ލޯކަލް ކައުންސިލްގެ އިންތިޚާބަށް ރައީސް މުހައްމަދު ނަޝީދާއި އެމްޑީޕީގެ އިސްވެރިން ކުރައްވާ ކެމްޕެއިން ދަތުރުފުޅުގެ ތެރެއިން--- ފޮޓޯ: އެމްޑީޕީ
05 މާޗް 2020 - 11:24
42 comments
ރަނގަޅު ލާމަރުކަޒީ ނިޒާމެއް ހިންގަން އަތޮޅު ކައުންސިލްތަކަށް މުހިންމީ ފަންނީ މީހުން ކަމަށް ރައްޔިތުން މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވި އެވެ.
ކައުންސިލް އިންތިހާބުގެ ކެމްޕެއިންގައި ގދ. ވާދޫ ރައްޔިތުންނާ ބައްދަލުކުރައްވައި ކުރީގެ ރައީސް ނަޝީދު ވިދާޅުވީ އެކި ދާއިރާތަކުން ފަންނީ މަސައްކަތްތައް ކުރާ މީހުން އަތޮޅު ކައުންސިލްތަކުގައި ތިބެން ޖެހޭ ކަމަށެވެ. އޭރުން އެކި ދާއިރާތަކުން ރަށު ކައުންސިލްތަކަށް އެހީތެރިވެވޭނެ ކަމަށް ނަޝީދު ވިދާޅުވި އެވެ.
"އަތޮޅު ކައުންސިލްގެ ތެރޭގައި ބޭތިއްބޭތޯ މައިގަނޑު ގޮތެއްގައި އަޅުގަނޑުމެން މި ވިސްނަނީ ފަންނީ ހުނަރު. އެއީ ގާނޫނީ ވަކީލަކު. ސާވޭޔަރަކު. އިންޖީނިއަރަކު. ޑިޒައިން ކުރާ މީހަކު. މިބާވަތުގެ މަސައްކަތް ކުރާ ފަންނީ މީހުން ތިބެން ޖެހޭނެ އަތޮޅު ކައުންސިލްތަކުގައި،" ނަޝީދު ވިދާޅުވި އެވެ.
ލޯކަލް ކައުންސިލްގެ އިންތިޚާބަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި އެމްޑީޕީގެ އިސްވެރިން ކުރައްވާ ކެމްޕެއިން ދަތުރުގައި ރަށެއްގެ ރައްޔިތުން މަރުހަބާ ކިޔަނީ. --- ފޮޓޯ: އެމްޑީޕީ
ލާމަރުކަޒީ ނިޒާމަކީ އެމްޑީޕީގެ ވިސްނުމެއް ކަމަށާއި އެ ނިޒާމް ހިންގަން އިދިކޮޅު ޕީޕީއެމަށް ނޭނގޭނެ ކަމަށް މިއަދު ވެސް ނަޝީދު ތަކުރާރުކޮށް ވިދާޅުވި އެވެ.
"އަޅުގަނޑުމެން މި އުޅެނީ މުޅިން އެހެން ކަމެއް ކުރަން. މިއީ ޕީޕީއެމް މީހުން ދެއްކި ވާހަކައެއް ނޫން. ރައީސް [އަބްދުﷲ] ޔާމީން ވެސް ދެއްކި ވާހަކައެއް ނޫން. އެބޭފުޅުން ގަބޫލުފުޅު ކުރައްވާ ކަމެއް ވެސް ނޫން. އަދި ކުރައްވާން އެނގިވަޑައިގަންނަވާ ކަމެއް ވެސް ނޫން. މިއީ އަޅުގަނޑުމެންގެ ކަމެއް. އެހެންވީމަ މިކަމެއް ކުރާނީ އަޅުގަނޑުމެންނާއެކު،" ގިނަ އާއްމުންނާއެކު ބޭއްވި ބައްދަލުވުމުގައި ނަޝީދު ވިދާޅުވި އެވެ.
އެ ބައްދަލުވުމުގައި ނަޝީދާއި ފިނޭންސް މިނިސްޓަރު އިބްރާހިމް އަމީރުގެ އިތުރުން ފޮރިން މިނިސްޓަރު އަބްދުﷲ ޝާހިދު ވަނީ ލާމަރުކަޒީ ނިޒާމަށް އަލަށް ގެނެސްފައިވާ ބަދަލުތައް ރައްޔިތުންނަށް ސާފުކޮށްދެއްވައިފަ އެވެ. އެގޮތުން ފަސް މިލިއަން ރުފިޔާ އިން ދަށުގެ ޕްރޮޖެކްޓްތައް ރަށު ކައުންސިލްތަކުން އިއުލާންކޮށްގެން ހިންގޭނެ ފުރުސަތު މިހާރު ލިބިފައިވުމަކީ ރަށްރަށަށް ލިބޭ ބޮޑު ކުރިއެރުމެއް ކަމަށް ވިދާޅުވި އެވެ.
