09 މާޗް 2020 - 19:43
21 comments
ކ. އެނބޫދޫ ފަޅަށް މަސް ހިފަން ފޭބި، ރާއްޖޭގެ ޖެވެލިން ޗެމްޕިއަނެއް ކަމަށްވާ އަދި ކުރިން ގައުމީ ޕޫލުގައި ވެސް ހިމެނުނު ދުވުންތެރިޔާ، މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ގެ ސާޖަންޓް ޔައުގޫބް އަހުމަދު މިއަދު މަރުވެއްޖެ އެވެ.
އެމްއެންޑީއެފުން ބުނީ، ދަގަނޑު ހަރައިގެން ފަރުމަސް ހިފަން މޫދަށް ފޭބި، ގދ. ހޯޑެއްދޫ، ބާޑީގޭ ޔައުގޫބްގެ ހަށިގަނޑު ފެނުނީ ގެއްލިގެން ރިޕޯޓު ކުރުމުން، އޭނާ ހޯދުމަށް ކޯސްޓް ގާޑުގެ ޑައިވަރުން ކުރި މަސައްކަތުން ކަމަށެވެ. ޔައުގޫބްގެ ހަށިގަނޑު ސިފައިންގެ ޑައިވަރުންގެ ޓީމަށް ފެނުނީ ކަނޑުން 20 މީޓަރު އަޑިންނެވެ.
އުމުރުން 34 އަހަރުގެ ޔައުގޫބަކީ މަސްވެރިކަމަށް ވަރަށް ބޮޑަށް ލޯބިކުރާ އަދި އެކަމަށް ވަރަށް ގިނައިން ނުކުންނަ ޒުވާނެކެވެ. ފަހަކަށް އައިސް އޭނާގެ ފޭސްބުކް ފުރާލީ، މަހަކަށް ނުކުމެ މަސްތަކާ އެކު ނަގާފައިވާ ފޮޓޯތަކުންނެވެ.
އެމްއެންޑީއެފުން ބުނީ، މިއަދަކީ ޔައުގޫބުގެ ޑިއުޓީ ދުވަސް ނޫން ކަމަށް ވުމުން ފީނަން ދިޔައީ ކަމަށެވެ.
ޔައުގޫބް (ކ-2) ޝިފާޒް (ވ) އާއި މޯޑް (ކ) އަދި ރިޒާ (ކ-3) އާ އެކު ރޭހެއްގައި ދުވަނީ.
ޔައުގޫބް ވަނީ ގައުމީ އެތުލެޓިކްސް މުބާރާތުން، އެތުލެޓިކްސް ފީލްޑް އިވެންޓެއް ކަމަށްވާ ޖެވެލިން އުކުމުން 2008، 2010، 2011، 2014، 2015، 2017 އަދި 2018 ގައި ރަން މެޑަލް ހޯދައިފަ އެވެ. އަދި އެ އިވެންޓުން މިދިޔަ އަހަރުގެ އެސޯސިއޭޝަން ޗެމްޕިއަންޝިޕުން ވެސް ރަން މެޑަލް ހޯދި އެވެ.
