ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ މަޖިލީހުގެ ޖަލްސާއެއްގައި ވާހަކަ ދައްކަވަނީ. - ފޮޓޯ: މަޖިލިސް
09 އޮކްޓޯބަރ 2016 - 15:15
19 comments
ރައްޔިތުންގެ މަޖިލީހުގެ ޕީޕީއެމް ބައެއް މެމްބަރުންނަކީ ދުރަށް ވިސްނަވާ ބައެއް ނޫން ކަމަށާއި ކާޑުގެ ބާވަތްތަކުގެ އަގު ހެޔޮކުރަން އެ މެމްބަރުން މާ ބޮޑު މަސައްކަތެއް ނުކުރައްވާ ކަމަށް ތިނަދޫ އުތުރު ދާއިރާގެ ޕީޕީއެމް މެމްބަރު ސައުދުﷲ ހިލްމީ މިއަދު ވިދާޅުވެއްޖެ އެވެ.
"މިހާރު"އާ ވާހަކަ ދައްކަވަމުން ސައުދުﷲ ވިދާޅުވީ ޕީޕީއެމް ތެރެއިން ކާޑުގެ އަގު ހެޔޮކުރަން މަސައްކަތް ކުރާ ތަން ފެނިވަޑައިނުގަންނަވާ ކަމަށެވެ. ކާޑު އަގުބޮޑުވުމުގައި މެމްބަރުންގެ ކަންބޮޑުވުންތަކެއް ހުރި އިރު، އެ މައްސަލަ ހައްލުކުރެވޭނީ ސަރުކާރާ ވާހަކަ ދައްކައިގެން ކަމަށް ވެސް އޭނާ ވިދާޅުވި އެވެ.
ހަނޑޫ، ހަކުރާއި ފުށުން ސަބްސިޑީ ކަނޑާލައި، ހަމައެކަނި ފަގީރުންނަށް ލިބޭ ގޮތަށް ސަރުކާރުން ހަމަޖެއްސުމާ ގުޅިގެން އެކަމާ ޕީޕީއެމް ބައެއް މެމްބަރުން ދެކޮޅެވެ. އަދި އަނެއް ބައި މެމްބަރުން ގެންދަވަނީ ސަރުކާރުގެ އެ ނިންމުން ދިފާއުކުރައްވަމުންނެވެ.
ރައީސް އަބްދުﷲ ޔާމީނާއި ޕީޕީއެމްގެ ރަައީސް މައުމޫން އަބްދުލްގައްޔޫމާ ދެމެދު އުފެދިފައި އޮތް ހިޔާލު ތަފާތުވުމާ ގުޅިގެން ޕާޓީ ތެރޭގައި ވަނީ ދެ ފެކްޝަން އުފެދިފަ އެވެ.
ސައުދުﷲ ވިދާޅުވީ ޕީޕީއެމްގެ އެތެރޭގެ ކޯޅުންގަނޑު ބޮޑުވަނީ ހިޔާލު ތަފާތުވުންތައް އެއްގޮތް ކުރެވޭނެ މާހައުލެއް ނެތީމާ ކަމަށެވެ. އަދި އެއްވެސް ބަޔަކު ދޫދޭން ބޭނުން ނެތް ނަމަ، ހިޔާލު ތަފާތުވުންތައް ހައްލު ކުރެވޭނެ ގޮތެއް ނޯންނާނެ ކަމަށް ވެސް އޭނާ ވިދާޅުވި އެވެ.
"ބައެއް މެމްބަރުންނަކީ ވިސްނަން ޖެހޭ ވަރަށް، އެހާ ދުރަށް ވިސްނާ ބައެއް ނޫން، އެ މެމްބަރުން އަބަދުވެސް ވިސްނަވަނީ އެ މެމްބަރެއްގެ ކައިރިއަށް،" ސައުދުﷲ ވިދާޅުވި އެވެ.
އޭނާ ވިދާޅުވީ ކުއްލިއަކަށް ސަބްސިޑީ ކަނޑައިލުމާ ގުޅިގެން ގިނަ ބަޔަކަށް ދަތިތަކާ ކުރިމަތިލާން ޖެހިފައިވާ ކަމަށެވެ. އަދި ހުރިހާ ސަބްސިޑީއެއް ދެވޭނެ ހަމަޖެހޭ އުސޫލެއް ގާއިމުވެފައި އޮންނަން ޖެހޭނެ ކަމަށާއި ސަބްސިޑީ ކަނޑާލާ ނަމަ، މުއްސަނދިންގެ އަތުން އެ ކަނޑާލަން ޖެހޭނެ ކަމަށް ވެސް އޭނާ ވިދާޅުވި އެވެ.
