ތިން މިސްކިތެއް މަރާމާތުކުރަން މިސްކިތު ފަންޑުން ސިޓީ ކައުންސިލަށް އެއް މިލިއަން ރުފިޔާ ދީފި

މާލެ ސަރަހައްދުގެ ތިން މިސްކިތެއް މަރާމާތު ކުރަން ބޭނުންވާ ފައިސާ ހަވާލުކުރަން ވީ އެއްބަސްވުމުގައި އިސްލާމިކް މިނިސްޓަރު ޑރ. އަހުމަދު ޒާހިރު(ކ) އާއި މާލެ ސިޓީ ކައުންސިލްގެ ސެކެޓަރީ ޖެނެރަލް ޝަރީފް ސޮއިކުރައްވަނީ -- ފޮޓޯ: މިހާރު

ލަމްޔާ އަބްދުﷲ، މިހާރު

05 މާޗް 2020 - 12:44

6 comments

މާލެ އާއި ހުޅުމާލޭގެ ތިން މިސްކިތެއް މަރާމާތުކުރަން މިސްކިތު ފަންޑުން، އެއް މިލިއަން ރުފިޔާ އިސްލާމިކް މިނިސްޓްރީން މާލޭ ސިޓީ ކައުންސިލަށް މިއަދު ދީފި އެވެ.

އިސްލާމީ މަރުކަޒުގައި ބޭއްވި ރަސްމިއްޔާތެއްގައި މިކަން އިއުލާން ކުރެއްވީ އިސްލާމިކް މިނިސްޓަރު ޑރ. އަހުމަދު ޒާހިރެވެ.

މި މަސައްކަތް މާލޭ ސިިޓީ ކައުންސިލާ ހަވާލުކުރަން ވީ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރެވެ. ކައުންސިލްގެ ފަރާތުން ސޮއިކުރެއްވީ އެތަނުގެ ސެކްރެޓަރީ ޖެނެރަލް އަހުމަދު ޝަރީފެވެ.

މި އެއްބަސްވުމުގެ ދަށުން، މާލޭގެ ފުރްގާން މިސްކިތާއި ޝަހީދު އަލީ މިސްކިތާއި ހުޅުމާލޭގައި ހުންނަ ހަމަދް ބިން ޚަލީފާ އާލް ސާނީ މިސްކިތްތް މަރާމާތުކުރަން ހަމަޖެހިފައިވެ އެވެ.

MOU Signing Ceremony Between Ministry of islamic Affairs and Male' City Council https://t.co/8bL3wVCvOO
— Ministry of Islamic Affairs (@MVIaffairs) March 5, 2020

އިސްލމާިކް މިނިސްޓްރީން ކުރި ޓްވީޓެއް

އިސްލާމިކް މިނިސްޓަރު ވިދާޅުވީ މަރާމާތަށް ކުރަންޖެހޭ ގިނަ މަސައްކަތްތަކެއް އެބަހުރި ކަމަށެވެ. އަދި ވަގުތުން ވަގުތަށް ކުރަން ޖެހޭ މަރާމާތުތައް ވެސް ހިމެނޭ ކަމަށް ވިދާޅުވި އެވެ.

"މިސްކިތްތަކުގައި ވަރަށް ބޮޑެތި މަރާމާތުތައް، އެކި ވަރު ވަރުގެ މަރާމާތުތައް ހުރޭ، އެ ޝަކުވާތައް މިނިސްޓްރީ އަށް ވެސް ލިބެމުންދާތީވެ އެ މައްސަލަ ހައްލުކުރުމަށްޓަކައި މިނިސްޓްރީ އޮފް އިސްލާމިކް އެފައާޒުން މިސްކިތު ފަންޑުން މާލޭ ސިޓީ ކައުންސިލަށް އެއް މިލިއަން ރުފިޔާ މި ދެނީ، އެ ކަންތައްތައް ހައްލުކުރުމަށްޓަކައި،" މިނިސްޓަރު ވިދާޅުވި އެވެ.

ރޯދަ މަސް އައުމުގެ ކުރިން މިސްކިތްތައް މަރާމާތުކޮށް ނިންމާނެ ކަމަށް އުންމީދު ކުރައްވާ ކަަމަށް މިނިސްޓަރު ވިދާޅުވި އެވެ.

ޝަރީފް ވިދާޅުވީ މާލޭގެ ފުރްގާން މިސްކިތުގަ އާއި ޝަހީދު އަލީ މިސްކިތުގެ ޝީޓުގައި ވަރަށް ބޮޑު ރެނދެއް ލާފައިވާ ކަމަށެވެ. ނަމަވެސް ޝީޓު މަރާމާތުކުރުމުގެ މަސައްކަތް ކުރިއަށް ދާ އިރު މިސްކިތް ބަންދު ނުކުރާނެ ކަމަށް ވިދާޅުވި އެވެ. ހުޅުމާލޭ ބޮޑު މިސްކިތުގައި ވެސް ފެން ލީކުވާ ކަމަށާއި އެތަން މަރާމާތު ކުރާ އިރު ވެސް މިސްކިތުގައި ނަމާދުކުރުން ހުއްޓާ ނުލާނެ ކަމަށް އޭނާ ވިދާޅުވި އެވެ.