އޭގެ ކުރިން ޔައުގޫބް ފާހަގަކުރެވުނީ މެދު އަދި ދިގު ރާސްތާ ދުވުންތަކުންނެވެ. އޭނާ ވަނީ 2007 ވަނަ އަހަރުގެ ގައުމީ މުބާރާތުގެ 5000 މީޓަރު ދުވުން ރަން މެޑަލް އަދި އެ އަހަރާއި 2008 ވަނަ އަހަރު 10000 މީޓަރު ދުވުމުން ރަން މެޑަލް ހޯދައިފަ އެވެ. މީގެ އިތުރުން 2014 ވަނަ އަހަރުގެ ދިރާގު މޯލްޑިވްސް ރޯޑްރޭހުގެ 10 ކިލޯމީޓަރު ދުވުމުން ވެސް އެއް ވަނަ ހޯދި އެވެ. ޔައުގޫބް ވަނީ ގައުމީ އެތުލެޓިކްސް ޓީމުގެ ދުވުމުގެ ޕޫލުގައި ހިމެނިގެން، ރާއްޖޭގެ މިހާރުގެ މެރެތަން ރެކޯޑް ހޯލްޑަރު ޝިފާޒް މުހައްމަދާ އެކު ތަމްރީންތައް ވެސް ހަދައިފަ އެވެ. އެކަމަކު ބޭރު މުބާރާތެއްގެ ދުވުމުގެ އިވެންޓެއްގައި ރާއްޖެ ތަމްސީލްކޮށްފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިދަރި
10 March 2020
إِنَّا لِلّهِ وَإِنَّـا إِلَيْهِ رَاجِعونَ
ޑރ. ރޯނު އެދުރު
10 March 2020
ސްޕެއަރ ފިޝިންނަކީ މަނާ ހަތިޔާރުގެ ދަށުން މަނާކަމެއް. ޤާނޫނުތައް ތައްފީޒް ކުރަންތިބި މީހުން ނަމޫނާ ދައްކަންޖެހޭ.
އަންކަލޯ
10 March 2020
މިހާރު ހާއްސަ ހުއްދަޔެއްގެ ދަށުން މިކަން ކުރެވޭ.
ވާންޗޯލ
10 March 2020
ކަލޭތީ ފައްކާ ރޯނުއެދުރެއް ހަމަ
ސަރޮން
10 March 2020
އިންނާ ލިއްލާހި ވައިންނާ އިލައިހި ރާޖިޢޫން. މަރުޙޫމަށް ސުވަރުގެ މިންވަރު ކުރެއްވުން އެދި ﷲ ގެ ހަޒުރަތުގައި ދުޢާކުރަން.
ާައާން
10 March 2020
ވަރަށް ހިތްހެޔޮ ހިނިތުންވެފައި ހުންނަން މީހެއް. إِنَّا لِلّهِ وَإِنَّـا إِلَيْهِ رَاجِعونَ މަރުޙޫމް އަށްސުވަރުގޭގެ ދާއިމީނިޔުމަތް މިންވަރު ކުރަށްވާ ޢާއިލާއަށް ކެއްތެރިކަން ދެއްވާށި އާމީން!
މުސަޅުބެ
10 March 2020
އެންމެ ރައްކާތެރި ގޮތަކީ ނަނު ދޫކޮށްގެން މަސްވެރިކަން ކުރުން. މަރުހޫމަށް ރަޙްމަތް ލައްވާށި!
ކީއްވެތަ
10 March 2020
މިފަދަ ކޭސްތައް މިހާހިސާބުން ނިންމާ ނުލާ ތަހުޤީޤުކޮށް ބަލަން އެބަޖެހޭ.. ސުވާލުއުފެދޭ ކުއްލި މަރުތަކެއް މިފަހުން ފެނިއްޖެ.. ކޮޕްސް އާތިފް އަދި ކަސްރަތުގަ އުޅުއްވަނިކޮށް އަވަހާރަވި ސިފައިންގެ އޮފިސަރ މިއިން އެއްވެސް މަރެއްގެ ޕޯސްޓް މޯޓަމް ހަދާ އިންވެސްޓިގޭޓްނުކުރެވެނީ ކީއްވެބާ
ބަބުރުލް ސަލީމް
10 March 2020
ވަރަށް ހިތްހެޔޮ ހިނިތުންވެފައި ހުންނަން މީހެއް. إِنَّا لِلّهِ وَإِنَّـا إِلَيْهِ رَاجِعونَ
ކޮންޓެ
09 March 2020
إنا لله وإنا إليه راجعون
ރާއްޖެ މީިހާ
09 March 2020
إِنَّا لِلّهِ وَإِنَّـا إِلَيْهِ رَاجِعونَ
ޣަހުމަދު
09 March 2020
ސްޓާފް ސާޖަންޓް