"ބައެއް މީހުން ހަރަދުތައް ހަމަޖައްސާފައި ހުންނާނީ ތަފާތު ގޮތް ގޮތަށް، ގޭ ކުލި ފަދަ ކަންކަމަށް ފައިސާ ބަހާފައި ހުންނާނީ. އެހެން ހުރެއްޖެއްޔާ ދަތި ކަމަކަށް ވާނީ،" ސައުދުﷲ ވިދާޅުވި އެވެ.
އޭނާ ވިދާޅުވި ގޮތުގައި ސަރުކާރުން މިހާރު ކުރަމުން އަންނަ މަސައްކަތުން ވީހާވެސް އަވަހަކަށް ކާޑުގެ އަގަށް ހެޔޮ ބަދަލެއް އަންނާނެ ކަމުގެ އުންމީދު އެބަ އޮތެވެ. އަދި އެސްޓީއޯ އިން އެކަން ކުރާނެ ކަމުގެ ފެހި ސިގްނަލް ދީފައި އޮތް ކަން ވެސް އޭނާ ފާހަގަކުރެއްވި އެވެ.
ސަބްސިޑީ ކަނޑާލުމުން ހަނޑޫ ކިލޯއެއް މިހާރު މާލޭން ގަންނަން ލިބެނީ 7.96ރ. އަށެވެ. މީގެ ކުރިން ހަނޑޫ ކިލޯއެއް ވިއްކީ 3.98ރ. އަށެވެ. ހަކުރު ކިލޯއެއް އަށް ރުފިޔާ އަށް އަދި ފުށް ކިލޯއެއްގެ އަގު 5.96 އަށް ވަނީ އަރާފަ އެވެ. ފުށް ކިލޯއެއް މިހާތަނަށް ވިއްކީ 2.96ރ. އަށެވެ. ހަކުރު ކިލޯއެއް ވިއްކީ ހަތަރު ރުފިޔާ އަށެވެ.
ރާއްޖޭގެ އެހެން ސަރަހައްދުތަކުގައި ކާޑުގެ ބާވަތްތަކުގެ އަގު މި އަށް ވުރެ ބޮޑުވާނެ އެވެ.
ކާޑުގެ ސަބްސިޑީ މި މަހުގެ އެއްވަނަ ދުވަހުން ފެށިގެން ފަގީރުންނަށް އެކަނި ދިނުމަށް ސަރުކާރުން ނިންމައި އެކަމަށް އެދި ފޯމް ހުށަހެޅުމުގެ ފުރުސަތު ވަނީ ހުޅުވާލައިފަ އެވެ. ކާޑުގެ ސަބްސިޑީގެ ގޮތުގައި ސަރުކާރުން ފަގީރުންނަށް ދޭން ނިންމާފައި ވަނީ ގޭބިސީއަކަށް މަހަކު ގިނަވެގެން 240ރ. އެވެ. މިއީ އާއްމުކޮށް ގޭބިސީއެއްގައި ހަ މީހުން ތިބޭނެ ކަމަށް ބަލާފައި ބޮލަކަށް 40ރ. ގެ ނިސްބަތުން ކަނޑައަޅާފައިވާ މިންވަރެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
GAN Island
10 October 2016
ޤާނޫނު ހަދާ މަޖިލީހަށް ހޮވި މެންބަރުން ''ސަރުކާރު ހިންގަން ދިމާކޮށްލީމަ'' ވާނީ މިކަހަލަ ގޮތެއް. މިރާއްޖޭގައި އޮތީ ރިޔާސީ ވެރިކަމެއްކަން ނުވަތަ ޕާލަމެންޓަރީ ވެރިކަމެއްކަން ނޭގޭ ހިސާބަށް މިމީހުންގެ ކަންތައް ހިގައްޖެ.
ޤައުމު
10 October 2016
ތިޔަ މަޖިލިސް މެމްބަރުން މަޖިލީހުގައިކުރާކަމަކީ............. ޖަލްސާއެއްބޭއްވިއްޔާ މަޖިލީހަކަށް ހާޞިރެއްނުވޭ!!!! ހަމައެކަނި ކުރާކަމަކީ ބަރާބަރަށް މުސާރަނެގުން!!!!! ރައްޔިތުންގެ ފައިސާ އިސްރާފުވުން ނޫން ކަމެއްނުވޭ!!!!!
