އިންތިޚާބު ފަސްކުރަން އެދިފައެއް ނެތް: އީސީ

އިންތިޚާބެއްގައި އީސީގެ އޮފިޝަލުން ވޯޓު ގުނަނީ. އިންތިޚާބު ފަސްކުރަން އެއްވެސް ޕާޓީއަކުން ނޭދޭ ކަމަށް އީސީން ބުނި. --ފޮޓޯ/މިހާރު

ފަޒީނާ އަހުމަދު، މިހާރު

03 މާޗް 2020 - 19:35

4 comments

އަންނަ މަހު ބާއްވާ ލޯކަލް ކައުންސިލްތަކުގެ އިންތިޚާބު ފަސްކުރަން މުއައްސަސާއަކުން އަދި އެއްވެސް ސިޔާސީ ޕާޓީއަކުން ވެސް މިހާތަނަށް ހުށަހަޅާފައި ނެތް ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.

ކޮމިޝަންގެ ނައިބު ރައީސް އަހްމަދު އަކްރަމް މިހެން ވިދާޅުވީ، ކައުންސިލް އިންތިޚާބު ފަސްކުރަން ވެރިކަން ކުރާ އެމްޑީޕީން އެދޭނެކަން މާ ކުރިން ވެސް އެނގިވަޑައިގަންނަވާ ކަމަށް ވިދާޅުވެ، އިދިކޮޅު ޕީޕީއެމްގެ ނައިބު ރައީސް އަހްމަދު ޝިޔާމް ޓުވީޓް ކުރެއްވުމުންނެވެ.

Local Council Inthikhab faskuran verikan kuraa MDP in @ElectionsMv gai edheynekan maakurinves enegey.
— Ahmed Shiyam (@Shiyamaldives) March 3, 2020

ޝިޔާމްގެ ޓުވީޓު.

އަކްރަމް ވިދާޅުވީ، ކައުންސިލްތަކުގެ އިންތިޚާބަށް ކަނޑައަޅާފައިވާ ތާވަލާ އެއްގޮތަށް އީސީން ހުރިހާ ކަމެއް ވެސް ކުރިއަށް ގެންދާނެ ކަމަށެވެ. އެ އިންތިޚާބާއި އަންހެނުންގެ ތަރައްގީ އަށް މަސައްކަތް ކުރާ ކޮމިޓީތަކަށް ކުރިމަތިލާފައިވާ ކެންޑިޑޭޓުންގެ ނަން ތަރުތީބު ކުރުމާއި ގުރުއަތު ނެގުން ތާވަލާ އެއްގޮތަށް އެކި ރަށްރަށުގައި މާދަމާ ކުރިއަށް ގެންދާނެ ކަމަށް ވެސް އަކްރަމް ވިދާޅުވި އެވެ.

"އެއްވެސް ޕާޓީއަކުން ހުށަހަޅާފައި، އަދި ކޮމިޝަނުގެ ވިސްނުމެއް ވެސް އިންތިޚާބު ފަސްކުރާކަށް ނެތް،" ގުރުއަތު ނަގަން އައްޑު އަށް ވަޑައިގެން ހުންނެވި އަކްރަމް ވިދާޅުވި އެވެ.

މި އިންތިޚާބުގައި ވާދަވެރިކަން ބޮޑީ، އެމްޑީޕީ އާއި ޕީޕީއެމްގަ އެވެ. ކައުންސިލް އިންތިޚާބަށް އެމްޑީޕީން 877 ގޮނޑި އަދި ޕީޕީއެމުން 673 ގޮނޑި އަށް ވަނީ ކުރިމަތިލައިފަ އެވެ.

އިންތިޚާބުގައި، ސިޓީ ކައުންސިލްތައް ހިމެނޭ ގޮތުން 982 ކައުންސިލަރުން އިންތިޚާބުކުރާނެ އެވެ.

