މިރޭގެ ބައްދަލުވުމުގައި ޝިފާ ވާހަކަ ދައްކަވަނީި: ވިދާޅުވީ މާލެއަށް ދުރުރާސްތާ ޕްލޭނެއް ބޭނުންވާ ކަމަށް-- ފޮޓޯ: އަހުމަދު އަވްޝަން
28 ފެބުރުއަރީ 2020 - 00:35
28 comments
މާލެ އަށް ދިމާވެފައިވާ މައްސަލަތައް ހައްލުކުރުމަށް ދުރުރާސްތާ ޕްލޭނެއް އޮންނަންޖެހޭ ކަމަށާއި އެއީ ސަރުކާރުތަކަށް ބަދަލު ނުކުރެވޭނެ ކަމަކަށް ވާންޖެހޭ ކަމަށް މާލޭގެ މޭޔަރު ޝިފާ މުހައްމަދު މިރޭ ވިދާޅުވެއްޖެ އެވެ.
އިސްކަންދަރު ސްކޫލްގައި މާލޭ ރައްޔިތުންނާ ބައްދަލުކުރައްވައި ޝިފާ ވިދާޅުވީ މާލެ އަށް ކުރިމަތިވެފައިވާ ހާލަތަކީ މާލެ އަށް ހާއްސަ ހާލަތެއް ނޫން ކަމަށެވެ. އަވައްޓެރި ގިނަ ގައުމުތަކަކަށް ކުރިމަތިވެފައިވާ މައްސަލަތައް މާބޮޑު ކަމަށާއި އެ ގައުމުތަކުން އެ ކަންކަން ހައްލު ކުރަމުން އަންނަނީ ދުރުރާސްތާ ޕްލޭންތަކެއް ހަދައިގެން ކަމަށް ވިދާޅުވި އެވެ. އޭނާ ވިދާޅުވީ މާލެ އަށް ވެސް އެފަދަ ޕްލޭނެއް މުހިންމުވަނީ މައްސަލަތައް ހައްލުކުރަން ކަމަށެވެ.
"ކޮންމެ ސަރުކާރެއް އަޔަސް ބަދަލު ނުކުރެވޭނެ ޕްލޭންތަކެއް އަންނަން ޖެހޭ. އެ ޕްލޭންތަކުން މާލޭ ރައްޔިތުން ގެދޮރުވެރިކުރުވެން ޖެހޭ،" ޝިފާ ވިދާޅުވި އެވެ.
އޭނާ ވިދާޅުވީ މާލޭގެ ލޭންޑް ޔޫސް ޕްލޭނެއް މިހާ ތަނަށް ހަދާފައިނުވާ ކަމަށެވެ. ތަރައްގީ ކުރަމުން ދިޔައީ އެކި ތަންކޮޅުކޮޅު ތަރައްގީކުރާ އުސޫލުން ކަމަށް ވިދާޅުވި އެވެ.
ބައްދަލުވުމުގެ ބައެއް ބައިވެރިން މޭޔަރު ޝިފާއާ ވާހަކަ ދައްކަނީ: ގިނަ ކަންބޮޑުވުންތަކެއް ހިއްސާކުރި-- ފޮޓޯ: އަހުމަދު އަވްޝަން
ޝިފާ ވިދާޅުވީ މާލޭން ކުންފުނިތަކަށް ސަތޭކައެއްހާ ބިން ދީފައިވާ ކަމަށާއި ސަރުކާރުގެ އެކި އިދާރާތަކަށް 97 ބިމެއް ދީފައިވާ ކަމަށެވެ. އެކަމަކު އާއްމު ރައްޔިތުންގެ ތެރެއިން ހާހެއްހާ މީހުންނަކީ 600 އަކަފޫޓަށް ވުރެ ކުދި ތަންތަނުގައި ދިރިއުޅޭ މީހުން ކަމަށް ވެސް ވިދާޅުވި އެވެ.