ރައްޔިރުމީހާ
09 October 2016
މަޖުލިސް މެންބަރުންނެއް ތިކަމަކާ ނޫޅޭނެކަން މާކުރިންވެސް އިނގޭ އެއީ އެމީހުންނައް މަހަކު މަދުވެގެން އެއްލައްކަ ރުފިޔާލިބޭނެ..ނުވިތާކައް އެކިގޮތްގޮތުން ލާރިހޯދާނެ..އެއީ ރައްޔިތުންގެ މަޖުލީސް ކަމަކައް ގަބޫލެއްނުކުރަން ..
މުހަންމަދު
09 October 2016
ތިކަމާ ކަންބޮޑުނުވާށެވެ. ލޯކަލް ކައުންސިލްގެ އިލެކްޝަނަށް 2 ހަފުތާއަށްވާއިރަށް ތިކަންވާނެއެވެ. އެއީ ތިކަން ހަނދާންނެތޭހައިދުވަހެވެ. އެއިލެކްޝަންގެކުރީގައި، ޕާޓީތެރޭގައިހުރި ހުރިހައިހަމަނުޖެހުމެއް ހަމަޖެހި، އެކަންނިމުމާއިއެކު އަނެއްކާކޯޅިގަންނަން އެއްބަސްވެ، އަލުން ކޯޅޭނެކޯޅުން ރާވާނެއެވެ. އޭރުން އެންމެހައި ރައްޔިތުންއުޅޭނީ އެކަމައިގެނެވެ. ރާއްޖޭގެ ރަށްތަކާއި ފަޅުތައްވިއްކާ ލިބޭޢާމްދަނީއަށް ހަދާނުހަދާގޮތުގެވާހަކަ ނުދައްކާނެހައިގޮތެއް ހަދާނެއެވެ. މިކޮމެންޓު ޖަހާނެކަމާއިމެދު ޝައްކެވެ. އެކަމަކު ކަންވާނީ މިހިންކަމުގައި ޤަބޫލުކުރެވެއެވެ.
ރަޓު ފެއްސާ
09 October 2016
ކިލޯ އެއް 50ރ އަށް ހެދިއަސް އޯކޭ ވާނެ. ކަލޭމެން ތިބޭނީ ކައިގެނެއްނު. ނިކަމެތި ރައްޔިތުންނަށް މި ގައުމު ހުރަގެއަކަށް ވިޔަސް ކަލޭމެން 'ބޮޑުން' ނަށް (ކޮންމެވެސް އެއްޗެއް) މީ ލިޓްލް ސިންގަޕޫރެއްނު. ވަރަށް ވެދުން.
އަލީ
09 October 2016
ރައްޔިތުންގެ ކަންކަމާ ވިސްނާނީ ރައްޔިތުންނައްޓަކާ ވެރިކަންކޮއްދޭ ރައްޔިތުންގެ ސަރުކާރަކުން. އަނެއްކާ މިހާރުދެން މާލަސްވެސްވެއްޖެ ތިކަނޑާލިސަބްސިޑީއާއެކު ހުރިހާދިމާލަކުން ތަކެތީގެ އަގުއުފުލިއްޖެ އަހަރެމެން އެންމެންނައްވެސްއެނގޭ އަގުމައްޗައްދާއެއްޗެއްގެ އަގުދެން ތިރިނުވާނެކަން ކާޑުގެބާވަތްތަކުގެ އަގު ކުރީގަ ހުރިއަގައް ތިރިކުރިޔަސް. ތިޕާޓީގެ ހުރިހާ އިކޮނޮމިސްޓުންނައް ވަރައް ސަލާން.
