ހުޅުމާލޭގައި މިދިޔަ އަންގާރަ ދުވަހުގެ ރޭ ވަޅި ހެރުމުން ޒަހަމްވި އެކަކު ހުޅުމާލޭ ހޮސްޕިޓަލަށް ގެންދަނީ.---ފޮޓޯ: ސޯޝަލް މީޑިއާ
06 ފެބުރުއަރީ 2020 - 14:21
8 comments
ޗައިނާގެ ދެ މީހަކަށާއި އޮސްޓްރޭލިއާގެ މީހަކަށް މިދިޔަ އަންގާރަ ދުވަހުގެ ރޭ ހުޅުމާލޭގައި ދިން ވަޅީގެ ހަމަލައިގެ ތުހުމަތަށް އިތުރު މީހަކު މިއަދު ހައްޔަރުކޮށްފި އެވެ.
މި މައްސަލައިގައި ތިންވަނަ މީހަކު ހައްޔަރުކުރިކަން ބުނުން ފިޔަވައި އެއްވެސް ތަފްސީލެއް ފުލުހުން އަދިއެއް ނުދެ އެވެ. ވަރަށް ބޮޑަށް ރާވައިގެން ދިން ކަމަށް ބެލެވޭ މި ހަމަލައިގެ މައްސަލައިގައި ފުރަތަމަ ހައްޔަރުކުރި ދެ މީހުންނާ ގުޅޭ ތަފްސީލެއް ވެސް އަދި ނުދެ އެވެ. އެ ދެ މީހުން ހައްޔަރުކުރިކަން ފުލުހުން ހާމަކުރީ މިއަދު ހެނދުނެވެ.
ތިންވަނަ މީހާ ހައްޔަރު ކުރުމަށް ފަހު، ފުލުހުން ބުނީ އިތުރު ތަފްސީލެއް ލިބިއްޖެ ނަމަ އެކަން އާއްމުންނާ ހިއްސާ ކުރާނެ ކަމަށެވެ.
ފުލުހުން ރޭ ދަންވަރު ނެރުނު ބަޔާނެއްގައި ބުނީ، އަންގާރަ ދުވަހުގެ ރޭ 7-8 އާ ދެމެދު ދިން މި ހަމަލައިގެ ތުހުމަތު ކުރެވެނީ ހަރުކަށި ފިކުރުގެ ބަޔަކަށް ކަމަށެވެ. ހަމަލާ އަމާޒުވި ތިން މީހުންގެ ތެރެއިން އެކަކީ ޗައިނާގެ ޓޫރިސްޓެކެވެ. ދެން ތިބީ ރާއްޖޭގައި މަސައްކަތްކުރާ ޗައިނާގެ މީހަކާއި އޮސްޓްރޭލިއާ މީހެއް ކަމަށް ފުލުހުން ބުނެފައި ވެ އެވެ. ބައެއް މީހުން ބުނެފައިވާ ގޮތުގައި، ހަމަލާ ދީފައިވަނީ ހުޅުމާލޭގެ ތަފާތު ތިން ސަރަހައްދަކުންނެވެ. އެއީ ވައިޓްހާޕާއި ތަންދޫރީ ފްލޭމް އަދި ޓީޓައިމްސް ކައިރި އެވެ.
ފުލުހުން ކުރިން ބުނެފައި ވަނީ ބިދޭސީ ތިން ފިރިހެނުންނަށް ހަމަލަ ދިނީ ހެލްމެޓް އަޅައިގެން ސައިކަލްގައި ދިޔަ ދެ މީހަކު ކަމަށެވެ.
އެ ހަމަލައިގެ ޒިންމާ ނަގާ ކަމަށް ބުނެ، ހަރުކަށި ފިކުރުގެ ޖަމާއަތުން ރޭ ވަނީ ސޯޝަލް މީޑިއާގައި ވީޑިއޯއެއް ވެސް އާއްމުކޮށްފަ އެވެ. ބައެއް ފަރާތްތަކުން ބުނާ ގޮތުގައި އެއީ ރާއްޖޭގައި މަނާކޮށްފައިވާ އިސްލާމިކް ސްޓޭޓް (އައިއެސް) ރާއްޖޭގެ ގޮފީގެ ބަޔަކު ނެރުނު ވީޑިއޯ އެކެވެ. އެ ވީޑިއޯގެ ސައްހަކަން ފުލުހުން އަންނަނީ ބަލަމުންނެވެ.