ނަޝީދު ވިދާޅުވީ ރަށްރަށުގައި ހިންގަން ކައުންސިލުން އިއުލާން ކުރާ ޕްރޮޖެކްޓްތަކަށް އެރަށުން ކުރިމަތިލާ މީހުންނަށް ގިނަ މާކްސް ލިބޭގޮތަށް ޓެންޑާ ކުރުމާ ބެހޭ ގަވައިދަށް މިހާރު ބަދަލު ގެނެސްފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދޫ
05 March 2020
ކައުންސލަް ތަކަށް ބޭނުންވަނީ އިލްމީ ގާބިލް މީހުން ކައުނަސިލްތަކަސް ބެނުންވަނީ ސަރުކާރަށް ބަރޯސާ ނުކޮށް އާމްދަނީ ލިބޭނެ މަގެއް ،ކައުންސލް އުފެދިފަހުރި ގައުމުތަކުގަ ފުރަތަމަ އަމްދަނި ފަހުން ކައުންސލް
ޟިޏަ
05 March 2020
ޕާންޓު ޓައި މު ވަޒީފާއެއް ގޮތައް ގިނަގައު މު ތަކުގާ އޮންނަނީ. ބޭނު މެއް ކަ މުގާ އެ މީހުން ދެކެނީ މީކީ އާ މްދަނީ ހޯދަން ކުރާ މަސެއް ކަތަކަނުވުން، ލިބިފަ ހުރި އިލް މަކުންނާއި ހުނަރުން ކޮއްދޭ ހިދު މަތަކަވުން. މިތާ މިވުސް ނު މާ ވަރައް ދުރުކަން ފާހަގަކުރެވޭ.. ކޮން މެ ދުވަހަކު ޓައިއަޅައިގެން އޮފީސް ހިއްގާ ވައްތަރަ މިކަން ކުރަން ފެށީ މާ.. މިކަކީ ޕާޓީ އެއްޓުވިސްޓުންނަ ވަޒީފާ ހޯދައިދޭން ކުރިކަ މެއް ހެއްހީވަނީ...
ދިއްދޫމީހާ
05 March 2020
ތިކަން އޮންނަ ޖެހެނީ ތިހެން، ސިޔާސީ މަގާމް ތަކަ ޝަރުތަ ފުރަތަމަ ކަނޑަ އަޅާބަލަ، އޭރުން ތިބޭނެ ފަންނީ ޤާބިލް މީހުން، މަގުމަތީ ލާޗާރު ބިޗާރު އުޅޭ ތައުލީމީ ގޮތުން ގްރޭޑު 7 ގެ ފެންވަރު ވެސް ނެތް މީހަކު ޓޫރިޒަމްގެ އިސް މަގާމަކަ ލުން އެއާ ފަންނީ ވިއްޔާ ދެން ހުސް ވެސް އޮތީ ފަންނީ
އޮނަރަބްލް އަފީފު ދީދީ
05 March 2020
ރަށު، އަތޮޅު އަދި ސިޓީކައުންސިލްތައް އޮތްކަމުގައިވިޔަސް ކުދިކުދިކޮށްފައިވާ ރަށްތަކެއްގެމައްޗަށް އިޤްތިސޯދެއްބިނާނުކުރެވޭނެތީއާއި އިންވެސްޓްމަންޓްތައް ވައިބްލްކުރުމަށްޓަކާ ކޮޅުމަޑުލުން އައްޑުއަށްހިމެނޭސަރަހައްދަކީ ވަކި އިޤްތިސޯދީނާރެހެއްކަމުގައި ހައްދަވާދެއްވާ. # މިކަންކުރުމަށް ހުވަދޫގެ 80 ރަށް ރިސޯޓްތަރައްޤީކުރަން ބައިނަލްއަޤުވާމީބިޑަށް ހުޅުވާ ލ. ޢަތޮޅުގައި ގެސްޓްހައުސްވިލެޖެއް ތަރައްޤީކުރަން ސަރަހައްދުގެ ވިޔަފާރިވެރިންނަށް ޖާގަދެއްވާ.
އަދުރޭ.
