18 މާޗް 2020 - 19:14
57 comments
ކޮވިޑް-19 ރޯގާ ކޮންޓްރޯލްކުރަން ރައްކާތެރިކަމުގެ ފިޔަވަޅެއްގެ ގޮތުން، ޒަރޫރީ ކަމެއްގައި ނޫނީ ގެއިން ނުނިކުތުމަށް ލަފާ ދީފައި ވިޔަސް މާލޭ މަގުމަތިން ފެންނަ މަންޒަރާ މެދު ހިތްހަމަޖެހިވަޑައިނުގަންނަވާ ކަމަށް ޑރ. މޫސާ މުރާދު މިއަދު ވިދާޅުވެއްޖެ އެވެ.
މުޅި ދުނިޔޭގައި ހަލުވިކަމާ އެކު ފެތުރެމުންދާ ކޮވިޑް-19 ރާއްޖެއިން ވެސް ފެނުމާ ގުޅިގެން، ރައްކާތެރިކަމުގެ ފިޔަވަޅުތައް އަޅައި އެކަމާ ބެހޭ މައުލޫމާތު ހިއްސާކުރަން ބާއްވާ ނޫސްވެރިންގެ ބައްދަލުވުމުގައި ޑރ. މުރާދު ވިދާޅުވީ މި ބަލިން ރައްކާތެރިވުމަށް އެޅޭނެ އެންމެ މުހިންމު ފިޔަވަޅަކީ، ވީހާ ވެސް ބޮޑަށް ސޯޝަލް އިންޓަރެކްޝަން މަދުކޮށް ސާފުތާހިރު ކަމަށް ލޯބިކުރުން ކަމަށް ވިޔަސް ފެންނަ މަންޒަރާ މެދު ހިތްހަމަޖެހިވަޑައިނުގަންނަވާ ކަމަށެވެ.
ޑރ. މުރާދު ވިދާޅުވި ގޮތުގައި ގައުމަށް ދިމާވެފައިވާ މި ހާލަތުން ސަލާމަތްވުމަށް ޑޮކްޓަރުންނާއި ކަމާ ގުޅުން ހުރި ބޭފުޅުން މަސައްކަތްކުރަމުން އަންނައިރު މިކަމަށް ރައްޔިތުންގެ އެއްބާރުލުން ވެސް ބޭނުންވެ އެވެ. ތަންތަނަށް އެއްވުމާއި އެފަދަ ކަންކަން ހުއްޓާލައި ބޭރަށް ނުނިކުމެ ގިނައިރު ގޭގައި ތިބުމަށް އިރުޝާދު ދެމުން އަންނަ އިރު ވެސް މާލޭގެ މަގުތައް ފެންނަނީ ވަރަށް ފުރިފައި އޮއްވައި ކަމަށެވެ.
މިކަންކަން ކުރުމަށް ސަރުކާރުން ވެސް މަސައްކަތްތަކެއް ކުރިކަމުގައިވީ ނަމަވެސް ރައްޔިތުން ފަރުދީ ޒިންމާ އަދާނުކޮށް މިކަމަށް ހައްލެއް ލިބޭނެ ކަމަށް ގަބޫލު ނުކުރައްވާ ކަމަށް ޑރ. މުރާދު ވިދާޅުވި އެވެ.
"އަޅުގަނޑުމެން ފްރަންޓްލައިނަށް ނިކުމެ މަސައްކަތް ކުރާއިރު އަޅުގަނޑުމެން އެދެނީ ތިބޭފުޅުން ނުނިކުމެ ގޭގައި މަޑުކުރުމަށް،" ޑރ. މުރާދު ވިދާޅުވި އެވެ.
ރާއްޖެއިން ކޮރޯނާ ވައިރަހުގެ 13 ކޭސް މިހާތަނަށް ފެނިފައިވާއިރު ރާއްޖެއިން އެންމެ ފުރަތަމަ ކޭސް ފެނުމާއެކު ވެސް ސަރުކާރުން އަންނަނީ ސަލާމަތީ ގޮތުން ގިނަ ފިޔަވަޅުތަކެއް އަޅަމުންނެވެ. އެގޮތުން ސިއްހީ ނުރައްކަލުގެ ކުއްލި ހާލަތު އިއުލާނުކޮށް، އާންމުން އެއްވެ އުޅޭ ގިނަ ތަންތަން ވަނީ ބަންދުކޮށްފަ އެވެ. އަދި މީގެ އިތުރަށް ސްކޫލުތަކާ ޔުނިވާސިޓީތައް ވެސް ބަންދުކޮށްފައިވާއިރު، މިހާރު ވަނީ އެއް ހަފްތާއަށް ސަރުކާރުވެސް ބަންދުކޮށްފަ އެވެ.
