ނަޝީދާއި ސަފީރު ޒަންގް ބައްދަލު ކުރައްވަނީ: ކޮވިން19 ވައިރަސްއާ ގުޅޭ މައުލޫމާތު ނަޝީދަށް ވަނީ އަރުުވާފައި -- ފޮޓޯ/މަޖިލިސް
18 ފެބުރުއަރީ 2020 - 19:32
10 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ރާއްޖޭގައި ހުންނަވާ ޗައިނާގެ ސަފީރު ޒަންގް ލިއޮން މިއަދު ބައްދަލުކުރައްވައިފި އެވެ.
މަޖިލީހުގެ އިދާރާގައި އޮތް މި ބައްދަލު ކުރެއްވުމަށް ފަހު، ޒަންގް ކުރެއްވި ޓްވީޓެއްގައި ވިދާޅުވީ، ޗައިނާގައި ހަލުވި ކަމާ އެކު ފެތުރެމުންދާ ކޮވިޑް19 ވައިރަސްއާ ގުޅިގެން، އެ ގައުމުން އަޅަމުންދާ ފިޔަވަޅުތަކުގެ މައުލޫމާތު ނަޝީދަށް އެރުވި ކަމަށެވެ.
އެ ބައްދަލުވުމުގައި، ޗައިނާ އަށް ކުރިމަތިވެފައިވާ ހާލަތުން އަވަހަށް އަރައިގަނެވޭނެ ކަމަށް އުއްމީދު ކުރައްވާ ކަމަށް ނަޝީދު ވިދާޅުވި ކަމަށް ވެސް ޒަންގްގެ ޓްވީޓްގައިވެ އެވެ.
Pleased to meet with HE Speaker @MohamedNasheed to update China's tremendous effort to contain the COVID19 and latest progress.
— Amb. Zhang Lizhong (@AmbassadorZhang) February 18, 2020
Mr Speaker emphasizes the need of sympathy & support to China at this special time & hope to win the combat earlier.@ibusolih@abdulla_shahid pic.twitter.com/pEUI6sa0qe
ޒަންގް ޓްވީޓް
ނަޝީދާއި ޒަންގް ބަދަލު ކުރެއްވިއިރު، ރާއްޖެއިން ޗައިނާއަށް ދައްކަންޖެހޭ ދަރަނިތަކާ ބެހޭގޮތުން ނަޝީދު މީގެކުރިން ދެއްކެވި ވާހަކަފުޅުތަކާ ގުޅިގެން ޒަންގް ވަނީ ރައްދު ދެއްވައިފަ އެވެ. ރާއްޖެ އިން ޗައިނާ އަށް ދައްކަންޖެހޭ ދަރަނި 3.4 ބިލިއަން ޑޮލަރަށް އަރާ ކަމަށް ނަޝީދު ވިދާޅުވުމުން އެކަން ދޮގު ކުރައްވައި، ޒަންގް ވަނީ ރާއްޖެ އިން ދައްކަން ޖެހެނީ 1.5 ބިލިއަން ޑޮލަރު ކަމަށް ވިދާޅުވެފަ އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ރާއްޖޭގައި އެންމެ ބޮޑެތި ތަރައްގީގެ މަޝްރޫއުތައް ހިންގީ ޗައިނާގެ ހިލޭ އެހީ އާއި ލޯނު އެހީގެ ދަށުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަރުވާލި އާދަނުގެ ސިޔާސީހާސަރު
19 February 2020
ސީނުކަރަ ބޮޑަކަސް ރާއްޖެ ކުޑަޔަކަސް ކުޅި ނުހިގަޔޭ ކުޅި ނުހިގާނެޔޭ ރާޒުވާގެ އިންތަކާ މިންތަކުން މެނުވީ. ޓްވިޓްގާ އަޑުލާ ކަރުހިފުން ނުމެވާނެޔޭ ދައުލަތުގެ ރަނގަބީލަކަށް. އޮޅުވާ ނުލާ ސިޔާސީ ފިކުރުގައި އަހަރުމެން ރައްޔިތުން.
