ކާޑު އަގު ބޮޑު ކުރުމުން ހުށަހެޅި ކުއްލި މައްސަލައިގެ ބަހުސް ފަށައިފި

މަޖިލީހުގެ ޖަލްސާއެއްގައި މެމްބަރުން ބައިވެރިވެވަޑައިގަންނަވަނީ. ކާޑުގެ ބާވަތްތަކުން ވަކި ބަޔަކަށް ސަބްސިޑީ ދޭން ސަރުކާރުން ނިންމުމާ ގުޅިގެން މަޖިލީހަށް ހުށަހެޅި ކުއްލި މައްސަލަ ވަނީ ބަލައިނުގަނެ ބޭރުކޮށްލާފައި. - ފޮޓޯ: މަޖިލިސް

މުހައްމަދު ޔާމީން، މިހާރު

06 އޮކްޓޯބަރ 2016 - 09:54

13 comments

ސަރުކާރުން ކާޑުގެ ބާވަތްތަކަށް ދެމުން އައި ސަބްސިޑީ ހަމައެކަނި ފަގީރުންނަށް އެކަނި ހާއްސަކޮށް، ކާޑުގެ އަގު 100 ޕަސެންޓް ބޮޑުކުރި މައްސަލަ އާއި ކަރަންޓު ފިއުލް ސާޖާޗްގެ ގޮތުގައި ހަތަރު ލާރި ނަގަން ނިންމި މައްސަލާގައި ރައްޔިތުންގެ މަޖިލީހަށް ހުށަހެޅި ކުއްލި މައްސަލައިގެ ބަހުސް ފަށައިފި އެވެ.

ވައިކަރަދޫ ދާއިރާގެ އެމްޑީޕީ މެމްބަރު މުހައްމަދު ނާޒިމް މަޖިލީހަށް މިއަދު ހުށަހެޅުއްވި ކުއްލި މައްސަލަ އަށް ބަހުސް ކުރަން ފެނޭތޯ ބެލުމަށް ނެގި ވޯޓު ފާސްވީ ވޯޓުގައި ބައިވެރިވެވަޑައިގެންނެވި 52 މެމްބަރުންގެ އިއްތިފާގުންނެވެ.

ކުއްލި މައްސަލަ އަށް ބަހުސް ކުރަން ފާސްވުމުން، މަޖިލީހުގެ މެމްބަރުން އެ މައްސަލަ އަށް އެއް ގަޑިއިރު ވަންދެން ބަހުސް ކުރުމުގެ ފުރުސަތު ވަނީ ހުޅުވާލައިފަ އެވެ.

ނާޒިމް މަޖިލީހަށް ހުށަހެޅުއްވި ސަބަބެއްގެ ގޮތުގައި ވަނީ ކުއްލިއަކަށް ކާޑުގެ ބާވަތްތަކުންނާއި ކަރަންޓުގެ އަގު ބޮޑު ކުރުމުން ރައްޔިތުންގެ ދިރިހުރުމުގެ ހާލަތު ކުއްލިއަކަށް ދަށަށް ދިއުމާ ގުޅިގެން އެކަން ސަރުކާރުގެ ސަމާލުކަމަށް ގެނައުމަށް ކަމަށެވެ. އަދި ސަރުކާރުން ރައްޔިތުންނަށް ވެފައިވާ ވައުދުތައް ނުފުއްދައި، ރައްޔިތުންގެ ޖީބަށް ފައިސާ އިތުރުވާނެ މަގެއް ކޮށައި ދެމުން ނުދާ ކަމަށް ބުނެފައިވެ އެވެ.

ހަނޑޫ، ހަކުރު އަދި ފުށް ރާއްޖެ ގެނެސް ވިއްކުމުގައި ވީހާ ވެސް އަގުހެޔޮ ކުރެވޭނެ ގޮތްތަކެއް ހޯދަން ސަރުކާރާ އެކު މަޝްވަރާ ކުރަން ފަށާފައިވާ ކަމަށް، އެ ތަކެތި އެތެރެ ކުރާ ސަރުކާރުގެ ވިޔަފާރި ކުންފުނި އެސްޓީއޯ އިން ވަނީ ބުނެފަ އެވެ.

