ކޮރޯނާ ވައިރަސްއަށް ތައްޔާރުވާން ބޭއްވި ޑްރިލްއެއް: ބޭރުން އަންނަ ހުރިހާ ދިވެހިން 14 ދުވަހަށް ގޭގައި އެކަހެރި ކުރަން ވަނީ ނިންމާފައި -- ފޮޓޯ/މިހާރު
18 މާޗް 2020 - 18:24
16 comments
ކޮރޯނާވައިރަސްއާ ގުޅިގެން، މިހާތަނަށް ރާއްޖެ އެތެރެވުން މަނާކޮށްފައިވާ ގައުމުތައް ނުވަތަ ސަރަހައްދުތައް ފިޔަވައި އެހެން ގައުމުތަކުން އެތެރެވާ ދިވެހިން ވެސް 14 ދުވަހުގެ މުއްދަތަށް ގޭގައި އެކަހެރި ކުރުމަށާއި އެމެރިކާ އިން އަންނަ ދިވެހިިން އެ މުއްދަތަށް ކަރަންޓީން ކުރަން ސަރުކާރުން މިއަދު ނިންމައިފި އެވެ.
ރާއްޖެ އަށް ވެސް ކޮރޯނާވައިރަސް ފެތުރުމާ ގުޅިގެން، ސިއްހީ ކުއްލި ނުރައްކަލުގެ ހާލަތު އިއުލާންކޮށް، ބައެއް ގައުމުތަކުން ރާއްޖެ އަށް މީހުން އައުން ކުރިން އޮތީ މަނާކޮށްފަ އެވެ. އަދި އެ ގައުމުތަކުން ރާއްޖެ އަންނަ މީހުން 14 ދުވަހުގެ މުއްދަތަށް ދިޔައީ ކަރަންޓީން ކުރަމުންނެވެ. އެކަމަކު، އޭގެ ތެރޭގައި އެމެރިކާ ކުރިން ހިމަނާފައެއް ނުވެ އެވެ.
ސިއްހީ ކުއްލި ނުރައްކަލުގެ ހާލަތުގެ ދަށުން، ޑިރެކްޓަ ޖެނެރަލް އޮފް ޕަބްލިކް ހެލްތު މައިނޫނާ އަބޫބަކުރު މިއަދު ނެރުއްވި އެންގުމުގައި ވަނީ ރާއްޖެ އަށް މީހުން އައުން މިހާތަނަށް މަނާ ކޮށްފައިވާ ގައުމުތައް ފިޔަވައި އެހެން ގައުމުތަކުން އަންނަ ދިވެހިިން ވެސް 14 ދުވަހަށް ގޭގައި އެކަހެރި ކުރުމަށާއި އަދި މިރޭ 12 އިން ފެށިގެން އެމެރިކާ އިން އަންނަ ދިވެހިން އެ މުއްދަތަށް ސަރުކާރުން ކަނޑައަޅާ ތަނެއްގައި ކަރަންޓީން ކުރަން އަންގާ ކަމަށެވެ.
އެގޮތަށް އެންގިއިރު، ކަރަންޓީން ނުވަތަ އެކަހެރި ކުރުމުގެ އެންގުމާ ޚިލާފްވާ މީހުން ޖޫރިމަނާކޮށް، އެ މީހުންގެ ނަންތައް އާންމު ކުރަން ވެސް މިއަދު ވަނީ ނިންމައިފަ އެވެ.
ކޮރޯނާ ވައިރަސް ހުރި 13 މީހަކު މިހާތަނަށް ރާއްޖެއިން ފެނިފައި ވިޔަސް، އޭގެ ތެރޭގައި އެއްވެސް ދިވެއްސަކު ނުހިމެނެ އެވެ. އެކަމަކު ރައްކާތެރިކަމުގެ ފިޔަވަޅެއްގެ ގޮތުން ބައެއް ގައުމުތަކުން މީހުން އައުން މަނާ ކުރުމަށާއި ފަތުރުވެރިން ރަށްރަށަށް އެރުން މަނާކޮށް އަދި ސްކޫލްތަކާއި އޮފީސްތައް ވެސް މިހާރު ވަނީ ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟިރާނީ1
18 March 2020
މައުލޫމާތު ލިބޭ ގޮތުގަ މިއަދު ބެންކޮކޮއިން މީހުންވެސް އެއުޅެނީ އެއްތަނުން އަނެއް ތަނުން. ޕްލީސް ޗެކް.