އަދި މީގެ އިތުރަށް މިސްކިތްތަކުގައި ޖަމާއަތުގައި ނަމާދުކުރުން ވެސް ހުއްޓާލާފައިވާއިރު ސަރުކާރުން ވަނީ ސަރުކާރު މުވައްޒަފުން ޒަރޫރީ ބޭނުމެއްގައި ނޫނީ ގެއިން ބޭރަށް ނުނިކުތުމަށް އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްވާރަ
19 March 2020
ތި ވާހަކަ ގޮސް މަގޭ ބޮޑުމީހާ ކައިރީ ބުނޭ!!! ގޮސް ބުނޭ ހުރިހާ މަސައްކަތެއް ހުއްޓާލާފަ ހުރިހާ މުއައްޒަފުންތައް ގޭގަ ތިބޭށޭ!!! ގޭގަ ތިބިއްޔާ ކާންބޯން ލާރި ލިބޭތަ؟؟؟ ގޭގަ ތިބެންޔާ ސަރުކާރުން ކާބޯތަކެއްޗާ ހިތްފުރޭވަރަށް ފައިސާ ދޭނަންތަ؟؟؟ މިހާރުވެސް އެގޮތަށް ސަރުކާރުން އެއްބަސް ވާކަމުގައި ވަނީނަމަ ގޭގަ ދެފައި ދަމާފަ އޮންނާކަށް ލަހެއްފަހެއް ނުވާނެ!!!
އެކަމުވެސް
19 March 2020
މާލެއަކީ ފުރިބާރުވެފައިވާ ތަނެއްވީމަ ފުރިގެން ބަންޑުންވާ ބައި އުޅޭނެ މަގުމަތީގަ. އެންމެންނަށް ގޭތެރޭގައެއް ނުތިބެވޭނެ. އެންމެންނަކީ ގެއިން ކާން ލިބޭ މީހުންނެއްނޫން. އެމީހުން ކާން ތަންތަނަށްވެސް ދާނެ. ގޭގަ ތިބެވެން އޮތް މީހުން ގޭގަ ތިބީމަ ރަގަޅުވާނެ. އެމީހުން ނިކުމެ ނޫޅޭނަމަ އެމީހުންނަކަށް ނުޖެހޭނެ އެހެން މީހުން ނިކުމެ އުޅުނަސް. މާލޭގެ މަގުތައް އެއްކޮށް ހުސްކުރަން އުޅުމަކީ ވާނެކަމެއްނޫން.
ސަމްސިއްޔާ
19 March 2020
ތިޔަކަހަލަ ހަމަ ނުވިސްނޭމީހުން ގަނަވީމަ މައްސަލައަކީ. ބަލަ ޗައިނާގައިވެސް ތިޔަ ބުނާ ގޭން ކާން ނުލިބޭމީހުން އުޅޭނެދޯ. އެހެން އޮޕްޝަންތައް ހޯދަންޖެހޭނީ މިސާލަކަށް ކާއެއްޗިހި އޯޑަރކޮށްގެން ގެނެސް ކެއުން. ހަރަދު ބޮޑުވިޔަސް މެނޭޖް ކޮށްލަން ޖެހޭނީ މިދަނޑިވަޅުގައި.
ޑޯން
19 March 2020
އެޗް.ޕީ.އޭ ފުރަތަމަ ހޮޓާތައް ބަންދު ކުރޭ.، ހާއްސަކޮއް ބަންގާޅިން އެމީހުން ދިރިއުޅޭތަނަ ޗެކްކުރޭ.. ވަރައް ރަގަލަ އިގޭނީ ހުރިސާފްތާހިރުކަން
ކުލާކު
19 March 2020
ސަރުކާރު އޮފީސްތައް ބަންދު ކުރިޔަސް އެކި ގައުމުތަކުގެ އެމްބަސީތައް ބަންދެއް ނޫން، މީގެ އެންމެ ބޮޑު އެއް ސަބަބަކީ ޒަރޫރީ ބޭނުމުގައި ނޫނަސް ބައެއް ބޭފުޅުން ދަތުރު ކުރަން ބޭނުންފުޅުވާތީ އެ ބޭފުޅުންގެ ވިސާ އާއި އެހެން ޒަރޫރީ ބޭނުންތައް ފުއްދަ ދެވޭތޯ ބެލުން. މިހެން މިކަން އޮތް އިރު ކިހިނެތް ތޯ މުވައްޒަފުން ގޭގަ މަޑުކުރާނީ ؟
އިހްސާސް
19 March 2020
ޖަމާއަތުގަ މިސްކިތްތަކުގަ ނަމާދުކުރުން މަނާ. އެކަމަކު ހޮޓާތައް ބަންދު ނުކުރެވޭ. މިވެސް މީހުން އެއްވެ ތިބޭތަންތަން. ފަރުދީ ޒިންމާއިން އެކަކުވެސް ނުރެކެމާ.
