މާލެ: ޖެނުއަރީ 31، 2020: ނުރައްކާތެރި ކޮރޯނާ ވައިރަހަށް ޝައްކުކުރެވޭ މީހަކު ރާއްޖެއިން ފެނުމާ ގުޅިގެން، ރައްކާތެރިވުމުގެ ގޮތުން މީހަކު މާސްކު އަޅަނީ.--- ފޮޓޯ: ނިޝާން އަލީ/މިހާރު
16 މާޗް 2020 - 14:41
7 comments
އިތުރު އެއް ހަފުތާ އަށް ސްކޫލުތައް ބަންދު ކޮށްފިކަން ސަރުކާރުން ދެންމެ އިއުލާން ކޮށްފި އެވެ.
ކޮވިޑް 19 އާ ގުޅިގެން އިތުރު ހަފުތާއަކަށް ސްކޫލުތައް ބަންދުކުރި އިރު، މި ހަފުތާ އަކީ ވެސް ހަމަ ބައްޔާ ގުޅިގެން ސްކޫލުތައް ބަންދުކޮށްފައިވާ ހަފުތާއެކެވެ. އެހެންވެ، އަންނަ ހަފުތާގައި ވެސް ސްކޫލުތަކުގައި ކިޔެވުމެއް ނޯންނާނެ އެވެ.
ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ރައީސް އޮފީހުގެ އަންޑަ ސެކްރެޓަރީ މަބްރޫކް އަޒީޒު ވިދާޅުވީ ސްކޫލުތައް އިތުރު އެއް ހަފްތާއަށް ބަންދުކުރަން ނިންމާފައިވާއިރު ގުރުއާން ކްލާސްތަކާއި ޓިއުޝަން ކްލާސްތައް ވެސް ހިންގުން ހުއްޓާލަން އަންގައިފައިވާ ކަމަށެވެ. އެއްވެސް ބެލެނެވެރިއަކު ކުއްޖާ އަށް ކިޔަވައިދިނުމަށް ޓީޗަރާ ފޭސް ޓު ފޭސްކޮށް ބައްދަލުވާ ގޮތަށް ކްލާސްތައް ކުރިއަށް ނުގެންދިޔުމަށް މަބްރޫކް އެދިވަޑައިގެންނެވި އެވެ.
ސްކޫލްތައް ބަންދުކުރުމަށް ފަހު، އެޑިއުކޭޝަނުން ވަނީ ހުރިހާ ދަރިވަރުންނަށް ވެސް އޮންލައިން އަދި ބޮރޯޑްކާސްޓިން މީޑިއާ މެދުވެރިކޮށް ކިޔެވޭނެ މަގުފަހިކޮށްދީފަ އެވެ. އެގޮތުން ޔެސް ޓީވީ މެދުވެރިކޮށް ގްރޭޑް 10ގެ ދަރިވަރުންނަށް ކްލާސްތައް ކުރިއަށް ގެންދާއިރު، ހުރިހާ ސްކޫލަކުން ވެސް މިހާރު ވަނީ އޮންލައިންކޮށް ކިޔަވާދިނުމުގެ މަސައްކަތް ފަށައިފަ އެވެ.
ޔުނިވާސިޓީ އާއި ކޮލެޖުތައް ވެސް ދެ ހަފްތާ އަށް ބަންދުކުރަން މިދިޔަ ހަފުތާގައި ވަނީ އަންގައިފަ އެވެ. ކޮލެޖުތަކާއި ޔުނިވާސިޓީތަކުން ވެސް އޮންލައިންކޮށް ކިޔަވާދިނުމުގެ މަސައްކަތް މިހާރު އަންނަނީ ކުރަމުންނެވެ.
