މެލޭޝިއާގެ މިސްކިތަކަށް ދިވެއްސަކު ދިޔަ ނަމަ، އިދާރާތަކަށް އަންގަން އެދިއްޖެ

ޗައިނާގެ ވުހާން ޕްރޮވިންސްގައި ތިބި އެ ގައުމުގެ ރައްޔިތުން، އަނބުރާ މެލޭޝިއާއަށް އައުމުން އެ ގައުމުގެ ސިއްހީ މަސައްކަތްތެރިން ހަރަކާތްތެރި ވަނީ: ކޭއެލްގެ މިސްކިތެއްގައި ކުރިއަށް ގެންދިޔަ ދީނީ އެއްވުމެއްގައި ބައިވެރިވި މީހަކު ވަނީ ކޮވިޑް-19 އަށް ޕޮސިޓިވްވެފައި --ފޮޓޯ:އޭއެފްޕީ

ލަމްޔާ އަބްދުﷲ، މިހާރު

12 މާޗް 2020 - 14:13

9 comments

މެލޭޝިއާގެ ވެރިރަށް ކުއާލާލަމްޕޫރުގެ މިސްކިތަކަށް ގޮސް އުޅުނު މީހަކު ކޮވިޑް-19 އަށް ޕޮޒިޓިވް ވުމުން، އެ މިސްކިތަށް ދިވެއްސަކު ދިޔަ ނަމަ އެކަން ކަމާބެހޭ އިދާރާތަކަށް އަންގަން މެލޭޝިއާގައި ހުންނަ ރާއްޖޭގެ ހައި ކޮމިޝަނުން މިއަދު އެދިއްޖެ އެވެ.

ކޮވިޑް-19 ބަލި ޖެހުނީ ސެރި ޕެޓަލިން މިސްކިތުގައި މިދިޔަ މަހުގެ 28 ން މި މަހުގެ 1 ގެ ނިޔަލަށް ކުރިއަށް ގެންދިޔަ ދީނީ އެއްވުމެއްގައި ބައިވެރިވި އުމުރުން 60 އަހަރުގެ މެލޭޝިއާގެ ފިރިހެނަކަށެވެ.

އެހެންވެ، އެ މިސްކިތަށް އެ ތިން ދުވަހު ދިޔަ ކޮންމެ މީހަކު، އެކަން މެލޭޝިއާގެ ކްރައިސިސް ޕްރިޕެއާޑްނެސް އެންޑް ރެސްޕޯންސް ސެންޓާ (ސީޕީއާރްސީ) އަށް އަންގަން އެ ގައުމުން ވަނީ އެދިފަ އެވެ.

Attention:

Any Maldivians who may have attended the said Malaysian Mosque, during the said period, please contact the hotline numbers given, or if ur in Maldives now, notify authorities in Maldives. 👇#COVID19 @HPA_MV @MoHmv @ameenex https://t.co/WHgWk6nf8H
— Maldives High Commission, Malaysia (@MDVinMalaysia) March 12, 2020

މެލޭޝިއާގައި ހުންނަ ރާއްޖޭގެ ހައި ކޮމިޝަނުން މިއަދު ކުރި ޓްވީޓެއް

މިކަމާ ގުޅިގެން، ބަލި ފެތުރިޔަ ނުދިނުމަށްޓަކައި އެ އެއްވުމުގައި ބައިވެރިވި އެންމެން ކަމާ ބެހޭ އިދާރާތަކަށް އެކަން އަންގަން އެދިފައި ވެ އެވެ. މި އެއްވުމުގައި 5،000 ވުރެ ގިނަ މީހުން ބައިވެރިވި ކަމަށް މެލޭޝިއާ ނޫސްތަކުގައި ބުނެފައި ވެ އެވެ.

އެ މުއްދަތުގައި އެ މިސްކިތަށް ދިޔަ ދިވެއްސަކު މިހާރު ރާއްޖެ އައިސްފައިވާ ނަމަ އެކަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އަށް އަންގަން ވެސް މިހާރު ވަނީ އިލްތިމާސް ކޮށްފަ އެވެ.

ކޮވިޑް-19 އަށް ޕޮޒިޓިވްވެފައިވާ މީހަކާ އެއް އިމާރާތެއްގައި އުޅުނު ދިވެއްސަކު، މެލޭޝިއާ އިން ރާއްޖެ އެނބުރި އައުމުން އެ ބައްޔަށް ޓެސްޓު ކުރަމުންދާ ކަމަށް އެޗްޕީއޭ އިން ރޭ ވަނީ ބުނެފަ އެވެ. އެ މީހާގެ ކިބައިން ބައްޔަށް ޝައްކު ކުރެވޭ އަލާމާތްތަކެއް ފެނުމުން، އޭނާ ފަރުކޮޅު އައިސޮލޭޝަން ފެސިލިޓީ އަށް މިހާރު ވަނީ ގެންގޮސްފަ އެވެ.

މެލޭޝިއާ އިން މިހާތަނަށް 149 މީހަކު މި ބައްޔަށް ޕޮޒިޓިވްވެފައި ވެ އެވެ. އޭގެ ތެރެއިން 26 މީހަކު، ފަރުވާ ދިނުމަށް ފަހު ރަނގަޅުވުމުން ވަނީ ދޫކޮށްލާފަ އެވެ.

