ރައީސް އޮފީހުގައި މިއަދު ބޭއްވި ނިއުސް ބްރީފިންގައި ޓޫރިޒަމް މިނިސްޓަރު އަލީ ވަހީދު (މ) އާއި އެ މިނިސްޓްރީގެ ބައެއް އިސްވެރިން ބައިވެރިވެވަޑައިގަންނަވަނީ.---ފޮޓޯ: އަހުމަދު އަވްޝަން އިލްޔާސް/މިހާރު
08 މާޗް 2020 - 14:20
44 comments
ކޮވިޑް-19 ގެ ސަބަބުން ޓޫރިޒަމް އިންޑަސްޓްރީ އަށް ލޮޅުމެއް އަޔަސް، އިންޑަސްޓްރީ ހިފަހައްޓާލެވޭނެ ކަމަށް ޓޫރިޒަމް މިނިސްޓަރު އަލީ ވަހީދު ދެންމެ ވިދާޅުވެއްޖެ އެވެ.
ރައީސް އޮފީހުގައި މިހާރު ކުރިއަށްދާ ޕްރެސް ކޮންފަރެންސްގައި އަލީ ވަހީދު ވިދާޅުވީ ވައިރަސް ފެތުރެން ފެށި ފަށުން ރާއްޖެ އަށް 125،827 ބުކިން ކެންސަލްކޮށްފައިވާ ކަމަށެވެ. ނަމަވެސް އަލަށް 307،223 ބުކިން ލިބިފައިވާ ކަމަށް ވިދާޅުވި އެވެ. އޭނާ ވިދާޅުވި ގޮތުގައި މިދިޔަ ދެ މަހުގެ ތަފާސްހިސާބަށް ބަލާއިރު މިދިޔަ އަހަރުގެ އެ މުއްދަތާ އަޅާބަލާއިރު 0.9 ޕަސެންޓުގެ ކުރިއެރުމެއް ޓޫރިސްޓް އެރައިވަލް އަށް ލިބިފައިވާ ކަމަށެވެ.
ކޮވިޑް-19 އަށް ރިސޯޓެއްގެ ބިދޭސީ ދެ މުވައްޒަފަކު ޕޮޒިޓިވްވުމާ ގުޅިގެން އަޅާނެ ފިޔަވަޅުތަކާއި މިހާރުގެ ހާލަތާ ބެހޭ ގޮތުން ބާއްވާ ޕްރެސް ކޮންފަރެންސްގައި މިނިސްޓަރު ވިދާޅުވި ގޮތުގައި، މިހާރު ރިސޯޓްތަކުގައި ތިބީ 37،136 މުވައްޒަފުން ތިބި އިރު އޭގެ ތެރެއިން 17،609 މީހުންނަކީ ދިވެހިންނެވެ. އޭނާ ވިދާޅުވީ މުވައްޒަފުން ރައްކާތެރިވެ ތިބުމަށް ބޭނުންވާ ސާމާނު ލިބޭނެ ކަމަށާއި އިންޑަސްޓްރީގެ ޓްރަސްޓް ފަންޑުން ބައި މިލިއަން މާސްކް ވެސް ގަނެ، ކުރިން ވެސް ހުރީ ރައްކާކޮށްފައި ކަމަށެވެ.
މިއަދުގެ ނިއުސް ބްރީފިންގައި ޓޫރިޒަމް މިނިސްޓަރު އަލީ ވަހީދު ވާހަކަ ދައްކަވަނީ.---ފޮޓޯ: އަހުމަދު އަވްޝަން އިލްޔާސް/މިހާރު
މިނިސްޓަރު ވަނީ މި ހާލަތުގައި އެއްވެސް ރިސޯޓަކުން މައުލޫމާތު ހިއްސާކުރުމަށް ފަސް ނުޖެހުމަށް އެދިވަޑައިގެންފަ އެވެ. މިކަމުގައި އެއްވެސް ރިސޯޓަކުން އެކަނި މަސައްކަތްކުރަން ނުޖެހޭނެ ކަމަށާއި މިއީ މުޅި ދުނިޔެ އަށް ކުރިމަތިވެފައިވާ ދަތި ވަގުތަކަށް ވާތީ މިކަމުގައި މަސައްކަތްކުރަން ޖެހޭނީ އެންމެން ގުޅިގެން ކަމަށް ވިދާޅުވި އެވެ.
