އިންޑިއާ އިން ރާއްޖެއަށް ކަނޑައަޅުއްވާފައިވާ ސަފީރު ސަންޖޭ ސުދީރު (ވ)، އިންޑިއާ އިން ރާއްޖެއަށް ހަދިޔާކުރެއްވި ބޭސްތައް ފޮރިން މިނިސްޓަރު އަބްދުﷲ ޝާހިދުއާ މިއަދު ހަވަލުކުރައްވަނީ -- ފޮޓޯ: އަހްމަދު އަވްޝަން އިލްޔާސް/ މިހާރު
14 މާޗް 2020 - 18:29
30 comments
ކޮވިޑް-19 އާ ދެކޮޅަށް ރާއްޖެއިން ކުރަމުން އަންނަ މަސައްކަތަށް އެހީވުމުގެ ގޮތުން އިންޑިއާ އިން ރާއްޖެ އަށް ހަދިޔާކުރި، ތިން މަސް ދުވަހަށް ބޭނުންވާ ބޭސް މިއަދު ހަވާލުކޮށްފި އެވެ.
ފޮރިން މިނިސްޓްރީގައި ބޭއްވި ރަސްމިއްޔާތެއްގައި، ރަމްޒީ ގޮތުން މި ތަކެތި ފޮރިން މިނިސްޓަރު އަބްދުﷲ ޝާހިދާ ހަވާލުކުރެއްވީ އިންޑިއާ އިން ރާއްޖެ އަށް ކަނޑައަޅާފައި ހުންނަވާ ސަފީރު ސަންޖޭ ސުދީރެވެ.
ފޮރިން މިނިސްޓަރު ވިދާޅުވި ގޮތުގައި، އިންޑިއާ އިން ރާއްޖެ އަށް 53 ބޭހެއް ވަނީ ހަދިޔާކޮށްފަ އެވެ. އޭގެ ތެރޭގައި މި ދުވަސްވަރު އިންޑިއާ އިން އެކްސްޕޯޓްކުރުން ކޮންޓްރޯލް ކޮށްފައިވާ ބޭސް ވެސް ހިމެނެ އެވެ.
Warmly appreciate the generous donation of essential medicines of 3 months supply to the people of Maldives by the Indian Government. It will be a tremendous help as we combat the #COVID19.
— Abdulla Shahid (@abdulla_shahid) March 14, 2020
One country alone cannot face this pandemic. Together, we shall prevail. pic.twitter.com/YUheQWNlRn
ފޮރިން މިނިސްޓަރު އަބްދުﷲ ޝާހިދު މިއަދު ކުރެއްވި ޓްވީޓެއް
"އިންޑިއާގެ ސަރުކާރުން ވަނީ ރާއްޖެ އަށް ހާއްސަ ހުއްދައެއް މި ދަނޑިވަޅުގައި ދީފައި، މީގެ ކުރިން ވެސް [މިފަދަ ހާލަތްތަކުގައި] އިންޑިއާ އިން ރާއްޖެއާ މެދު ކަންތައް ކުރަނީ މިހެން،" މިނިސްޓަރު ޝާހިދު ވިދާޅުވި އެވެ.
ކޮވިޑް-19 ހަލުވި ކަމާ އެކު އެކި ގައުމުތަކަށް ފެތުރެން ފެށުމުން 26 ބާވަތެއްގެ ބޭސް އެކްސްޕޯޓްކުރުން އިންޑިއާ އިން ހުއްޓާލި އެވެ. ނަމަވެސް އިންޑިއާ އާއި ރާއްޖެއާ ދެމެދު އޮންނަ ގާތް ގުޅުމުގެ ސަބަބުން، މި ތަކެތި ރާއްޖެ އަށް ފޯރުކޮށްދޭން ނިންމީ ކަމަށް ކުރިން ބުނެފައިވެ އެވެ.
ފޮރިން މިނިސްޓަރު ވިދާޅުވި ގޮތުގައި، މި ބައްޔާ ދެކޮޅަށް މަސައްކަތް ކުރުމުގައި އެކި އެކި ގައުމުތަކުން އަންނަނީ ގުޅިގެން ގާތުން މަސައްކަތް ކުރަމުންނެވެ.