ޗައިނާގެ ވުހާން ޕްރޮވިންސް އިން މިދިޔަ ޑިސެމްބަރު މަހު ފެނުނު މި ބައްޔަކީ މިހާރު މުޅި ދުނިޔެ އަށް ކުރިމަތިވެފައިވާ ބަލިމަޑު ކަމެއް ކަމަށް ޑަބްލިއުއެޗްއޯ އިން ރޭ ވަނީ ވަނީ އިއުލާންކޮށްފަ އެވެ.

މި ބަލިން ރައްކާތެރިވުމަށް ކުރެވޭނެ އެންމެ ރަނގަޅު ކަމަކީ އެ މީހެއްގެ އާއި މުޖުތަމައުގެ ސާފުތާހިރުކަން ދެމެހެއްޓުމެވެ. އަވަސް އަވަހަށް ސައިބޯނި ލައިގެން އަތް ދޮވުމާއި މަގު މައްޗަށް ކުޅު ނުޖެހުމާއި ރޯގާގެ އަލާމާތްތައް ފެންނަ ނަމަ މީހުން އެއްވެ އުޅޭ ތަންތަނަށް ނުދިއުން މުހިއްމެވެ.

މެލޭޝިއާ މިސްކިތްތައް މެލޭޝިއާ ހައި ކޮމިޝަން ރާއްޖެ-މެލޭޝިއާ ހެލްތު ޕްރޮޓެކްޝަން އެޖެންސީ ބަލިތައް ސިއްހަތު

9 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްސި

12 March 2020

ބެންގްކޮކް، މެލޭޝިއާ، ފަދަ ހުރިހާ ބަލިއުޅޭ ގައުމުތަކުން އަންނަ މީހުންނަށް ވެސް އެއްހަމައެއްގެ މަތިން އަމަލު ކުރުމަށް ދަންނަވަން، އެންމެންވެސް ސްކްރީންކޮށް އަދި ސެލްފް އައިސޮލޭޓްވުމަށް އަންގާ އޮފީހަށް ސަލާމްބުނެވޭނެ ލިޔުމެއްދީ ހަދަން އެބަޖެހޭ...ޗުއްޓީ ނިންމާލާފަ އަންނަ ގޮތަށް އަނެއް ދުވަހު އޮފީހަށް ނިކުތީމަ މިކަމުގެ ނުރައްކާޔާ އެންމެން ކުރިމަތިލާންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢޒްލާ

12 March 2020

ޞިރުގަންނަނީ ފައިސާ ނުލިބިދާނެތީތަ؟ނޫނީ ﷲ އައްތަ؟ބިރުވެތިވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައިޒް

12 March 2020

ކަލޯ ކީކޭތަ ކިޔަން ތިޔަ އުޅެނީ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯވޮރީސް

12 March 2020

މިސްކިތަށް ދާ ދިވެހިން ވަރަށް މަދުވާނެ މެލޭޝިޔާގަ.. އެހެންވީމަ ހިޔެެއް ނުވޭ އެއްވެސް މީހެއް ހުރެދާނެ ހެން އެބުނާ ދުވަސްތަކުގަ އެމިސްކިތައް ގޮއްސަ. އެކަމަކު ކްލަބްތަކަށް ގޮސް އުޅޭ މީހެއް ޕޮޒިޓިވް ވެއްޖެއްޔާ ދިވެއްސެއް ގައިން ވެސް ފެނުން އެކަށީގެންވޭ މެލޭޝިޔާގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދާލަތު

12 March 2020

ﷲއަށްޓަކައި މުޅި ޤައުމަށް އާދޭސް ދަންނަވަން. މި ޤައުމުގައި ޤާނޫނާއި ޚިލާފަށް އުޅޭ ބަނގުލަދޭޝް މީހުންނާއި، އެނޫންވެސް ޤާނޫނާއި ޚިލާފަށް އުޅޭ ބިދޭސީން ބޭރުކޮށްދެއްވާށެވެ. އަދި ގިނަ ބަޔަކު އެއްކޮށްގެން ޤާނޫނާއި ޚިލާފަށް ހިންގާ ކާންދިނުމުގެ ވިޔަފާރިއާއި، އެފަދަ އެހެނިހެން ވިޔަފާރި ހުއްޓުވައި، ޤާނޫނު ތަންފީޛު ކޮށްދެއްވާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަޔާގަތު

12 March 2020

އެމީހުން ބޭރުކޮއްފިއްޔާ ރާއްޖޭގަ މަސައްކަތް ކުރާނީ ކޮންބައެއް؟ ދިވެހި ޒުވާނުން ބޭނުމެއް ނުވޭ މަސައްކަތެއް ދާހިއްލާގެން ކުރާކަށް. އެމީހުން ބޭނުންވަނީ ބިޓުން ގޮވައިގެން އަރިއަށް ސައިކަލުދުއްވާފަ ކޮފީ ބޮއެފަ ޕަބުޖީ ކުޅެން. ކަލޭ ނިކަން ވިޔަފާރިއެއް ފައްޓައިގެން ކިހާދުވަހަކު ހިފަހައްޓާލެވޭ އަޅެ ބަލާބަލަ ހަމައެކަނި ދިވެހިން ގެންގުޅެގެން.