އޭނާ ވިދާޅުވީ މިހާރު ކުރެވޭ މުހިންމު މަސައްކަތްތަކުގެ ތެރޭގައި މާލޭގައި ޕަބްލިކް ޓާރާންސްޕޯޓްގެ ހިދުމަތް ދިނުމަށް ގެންނަން ޖެހޭ ބަދަލުތައް ހިމެނޭ ކަމަށެވެ. އެގޮތުން މަގުތަކުން ޖާގަ ހެދުމުގެ ގޮތުން 27 ސަރަހައްދެއްގައި ޕާކިން ޒޯންތައް ހަދާފައިވާ ކަމަށާއި އެއި 5،600 ސައިކަލުގެ ޖާގައިގެ ޒޯންތައް ކަމަށް ވެސް ވިދާޅުވި އެވެ.
"މިއީ އެތައް ދުވަހެއްވީ މައްސަލައެއް. އެހެންވީމާ ކުއްލިއަކަށް ހައްލެއް ނުލިބޭނެ،"
ޝިފާ ވިދާޅުވީ މާލޭގެ މަގުތައް އަލުން ހަދާއިރު ހުރިހާ މަގެއްގައި ޕޭވްމަންޓްތައް ހުންނާނެ ކަމަށެވެ. އަދި މާލޭގައި ގަސް ގިނަކޮށް ފެހި ތަނަކަށް ހަދާނެ ކަމަށް ވެސް ވިދާޅުވި އެވެ.
އޭނާ ވިދާޅުވީ މިހާރު އެ ކައުންސިލުން އެންމެ ބޮޑަށް އިސްކަންދޭ ކަމަކީ އެމްޑީޕީގެ ވެރިކަމުގައި ފެށި ބޯހިޔާވަހިކަމުގެ މަޝްރޫއު "ވެށި ފަހި މާލެ" ޕްރޮގްރާމަށް ކުރިމަތިލީ މީހުންގެ ތެރެއިން ޝަރުތު ހަމަވެ، ފްލެޓާއި ގޯތި ލިބޭނެ ކަމުގެ ލިއުން ދީ، މިހާތަނަށް ބޯހިޔާވަހިކަން ހަމަނުޖެހި ތިބި ފަރާތްތަކަށް ފްލެޓާއި ގޯތި ލިބިފައިވޭތޯ ޔަގީންކުރުން ކަމަށެވެ. އެކަން ކުރަމުން އަންނަނީ ހައުސިން މިނިސްޓްރީ އާއި ސަރުކާރުގެ އިދާރާތަކާ ގުޅިގެން ކަމަށް ޝިފާ ވިދާޅުވި އެވެ.
ގޮންޖެހުންތައް ފާހަގަކުރައްވަމުން އޭނާ ވިދާޅުވީ، ކައުންސިލަށް ބާރުތައް ލިބުނު ނަމަވެސް ސަރުކާރުގެ އެކި އިދާރާތަކަށް ފޮނުވާ ސިޓީތަކަށް ޖަވާބު ލިބުމުގައި ލަސްތަކެއް އަދިވެސް އުޅޭ ކަމަށެވެ. އެ ކައުންސިލަށް ބާރުތައް ލިބުމާއެކު ސަރުކާރުގެ އެކި އިދާރާތަކަށް ސިޓީ ފޮނުވާފައިވާނެ ކަމަށް ވެސް ވިދާޅުވި އެވެ.