"އެއްވެސް ގައުމަކަށް މި ބަލިމަޑުކަމަކުން އަމިއްލައަކަށް އަރައެއް ނުގަނެވޭނެ. އަޅުގަނޑުމެން އެންމެން ވެސް، ބައިނަލްއަގުވާމީ މުޖްތަމައު، ގުޅިގެން މަސައްކަތްކުރުމުން މި ބަލިމަޑުކަމުން ސަލާމަތްވެވޭނީ،" ޝާހިދު ވިދާޅުވި އެވެ.
މި ދަނޑިވަޅުގައި އިންޑިއާ އިން ރާއްޖެ އަށް ވަމުން އަންނަ އެހީތެރިކަން ފާހަގަ ކުރައްވައި، އިންޑިއާގެ ބޮޑުވަޒީރު ނަރެންދުރަ މޯދީ އާއި ފޮރިން މިނިސްޓަރު ޖައިޝަންކަރާގެ އިތުރުން އެ ގައުމުގެ ސަފީރު ސަންޖޭ ސުދީރަށް ވެސް ޝާހިދު ޝުކުރު އަދާކުރެއްވި އެވެ.
އިންޑިއާ އިން ރާއްޖެއަށް ކަނޑައަޅާފައި ހުންނަވާ ސަފީރު ސަންޖޭ ސުދީރު، މިއަދު ބޭއްވި ރަސްމިއްޔާތުގައި ވާހަކަދައްކަވަނީ -- ފޮޓޯ؛ އަހުމަދު އަވްޝަން އިލްޔާސް/ މިހާރު
މި ރަސްމިއްޔާތުގައި އިންޑިއާގެ ސަފީރު ވިދާޅުވީ މިފަދަ ދަނޑިވަޅުތަކުގައި އެ ގައުމުން އަބަދުވެސް ރާއްޖެއަށް އެހީވާނެ ކަމަށެވެ. އެ ގައުމުން ވެސް އަންނަނީ މި ބައްޔާ ދެކޮޅަށް މަސައްކަތްކުރަމުން ކަމަށާއި މި ވަގުތު ހުރިހާ އެންމެންނަށް ވެސް ރަނގަޅުވާނީ ގުޅިގެން މަސައްކަތްކުރުމުން ކަމަށް ވިދާޅުވި އެވެ.
"މުޅި ދުނިޔެ ވެސް މި ދުވަސްވަރު އުޅެނީ ދަތި ހާލުގައި، އިންޑިއާ އަދި ރާއްޖެ ވެސް. މިއީ ހުރިހާ އެންމެން ވެސް ގުޅިގެން މަސައްކަތްކުރަންވީ ވަގުތެއް، އިންޑިއާ އާއި ރާއްޖެ ފަދައިން،" ސަންޖޭ ވިދާޅުވި އެވެ.
ކޮވިޑް-19 އާ ދެކޮޅަށަށް ރާއްޖޭން ކުރާ މަސައްކަތަށް އެހީވުމަށް ތަޖުރިބާކާރު ޑޮކްޓަރުންގެ ޓީމެއް ވެސް އިއްޔެ ވަނީ ރާއްޖެ އަށް އައިސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެގެ މިނިވަންކަން
15 March 2020
އެމްޑީޕީގެ އިސްވެރިން ރާއްޖެ ހަލާކޮއްލާފަ އިގިރެސްވިލާތަ ދިރިއުޅުން ބަދަލުކުރަނެ.
އެމްޑީޕީމީހާ
15 March 2020
ޗައިނައިން އެދަނީ މުޅި ދުނިޔެއަށް މިކަމުން އަރާގަންނަން އެތައް ބިލިޔަން ޑޮލަރެށް ހަދިޔާ ކުރަމުން. ދިވެހި ރާއްޖެ މިދަނީ ޗައިނަޔާ ދުރަ. މިސަރުކަރު ހޮވުނީތީ ދެރަވެއްޖެ.
