11 މާޗް 2020 - 22:57
54 comments
ކޮވިިޑް-19 ޖެހޭ ބަލި މީހެއްގެ ހާލުބޮޑުވެގެން ފަރުވާދޭން ޖެހިއްޖެ ހާލަތެއްގައި ފަރުވާދޭން މިވަގުތު ހުރީ ދަަރުމަވަންތަ ހޮސްޕިޓަލް އެކަނި ކަމަށް ސަރުކާރުން މިރޭ ބުނެފި އެވެ.
ކޮވިޑްް-19 ކޮންޓްރޯލްކުރަން ރާއްޖޭން ކުރާ މަސައްކަތުގެ ތަރުޖަމާނު، ރައީސް އޮފީހުގެ އަންޑަ ސެކްރެޓަރީ މަބްރޫކް އަބްދުލް އަޒީޒު، ދަރުބާރުގޭގައި މިރޭ ބޭއްވި ޕްރެސްކޮންފަރެންސްގައި ބައިވެރިވެވަޑައިގެންނެވި އައިޖީއެމްއެޗްގެ އެތެރެހަށީގެ ބަލިތަކަށް ހާއްސަ ޑޮކްޓަރު މޫސާ މުރާދު ވިދާޅުވީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާ ހާއްސަކޮށްފައި ވަނީ ކޮވިޑް-19 ޖެހޭ މީހުންގެ ތެރެއިން ހާލުބޮޑުވާ މީހުންނަށް ފަރުވާ ކުރަން ކަމަށެވެ. އެތަނުގައި ހުރީ އެއްފަހަރާ 10 މީހަކަށް ފަރުވާ ދެވޭނެ އިންތިޒާމް ކަމަށް ވެސް އޭނާ ވިދާޅުވި އެވެ.
"މި[ބަލީގެ] ކޭސްތައް އިތުރުވަމުންދާ ކަމުގައި ވަންޏާ އެ ނިސްބަތުން އަޅުގަނޑުމެންނަށް ދެން ހުރި ރިސޯސްތައް ބޭނުންކުރަން ޖެހޭނީ. މިސާލަކަށް އައިޖީއެމްއެޗްގެ މެއިން އައިސީޔޫ ވެސް ހުސްކުރަން ޖެހިދާނެ މިސާލަަކަށް އިތުރު ކޭސަސް އަންނަ ކަމުގައި ވަންޏާ،" އޭނާ ވިދާޅުވި އެވެ.
މުރާދު ވިދާޅުވީ މިފަދަ ބައްޔެއް ޖެހޭ މީހުން ކުއްލިއަކަށް ގިނަވެގެންދާ ހާލަތުގައި ދުނިޔޭގެ ހުރިހާ ގައުމެއްގައި ވެސް އެކަން ގޮންޖެހުމަަކަށް ވެގެންދާ ކަމަށާއި އެފަދަ ހާލަތްތަކުގައި އަމަލުކުރާނެ އުސޫލުތައް ވެސް ކަނޑައަޅާފައިވާ ކަމަށެވެ.
"ކޮންމެ ގައުމެއްގައި ވެސް ޕްރޮސީޖާތަކެއް އެ ހަދަނީ މިސާލަކަށް އެކަހަލަ ސިޗުއޭޝަނަކަށް ގޮސްފިއްޔާ ކޮން ބަޔަކަށްތޯ އިސްކަން ދޭނީ ޓްރީޓްކުރުމުގައި، އެކަހަލަ އެސްއޯޕީތަކެއް ހުރޭ ހަމަ އެކަނި ކޮވިޑާ ގުޅިގެނެނެއް ނޫން،" މުރާދު ވިދާޅުވި އެވެ.
ހާލުބޮޑު މީހުންނަށް ފަރުވާކުރުމުގެ ގާބިލުކަމާ މެދު ނޫސްވެރިއަކު ކުރި ސުވާލަކަށް ޖަވާބު ދެއްވަމުން މަބްރޫކް ވިދާޅުވީ އައިސީޔޫގައި ފަރުވާ ދޭން ޖެހޭ މީހުންނަށް ފަރުވާ ކުރުމުގެ ގާބިލުކަން އިތުރުކުރަން ސަރުކާރުން މަަސައްކަތް ކުރަމުން އަންނަ ކަމަށެވެ.
ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި އެއް ފަހަރާ ފަރުވާ ދެވެނީ 10 މީހުންނަށް ކަމަށް ވާއިރު، ރާއްޖޭގައި އެބަލީގެ އަށް މީހަކު މިވަގުތު ވެސް އެބަތިއްބެވެ. އަދި އޭގެ ތެރެއިން އެކަކަށް މިހާރު ވެސް ފަރުވާ ދެމުން އަންނަނީ އެތަނުގަ އެވެ.
ބިދޭސީ އެމީހާ ދަރުމަވަންތަ ހޮސްޕިޓަލަށް ބަދަލުކުރީ އޭނާގެ ފުއްޕާމޭގައި މައްސަލަތަކެއް ހުރުމާ އެކު އޭނާ އަކީ އުމުރުން 70 އަހަރު ވެފައިވާ މީހަކަށް ވާތީ، ހާލަތު ކައިރިން ބަލަން ޖެހޭތީ އެވެ.