ބޮލި މުލައް
19 February 2020
ކޮވިޑޭ އެވިޑޭ ކިޔަސް މަގުސަދަކީ އިންތިޚާބަށް ރުފިޔާހޯދުން ޓީއެމްއޭއިން ދިންލާރިގަނޑު ކަޅާކުރީ އަމިއްލަ ޖީބަށް
އަހުސަނާ
19 February 2020
ހަގީގަތަކީ އެންމެފުރަތަމަ ޗައިނާގެ ޕުރެޖެކްޓްއެއް ހިންގީ ނަސީދުގެވެރިކަމުގައި .ހުޅުމާލޭ އަދި ރާއްޖެތެރޭ ފުލެޓްތައް.ނަސީދު ރުޅިއައިސްގެންމިއުޅެނީ ހާލުގަ ޖެހުނުދުވަހު އެހީނުވީމަ
ވަޒީރެއާލާ
19 February 2020
ކަލޯއަހްސަނާ . ހަގީގަތަކީ ބޮޑެތި ދޮގު ހެދުމެއްނޫން. ކަންކަން ތިމާއަށް ނޭގެންޏާ އެވާހަކަ ނުދައްކާނީ. މާލޭގައި ހުންނާނެ ސިނަމާލެ-1، ސިނަމާލެ-2 ކިޔާ ފުލެޓްތަކެއް. މައުމޫނުގެ ވެރިކަމުގައި ޗައިނާއިން އަޅާދީފާ. ތިޔަ ނަސީދަށް ވުރެ ކުރިން މައުމޫނު ވެރިކަންކުރީ. ދެންކިހިނެއް އެންމެފުރަތަމަ ޗައިނާގެ ޕްރެޖެކްޓެއް ނަސީދުގެ ވެރިކަމުގައި ހިންގާނީ.
ސުލައިމާން
19 February 2020
ކޮންމެ ގއމަކުން ބޭނުންވޭ ޗައިނާ އާއި ބަދަހި ގުޅުމެއް ބާއްވަން، ނަޝީދު ނޫނީ. ކެމްޕެެިނތަކަށް ފައިސާ ދެއްވާ ގައުމަށް އިޚްލާސްތެރި ވުމަށް ވުރެ ބޮޑަށް ގަެމަށް އިޚްލާސްތެރިވާން ޖެހޭ.
ބަމްޕްސް
19 February 2020
ނަޝީދުވެސް ބޭނުންވޭ ޗައިނާއާ ވަރަށް ގުޅެން. އެކަމު ވެރިކަން ވެއްޓިގެން އެންމެ އެހީވީ އިންޑިއާވީމަ އަދި ޔާމީން ބަލިކުރަން އެންމެ އެހީވީ އެމީހުންވީމަ އަދި ޗައިނާއާ ޔާމީނާ މާ ބޮޑަށް ގާތްކަން އުފެދުނު ފަހުން ޗައިނާ ގުއިވެގެން އުޅެނީ.
ޝޮކްތެރަޕީ
18 February 2020
މަސްސަލައަކީ މިކަހަލަ މުނާފިގުން ދިވެހިންނަ ދަސްނުވާތީ.
ކޮތަރު
19 February 2020
މިނާފިގު ނޫން މީހަކީކޮބާ؟!!
1234
18 February 2020
މާދަމާ ނަޝީދު ބުނާނެ ބައްދަލެއް ނުކުރަމޭ!!
4321
19 February 2020
ބައްދަލެއް ނުކުރާނެއޭ ބުނަނީ ކަލޭމެން! ކަލެއަށް އިގޭތަ އެއީ ބައްދަލު ކުރި ފުރަތަމަ ފަހަރެއް ނޫން. ކާކު މޮޔަހައްދަން ކަލޭމެން ދައްކާ ވާހަކައެއްތަ އަޅެ ތިއީ؟