05 March 2020
ތިއީ ޕީޕީއެމްގެ މެނިފެސްތޯގައި ހިމަނާ އަހަރުމެން ވަކާލާތުކުރި ކަންކަން. އެމްޑީޕީ އަކީ ނަމުން ލާމަރުކަޒު ގެ ވާހަކަ ދެއްކިޔަސް ކަމުން މަރުކަޒު ކުރާން ބޭނުން ބޮޑުން ތަކެއްގެ ޕާޓީއެއް. ކައުންސިލް އިންތިހާބުގައި ވޯޓް ދިނުމުގެ ކުރިން ވިސްނާ.
ސީނު ކަރަ.
05 March 2020
ލޯކަލް ކައުންސިލް އިންތިހާބުގައި ކޮޅުމަޑުލުން އައްޑުއަށް ހިމެނޭ ސަރަހައްދުން ޕީޕީއެމްއަށް މެޖޯރިޓީ ދީފިނަމަ އަހަރުމެން ޕާޓީގެ ފަރާތުން ޗައިނާއަށް ދަތުރުތައްކޮށް މުޙައްމަދު ސައީދު (އިކޮނޮމިކް މިނިސްޓަރ) އިސްވެ ހުންނަވައި ޗައިނާ ސަރުކާރާއި އެކު މަޝްވަރާކޮށް މުޅި ދެކުނު އިޤްތިސޯދީ ހަބަކަށް ހަދާނަން.
އަހަރުމެން
05 March 2020
އުއްމީދު ކުރާ އިޤުތިސޯދު ދެކުނުގައި ތަރައްޤީ ކުރެވޭނީ ތަރައްޤީގެ ފިކުރިހުރި މީހުން ތިބި ޕާޓީ އަށް. އެއީ ޕީޕީއެމް.
އޮނަރަބްލް އަފީފު ދީދީ
05 March 2020
އެމަރިކާއަށާއި، ހޮންގްކޮންގް، ރަޝިޔާ، ޗައިނާ، ކެނަޑާއާއި ގަލްފް އަދި އެފްރިކާގެބާޒާރަށް މަސްއެކްސްޕޯޓްކުރުމަށް އާންމުރައްޔަތުންނަށްހުރަސްއަޅަން މިކަމުގައިއުޅޭ ބޮޑެތިވިޔަފާރިވެރިންގެނުފޫޒުން ހަދާފައިވާ ޤަވާއިދުތަކަކީ މިއިން ޤައުމަކަށް މަސް އިމްޕޯޓް ކުރުމުގައި ބަލާ މިންގަޑަށްވުރެން ހަރުކަށިކޮށް ހަދާފައިވާ ޤަވާއިދު ތަކަކަށްވާތީ މި ޤަވާއިދު ބާތިލްކޮށް ދެކުނުގެ މަސްވެރިންނަށް ގަމުގެ އެއަރޕޯޓް މެދުވެރިކޮށް އައިސްމަސް ބޭރުކުރެވޭނެ މަގު ހުޅުވާލަންޖެހޭ.
ކަންނެލި ރާޖާ
05 March 2020
ހަޤީގަތުގައި ތިބުނި ޤައުމުތަކަށް ރަގަޅަށް އައިސްކޮށްފައިވާ މަސް ވެއްޖެއްޔާ އެތެރެކުރުމަށް އެއްވެސް ދައްޗެއްނެތް. އެހެން ނަމަވެސް ވަސީމް މެންގެ ފެކްޓަރީން ބަންދުކޮށްގެން ނޫނީ މަސް ބޭރު ނުކުރެވޭގޮތަށް ސަރުކާރުން ޤަވާއިދު ހަދާފައިއޮތީ. ތިކަން ކޮށްފިނަމަ ދެކުނުގެ މަސްވެރިންނަށް މަހުގެ ހަމަ އަގު ދުވަހުން ދުވަހަށް ލިބެމުން ދާނެ.
މަސް.
05 March 2020
ތިގޮތަށް މަސް އެކްސްޕޮޓް ކުރަން ހުއްދަ ދީފިމަލަ މާލެ ސަރަހައްދުގައި އިންވެސްޓް ކޮށްގެން ތިބި މީހުނަށް އެތަންތަނަށް ބޭނުންވާ ވަރަށް މަސް ނުލިބުމުގެ ބިރުއެބައޮތް. އެހަން ކަމުން އިންތިޙާބުގެ ބޭނުމައްތަކާ މިހުއްދަ ސަރުކާރުން ދީގެން ނުވާނެ.
އީސަ.
