ކޮވިޑް-19 އަށް ދެމީހަކު ޕޮޒިޓިވް ވުމުން ރޭ ކެބިނެޓްގެ ކުއްލި ބައްދަލުވުމެއްް ބާއްވަނީ. ސަރުކާރުން ދޭ އިރުޝާދަށް އަމަލުކުރަން ރައީސް އިބްްރާހީމް މުހައްމަދު ސޯލިހު އެދިވަޑައިގަންނަވާ. ފޮޓޯ: ރައީސް އޮފީސް
08 މާޗް 2020 - 09:17
37 comments
ކޮވިޑް-19 އަށް ރާއްޖެ އިން ދެ މީހަކު ޕޮޒިޓިވް ވުމުން ސަރުކާރުން އިސްކަން ދިނީ ރައްޔިތުންނާ ހަމައަށް އެ ޚަބަރު ގެނެސްދީ ހަގީގަތް ހާމަކުރަން ކަމަށާއި ނަމަވެސް މިއީ ކަންބޮޑުނުވެ، ސަރުކާރުން ދޭ އިރުޝާދުތަކަށް އަމަލުކުރަންވީ ވަގުތު ކަމަށް ރައީސް އިބްރާހީމް މުހައްމަދު ސޯލިހު ރޭ ވިދާޅުވެއްޖެ އެވެ.
ރޭ ދަންވަރު ރައީސް އޮފީހުން އާންމުކުރި ހަބަރެއްގައި އެގޮތަށް ބުނީ ޅ. ކުރެއްދޫ ރިސޯޓްގައި ބޭރު ދެ މުވައްޒަފަކު ކޮވިޑް-19 އަށް ޕޮޒިޓިވް ވުމާ ގުޅިގެން ބޭއްވި ކެބިނެޓްގެ ކުއްލި ބައްދަލުވުމަށް ފަހު އެވެ.
ރައީސް ވިދާޅުވި ކަމަށް ރައީސް އޮފީހުން ބުނީ ސަރުކާރުން އެންމެ ބޮޑު ސަމާލުކަމެއް ދޭނީ އެ ބަކިން ރައްޔިތުން ސަލާމަތްކުރަން އަޅަން ޖެހޭ ހުރިހާ ފިޔަވަޅުތަކެއް ވަގުތުން ވަގުތަށް އެޅުމަށް ކަމަށެވެ.
ރާއްޖޭގައި ކޮރޯނާވައިރަސް އިތުރަށް ފެތުރެމުން ހިނގައިދާނެތީ، މިހާރުން މިހާރަށް ކަންކަން ގެންދާނެ ގޮތްތަކާ ބެހޭ ގޮތުން ކެބިނެޓްގައި ވަނީ މަޝްވަރާކޮށްފަ އެވެ. އެގޮތުން ގިނަ މީހުން ބައިވެރިވާ ގޮތަށް ބާއްވާ އެއްވުންތައް މަދުކޮށް، ވީހާ ވެސް ހަރަދުތައް ކުޑަކުރަން ހުރިހާ ފަރާތްތަކުން މަސައްކަތް ކުރަން ޖެހޭ މިނިސްޓަރުން ވިދާޅުވި ކަމަށް، ރައީސް އޮފީހުން ބުނެ އެވެ.
ރާއްޖެ އަކީ ޓޫރިޒަމަށް ބަރޯސާވެފައިވާ އިގުތިސާދެއް އޮތް ގައުމެކެވެ. އެހެންކަމުން ދުނިޔޭގެ ދަތުރުފަތުރަށް އަންނަ ހުއްޓުމާއި ރާއްޖެ އަށް އެންމެ ގިނައިން ޓޫރިސްޓުން އަންނަ ޗައިނާ އާއި އިޓަލީން މީހުން އައުން މަނާކުރުމުން އިގުތިސާދަށް ވަރަށް ބޮޑު އަސަރެއް ކުރާނެ ކަަމަށް ބެލެވެ އެވެ. އެހެންކަމުން ރާއްޖެއަށް ކުރިމަތިވާނެ ގޮންޖެހުންތަކުން އަރައިގަތުމަށް ކުރެވިދާނެ ކަންތައްތަކާ ބެހޭ ގޮތުން ވެސް ކެބިނެޓްގައި ވަނީ މަޝްވަރާކޮށްފަ އެވެ.
