑު ދެކޭ ގޮތުގައި އެއް ގޮތަކަށް ވެސް ސިޓީ ކައުންސިލްގެ މަސަައްކަތަކީ ތެޅިގަނެގެން ކުރެވޭނެ ކަމެއް ނޫން. ވަރަށް ގިނަ ރައްޔިތުންނާ ގުޅުން ހުރި ކަންތައްތައް. ދެން އަޅުގަނޑުމެންނަށް ހަގީގަތުގައި މާރުކޭޓް ކުރަހައި ނިންމާފައި ބަޖެޓް ލިބުނީމާ އަޅުގަނޑުމެން ނުކުރާންވީ ސަަބަބެއް ވެސް ނެތް،" އޭނާ ވިދާޅުވި އެވެ.
ޝިފާ ވިދާޅުވި ގޮތުގައި، ކައުންސިލެއް އުފެއްދުމުގެ ބޭޭނުމަކީ ވެސް ރައްޔިތުން ބޭނުންވާ ގޮތަކަށް ތަންތަން ތަރުތީބު ވުމެވެ. މާލޭގެ ހުރިހާ ކަމެއް ވަގުތީ ވެފައި އޮންނަތާ ގިނަ ދުވަސްތަކެއް ވެފައިވާ ކަމަށާއި ސިޓީއެއްގެ ގޮތުގައި މާލެ ތަރުތީބު ވެގެން އަންނަ އިރު ހިޔާލު ތަފާތުވުންތައް ހުންނާނެ ކަމަށް ވެސް އޭނާ ވިދާޅުވި އެވެ.
މާލޭގެ މަސް މާރުކޭޓާ ދިމާލުގެ ފަޅުތެރޭގައި ހުރި ގިނަ ދުވަސްވީ ދޯނިތައް ނެގުމުގެ މަސައްކަތް މިއަދު ކުރަނީ.---ފޮޓޯ: ސިޓީ ކައުންސިލް
ނިއުސް ކޮންފަރެންސަށް ފަހު، ބައެއް ނޫސްވެރިން ވަކިވަކިން ކުރި ސުވާލުތަކަކާ ގުޅިގެން ޝިފާ ވިދާޅުވީ ސިޓީ ކައުންސިލް މި ދުވަސްވަރު މާ ބޮޑަށް ހަރަކާތްތެރިވެގެން އުޅެނީ ލޯކަލް ކައުންސިލްތަކުގެ އިންތިހާބާ ދިމާކޮށް ކަމަށް ގަބޫލު ނުކުރައްްވާ ކަމަށެވެ.
ޝިފާ ވިދާޅުވި ގޮތުގައި، ސިޓީ ކައުންސިލްގެ މަސައްކަތްތައް މިހާރު މާ ބޮޑަށް ކުރިއަށް ދާ ކަމަށް ހީވަނީ އެ ކަންކަމަށް މީޑިއާގެ މާބޮޑު ސަމާލުކަމެއް މިހާތަނަށް ލިބިފައި ނެތުމެވެ.
"އިންތިހާބާ ދިމާކޮށް މިހާރު އެކްޓިވް ވީ އެއް ނޫން. އަޅުގަނޑުމެން އައީ އަބަދުވެސް މަސައްކަތް ކުރަމުން،" އޭނާ ވިދާޅުވި އެވެ.
މާލޭގެ ހާލަތު ރަނގަޅު ކުރުމަށް ތިން އަހަރުގެ މި ދައުރުގައި ސިޓީ ކައުންސިލުން ކޮށްފައިވާ ބައެއް މަސައްކަތްތައް ޝިފާ މިއަދު ހާމަކުރެއްވި އެވެ. އޭގެ ތެރޭގައި މާލޭގެ މާރުކޭޓުތައް ބައްޓަން ކުރާނެ ގޮތާއި މާލޭގެ ފަޅުތެރެ ބޭނުންކުރާނެ ގޮތް ވެސް މިހާރު ކުރަހާފައިވާ ކަމަށް އޭނާ ވިދާޅުވި އެވެ. އޭގެ އިތުރުން މުޅި މާލޭގެ މަގުތަަކުގެ ހާލަތު ރަނގަޅު ކުރުމަށްޓަކައި މަޝްރޫއެއް އެކުލަވާލައި ފައިސާ ވެސް ހޯދާފައިވާ ކަމަށް ވެސް މޭޔަރު ވިދާޅުވި އެވެ.