ހަމަވިސްނާ
18 March 2020
ޔިގޮތަށް ގެޔަށް ފޮނުވާ މީހުން މޮނިޓަރ ކުރެވޭނެ ހެނެއް ހިއެއްނުވޭ
ރާނީއާ
18 March 2020
ބޭރު ގައުމުތަކުން އަންނަ އެން މެންވެސް ސާދަ ދުވަސްފަހުން ނޫނީ ދޫނުކުރަންވީ
ކަކުނިބޯ
18 March 2020
ރަނގަޅު އެގޮތަށް ކަންތަށް ނުކުރެވޭތީ އިޤތިސޯދުފުޑެނީ އަދި.އަތަށް ގޮވަނީ އެހެން ނޫންނަމަ ގެސްޓްހައުސްތަށް އެކަނި ބަންދުކޮށް މޮނީޓަރިން ވަރުގަދަކޮށް ނިންމެންވާނެ. އުމްރާއިން އައި ބޭފުޅުންވެސް 14 ދުވަސް ކަރަންޓީނުކޮށްފަ ދޫކުރަންނިންމިނަމަ އެގަހުކޭލެއް މިގަހު ކޭލެއް ނޭންގިގެން މިހާރު މިއޮތް ހާލަތަކަށް ނުދިޔައީސް
ލސސފ
18 March 2020
ލަންޑަން އިން ވަރައް ގިނަ މީހުން މާލެ އައިއްސި. ލަންޑަންގަ ވަރައް ރިސްކް ބޮޑު. ކަރަންޓީންވެސް ޓެސްޓް ވެސް ނުކުރޭ. ކުރަންވާނެ. އެމީހުން އައް ކަމެއް ނުވިއަސް، އެމީހުން ވައިރަސް ނޭނގި ކެރީ ކޮއްފާނެ އަދި އުޅޭ ގޭގަ މީހުންނައް، ހާއްސަ ކޮ މުސްކުޅި މީހުނައް އަރާފާނެ.
ކޮރަލް
18 March 2020
އިންޑިޔާ ގެ ފެތުރޭ ސަރަހައްދުން އަންނަ ބިދޭސީ މީހުންވެސް ދަނީ އެއަރޕޯޓުން ގެއަށެވެ.
ޑރފަލަޑޭ
18 March 2020
އާއިލާއާ އެކީގަ މާލޭގަ ކުޑަކުޑަ ގޮޅިތަކުގަ ދިރިއުޅޭމީހުން ގޭގަ އެކަހެރިކުރާނީ ކިހިނެއްތަ؟ އޭނަ އަށްކޮޓަރިދީފަ އެންމެން އެހެން ތަނަކަށް ބަދަލުވާނީތަ ނޫނީ އޭނަ ގޮސް ކަރަންޓީންކުރާތަނެއްގަ ބަހަށްޓާނީތަ؟ މިނިސްޓަރމެން ވަކިން ރޫމްތަކުގަ ދިރިއުޅުނަކަސް އެންމެން އެހެނެއްނޫންދޯ؟؟
ރށމހ
18 March 2020
ގޭގެޔަށް ފޮނުވީމަ ފިލަނީދޯ! ގޭގެޔަށްފޮނުވުމަށްވުރެ ސަރުކާރުގެ ބެލުމުގެދަށުގައިއޮންނަތަނަކަށް ގެންދިއުން ބުއްދިވެރިވާނެކަމުގަދެކެން. ލައްކަބޯހަރުމީހުންތިބޭނެ. އަދި އެމީހުންގޭގެޔަށްދިޔައިމަ، އެގޭބިސީއެއް އެވެއްޓެނީ ވަރަށްބޮޑު ނުރައްކަލަކަށްދޯ!
އަހޫމ
18 March 2020
އެއްގޮތަކަށްވެސް ކަމަކުނުދޭ މިކަމެއް. ކަރަންޓީނުކުރޭ. 14 ދުވަސްފަހުން ދޫކުރާގޮތަށް.
ހަސަނު
18 March 2020
ރަނގަޅު... ރަނގަޅު...
ގައުމީ ލޯބީގާ
18 March 2020
ސާބަހޭ ހެލްތް މިނިސްޓާ އެންޑް ޓީމް. ތިބޭފުޅުން ތި ކުރައްވާ ބުރަ މަސައްކަތުގެ ނަތީޖާއިން ކަމަަށް މި ގަބޫލުކުރަނީ ކޮރޯނާ ވައިރަސް ދުނިޔެއިން ފެނުނު ފަހުން 3 މަސް ވާން ކައިރިވާއިރުވެސް ރާއްޖޭ އެއްވެސް މީހަކު މިހާ ތަނަށް ޕޮޒިޓިވްވެފައި ނުވަނީ! ހަމަ ހައްގު ޝުކުރާއި ސަނާ ތައުރީފު