ޓޫރިޒަމް ދަށްވުމުން ސިޔާސި މުވައްޒަފުންގެ މުސާރަ ކުޑަކުރާނެތޯ ނޫސްވެރިޔަކު ސުވާލުކުރުމުން މިނިސްޓަރު ވިދާޅުވީ ސަރުކާރުގެ ވިސްނުން ހުރީ މިވަގުތު ހުރި މުސާރަތައް، ހާއްސަކޮށް ސިވިލް ސާވިސް މުވައްޒަފުންގެ މުސާރަ ހުރި ވަރުގައި ހިފެހެއްޓުމާ އެކު އިގްތިސާދު ހީނަރުވިޔަ ނުދީ ހިފަހައްޓަން ކަމަށެވެ.
"ދިވެހިރާއްޖެ އެއްކޮށް ލޮކްޑައުން އަކަށް ނުދާނެ،" މިނިސްޓަރު ވިދާޅުވި އެވެ.
އޭނާ ވިދާޅުވީ އިގްތިސާދު ފުނޑުފުނޑު ވެދާނެ ފަދަ ކަމަކަށް ދިވެހި ދައުލަތަށް އަދި ރައްޔިތުންނަށް އެފޯޑް ނުކުރެވޭނެ ކަމަށެވެ.
ބޫޓާންގައި ހެދި ގޮތަށް ޓޫރިސްޓުން އައުން އެއްކޮށް މަނާކޮށް، ރާއްޖެ ބަންދު ނުކުރެވޭނެ ކަމަށާއި ރާއްޖޭގެ އިގްތިސާދުގެ 70 ޕަސެންޓް ބިނާވަނީ ޓޫރިމަށް ކަމަށް އަލީ ވަހީދު ވިދާޅުވި އެވެ. އޭނާ ވިދާޅުވީ ރާއްޖެ އަށް ޓޫރިސްޓުން އައުން އެއްކޮށް މަނާކޮށް ގެޔަށް ވަދެ ދޮރު ލައްޕައިގެން ތިއްބަސް ގައުމަށް ވާނެ ފައިދާއެއް ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަދު
09 March 2020
އެއްވެސް ރިސޯޓު އޯނަރަށް ގެއްލުމެއް ނުވާނެ. ސަރުކާރުން ބލިއިނުން ބަދަލު ދިނީމާ ނިމުނީނު. އެއިރުން ދެން އަންނަ އިންތިޚާބަކަށް ބަހާނެ ފައިސާ ލިބޭނެ. އިންތިޚާބު އަނެއްކާ ކާމިޔާބުވީ؟؟؟
ގައުމު019
09 March 2020
މިނިސްޓާރ ނުޖެހޭނެ ޤައުމު ލޮކްޑައުން ކުރާކަށް. މިހާރު މި ދިމާވި ގޮތުން ރާއްޖޭގަ މި ވައިރެސް ކޮންޓްރޯލް ނުކުރެވެންޔާ ރާއްޖެއަށް އަންނާނެ ބަޔަކު ނުވާނެ. އޭރުން އޮންނާނި އަމިއްލައަށް ލޮކްޑައުން ވެފަ. ބޫޓާން ސަރުކާރުން އެޅިފިޔަވަޅަކީ ހަމަ ރައްޔިތުންގެ ރައްކަލަށް އެޅި ވަރަށް މުހިއްމު ފިޔަވަޅެއް. އަބަދު ވެސް ބުކިންގްސް ކެންސަލްވާ އަދަދު ނުކިޔަސް ވެދާނެ.
ނާޒް
09 March 2020
އަދިވެސް ލޮޅުމެެއް ނާދެ, ދެއްތޯ. 100ކ ބުކިންގްސް ކެންސަލްވި އިރު ނާންނަ ލޮޅުމެއް ދެންނާންނާނެ.
މަގޭ ހިޔާލް
08 March 2020
މިވަގުތު ކޮވިޑް-19 ފެނިފައިވާ އެއްވެސް ގައުމަކުން މީހުން އައުން ވަގުތީ ގޮތުން މަނާ ކުރަން ޖެހޭ. މިގައުމެ އެންމެންގެ ރައްކާތެރި ކަމައްޓަކާ. މީކީ ގައުމައް ވަންނަ ލާރި ކޮޅައް ވިސްނަން ވީ ވަގުތެއް ނޫން.
ގައުމު019
09 March 2020
މުޅި ދުނިޔެއަށް މިވަރުގެ ކަމެއް ދިމާވީމަ ބުކިގްސް ކެސަލްވާނެކަން އިނގޭ. ދަތުރު ނުކުރަން ހުރިހާ ގައުމަކުން ވެސް ބާރު އަޅާނެ. މުޅި ޤައުމު ލޮކްޑައުންކޮށް ރަޖާލާކަން ނުބުނޭ.. އިޓަލީގަ ބާރު ސްޕީޑެންގަ ވައިރަސް ފެތުރެމުންދާތީ އެގައުމު މީހުން ރާއްޖެ އައުން މަނާކޮށް ދޭން ރައްޔިތުން އެދެމުން ދިޔާއި. އެއަޑު ނުއިވުނު ފެނުނީ ކެންސަލްވަމުންދާ ބުކިގްސްގެ އަދަދު. އެދެނީ ރާއްޖެއިން މި ވައިރަސްގެ އަސަރު ވީއެންމެ އަވަހަކަށް ނެތިގެން ދިޔުން.