މނ
09 October 2016
އެމީހުންނަކައް އެކައްޗެއްވިސްނުބުނެވޭނެ ފިތެނީ ފިތެނީ ހަމަ ފިތެނީ
އަހުމަދު / ސ. ހިތަދޫ
09 October 2016
ތިބޭފުޅާ ވެސް މާގިނަ ސުޓެންޓުތައް ޖެއްސުމުގެ ބަދަލުގައި ގާނޫނުތައް ހަދާ އަދި ޑުރާފުކުރާ މަޖިޅިހައް ގ.ދ.ތިނަދޫ ދާއިރާ އިން ހޮވައިވާނީ މިދެންނެވި މަޖިލީހުގައި ކުރަންޖެހޭ އެއްމެހައި ކަންތައް ތައް ކުރެވޭވަރުގެ ތައުލީމީ ގާބިލުކަން ހުންނާނެކަމައްވާތީއެވެ. މާދަމާވެސް ކެރޭކަމައްވާނަމަ މަޖިލީހައް އިންކަމުޓެކުސް އާއި ބެހޭގާނޫނެއް ވައްދަވާދެއްވާ... އެފަދަ ގާނޫނެއް ތިޔަ މަޖިލީހައް ވައްދައިގެން ދެން ދިމާވާވެދާނެ ކަންތައްތަކައް ރައްޔަތުން ބަލާނެއެވެ. ކޮންމެހެން ރައްޔަތުންނާއި ދައުލަތުގެ ބަޖެޓު ހަރުދަނާކުރުމައް އެއްވެސް ބެފުޅަކު ސުޓެންޓު ނުޖައްސވައި ބިލިއަނުން ރާއްޖޭގެ ގުދުރަތީ މުއްސަނދިކަމުން ކަހަމުން ބޭރުކުރަމުންދާ މީހުން އަތުން ބައިލާރި ފޮއްޗެއްގެ މިންވަރު ނުނަގައި ރައްޔަތުން ނުވަތަ މިގައުމުގައި ދިރިއުޅޭ މީހުން ހަނާވަމުން ދާއިރު އެކަކުވެސް ގެރި ނުޖައްސައި ހަރުދަނާ ނިންމުމެއް ނިންމަން ގޮވާލަމެވެ. އިންކަމު ޓެކުސް ނަގާނަމަ ރާއްޖޭގެ ކޮންމެ ސަރުކާރެއް އޮތަސް ރައްޔަތުންގެ ކަންތައްތަކައް ބޭރުގެ ކޮމާރޝަލް ލޯނުނުނަގައި ކަންތައް ކޮށްދެވޭވަރުގެ އަދަދެއް ކަލަކުޓުކުރެވޭނެއެވެ. ރާއްޖޭގެ 20 ނުވަތަ 50 ބިލިއަނުން ނައް ޑިޕެންޑުކޮށް ރައްޔަތުން ހަނާނުކުރުމައް ގޮވައިލާން...
ރައްޔިތުމީހާ
09 October 2016
ސަރުކާޜުގެ ވިސްނުން ބަދަލުނުކުރާނަމަ ރައްޔިތުންނަށް ވޯޓްލާއިރު ވިސްނުން ބަދަލުކުރާނެ. ފަގީރުންންކީ ހަމައެކަނި ސަލާންޖަހާމީހުންނެއްނޫން.
އަލީ ބިން އިބުރާހީމް ބިން ހުސެއިން
09 October 2016
ފެނަކައިން ކަރަންޓް އަގު ބޮޑުކުރުމުން ރައީސްވިދާޅުވީ ވަރަށް އަވަހަށް އަގުތިރކުރާނަމެވެ. ނަމަވެސް ހުއްޓުމެއްނެތިދަނީ ބޮޑުވަމުންނެވެ. ވީމާ ތިކާޑުގެ އަގުވެސް އަދިވެސް ކުރާނީ ބޮޑުކަން ޔަގީނެވެ. މިނިސްޓާރވިދާޅުވީ ސަބްސިޑިސް އެއްކޮއް ކަޑާނުލާކަމަށެވެ. ވީމާދެން އިވިގެން ދާނީ އެއްކޮށްކަޑާލާފަ 15ރ ހަނޑޫ ފުށް 14ރ ހަކުރު 16ރ އަށް ބަދަލުކޮއްލާތަނެވެ. ދުވަހަކުވެސް މިސަރުކާރައް އިތުބާރެއްނުކުރާނަން. ޔާމީނައް ވޯޓްލެވުނީތީ ހިތާމަކޮށް މިއަދު މިދަނީ ރޮމުން .... ކުރެވުނު ކަމެއް ނުކުރާކަމަކަށްނުވާނެ... އެކަމަކު ދުވަހަކުވެސް ޕީޕީއެމްއަކަށް ދެން މަގޭވޯޓް ނުދޭން ހުވާކުރަން...