ސާފުތާހިރުކަމުގެ ސެޓްފިކެޓާއި ދައުލަތުގެ ކަމާބަހޭ އިދާރާތަކުން ނަގަންޖެހޭ ހުއްދަ ނެގުމަކާއި ނުލާ މަސް ގެންގުޅޭ ފެކްޓްރީ ހަދައިގެން މަސްގެންގުޅުމާއި ވިއްކުމުގެ ހިދުމަތް ދޭ އަދި ، އައިސްފޮށި ބަހައްޓައިގެން މަސްގުދަނެއްގެ ގޮތުގައި ބޭނުންކުރާ އުޅަނދުފަހަރު ނެގުން3/3 pic.twitter.com/Kemc6AzfSe
— Male' City Council (@MaleCitymv) January 20, 2020
މާލޭގެ މަސް މާރުކޭޓާ ދިމާލުގެ ފަޅުތެރޭގައި ހުރި ގިނަ ދުވަސްވީ ދޯނިތައް ނެގުމުގެ މަސައްކަތް މިއަދު ކުރަނީ.---ފޮޓޯ: ސިޓީ ކައުންސިލް
"އެހެންވީމާ މިއީކީ ލަހެއް ވެސް ނޫން. ހަތް މަސް ދުވަސް، އަށް މަސް ދުވަސް ތެރޭގައި މި ކުރެވުނު މަސައްކަތް ނިސްބަތުން ބަލާފައި ލަހެއް ވެސް ނޫން،" ޝިފާ ވިދާޅުވި އެވެ.
މިހާރުގެ ސިޓީ ކައުންސިލުން ކަންކަން ނިންމަން ލިބުނީ ކުޑަ ދުވަސްކޮޅެއް ކަމަށް އޭނާ ވިދާޅުވާ މައިގަނޑު ސަބަބަކީ ކުރީގެ ރައީސް އަބްދުﷲ ޔާމީންގެ ސަރުކާރުން ކައުންސިލްތަކުގެ ބާރުތައް ހަނިކޮށް، ނިގުޅައިގެންފައިވާތީ އެވެ.
އޭނާ ވިދާޅުވީ، އެމްޑީޕީގެ ވެރިކަން 2012 ގައި ވެއްޓުނު ފަހުން މާލެ އަށް ބޮޑު ގެއްލުމެއް ލިބިފައިވާ ކަމަށާއި ލޯކަލް ކައުންސިލްތަކުގެ ބާރެއް ވެސް ނެތް ކަމަށެވެ.
ޝިފާ ވިދާޅުވި ގޮތުގައި، ސިޓީ ކައުންސިލުން މިދިޔަ އަށް މަސް ދުވަހުގެ ތެރޭގައި މައިގަނޑު ގޮތެއްގައި ކުރީ މާލޭގެ ޕްލޭނިންގެ ،މަސައްކަތްތަކެވެ.
"މިދިޔަ ގާތްގަނޑަކަށް އަށް މަސް ތެރޭގައި ތިޔަ ބޭފުޅުންނަށް ފެނިވަޑައިގަންނަވާނެ އަޅުގަނޑުމެންނާއި ޕްލޭނިން މިނިސްޓްރީ އާއި އަދި ސަރުކާރުގެ އެކިއެކި ވުޒާރާތަކާ އެކުގައި ކުރެވުނު މަސައްކަތްތަކުގެ ނަތީޖާ،" އޭނާ ވިދާޅުވި އެވެ.