ޝިފާ ވިދާޅުވީ އެކަށީގެންވާ ވަރަށް މުވައްޒަފުންނާއި ބާރުވެރިކަން އެ ކައުންސިލަށް ލިބުނީ މިއަހަރު ކަމަށެވެ. މިދިޔަ އަހަރު އެ ކައުންސިލް ހިންގީ 250 މުވައްޒަފުން މަދުކޮށް ކަމަށް ވެސް ޝިފާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޯކާބ
13 June 2020
ސަރުކާރުތަކަށް ބަދަލު ނުކުރެވޭ ދުރުރާސްތާ ޕްލޭނަކުން: ޝިފާ މިހާރުވެސް ސަރުކާރުތަކުން ބަދަލްނުކުރާ ދުރުރާސްތާ ޕުލޭނެއްގެ ދަށުންނޫންތޯ މިމާލޭގެ ރައްޔިތަކައް ގޯއްޗެއް ނުދެވިގެން ތިޔައުޅުއްވަނީ ރައްޔިތުން އަޅުވެރތުކުރަން އެދިގުރާސްތާ 30 އަހަރު ފެއްޓި ދުރުރާސްތާ ނަސްލީ އިމްތިޔާޒެއްގެދަށުން ހަމައެކަނި މާލޭގެ ރައްޔިތުމީހާޔައް ގޯތި ނުދިނުމުގެ ސިޔާސަތް ޙުދު ތިމާމީހާޔާތިމާގެ މާމަދަރިންނައް ގާުނޫނު އަސަސީ ލިބިފައޮއް ކުލަޔަކައް ނަސްލަކަް ތަފާތް ނުކުރުން ދެ
ލައުރާ
29 February 2020
މާލޭގަހުރި ބައެއް ސަރުކަރު އޮފިސްތައް ތިލަފުއްޓައް ބަދަލުކޮއް މާލެޔަކީ ބެޓެރިކާރާ ބެޓެރިސައިކަލު ދުއްވާ ތާކައް ހަދަންޖެހޭ ހަވީރު 3 ކުން ހެނދުނު 6 ކައް ބަރުވެހިކަލު ނޫނީ ނުދުއްވޭ ގޮތްހަދަންޖެހޭ މާލެޔައް ބޭނުންވަނީ ބަސްތަކެއް ކޮން މެ މަގެއްގަ ދެކޮޅައް ދުއްވާ ދެބަސް އޮތު މުން ނި މުނީ ހުރިހާ ސައިކަލެއް ބާދަނގަޑައް ކިރާލާ ވެހިކަލުގެ ވެރިފަރާތައް ކިރައިގެން ލިބުނު އަގުދީ އިދާރީފީ ކަނޑާފަ
ލުތުފީ
29 February 2020
ޝިފާ ވިދާޅުވިޔަސް ރަގަޅުވާހަކައެއް ވާނީ ހަމަ ރަގަޅުވާހަކަޔަކަށް. ގައުމީ ތަރައްގީގެ ޕްލޭނެއް އެކުލަވާލަންޖެހެނީ، ޓެކްނިކަލް ލެވެލްއެއްގަ. ހުރިހާ ސިޔާސީ ޕާޓީތަކުން އެބަޖެހޭ ގައުމީ ތަރައްގީގެ ޕްލޭން އެންޑޯސްކޮށް، އެޔަށް އާބަސްބުނަން. އެހެންނޫނީ ގައުމު ބިނާނުކުރެވޭނެ.
ގުޑް
29 February 2020
އަދި މަޖިލީހުގެ މެޖޯރިޓީއިން ފާސްކޮށް އެންޑޯސްކޮށްފައި އޮންނަ އެއްޗަކަށް ވާން. އެއަށް ބަދަލު ގެނެވެންޖެހޭނީވެސް އެޕްރޮސެސް ތެރެއިން. ކޮންމެ ފަހަރަކު ރައީސަކު، ވަޒީރަކު، ނުވަތަ ކައުންސިލަރަކު ބަދަލުވުމުން ތަރައްގީގެއް ޕްލޭން އެފުށްމިފުށަށް ޖެހިގެން ނުވާނެ.