އެމްޑީޕީ ލޯކަލް އިންތިހާބު އިލެކްޝަންސް ކޮމިޝަން ޕީޕީއެމް ލޯކަލް ކައުންސިލްތަކުގެ އިންތިޚާބު 2020

4 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަންސަވީސް ޕަސެންޓް

04 March 2020

އިންތިހާބު ފަސްކުރަން އެބަޖެހޭ މިދަޑިވަޅުގައި ތިހާ ބޮޑު ހަރަދެއް ކުރާކަށް އެއްގޮތަކަށްވެސް ނުފެނޭ އަދި ސަރުކާރުގެ ހިންގުންތެރިކަން މިހާ ދަށް އަދި ކަމެއް ނުވާ އަދި ކުރެވިފައިވެސް ނުވާ ދަޑިވަޅެއްގައި ވޯޓްލައިގެން ސަރުކާރުގެ ޓީމް ބަލިވާނެ ކަން ވަރަށް ޔަގީން މިހާރު ވޯޓެއް ނެގިޔަސް %25 ވެސް ނުލިބޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާމް

03 March 2020

ބަޔަކު އެންގީމަތަ ވާނުވާ އެނގެނީވެސް. މިފެންވަރުގެ މީހުންތަ އިލެކްޝަންގައި ތިބީ؟ ބަލަ ކޮވިޑް 19ގެ ސަބަބުން އިގްތިސާދު އިނދަޖެހިފައި އޮއްވައި އެތައް މިލިއަން ހަރަދުކޮށްގެން އިންތިހާބު ބާއްވައި މަގާމަށް ހޮވޭ ކައުންސިލަރުންނަށް މިހާރު ބޮޑުކޮށްފައިވާ މުސާރަ ދޭނެ ގޮތެއް ނުވިސްނޭ. ރައްޔިތުން ބަނޑަށް ޖައްސާފަވެސް އިންތިހާބު ހަމަ މިވަގުތު ބާއްވަން ޖެހޭތަ؟ އިންތިހާބު ލަސްކޮށްފިއްޔާ ބަޔަކު މަރުވަނީތަ؟ ނުނީ އަލަށްތަ އިންތިހާބެއް ލަސްކުރަނީމި؟ އަޖައިބު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

03 March 2020

އަސްލު އިންތިޚާބު ބޮޑުތަނުން ފަސްކުރަންޖެހޭ. ޤާނޫނުއަސާސީއާ ޤާނޫނަށް ބަދަލު ގެނެސްގެންވެސް މިބޭކާރު ޚަރަދު ހުއްޓާލަންޖެހޭ. ތިޔަ އިންތިޚާބަކަށް ދާ ޚަރަދުން މާ ރަށެއް ތަރައްޤީކޮށް ނިންމާލެވޭނެ. އެގޮތަށް ދެތިން އިންތިޚާބު ނުބާއްވައިފިނަމަ، މާލެ ވަރުގެ ދެ ސިޓީ ޤައުމުގަ ބިނާކުރެވޭނެ. ފޫނެތް ފަޔަތް ފެންފުރުމުގެ ބޭނުމަކީ ކޮބާތޯ؟ އަނެއްކާ ވައިރަހުގެ ސަބަބުން އިޤްތިސޯދު ފަތުއަޑުކިޔާފަ މިދަނީ ދަށަށް. ދުނިޔޭގެ އިސްތިސޯދުވެސް މިވަނީ ފާލުން ނެއްޓިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި

03 March 2020

ސިޔާމު ކަހަލަ މީހަކު މިޒާތުގެ ޔޯލަ ޔޯލަ ވާހަކަ ފެތުރީމަ އެނާއާ ސުވާލު ކޮށް ޖަވާބު ދާރި ކުރުވަން ޖެހޭ. ސިޔާސީ މީހަކަށްވިޔަސް ހަމަ ހިތައްއަރާ ކޮންމެ އެއްޗެއް ބުނެގެން ނުޥާނެ