އަދި ވިދާޅުވީ، މިހާރު ފަށަން ތައްޔާރުވެފައި ކަންތައްތަކަކީ މިދިޔަ އަށް ވަރަކަށް މަސް ދުވަހުގައި ސިޓީ ކައުންސިލާއި ޕްލޭނިން މިނިސްޓްރީ އާއި ސަރުކާރުގެ އެކި އިދާރާތައް ގުޅިގެން ކުރި މަސައްކަތްތަކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަން
22 January 2020
ސިޓީ ކައުންސިލް އިން ދޭ ޙިދުމަތްތައް ވަރަށް ލަހުން ލިބެނީ މިކަން ކަން ހައްލުވާނީ ކޮންއިރަކުންބާ؟؟؟
ކަޓޭ
21 January 2020
ކައުންސިލަށް ހޮވުނީމަ ރައްޔިތުންނަކީ ތިބި ބައެއްކަން ނޭގޭ މީހުން ދެވަނަ ފަހަރަށް ހޮވާކަށް ނުފެނެ. މާލޭގަ ސިޓީ ކައުންސިލުން ނިންމާ ރައްޔިތުންނާ ގުޅުންހުރި ކަންކަމުގަ ރައްޔިތުންނާ ކިހާވަރަކަށް މަޝްވަރާ ކުރިބާ؟ ޕާކިން ޒޯނެއް ހަދާފަ ކައިރި މަގުތަކުގަ ޕާކް ނުކުރެވޭގޮތަށް ދެރޮނގު ދަމާއިރު، މާލޭގަ ދުއްވާ ވެހިކަލްތަކަށް ގަވައިދުން ޕާކް ކުރެވޭނެ ޖާގަ އޮތްތޯވެސް ވިސްނާލެވޭވަރުގެ ވިސްނުމެއްހުރި މީހުން ކައުންސިލަށްހޮވުން ބުއްދިވެރި.
ބަތަލް.
21 January 2020
މިސަރުކާރުގެ ސުޕީޑު ބާރުކަން ނިކަންވިސްނާލަބެލަ، ރަސްފަންނުގެ ކުޑައެއްގާ ފަންލާތާ މިއަދަށް ދިހަދުވަސްވީ އަދިނުނިމޭ.
ގަމަރު
21 January 2020
މަގު ހިނގާ މީހުންނަށް ދަތީ ޕޯސްޓެލް ގޯޅި އެކަނި އަރާ ފައިބާ ފަސިންޖަރުންނަށް ދަތީ ޖުމުހޫރީ މައިދާން އެކަނި ޕާކިން ޒޯން އެއްމެ ރަގަޅީ ބަންގާޅިންގެ ހޮޓާތައް ކައިރީ ހެދުން. ހީނާމާގެ ކައިރީ ހޮޓަލައް ހާއްސަކޮއް. ވިޔަފާރިތައް ފަސޭއިން ކުރެވޭނެ ނިޒާމް ބަންގާޅިންނަށް ހަމަޖެހޭ ގޮތައް ބައްޓަން ކޮއްދިނުން. މިހެނ
ހަންދަރު ޙަސަނު
21 January 2020
މަސްމާރުކޭޓް ވަޅޯމަސްމާރުކޭޓަށް ބަދަލްކޮށް ވަޅޯމަސް މާރުކޭޓް ރޯމަސްމާރުކޭޓަށް ބަދަލްކުރުން އޭރުން އެއްގަމަށް މަސްހިފައިގެން އަރާކަށް ނުޖެހޭނެ ރޯމަސް މާރުކޭޓް ވަޅޯމަސް މަރުކޭޓަށް ބަދަލްކުރާއިރު ޢިމާރާތުގެ ތިރި އެއްކޮށް ޕާކިންއަށް އޭރުން މި މާލޭގެ ތާރީޚުގައި އެއްގަމަށް މަސްހިފައިގެން އެރުން ހުއްޓުވި މީހަކަށް އޮންނާނީ އެއްކަލަ ށިފާގެ ނަން ކީއްތޯ ވާނީ މާރުކޭޓް މިގޮތަށް އަޅާފަ މަސްހިފައިގެން އަންނައިރު ވަންނަން ތަން ދައްކާލަ ދައްކާލަ ހުރިއްޔާ ހާސަޅި