ތެދުވެރިޔާ
15 March 2020
ރައްޖެ އަޅުވެތި ކުރަން އަންނަ މީހުން ނާންނާނެ ވިހަގަދަ ހަރުފައެއްގެ ސިފާގަ. އަންނާނީ ހެޔޮއެދޭ ބައެެއްގެ ސިފާގަ.
މިލިޓަރީ
15 March 2020
ޝާހިދުގެ ދަތުރުތަކަށް އެކަނި ބަލާލިޔަސް. ދަރުމަވަންތަ ހޮސްޕިޓަލެށް އެޅޭނެހާ ފައިސާ ހިގައްޖެ.
މަންޑޭލާ
15 March 2020
ރާއްޖޭގަ ހިގަމުން މިދާ ތަރައްގީ އަކީ ރޔާމިން ފަށާފަ ހުރިކަންތަ. މިސަރުކަރުން ތަރައްގީޔަ ގެނެސްދޭ އެއްޗަކީ ބޭސްގުޅެ. މީތި ކަޑައޭ ބުރޯ.
އަލީ ރަސްގެފާން
15 March 2020
ނަޝީދު ބުނެގެން އިންޑިޔާއިން ރާއްޖެއަ އަރައިގަންނަން އުޅުނު. މިކަން ހުއްޓުވީ ޗައިނާ. ދިވެހި ރާއްޖެއަ ޗައިނައަކީ ވަރައް މުހިމްމު ޤައުމެ.
އަލީ ރަސްގެފާން
15 March 2020
ގަމަރު މީހުންނަ ނުވިސްނުނަސް. ގިނަ މީހުންނަކީ ހެޔޮވިސްނޭ މީހުން. އިންޑިޔާއާ ދުރައްޖެހުނީމަ ރާއްޖެއަ އައި ތަރައްގީ ނިކަން ބަލަބަލަ.
ޝޮކްތެރަޕީ
15 March 2020
އިންޑިޔާ އަކީ އަބަދުވެސް ރާއްޖެ އަތްދަށުލާން އުޅޭ ޤައުމެ. ރައިސް ޔާމިން ރާއްޖެ ތަރައްގީ ކުރަން އުޅުނީމަ ރައްޖެއަ ވީގޮތް ދިވެހިން ހަދާން އެބަހުރިތަ؟ ދިވެހިން ވެއްޖެނުން އިންޑިޔާގެ މުށުތެރޭން ނިކުމެ މިނިވަން އިގުތިސޯދެ ބިނާކުރަން. މިނުން ގޮތަކަށް ރާއްޖެ ތަރައްގީ ނުވާނެ.
ރުޅި
15 March 2020
އަޑުއިވޭގޮތުގައި ތިޔަ ކޮންޓޭނާގައި ހުރީ ބޭހެއްނޫން. މާސްކާއި ކޮންޑަމް ފަދަ ތަކެތި. މިއީ ތެދެއްބާ؟ އިންޑިޔާ އާ ހުރެ އަހަރެމެންނަށް އެހެން ގައުމަކަށް ބަލާލެވޭކަށްވެސް ނޯވޭ. މިހާރުވެސް އިންޑިއާގެ މަސްވެރިން ޖެހިލުމެއްނެތި ރާއްޖޭގެ ކަނޑުގެ ސަރަހައްދުން މަސްތައް އެބަދާއަޅައިގެންނަގާ. މިއީ އިންޑިޔާގެ މައްސަލައަކީ. އަނެއްކާ އިންޑިއާގެ ވިސްނުން ހުންނަނީ އިޚްލާސްތެރިއަކަށްވުރެ އަޅުވެތިކުރުމުގެ މިސްރާބަށް. ހީވަނީ ދެވަނަ މަލިކަށް ދިވެހިރާއްޖެވާހެން.
ނަސިދު
15 March 2020
ތިހީލޭ ކަމެއް ކިހިނެއްއިގޭނީ 500 މިލިޔަން ލޯނުގެ ދަސުންކަމައް އެންމެފަހުން ނިމޭނީ