ކާޑުގެ ބާވަތްތައް އަގުހެޔޮ ކުރުމުގެ މަސައްކަތް މި ފެށީ ކާޑުގެ އަގަށް ގެނައި ބަދަލާ ދެކޮޅަށް ޕީޕީއެމް މެމްބަރުން ހިމެނޭ ގޮތަށް އެކި ސިޔާސީ ޕާޓީތަކާއި ކައުންސިލްތަކުން ތެދުވެފައި ވަނިކޮށެވެ. އަދި ބައެއް ރަށްރަށުގައި އެކަމާ ދެކޮޅަށް މުޒާހަރާ ވެސް ކޮށްފައިވެ އެވެ. ކާޑުގެ ސަބްސިޑީ ކަނޑާލަން ޖެހުނީ، ސަރުކާރުން ބުނެފައިވާ ގޮތުގައި، ރާއްޖެ އަށް ބޭރުގެ ފަރާތްތަކުން މާލީ އެހީ ހޯދަން އުނދަގޫވެފައި ވާތީ އެވެ.

ސަބްސިޑީ ކަނޑާލުމުން ހަނޑޫ ކިލޯއެއް މިހާރު މާލޭން ގަންނަން ލިބޭނީ 7.96ރ. އަށެވެ. މީގެ ކުރިން ހަނޑޫ ކިލޯއެއް ވިއްކީ 3.98ރ. އަށެވެ. ހަކުރު ކިލޯއެއް އަށް ރުފިޔާ އަށް އަދި ފުށް ކިލޯއެއްގެ އަގު 5.96 އަށް ވަނީ އަރާފަ އެވެ. ފުށް ކިލޯއެއް މިހާތަނަށް ވިއްކީ 2.96ރ. އަށެވެ. ހަކުރު ކިލޯއެއް ވިއްކީ ހަތަރު ރުފިޔާ އަށެވެ. ރާއްޖޭގެ އެހެން ސަރަހައްދުތަކުގައި ކާޑުގެ ބާވަތްތަކުގެ އަގު މި އަށް ވުރެ ބޮޑުވާނެ އެވެ. ކާޑުގެ ސަބްސިޑީ މި މަހުގެ އެއްވަނަ ދުވަހުން ފެށިގެން ފަގީރުންނަށް އެކަނި ދިނުމަށް ސަރުކާރުން ނިންމައި އެކަމަށް އެދި ފޯމް ހުށަހެޅުމުގެ ފުރުސަތު ވަނީ ހުޅުވާލައިފަ އެވެ. ކާޑުގެ ސަބްސިޑީގެ ގޮތުގައި ސަރުކާރުން ފަގީރުންނަށް ދޭން ނިންމާފައި ވަނީ ގޭބިސީއަކަށް މަހަކު ގިނަވެގެން 240ރ. އެވެ. މިއީ އާއްމުކޮށް ގޭބިސީއެއްގައި ހަ މީހުން ތިބޭނެ ކަމަށް ބަލާފައި ބޮލަކަށް 40ރ. ގެ ނިސްބަތުން ކަނޑައަޅާފައިވާ މިންވަރެކެވެ.

ރައްޔިތުންގެ މަޖިލިސް އެސްޓީއޯ ތަކެތީގެ އަގު ކާޑުގެ ބާވަތްތައް ކާޑުގެ އަގު ކޮންޓްރޯލްކުރުން

13 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރައްޔިތުން

06 October 2016

ކާޑުގެ ސަބްސިޑީ ކަނޑާލުމަކީ މިސަރުކާރުން ހެއްދެވި އެންމެބޮޑު ގޯސް އެއްކަންތައް. ހަމައެކަނި ކާޑަށް ގެނައި ބަދަލުގެ ސަބަބުން ކާޑުގެ ބާވަތުން އުފައްދާ ތަކެތިވެސް އަގުބޮޑުވީ. ހުރިހާ ބުރައެއް އުފުލަން ޖެހުނީ ރައްޔިތުންނަށް. ލިބޭ މުސާރަކޮޅުން ދެކޮޅު ނުޖެހޭ މުވައްޒަފުންނާއި އެމީހުންގެ އާއިލާއަށް. މިފުރުސަތުގައި ދެވަނަ ވިސްނުމަކަށް ސަރުކާރުން ދާނެކަމަށް އުއްމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

06 October 2016

ބަހުސްކުރާނެ އެކަމަކު ނިމޭނީ ރައީސް ޔާމީނުނިންމާފައިވާގޮތަށް، ތިޔައިން މެންބަރަކަށް ނުކެރޭނެ ޔާމީނު ނިންމާފައިވާ ނިންމުމަކާ ދެކޮޅަށް ވޯޓެއްދޭން، ބަހުސްކުރަނީ ރައްޔިތުންނަށް ތިމާމެންގެ ކަންބޮޑުވުން ދައްކަން، އެކަމަކު ވޯޓްނަގާއިރު ތިބޭނީ މުލިއާގެއިން ފޮނުވާ ވައިބާ މެސެޖަށް ބަރޯސާވެގެން، ދެން އޭގެ ފަހުން ނިކުންނާނީ ރައީސް ޔާމީނު ނިންމި ނިންމުމާ އެއްގޮތަށް ރައްޔިތުންގެ ބޮލަށް އެވާހަކަ ވައްދަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ރަދުން