ކޮވިޑްގެ ތަފާސް ހިސާބު
ޕޮޒިޓިވް:8
ޓެސްޓް ކުރި 86
ނެގެޓިވް: 76
ނަތީޖާ ނުލިބޭ: 2
ފަރުކޮޅުފުށި އައިސޮލޭޝަންގައި: 16
ވިލިވަރުގައި ކަރަންޓީނުކޮށްފައި: 13
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްބޭ
15 March 2020
ތިހޮސްޕިޓަލް އިތުރައް ތަރައްގީކޮށް، ފެންވަރު ރަނގަޅު ހިދުމަތް ދެވޭތަނަކަށް ހެދުމަކީ ކުރަންޖެހޭކަމެއް. ހޮސްޕިޓާ އެޅީ ކާކުތޯ ކޮންސަރުކާރަކުންތޯ، ކިހިނެއްތޯ ބަލާކައްނުޖެހޭ، އެހެރީ އެތަން އެޅިފަ، ގައުމުގެ ހަރުމުދާ، ރައްޔަތުންގެ ފައިސާ، ހަރުދަނާ ގޮތެއްގައި ބޭނުންކުރެވޭތޯ ބަލަންވީ.
ގައުމީ ލޯބީގާ
12 March 2020
ޝުކުރިއްޔާރައިސްޔާމީން މަނިކުފާނު ގައުމު ވެރިކަންކުރައްވާ ވަޑައިގަތީރައްޔިތުން ނޫނެކޭ ބުނުމުން އެތަށް އަގުނުކުރެވޭ އަގުހުރި އެތަށް ވަސީލަތްތަކެއް ގައުމުގެ ރައްޔިތުންގެ ލާބަޔާ، މަންފާއަށް ގެނެސް ދެއްވާ ކޮއްދެއްވާފަކަން އެގިހާމަވެގެންމިދަނީ ވިސްނައިފިމީހަކަށް އިބްރަތުން ލިބެންޖެހޭ ފިލާވަޅެއްގެ ގޮތުގަ ތީ ހަގީގަތުގަ ގައުމަށް ހިދްމަތްތަކެއް ކޮއްދެއްވިރައިސެއް ދަރުމަވަންތަ ހޮސްޕިޓަލް މިއަދު ވުޖޫދުގަ ނެތްނަމަ އާހް އާހް އާހް .
ވާހަކަ ރީތި
12 March 2020
އެހެންވެގެންތަ އަދިވެސް ސަލާމތީނފިޔަވަޅުތައް އެޅުނއ ލަސް ކުރީ... ސާބަސް ހަމަ...ތީ ތަ ތިބުނި ފުލީ ޕްރިޕެއަރވުމަކީ...މި މީހުންގެ ވާހަކަ ވަރަށް ރީތިވާނެ އަބަދުވެސް
ބޮޑުމީހާ
12 March 2020
މި ރާއްޖޭގައި ސިއްޚީ މަރުކަޒާއި ހޮސްޕިޓަލްތައް މަދެއް ނޫން. ބޭކާރު ޚަރަދު ނުކޮށް ކޮންމެވެސް ރަށެއްގެ ހޮސްޕިޓަލް މިކަމަށް ޚާއްސަކޮށް ވަސީލަތްތައް ގާއިމުކުރިނަމަ މިއަދު ތިހެން ބުނަން ނުޖެހުނީސް. ޗައިނާއިން ސްޓޭޑިއަމްތައް ބަދަލުކުރީ ހޮސްޕިޓަލްތަކަށް، ރާއްޖެއިން އަޅާފަހުރި ހޮސްޕިޓަލްތަކުގައި ހިދުމަތްގާއިމު ނުވާންވީ ސަބަބެއް ނެތް.
ފާތުންް
12 March 2020
ޝުކުރިއްޔާ ރައީސް ޔާމީން
ޥުލްފް
12 March 2020
ޔާ މީން ސަރުކާރުން ކޮފަވަނީ ނިހާޔަތަށް ބޭނުންވާ މަސައްކަތް. ޔާ މީންވަރެއް ހަ މަ ނެތް.
ނަދްސް
12 March 2020
ޔާމީން ހުރިނަމަ ޗައިނާއިން ހޮސްޕިޓަލެއް މިހާރު ގެނެއްސީސް ޔަޤީން
ކޮމެންޓޭ1
12 March 2020
ޖަނާއަށް ހަދިޔާއަކަށް އޭނަގެ ރަށުގަ މިލިއަނުން ޚަރދުކޮށްގެން ދުނިޔޭގެ އެންމެ ރީތި ކަރަންޓީނު ނުހަދާ ވެންޓިލޭޓަރު ހޯދިނަމަ ޖިފުޓި ގަޑެއްގަވެސް ވެންޓިލޭޓަރު ބޭނުން ކުރެވުނީސް
ފޭލި
12 March 2020
އެއްވެސް ހާހެއް ނުވޭ.
ފަމީހު
12 March 2020
ސަދަގާތް ދިނުމަކީ ޝިފާއެއް..ހަދީސް