42 ދުވަސް
21 January 2020
ޢާއްމު އިޖްތިމާޢީ ކަންކަމުގައި ޙަރަކާތްތެރިއެއް ނޫން މާލޭގެ ކާނުތައް ހުރީ އެއްކޮޅުން އަނެއްކޮޅަށް ފުރި ބާރުވެފަ ފެންނުހިނގާ މަދިރި ފާނަބަސަންދު އަތާފައިގެ ރޯގާ މިކަންކަމުގެ ސަބަބުން އާލާވޭ
ޝެލަރީ
21 January 2020
ސިޓީ ކައުންސިލް ޖަރީމާ ހިންގަންފެށީ އިއްޔެތަ؟ މިވެރިކަން އައިފަހުން ލިބުނުވަރު މަދީތަ؟ ގައިމު ފިރިމީހާއައްވެސް ބައިލިބޭގޮތައް ހަދައިފިވިއްޔާ
ރުބީނާ
20 January 2020
ކެލޭ ނެހެވޭނެ މެފެހެރެ
ސިޓީ
21 January 2020
އަސްލުވެސް ނުހޮވޭނެ... މަ ނުދޭނަން ވޯޓެއް... މާލޭގެ ފެން ހިންދުމަށް ކާނުތައް ސާފުކުރަނީ އެއް ނޫން. މަގުތަކުގެ އަޑިގުޑަންތައް ރަނގަޅު ކުރަނީއެއް ނޫން... ދުއްވާފައި ގޮސް ގެއަށް ވަންނައިރު، އުނަގަނޑު ހީވަނީ ފަޅައިގެން ހިނގައިދާނެހެން... ހަލާކުވެފަ ހުންނަ ކާނުތައް ބަދަލު ކުރަނީއެއް ނޫން... ކުރިއަށް މިއޮށް ދުވަސްތަކުގައި މިކަންތައްތައް ރަނގަޅު ކޮށްލައިފިނަމަ، ވޯޓާ ދޭތެރޭ ވިސްނާނަން...
ނަޝީދު.
20 January 2020
މަގޭ ވޯޓު ޝިފާއަށް!
ގަޓް ބްރޯ
20 January 2020
މި ސަރުކާރުގެ އެހެން މުއައްސަސާ ތަކެކޭ އެއްފަދައިން ތިޔަ ސިޓީ ކައުންސިލް ވެސް ވަނީ ބޮޑުތަނުން ފެއިލްވެފަ. ތިޔައިން އެކަކަށްވެސް މިފަހަރު ގިނަ ވޯޓުތަކެއް ލިބޭނެހެެނެއް ހިޔެއްނުވޭ. ގައިމުވެސް މަގޭ ވޯޓެއް ނުލިބޭނެ.
ޯޓަގު
21 January 2020
ތިފަދަކޮމެންޓެއް ކޮށްލީމަ މިއޮތީ އައިސްޖެހިފައެވެ. ތިފަދަކޮމެންޓު ގިނަވާނެއެވެ. ބުރޯ ތިހިންބުނުއްވާއިރު ސަރުކާރުތައް ހޮވަނީ ކޮންބައެއްހެއްޔެވެ؟ އަހަރުމެން ރައްޔިތުންނެވެ. ކަމުނުދާނަމަ، އަހަރުމެން ހޮވާފަތިބިމީހުންލައްވައި، ސަރުކާރު ބަދަލުކުރެވޭނެއެވެ. ވެއަތުވެދިޔަސަރުކާރުގެބޮޑުން ކުޅެމުންދިޔަކުޅި ރައްޔިތުންނަށް ނޭނގެނީތޯއެވެ؟ އަހަރުމެން ހޮވާފަތިބިމީހުނަށް ލިބޭތީ އަޅާނުލާތިބި ތިބުމުން ގޯސްމިވަނީ މިހާރުއެވެ. ރީލޯޑު ލިބޭނަމަ ވަރިހަމަ!