252ކލޖ
19 March 2020
ގޭގަވެސް ނަމާދު ކުރުން ދީނުގަ ވަކި ހާލަތް ތަކެއްގަ ހުއްދަ.. ހޮޓާތައް ބަންދު ކުރީމާ ރަށްރަށުން ވަޒީފާ އަދި އެހެނިހެން ބޭނުން ތަކުގަ އައިސްތިބި މީހުން ކާނީ ކިހިނެއްތޯ؟؟؟ ކުއްޔަށް އުޅޭ ކޮޓަރީގައި ކައްކާ ކަމަށް ވަންޏާ އެއީ ވަރަށް ސާމާނު ގަނެގެން ކުރެވޭނެ ކަމެއް.. އަދި ބައެއް ތަންތާ މިފަދަ ގޮތަކަށް ނޫން ކޮޓަރިތައް ހުރީކީވެސް.. އަބަދު ކަޕްނޫޑްލްސް ކައިގެންވެސް އުޅެނީ ކިހިނެއް... ކޮމެންޓް ކުރާއިރު އަނެކުނާމެދުވެސް ވިސްނާލުން ކިހިނެއްތޯ؟
އިހްސާސްކޮށްބަލަ
19 March 2020
ކާ ހުރިހާ ތަންތަން ބަންދުކުރުމަކީ ބަޔަކަށް ވަރަށް އިހާނެތިކޮށް ހިތުން. އެތަންތަނުން ކާން މަޖްބޫރުވެގެން ކާ މީހުން އުޅޭއިރު އެމީހުންނަށް ކާއެތިކޮޅު ނުލިބޭނެ ގޮތް ހަދަން ގޮވާލުމަކީ ނުވިސްނާ ކުރާ ކަމެއް.
ނަވާރަ
19 March 2020
ދިވެހިންގެ ފަރުދީ ޒިންމާއަކީ ހަމައެކަނި ސޯޝަލް މީޑިއާގަ އޮންނަ އެއްޗެކޭ ޑޮކްޓަރ.
ބަބުރުލް ސަލީމް
19 March 2020
ސަރުކާރު އޮފީސްތައް ބަންދުވީމާ ކަމަކީ ބުރުތެޅުން ނޫނީ އެއްފިހާރައިން އަނެއްފިހާރަޔަށް ދުވުން.
މަގުމަތި
19 March 2020
މަގުމަތީގައި މިހާރު ގިނަވެގެން މިއުޅެނީ އެބަޔަކާހެދި މުޅި ގައުމު އެލާޓް ވެގެން އުޅޭ ގޮޅިޖެހި ގަމީހުގެ އަހުލުވެރިން. ދެން އުޅޭތަން މިފެންނަނީ ތަފާތު ސަބަބުތަކާހުރެ ޒަރޫރީ ބޭނުންތަކަށް ނުކުންނަ މީހުން. މާލޭގެ މަޖީދީމަގަކީ ރޭގަނޑު 8 ން 10 އާ ދެމެދު ވަރަށް ބާރު ބޮޑު މަގަކަށްވިޔަސް މި ކަމެއް ޖެހުނު ފަހުން ސަރުކާރުން ނޭންގިޔަސް ނުނުކުންނަ ރައްޔިތުން ވަރަށް ގިނަ.
ކޖޖތ54
19 March 2020
ގޮޅިޖެހި ގަމީހުގެ އަހުލުވެރިން ސައިޒުކުރަން ހަދާނެ ފަންޑިތައެއްވެސް ނެތީބާ؟؟ ވަރަށް މަތީގަ އުޅޭ ބައެއް އެއީ..
އިރުޝާދިއްޔާ
18 March 2020
މުޖްތަމައުގެ އަމަލްތައް އެހެން ހުންނަނަމަ އޭގެ ހިތި ނަތޯޖާއާ އެންމެ ކުރިމަތިލާން ޖެހޭނެ ރައްކާތެރޮ ވަމާތޯ
ކުނިއަނގަ
18 March 2020
މިކަމުގެ ސީރިޔަސްކަން ވިސްނައިދީ ކަރަންޓީން ކުރަން ގޮވާލީމަ ކެނެރީގޭ ނަޝީދު ފުރަތަމަވެސް ހެދީ މިކަން ޖޯކަކަށް. އެ ވިސްނުމުގަ ތިބި ބަޔަކު އަދިވެސް އެބައުޅޭ.
253ޖކރ
19 March 2020
އޭރު ކަރަންޓީނަކަށް ނުގޮވާ.. ކެނެރީ ނަޝީދު ޖޯކަކަށް ހެދީމަ.. ޕީޕީޕީ އިން އެދުނީ އެމީހުންގެ ރައީސް ގެޔަށް ބަދަލު ކުރަން.. ސިޔާސީ އެދުން ބޮޑީ ކޮން ބައެއްކަން އެގޭނެ މިވަރުން...