އުގޭލު
08 March 2020
މިނިސްޓަރް އެބަޖެހޭ ސްޓެޓިސްޓިކްސް އެންޑް ޕްރޮބެބިލިޓީ ކިޔަވަން!! ބަލި ބޮޑަށް ފެތުރެމުންދާ ގައުމުތަކުން ވައިރަސް އައުމުގެ ފުރުސަތު ބޮޑުވާނެ! އެހެންވީމާ އެބަލިފެނިފަވާ 100 ގައުމު ހަމަހަމައެއް ނުކުރެވޭނެ! ނުރައްކާ ބޮޑުވާ ގައުމުތަކާމެދު ފިޔަވަޅުވެސް ވަރުގަދަ ކުރަންޖެހޭ! އަދި މިކަމަށް ޖޯކުޖެހުން ހުއްޓާލަންޖެހޭ!
ބީރުބޮލުވަޒީރު
08 March 2020
އަލީމެން އެބަޖެހޭ ސްޓެޓިސްޓިކްސްް އަދި ޕްރޮބެބިލިޓީ ކިޔަވަން !!ސިނގިރޭޓު ނުބޯ މީހުންނަށްވެސް ކެންސަރު ޖެހޭ! އޭގެ މާނޭކީ ކެންސަރު ޖެހިދާނެތީ ސިނގިރޭޓު ބުއިމުން ދުރުވުމަށް ޑޮކްޓަރުން ދޭ ނަސޭހަތަށް ޖޯކު ޖަހަންވީއޭތޯ؟؟
އައްލާ
08 March 2020
މިގައުމުގައި އެންމެ ގިނައިން ބޭރައްދަ މިނިސްޓަރަކު އެބައުޅޭ ދެފާއެއް ތަނެއްގަނުޖަހާ ބޭރުގައުމުތަކައް ގޮސް އެއުޅެނީ މިދަޑިވަޅު މަޑުކޮއްލުންކީއްތޯ ޙުދުތިމާމީހާގެ ސަލާމަތައް ޓަކާނަމަވެސް ކީއްތޯކުރާނީ އިސްރާފް ކުރުމުގައި ހައްދެއްނެއް ރުފިޔާއާއިގެން ދެވިހިފާފައި
ޢެހެންތަ ހީވަނީ
08 March 2020
މަށަށް އިހސާސްވީ ނެތްފެންވަރު ދަށް ކަން ފޮނިކެޑިކަން . މިލިޔަނެއްހާރުފިޔާހަރަދުކޮއްގެން ކަރަންޓީވާން ވެއްޖެނަމަ ކަރަންޓީވިއަސް ކަންބޮނޑުވެ ހިތާމަ ކުރަން ނުޖެހޭނެ ފެންވަރުގެ އިމާރާތެއް ތައްޔާރުކުރެވުނު ވާހަކަޔަކާއި ބައިމިިލިޔަނުގެ މާސްކު ހުރިވާހަކަ ޔާއި މުސާރަ ހުރިވަރުގަ ސިވިލް ސާވިސްގެ މީހުންގެ ހިފަހައްޓާނެ ވާހަކައެއްދެއްކިއިރު ތިޔަބޔކަށް ލިބޭބައިވަރުގަޑުން ބައިރުފިޔާ ނުކަޑާތީވެސް ކަންބޮޑުވޭ ގެރެންޓީ މީގެއަސަރު ރައްޔިތުންނަށް ނުކޮށެއް ނުހުންނާނ
ކޮމެންޓޭ1
08 March 2020
ބަލަންތިބޭ މިކަން ނިމިގެން ދާއިރު ކޮންމެސް އެއްޗެކޭ ކިޔާފަ ޓޫރިޒަމްގެ މަހުޖަނުންނަށް ރަށްޔިތުންގެ ފައިސާ ބަހާނެ ބަދަލުގެ ގޮތުގަ
ބޫމް
08 March 2020
މިއަދު ދިވެހީންގެ ޙާލަތު މިވަނީވަރަށް ދަށު ދަރަޖައަކަށް ވެއްޓިފައެވެ. މިފަދަ ޙައްސާސް ދަނޑިވަޅުތަކުގައި ވެސް މި ބަލަނީ ސިޔާސީ ފައިދާ ނެގޭތޯއެވެ.