މި ތިން މިސްކިތުގެ މަރާމާތުގެ މަސައްކަތް ރޯދަ މަސް ފެށުމުގެ ކުރިން ނިންމަން ސިޓީ ކައުންސިލުން މަސައްކަތް ކުރާނެ ކަމަށް ޝަރީފް ވިދާޅުވި އެވެ.

ޝަރީފް ވިދާޅުވި ގޮތުގައި މި މިސްކިތްތަކުގެ މަސައްކަތް ނިމޭ އިރު، ސިޓީ ކައުންސިލަށް ދިން ފައިސާގައި ބާކީ ހުރި ނަމަ، ކުރެވުނު މިންވަރަކުން މާލޭގެ އެހެން މިސްކިތްތައް ވެސް މަރާމާތުކުރާނެ އެވެ.

މާލެ ސިޓީ ކައުންސިލް މިސްކިތްތައް އިސްލާމީ މަރުކަޒު އިސްލާމިކް މިނިސްޓަރު ޑރ. އަހުމަދު ޒާހިރު، އިސްލާމިކް މިނިސްޓަރު

6 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތެދުވެރިވޭ

05 March 2020

ބުނާނެ އެއްޗެށް ނޭނގެ! ޤަޠަރު ސަރުކާރުގެ ޚަރަދުގައި އެތަށް މިލިޔަން ރުފިޔާ އެށް ހޭދަ ކޮށްގެން ޙަމަދް ބިން ޚަލީފާ އާލްޘާނީ މިސްކިތް މަރާމާތު ކުރި ތާ އަދި 3 އަހަރު ވެދާނެ ކަމަކަށް އަޅުގަނޑުގެ ހިތެއް ނުބުނޭ. ނަމަވެސް އަނެއްކާ ވެސް ތިޔަ ވިދާޅުވަނީ އެތަނުން ފެން ލީކްވަނީއޭ... އެހެން ވީމަ ކޮބައިތޯ އެ މަސައްކަތް ކޮށްފައިވާ ގޮތަކީ؟ ދިވެހިން އެބަ ޖެހޭ ތެދުވެރިވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

05 March 2020

ފުރުގާން މިސްކިތުގެ އިސްކުރު ބަރިތަކުގަ މިވަގުތު ހުރީ ވަރަށް ފޭކް އަދި ބޭނުންކުރަން އެހާމެ އުނދަގޫ އިސްކުރުތަކެއް.ތިޔަ މަރާމާތު ޕްރޮގްރާމްގެ ތެރެއިން ރޯދައަށް މި އިސްކުރުތައް ބަދަލުކޮށްލަ ދޭނެކަމަށް އުންމީދުކުރަން.އަދި އެންމެ ބޮޑު ބަދަލަކަށް އަހަރެން ހުށައަޅަނީ މިސްކިތުގެ މުދިމް ވެސް ބަދަލުކޮށްދިނުން.މިސްކިތުގެ ޖަމާއަތުގަ ނަމާދުކުރާ ގިނަ މީހުން މުދިމާއިމެދު ކުރާ ޝަކުވާތައް ގިނަ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ފިކުރީ

05 March 2020

މީގެ އަހަރެއްހާ ދުވަސްކުރިން ހުޅުމާލޭ ބޮޑު މިސްކިތުން ފެން ލީކުވާތީ މަރާމާތުކުރީ ! މަސައްކަތް ކުރި މީހުން މަކަރު ހެދީމަދޯ އަނެއްކާ ލީކުވާނީ. އެމީހުން ލައްވާ ތިތަން މަރާމާތުކުރުވާ އަލުން ފައިސާ ނުދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

05 March 2020

ތިފައިސާ ސީދާ އެމްޓީސީސީ އާ ހަވާލް ކުރިނަމަ ތިކަންތަށް ވީސް އެންމެ ކުޑަމިނުން މާލޭގެ މަގުތަކުގެ އަޑިގުޑަންތަށް ރަގަޅު ނުކުރެވިގެން އުޅޭބަޔަކަށް ދެން ކޮންކަމެއް ކުރެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

05 March 2020

މާލޭގެ ބައެއް މިސްކިތްތަކުގައި ހުންނަ އަޑުގަދަކުރާގެ އަޑު އެހުންނަނީ ކިހިނެތްތަ؟ ބައެއްފަހަރު ޚުތުބަކިއާރު މިސްކިތުން ބޭރުގަ ތިބޭއިރު ކިއާނުކިއާއެއް ނޭގެ، މައިކު މާއަނގައާ ކައިރީ ކަންނޭގޭ އަޑު ހުންނަނީ ފިސްވެފަ. ހުރިހާ މިސްކިތަކުން އަޑުގެ ވޮލިއުމް ކޮންމެވެސް އެއްލެވެލްގަ ހިފަހައްޓާފަ ކިއާނުކިއާ އެގޭގޮތަށް ކިއަން އިމާމަށާ މުދިމަށް އަންގާފަ އޮން ނަނަމަ އަހަރުމެންނަށް ވަރަށް ފަސޭހަވާނެ.