ކުރެއްްދޫ އައިލެންޑް ރިޒޯޓްގެ ބިދޭސީ ދެ މުވައްޒަފުންގެ ފަރާތުން ކޮޑިވް-19 ގެ އަލާމާތްތައް ހުރުމުން ޓެސްޓްކުރަން ޖެހުނީ، އެ ރަށަށް ދިޔަ އިޓަލީ ޓޫރިސްޓަކު އެނބުރި އިޓަލީއަށް ދިޔަ ފަހުން، އެ ބައްޔަށް ޕޮޒިޓިވްވުމާ އެކު އެކަން އޭނާ ރިސޯޓަށް އެންގުމުންނެވެ.
އެ ދެ މުވައްޒަފުން މިހާރު ތިބީ ހުޅުމާލޭ ދެވަނަ ފިޔަވަހީގައި ހިމެނޭ ކުރީގެ ފަރުކޮޅުފޮށީގައި ކަރަންޓީންކޮށްފަ އެވެ.
ރޭ ދަރުބާރުގޭގައި ބޭއްވި ނޫސްކޮންފަރެންސްގައި ހެލްތު މިނިސްޓަރު އަބްދުﷲ އަމީން ވިދާޅުވީ ޕޮޒިޓިވްވި ދެ މީހުންނާ ބައްދަލުވި ފަރާތްތައް ދެނެގަނެ، ރައްކާތެރިކަމުގެ ގޮތުން އަޅަން ޖެހޭ ފިޔަވަޅުތައް އަޅަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާރީ
08 March 2020
އަހަރަމެންވެސް މި އިރުސާދު ދެނީ ފަތުރުވެރިކަމަށް ބަރޯސާނުވެ އައިހެވަން ކަހަލަ މެގަފުރޮޖެކުޓެއް ގެންނަށް.
ސާލޫ
08 March 2020
އިޓަލީން މީހުން އަންނަން ދޫކޮށްލީ ކީއްވެ؟ ޒިންމާ ނަގާނީ ކާކު
މަހި
08 March 2020
އަބަދުވެސް އިރުޝާދާއި އެއްގޮތަށް ކުރަން ޖެހޭނީ މިއީ ޚާއްބަ ވަގުތެއް
ބޮޑުމީހާ
08 March 2020
އިރުޝާދަށް އަމަލުކުރާނީ ކިހިނެތް؟ ހުސްނުވާނޭ ބުނިތާ ގަޑިއިރު ނުވަނީސް ސެނިޓައިޒަރ މާސްކު ހުސްވީ ދެންތިބުނީ މާސްކު ނާޅާށޭ، މާސްކު އަޅަން ބޭނުންވާ މީހުންގެ ނަފްސާނީ ހިތްހަމަޖެހުމަށްވެސް މާސްކު ލިބެންވާނެ. ރާއްޖޭގެ ސިއްޚީ ނިޒާމަކީ ނޯމަލް އިރުވެސް އެހާ ބާރުބޮޑު ނިޒާމެއް، މިކަހަލަ ޚާއްސަ ހާލަތަކާއި އެކަށޭނެ ވަސީލަތާއި ބޭސްފަރުވާ ރާއްޖެއިން ލިބިދާނެކަމާއިމެދު ޝައްކު
ނަޝްފާ
08 March 2020
ނެތް ފެންވަރުން މިނިސްޓަރުކަން ކުރީމާ ގައުމަށް ގެއްލުން. މިކަހަލަ ޖަލްސާ ތަކުގައި ޔުމްނާ މެން ކަހަލަ މީހުން އަނގަ ހުޅުވީމާ ގެއްލޭނީ ރައީސް ގެ ވަގުތު.
ނޫރާއަލީ
08 March 2020
މި ދިވެހިން. ބުނާއެއްޗެއް އަޑެއް ނާހާނެ. ތިމާއަށްވުރެ ވިސްނޭ މޮޅު މީހެއް ނުހުންނާނެ.
ސަންޕަދަރި
08 March 2020
ހަމަހައިރާންވޭ ތިޔަގެންގުޅޭ ކަރަންޓީނު އުސޫލާމެދު, ދިވެއްސަކު އޭގެންގައުމަކުން އައިއްސިއްޔާ 14 ދުވަސް ކަރަންޓީނު, އޭގެން ގައުމަކުން ދޮން މީހަކު އައިސް ރިސޯރޓް ތަކުގަޔާ ރަށުތެރޭގަ ގެސްޓް ހައުސްގަ ގޭދޮށު ފިހާރައިގަ ކަންމަތީހޮޓަލުގަ ދިވެހި މީހާގެ ޓެކްސީގަ ހަމަ އުޅެންވީ. އަޅެފަހެ .... ތިޔަތިބީ. ނޫނީ ހަމަ ގަމާރު ސަރުކާރަކީތަ?