06 October 2016

ކޮންމެ ނިޔަތެއްގައި ނަމަވެސް ތިވެއްދުން ތިއީ ރަނގަޅުކަމެށް ޕޕއމ މެމްބަރުން ކިޔާއެއްޗެއްވެސް އެނގިދާނެތާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޖެޓު

06 October 2016

ބަޖެޓު ޚަރަދު 25 ބިލިއަން ބަޖެޓު އާމްދަނީ 21 ބިލިއަން އަސްލު ޚަރަދު - ސަރުކާރަށްވެސް ނޭނގެ. 25 ބިލިއަނަށް ވުރެ އިތުރު. އަސްލު އާމްދަނީ - 10 ބިލިއަން. ބާކީ 3 މަސް ދުވަހުން 1 ބިލިއަން ވެސް ލިބިއްޖެއްޔާ ރަގަޅު. އަރަނި ކުރަނިއްޔޯ އެންމެފަހުން ސަބްސިޑީ ކަނޑާލީ ބަޖެޓައް ނުކަތައިގެން. މިހާރުވެސް މީރާއިން އެދުވަހު ލިބޭލާރި އެދުވަހު ޖަމާކޮށްގެން ކިރިޔާ ވަނީ. މުސާރަވެސް ކިރިޔާ ދެވެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާސީދާ

06 October 2016

އަދިވެސް ބޮޑުކުރަން ހުށަހަޅާ! މިހާރު ހަނާވާފަނާވާ ކުދިން ކޮބާތޯ؟ ވިލިނގިލީ ފެރީން ޖީ.އެސް.ޓީ. އަށް 18 ލާރި ބޮޑުވެގެން ފެރީތަށް ހުއްޓުވި ބޭފުޅުން މިއަދު މަޖުލިހުގައި ތިކުރަނީ ކީއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރަންވީ

06 October 2016

ކާޑު އަގު ބޮޑު ކުރުމުން ހުށަހެޅި ކުއްލި މައްސަލައިގެ ބަހުސް ފަށަން އެކަމަށް ނުގޮވޭނެ އެމްޑީޕީގެ އެމްޕީންނަށް. ސަބަބަކީ ކާޑުގެ އަގު ބޮޑު ކުރީ އެއީ އިދިކޮޅު އެމްޑީޕީ ވެރިކަން ކުރި އިރު އެމީހުން ހަދާފައިވާ ކަނޑުކޮސް ކަރުދާހެއްގެ މައްޗަށް ބަލާފައި ކަމަށްވާތީއެވެ. މިހާރު ރައްޔިތުނަށް އިނގޭނެ އިދިކޮޅު އެމްޑީޕީ ވެރިކަމުގައި ނަގަން މިފެށި ޖީއެސްޓީ އަކީ ވެސް އެއީ ކަސްޓަމްސް ޑިއުޓީ އަށް ވުރެން ކުޑަ އާމްދަނީ އެއް ކަން އަދި އޭގެ ސަބަބުން އިންފްލޭޝަން މަތި ވުން ނޫން އެހެން ކަމެއް ނެތް ކަން. އިދިކޮޅު އެމްޑީޕީގެ ވެރިކަމުގައި އެމީހުން ވަނީ ރައްޔިތުން ބަނޑަށް ޖައްސާލާނެ ހުރިހާ ގޮތަށް ކަންކަން ކޮށްފައި ޑޮލަރު އަގުބޮޑު ކޮށް އަދި ތެލުގެ ސަބްސިޑީ ކަނޑާލާ މިހެން ގޮސް އެމީހުން ނުކުރާ ކަމެއް ނެތް ރައްޔިތުން ފެލުމަށް ޓަކައި. އަދި ވެސް މިދަނީ އޭގެ އޮއިވަރު އެވެ. ތިޔާ ޖީއެސްޓީ އަކީ މިހާރުން މިހާރަށް އުވާލާ ކަސްޓަމްސް ޑިއުޓީ ނަގަން ފަށަންވީ އެވެ. އެއިރުން ހުރިހާ ކަމެއް ދާނީ ބަރާބަރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ

06 October 2016

ހަހަ. ކާޑުގެއަގު ބޮޑުކުރީ ޔާމީން. ދެން މީރާއިން އާންމުކުރާ އާމްދަނީގެތަފްސީލު ބައްލަވާލައްވާ، އާމްދަނީގެ ބޮޑުބައި ހިއްސާ ކުރަނީ ޖީއެސްޓީ. ހަޖަމް ކުރަން ދަންނަން ވާނެ. އަންނި ކުރިއަސް ޔާމިން ކުރިއަސް ނުބައިކަމެއް ވާނީ ނުބައި ކަަމަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕައްލަންބެ

06 October 2016

ޕޕމ މަޖްލިސް މެމްބަރުން ކުއްލިއަކަށް މާ އެއްޗެއް ނުއެނގޭ ބަޔަކަށް ވެގެން ރަށްޔިތުންނަށް ހެޔޮއެދޭ ބަޔެއް ކަމަށް ދެންކެން މިއުޅެނީ ކީއްވެބާ ... ހުރިހާ ގަނޑެއް ގަންނަނީވެސް ދުރާލާ ރޭވިގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން

06 October 2016

"ނާޒިމް މަޖިލީހަށް ހުށަހެޅުއްވި ސަބަބެއްގެ ގޮތުގައި ވަނީ ކުއްލިއަކަށް ކާޑުގެ ބާވަތްތަކުންނާއި ކަރަންޓުގެ އަގު ބޮޑު ކުރުމުން ރައްޔިތުންގެ ދިރިހުރުމުގެ ހާލަތު ކުއްލިއަކަށް ދަށަށް ދިއުމާ ގުޅިގެން އެކަން ސަރުކާރުގެ ސަމާލުކަމަށް ގެނައުމަށް ކަމަށެވެ." މި އިބާރާތުގައި މިއޮތް "ދިރިހުރުމުގެ ހާލަތު" މިއީ ރަނގަޅު ލަފުޒެއް ނޫން. އެތަނުގައި އޮންނަންޖެހޭނީ "ދިރިއުޅުމުގެ ހާލަތު" މިގޮތަށް. ދިރިހުރުމާއި ދިރިއުޅުމާ މިއީ ތަފާތު ދެމާނައެއް އެކުލެވޭ ދެ ލަފުޒު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞަލި

06 October 2016

ހާންތިވެ ބަނޑަށް މަރުވަމުންދާއިރުވެސް ތިޔަބޭފުޅާގެ ލޮލުގައި އަޅައިގަތީ ތިތަންކޮޅު. ސާބަހޭ ކަލޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލީމާ

06 October 2016

ތެޅިތެޅިފާ ހުޅުންބު ދިއުން ފިޔަވާ އެހެންކަމެއްވެއްޖިއްޔާ ކިތަންމެހާވެސް ރަނގަޅު! -އިބްރާހީމް-

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލަންވީ

06 October 2016

ކާޑުއަގު ބޮޑު ކުރީ އެއް ނޫނެވެ. ކާޑުން ދޭ ސަބްސިޑީ ކަނޑާލީ އެވެ. ސަބްސިޑީ ބޭނުންވާ އެންމެން އެންސްޕާެއިން ދޫކުރާ ފޯމް ފުރާ އެފޯމް ލައިގެން ސަބްސިޑީ ހޯދަން ވީއެވެ. އެނިމުނީ އެވެ. މަޖްލީހުގެ މެމްބަރުން ކުރަނީ ކޮން ކަމެއްތަ. ނުކުރޭދޯ އެއްވެސް މަސައްކަތެއް. ދެން ކީއްވެތަ މަޖްލީހުގެ މެމްބަރުންނަށް ސަޔާއި ކެއުން ހިލޭ ދޭން ޖެހޭނީ. ދޭ ކަށް ނުޖެހޭނެއެވެ. އެމިހާރުން މިހާރަށް ކަނޑާލައިފިނަމަ ކާޑަށްދޭ ސަބްސިޑީ ސަލާމަތް ވާނެއެވެ. މަޖްލީހުގެ މެމްބަރުން ރަށްފުށުގައި އުޅޭ އިރު މަގުމަތީގައި ފައިވާން ދަމަމުން އަޑު ގޮއްވަމުން ހިނގާފައި ގޮސް ކާން އިންނައިރު އިށީނދެގެން އިން ގޮނޑި އަށް ފައި ނަގައިގެން އިނދެ ކާ އުސޫލުން ކާޑުގެ ސަބްސިޑީ ކަނޑާލަން ކިތަންމެ ވަރަށް މަސައްކަތް ކުރިއަސް އެކަން ކާމިޔާބު ނުވާނެއެވެ. ތަމެން ތިޔާ ނޫން އެހެން ކަނޑުކޮހެއް ގޮވޭޔޯ ބަލަންވީ އެވެ.