ފެހި ކުލައިގެ ޖުއްބާއެއް ލައިގެން ކަޅު ކުލައިގެ ފޮތިގަނޑަކުން މޫނު ނިވާކޮށްގެން ހުރެ، ދިވެހި ބަހުން ވާހަކަ ދެއްކި ފިރިހެން މީހާ ވަނީ ދެން ރާވާފައިވާ ހަމަލާތައް ދޭނެ ތަނަކާއި ވަގުތެއް ވެސް ނުވިސްނޭނެ ކަމަށް ބުނެ ވަރުގަދަ އިންޒާރެއް ދީފަ އެވެ.
ރާއްޖޭގައި މަސައްކަތް ކުރާ ތުރުކީގެ މީހަކަށް ވެސް މިދިޔަ ޑިސެމްބަރު 28 ވަނަ ދުވަހުގެ ރޭ ހުޅުމާލޭގައި ވަޅިން ހަމަލަ ދީފައި ވެ އެވެ. އެކަމަކު، އެ މައްސަލައިގައި އަދި މީހަކު ހައްޔަރު ނުކުރާ ކަމަށް ފުލުހުން އިއްޔެ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާޒީ
06 February 2020
ކީއްވެބާ ތިޔަމީހުންގެ ފޮޓޯ އާން މުނުކުރަނީ ތި މީހުން ނަކީ ނުރައްކާ މީހުން އަހަރު މެންނައް ތިޔައީ ކޮން ބައެއްކަން އިގެންޖެހޭ؟!
ޔެސް
06 February 2020
މިކަމުގެ އަޑީގަ ތިބިމީހުން އުފުރާލަން ޖެހޭނެ.
ބިސްބެ
06 February 2020
ޒީރޯޓޮލެރެންސް ގެ ދަށުން ތިޔަ މީހުންގެ ޝަރީއަތް ފާސްޓް ސުޕީޑުގަ ކޮއް ދިގު މުއްދަތަކައް ބުރަ މަސައްކަތާ އެކު ޖަލައް ލާން ޖެހޭނެ
ބޮނޑި ބަތް
06 February 2020
ތި މީހުން އެރެސްޓު ކުރި އިރު ވެސް ތިބީ މިލަ ޖުއްބާ ގަނޑުގައިތ
ގައުމެއްނެއް
06 February 2020
https://www.theguardian.com/world/2020/feb/06/maldives-stabbing-australian-and-two-chinese-injured-in-attack-claimed-by-isis-sympathisers. މުޅިދުނިޔެ މިޚަބަރު އަޑުއަހައިފި. ދިވެހިންނަށް އަނެއްކާވެސް ބޭރުގަ އުޅެން ދުއްތުރާތަކާ ދިމާވާނެ. މިކަހަލަ މީހުންނާހެދި ގައުމު ބަދުނާމުވެ އިގްތިސާދު ފުޑުފުޑުވާނެ. މީ ވަރަށް ސީރިއަސްކޮށް ބަލާ އަވަސް ހައްލެއް ހޯދަން ޖެހޭކަމެއް
ސަލަފޭ
06 February 2020
ބަލަ އެކަން ކުރާބަޔަކުގެ މަގްސަދަކީވެސް އެއީ
އަބްދޫ
06 February 2020
ނިރުބަވެރިންނަށް މަރުގެ އަދަބު ހައްގުވާނެ
ނަޖުދާ
06 February 2020
އައިސިސްގެ ދިދަ ހިފައިގެން ގަޔަށްދޫ ޖުއްބާލައިގެން، މޫނު ބުރުގާ އަޅައިގެން މާލޭ މަގުތަކުގައި ދުވެނެގި މީހުންގެ ބޯކޮޅު ބަލާ، އެމީހުންގެ އަމަލުތަކަށް ފާރަވެރިވުން މުހިއްމު! 2012 ގެ ބަގާވާތަށްފަހު ދައުލަތް ފެއިލުވެފައިވާތީވެ، މުޅި ގައުމު މިވަނީ ބޮޑު އަނދަވަޅަކަށް ވެއްޓިފައި! އޭރުގެ ޕޮލިސް ކޮމިޝަނަރަކީ ސިޔާސީ މަސައްކަތްކޮށް، މުޅި ފުލުހުންގެ މުއައްސަސާ ހަލާކުކޮށްފައިވާ މީހެއް. މިއަދު ނުކުމެ ޗެނަލް 13 ހިންގަނީއޯ! ލަދެއްވެސް ނެތް!