05 March 2020
ތިޔަ ބުނާ ޤައުމުތަކަށް މަސް އެތެރެކުރުމަށް ފަސޭހަ ކަމުގައި ވިޔަސް ރާއްޖޭގެ ޤަވާއިދު ހަދާފައިވަނީ ޔޫރަޕަށް މަސް އެތެރެކުރުމަށް އޮންނަ އުސޫލު ތަކުގެ މައްޗަށް. ދިވެހި މަހުގެ ކޮލިޓީ ހިފަހައްޓަން މިހާރު އޮންނަ ގޮތަށް އެކަން ބާއްވަންޖެހޭ.
ފެކްޓަރީ
05 March 2020
ތިގޮތަށް ޔޯރަޕް ނޫން ދިމަދިމާލަށް މަސް ބޭރު ކުރަން ހުއްދަ ދީގެން ނުވާނެ. ތިހެން ތިކަން ކޮށްފިނަމަ ދެކުނުގައި ބާނާ މަހުން ވަރަށް މަދުމިންވަރެއްނޫނީ ރާއްޖޭގައި މަސްވެރިކަން ކުރަން އިންވެސްޓް ކޮށްގެން ތިބި ފަރާތް ތަކަށް ނުލިބޭނެ. މިއީ ވަރަށް ނުބައި ވިސްނުމެއް.
އެނެލިސްޓް
05 March 2020
މިފަދަ ވާހަކަތަކުން ދޭހަވަނީ އެމްޑީޕީގެ ލީޑަރޝިޕާއި އާއްމު މެމްބަރުންގެ ވިސްނުމުގައި ހުރި ދުރުކަން. ގިނަ ރަށްރަށުގައި އެމްޑީޕީގެ ގޮފިތައް ކޮންޓްރޯލްކުރަނީ ޕާޓީއެކްޓިވިސްޓުން. އެމީހުންގެ ވިސްނުމަކީ ފަންނީ ތަޢުލީމީ މީހުން އެއްފަރާތްކޮށް އެންމެ އަޑުގަދަ މީހާއަށް ނުވަތަ އެންމެ ގިނަ މުޒާހަރާގައި ބައިވެރިވި މީހާއަށް ފުރުސަތުދިނުން. އަތޮޅުތެރޭން މަޖިލީހަށް ހޮވިފައި ތިބި އެމްޑީޕީ މެމްބަރުންނަށް ބަލާލިއަސް ފެންނާނީ މިޓްރެންޑް.
ޖަމަލު
05 March 2020
ތަރުޖަމާ: ތިމަން މނިކުފާނު ލަވައިދިން އެއްޗެއް އިއްވާނެ ބަޔަކު މަގާމުތަކަށް ހޮވުން
ބަބުރުލް ސަލީމް
05 March 2020
މީ ކިތުނާގެ ހަފްތާ. މިހަފްތާގައި އޭގެ ޚަބަރުތައް ބޭރުކޮށް އެލެކްސް އެ ޚަބަރުތައް ދަމައިގަތުމުގެ އެއްވެސް ހައްގެއް އެލެކްސަކަަށް ލިބިގެންނުވޭ.
ރަދީފު ބިން ރަފައިދާ
05 March 2020
ތީ އަނެއްކާ މަނިކުފާނުންގެ ދޫއޮޅިގެން ބުނެވުނު އެއްޗެއްތޯ؟
އައިސްކިޔުބު
05 March 2020
ޢަތޮޅު ކައުންސިލަކީ މިހާރު އެއްވެސް ދައުރެއް އޮތްތަނެއް ނޫނެވެ އެއީ މޮނިޓަރިން ބޮޑީއެކެވެ ރަށުކައުންސިލަށް އަތޮޅު ކައުންސިލްގެ މައްޗަށް ދައުވާ ކުރެވެއެވެ އެތަނުގައި މިހާރު ހިނގާނީ އަތޮޅު ކޮމެޓަި ޖަލްސާއެވެ އެމީހުން އަތޮޅު ކޮމެޓީ ދަތުރުކުރާނީ އަތޮޅު ދޯނި އެކެފަރުގައެވެ ދެން އަތޮޅުގޭގަ އަތޮޅު ކޮމެޓިއަށް ކަންކަން ފަށާށެވެ ރަށް ރަށުގެ ނިޒާމް ހިންގަން ނުދަންނަ ބަޔަކު އައިސް ފަތިހޭ ކިޔަސް ދަތުރުކުރަމުންދަނީ ކޮން މިޞްރާބަކަށް ހެވެ