އައްލާބެ
29 February 2020
ޝިފާ ވިދާޅުވީ މާލެ އަށް ކުރިމަތިވެފައިވާ ހާލަތަކީ މާލެ އަށް ހާއްސަ ހާލަތެއް ނޫން ކަމަށެވެ. އަވައްޓެރި ގިނަ ގައުމުތަކަކަށް ކުރިމަތިވެފައިވާ މައްސަލަތައް މާބޮޑު، ބަހަނާ ދައްކަވާނެ ކަމެއްނެއް 1978 އަހަރާ ހަމަޔައް މީހުން މިގައުމުގައި އުޅެމުން އައީ ގެދޮރުވެތިކަންމަތީގައި ކުއްޔައް އުޅޭބަޔަކު ނެއް ސަރުކާރުން ގަސްތުގަ ބިންތައް ހިސޯރުކޮއް ނުދިނީ މިދުވަސް ގެންނަން ފަސޭހަކަމާއެކު ވޯޓްހޯދަން ގޯތިގެދޮރުގެ ވާހަކަ ދައްކައިގެން ވޯޓްހޯދަން ކިތައް އަހަރުތޯ ހވފނދކ
އަރުވާލި އާދަނުގެ ސިޔާސީހާސަރު
28 February 2020
ތިވެސް އެއް މަސަލަ. އެހެނެއް ކަމަކު މާރުކޭޓުން މީހުން ނެރިގެން ތިޔަ ޖައްސަވާ ލަގިރި ދަފި ތިޔަ ނަންގަވަނިއްޔަކީ ދުރާ ރާސްތާއާއި ޕްލޭން ނެތިގެންތޯ. ތިޔަ ކައުން ސިލުގާ ނޫންތޯ މާލޭގައި އުޅޭ ހުރިހާ ބުޅާ ކޯޅެނީ.
ކްލާސް
28 February 2020
ބޭކާރު ވާހަކަ ނުއްކާ އެމްޑީޕީއަށް ކައުންސިިލްދީގެން ވީކަމެއްނެތް މިވޭތުވެ ދިޔަތާންގައި އެމްޑީޕީގެ ބާރުވެރިކަމުގައި އޮތް ކައުންސިލްތަކުން މާލެ ތޮއްޖައްސާ މާލޭގެ ދުވަސް ދުއްވާލައި
ބިލް
28 February 2020
ކޮންމެ ސަރުކާރެއް އަޔަސް ބަދަލުނުކުރެވޭނެ ޕްލޭންތަކެއް ހުންނާނީ ކައުންސެލަރުން ސިޔާސީނުވާނަމަ. މިހާރު މިއޮންނަނީ ޕާޓީ ވާދައިގަ އެހެން ބަޔަކަށް ކަންކުރާނެ ގޮތެއް ނޭނގޭނެއޭ ކިއުން. ކިތަންމެ ރަގަޅު ޕްލޭނެއް އެކުލަވާލިއަސް އަނެއް ޕާޓީ މީހުން އެކަން ނުބައިކަމަށް ރައްޔިތުންނަށް ދައްކާނެ. ޕާޓީ ވާދަވެރިކަމުގަ ހުރިހާ ކަމެއް ހަލާކުވެގެން އެބަދޭ. ސިޔާސީ ކަންކަން ނުވަންނަންވީ ދިމާތަކަށްވެސް އެކަންވަނީމާ އަމިއްލަ އަތުން ހުރިހާ ކަމެއް އެ ހަލާކުކުރެވެނީ.
ކިޔޭއެއްޗެއްއެނގޭތަ
28 February 2020
ރަނގަޅަށް އިލްމު ހޯދަމާ. އޮޓޮކްރަސީގެ ބަދަލުގައި މިޑްޓާމް އިލެކްޝަންގެ މާނަ ކޮންމެވެސް ދުވަހަކުން ދިވެހިންނަށް ދަސްވާނެކަމަށް އުއްމީދުކުރަން
ކެކެ
28 February 2020
މޭޔަރުކަމުން ބޭރުކުރީ މާ ހާދަހާވާ އަނގައެކޭ ތިތަޅަނީ..
ކަނބިލި
28 February 2020
ޝިފާ މިހާރު ތިޔަ ހުރީ އޮއްސިފާ. ޕްލޭންތަކުގެ ވާހަކަ ދައްކަދައްކާ ތިބޭ.