ރާއްޖޭގައި ކޮވިޑް-19 ހަލުވިކަމާއި އެކު ފެތުރެމުންދާތީ، ސްކޫލުތައް ކުރިންވެސް ވަނީ އެއް ހަފްތާއަށް ބަންދުކޮށްފައެވެ. އަދި ކުރިއަށް އޮތްތަނުގައި ހާލަތަށް ބަދަލު އަންނަވަރު ބަލާފައި، ސްކޫލުތައް ބަންދުކޮށްފައިވާ މުއްދަތު އިތުރުކުރަން ޖެހިދާނެ ކަމަށް އެޑިއުކޭޝަނުން މީގެ ކުރިންވެސް ބުނެފައިވެ އެވެ. އަދި އެފަދަ ހާލަތެއް މެދުވެރިވެދާނެ ކަމަށް ބަލައި އެކަމަށް ވާން ޖެހޭ ފުރިހަމަ ތައްޔާރީތައް ވެސް ވަމުން އަންނަ ކަމަށް އެޑިއުކޭޝަނުން ބުނެފައިވެއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހްމްމްމް
16 March 2020
ރަނގަޅު
ޝެލަރީ
16 March 2020
ކީއްތަވާނީ ގޮތް ދޫކޮށްފަ އެއްމަސްދުވަހައް ސްކޫލްތައް ބަންދުކޮށްލާން ލަދުންތަ؟ ބަލަމީ ދެދުވަހުން ހައްލުކުރޭވަރަށްވުރެ މާބޮޑުމައްސަލަަ އެއްދެތޯ؟ ޓީޗަރުންނާ ކިޔާކުދީންނައްވެސް ވާނުވާ ހަފްތާއިން ހަފްތާއިން ޖެހުމައްވުރެ ރަނގަޅުވާނެ ކަންކަށަވަރު މުޅި ޤައުމު މިވަނީ ބިރުވެރިކަމެއްގަ މިހާލަތުގަވެސް ކަންތިކުރަނީ ހަފްތާއިން ހަފްތާއަށް މީދެން ފުކެއް ބޮޑުވަރު ދެއްތޯ؟
ާއުނިމާ
16 March 2020
މުޅިންވެސް ޓުއަރިސްޓުން، ރާއްޖޭގެ ޓުއަރިޒަމް އިނަޑަސްޓްރީން ރާޢްޖެއަށް އިންޕޯޓުކުރި ވައިރަސްއެއްތީ
އަލީރާޖާ
16 March 2020
ދުވާލަކު 5 ވަގުތު ނަމާދަށް މިސްކިތަށް ޖަމާވުން ނުހުއްޓުވާ ސްކޫލް ހުއްޓުވިޔަކަސް ވާނެ ފައިދާއެއް ނެތް. މެލޭޝިއާގައި މިސްކިތަކުން އެތައް ސަތޭކަ ބަޔަކަށް ކޮވިޑް ޖެހިއްޖެ. އެތައް ބައިވަރު އިސްލާމީ ގައުމުތަކުގައި މިހާރު ބަންގީގައި ގޮވަނީ ގޭގައި ނަމާދުކުރަން.
ނަޖުދާ
16 March 2020
މާ ފަސޭހަދޯ، މުއްދަތެއްނެތް ގޮތަށް ސްކޫލްތަށް ބަންދުކުރިއްޔާ! އެއްވެސް މީހަކު ނޫޅޭ ސްކޫލް ބަންދުކޮށްގެން ކަންތަށް ބޮޑުވެގެނެއް. މީހުން ބޭނުންވަނީ ސްކޫލްތަށް ބަންދުކޮށްފައި ބަހައްޓަން. މި ވައިރަސްގެ ކަންކަން ހަންމަތަ ނުވަނީސް އެއްވެސް މީހެއްގެ، އެއްވެސް ކުއްޖެއް ސްކޫލަށްދާކަށް ބޭނުމެއްނުވޭ. ވަރަށް ސަލާމް!
ޒުވާނާ.
16 March 2020
ވަޒީފާދޭ ފަރާތައް ގާނޫނުން މަތިކުރަންޖެހޭކަންކަން އިސްލާހު ކުއްލިނުރައްކަލުގެހާލަތު ބަލިމަޑުކަމުގެހާލަތު ކުންފުނިތަކުގަ ވަޒީފާ އަދާކުރާމީހުން ނޯޕޭގަ ފުރަތަމަ ހަމަސްދުވަހައް މުސާރަ ނުލިބޭ ގޮތައް ފޮނުވާ ނުލެވޭނެ އިސްލާހު ފޮނުވާލިޔަސް 6 މަހުގެ ރިޒާވް ބަހައްޓަން ޖެހޭނެ ކަމައް ކަނޑައެޅުން ޓެކްސްގެ ތެރެއިން ކުންފުންޏައް އެމަގު ފަހިކޮއްދިނުން
ރަދީފު ބިން ރަފައިދާ
16 March 2020
ސިއްހީ ކުއްލި ނުރައްކަލުގެ ހާލަތު އިއުލާންކުރިފަހުން އެމްޑީޕީ މިނިސްޓަރުން ހަމަ ވާނުވާގައި. ނިކަން ގަޓު ހުރިއްޔާ ތި ސްކޫލުތައް ބަންދުކޮށްލަބަލަ މަހަކަށް އައިސްތޫ. ހެލްތުންވެސް އެ އޮތީ މަހަކަށް ކުއްލި ނުރައްކަލުގެ ހާލަތު އިއުލާންކޮށްްފައި