ފަޒާލް
08 March 2020
ކުޑަކުދިންގެ ހިޔާލު ތިބި ޒަހާ މެނަށް ކޮށް ކޮރޯނާ ވައިރަހާ ބެހޭ ލަފައެއްތަ ދެވޭނީ ؟
އާރީ
08 March 2020
ތިބުނާ އިޓަލީ މީހާ ރާއްޖެއައިރުވެސް ތިހުރީ ކޮރޯނާ ޖެހިފަތާ. ކީއްވެ އެއާރފޯޓުން އެނާ ސުކުރީން ނުކުރެވީ?
އިންފްރާ
08 March 2020
މި ވައިރަސްގެ އިންކިއުބޭޝަން ޕީރިއަޑް އަކީ އާންމު ގޮތެއްގަ 1 ޓު 5 ޑޭއިސް ކަމަށް ވަނީ. އެކަމަކު މަދު ކޭސްތަކެއް 14 ދުވަހަށްވުރެވެސް ދިގުދެމިގެންގޮސްފަ އެބަހުރި ކަމަށްވޭ. މިދުވަސްކޮޅު ތެރޭ ފަސޭހައިން ޑިޓެކްޓް ކުރާނެ މާ ބޮޑު ސިމްޕްޓަމްތަކެއް ނުދައްކަފާނެ. ދެން ބައެއް މީހުންނަށް ޖެހުނަސް މާ ބޮޑު ކަމެއްނުވެ އެބަހުރި. ސްކްރީން ކުރަނީ އިންފްރާރެޑް ކެމެރާތަކުން. އެއިން ދައްކާނީ ހޫނު މިން. ހުންއައިސްފަ ނެތިއްޔާ ސްކްރީން ކުރިޔަސް ނޭނގިގޮސްދާނެ.
ވިސްނާލުމަށް އެދެމޭ
08 March 2020
ދެން ފޮނިނުކަޑާނީ ތިމަންނަމެން 14ކެމެރާ އެއާރޕޯޓުގަ ހަރުއްފައެބަހުއްޓޭ މިވެނި ގައުމެއްގަހުރީ 3ކެމެރާއޭ...އިންޑިޔާގަވެސް މިވަރަސްއެބައޮތް އެތަނަށް ދިއުމާއައުމަށް އެއްވެސް މަޑުޖެހުމެނުގެނޭ އިންޑިޔާއިން އައިމަ ކަރަންޓީނުކުރަންނުޖެހޭ..ވަކި ގައުމުތަކަކުން އައިމަތަ ވައިރަސް މަސައްކަތްކުރަނީ.
ޥިސްނާ
08 March 2020
ޜަނގަޅުވާގަކައެއް އެކަމު ހަމައެކަނި ދިވެހިންނަށް އަރާނެ ކަމަށް ނުބަލާ ދެންތިބި މީހުންވެސް ހޭލުންތެރިކުރުވޭތޯ އުޅުން ރަނގަޅު ހާއްސަކިށް ބަންްލަ ދޭޝް މީހުން، އެންބަސީން މަސައްކަތް ކުރާތަނެއް ނުފެނޭ، މިހާރުވެސް އެ ދަނީ ބޯކޮށް ކަ ރުކެހިފަ ކުޅުތަޅަމުން
ފިން
08 March 2020
މިއަދު ބަންގްލަދޭޝް މީހެއް ކައިރީ އަހާލީން ކޮރޯނާ ވައިރަސް އެނގޭތޯ. އެނގެއޭ ބުނީމަ އަހާލިން މިހާރު ރާއްޖެއައިކަން އެނގޭހޭ؟ ވަރަށް ހައިރާންވެފަ ބުނީ ނޭނގެއޭ، އައިއްސިހެއްޔޭ. ދެން އޭނާ ކައިރީ ބުނިން ސަލާމަތީ ގޮތުން ކުރަންޖެހޭ ކަންކަން. އެންމެންނަށްވެސް ކުރެވިދާނެ ކަންކަން މި ހުންނަނީ. ކޮންމެ މީހަކަށް އެމީހެއްގެ ހިސާބުން އަދާކުރެވިދާނެ ފަރުދީ ޒިންމާ އޮންނާނެ.