20 ފެބުރުއަރީ 2020 - 22:11
3 comments
ސްރީ ލަންކާގައި މިދިޔަ އޭޕްރީލް މަހު ދިން ބޮމުގެ ހަމަލާއާ ދިވެއްސަކާ ގުޅުމެއް ވާ ކަމަށް އެ ގައުމުގެ ކަމާ ބެހޭ އެއްވެސް ފަރާތަކުން އަންގާފައި ނުވާ ކަމަށް ފުލުހުން މިރޭ ބުނެފި އެވެ.
އެ ބޮމުގެ ހާދިސާއާ ގުޅިގެން ހަތަރު ދިވެއްސަކު ލަންކާއިން ހައްޔަރުކޮށްފައިވާ ކަމަށް ރާއްޖޭގެ ބައެއް ނޫސްތަކުން މިއަދު ވަނީ ރިޕޯޓް ކޮށްފަ އެވެ.
އެކަމާ ގުޅިގެން ފުލުހުން މިރޭ ނެރުނު ބަޔާނެއްގައި ބުނީ މިއަދު ލަންކާއިން އެއްވެސް ދިވެއްސަކު ހައްޔަރު ނުކުރާ ކަމަށް އެ ގައުމުގެ ފުލުހުން އަންގާފައިވާ ކަމަށެވެ.
"ސްރީލަންކާގައި ދިން ޓެރަރިސްޓް ހަމަލާގައި ވެސް އެއްވެސް ދިވެއްސެއްގެ ބައިވެރިވުމެއް އޮތްކަން މިހާތަނަށް ސްރީލަންކާގެ އެއްވެސް ކަމާ ބެހޭ އިދާރާއަކުން މި ސާވިސް އަށް ކަށަވަރު ކޮށްދީފައެއް ނުވޭ،" ފުލުހުންގެ ބަޔާނުގައިވެ އެވެ.
އެ ބަޔާނުގައި އިތުރަށް ބުނެފައިވަނީ ޓެރަރިޒަމާ ދެކޮޅަށާއި ދިވެހިންނަށް އަމާން ވެއްޓެއް ގާއިމްކޮށްދިނުމަށް ބައިނަލްއަގުވާމީ ފަރާތްތަކާ ގުޅިގެން މަސައްކަތް ކުރަމުން އަންނަ ކަމަށެވެ.
ލަންކާގައި އަމިއްލަ އަށް މަރުވެގެން ދިން އީސްޓާ ބޮމުގެ ހަމަލާގައި 258 މީހުން މަރުވި އެވެ. ބޮން ގޮއްވާފައި ވަނީ ނޭޝަނަލް ތައުހީދު ޖަމާއަތަށް ނިސްބަތްވާ ނުވަ މީހެކެވެ.
އަވައްޓެރި ސްރީ ލަންކާއަކީ ގިނަ އަދަދެއްގެ ދިވެހިން ދިރިއުޅޭ ގައުމެކެވެ. ބޮމުގެ ހާދިސާއާ ގުޅިގެން އިއުލާން ކުރި ކުއްލި ހާލަތުގައި ހިންގި އޮޕަރޭޝަންތަކުގައި ދިވެހިން ހައްޔަރު ވެސް ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިފަ
21 February 2020
ގުޅުން އޮތަކޭ ނެތެކޭ ލަންކާ ސަރުކާރުން އަންގާކަށް ނުޖެހޭ. އަމާންކަމާއިކު އެގައުމަށް މަރުހަބާ ކިޔާ ދޮރޮއަށިން ވެއްދީމަ ހައްގަކާނުލާ އެމީހުންގެ ރައްޔަތުންގެ ތެރެިން ބަޔަކު މެރީމަ، އެ ބަޔަކު ހޯދަން އިންޓަނެޝަނަލް ގާނޫނުގެ ތެރެިން ކުރެވެން އޮތް ކަމެއް ކުރާނެ. އެގޮތަށް އަމަލުކުރުމުގެ ކުރިން ދިވެހި ސަރުކާރަށް ލިޔުމަކުން ދަންނަވާކަށް ނުޖެހޭ.
ސަރުކާނު
21 February 2020
ޖެހޭނެ އަންގަން.
ބާލިދީ
20 February 2020
ޔާމީނު އިން ލޯންޗަކުން ދުންއެރި މައްސަލައިގަވެސް ދުނިޔޭގެ އެންމެ ކުރިއަރާފަ ތިބި އެފްބީއައިންނަށްވެސް އެއްޗެއް އެނގޭކަމަކަށްނުވި ތިޔަ ލަންކާ ބައިގަނޑެއް މިތަނަކަށް ގެނެސްގެން.