ދިވެހިންގެ ވަޒީފާތަކާއި ވިޔަފާރިތައް ހިމާޔަތްކުރަން 2.5 ބިލިއަން ރުފިޔާގެ ޕެކޭޖެއް

ވިޔަފާރިތަކަށް އުފާވެރި ޚަބަރެއް: ފިނޭންސް މިނިސްޓަރު އަމީރު އިއުލާންކުރެއްވި ޕެކޭޖްތަކާއި އެހީތަކަކީ ކޮވިޑް-19 ގެ ސަބަބުން ރާއްޖެއަށް ކުރިމަތިވި އިގުތިސާދީ ކުއްލި ވެއްޓުމުން އަރައިގަތުމާއި އާންމުންނަށް ދިމާވާނެ ބޮޑެތި މައްސަލަތަކަށް މި ވަގުތަށް ސަރުކާރުން ހޯދައިދިން ހައްލެއް ކަމަށް ބެލެވޭ. ވިޔަފާރިތައް ހުއްޓުނަ ނުދީ އަދި ދިވެހިންގެ ވަޒީފާތައް ގެއްލިގެން ނުދިއުމަށް، 2.5 ބިލިއަން ރުފިޔާގެ ޕެކޭޖަކީ ވަރަށް މުހިންމު އެހީއެއް. އޭގެ އިތުރުން އެޕްރީލް އަދި މެއި މަހުގެ ކަރަންޓް ބިލުން 40 ޕަސެންޓް އަދި ފެން ބިލުން 30 ޕަސެންޓްގެ ސަބްސިޑީއެއް ދޭން ނިންމުމަކީ ވެސް، މި ވަގުތަށް އާންމުންނަށް ލިބޭނެ ބޮޑު ލުޔެއް.

އަމީރު: މިހާރު އެކުލަވާލައި އިއުލާންކޮށްފައިވާ އެކި ޕެކޭޖްތަކަކީ މިވަގުތު ރާއްޖޭގެ އިގުތިސާދަށް ދިމާވެފައިވާ އުނދަގޫތައް ހައްލުކުރަން ވަރަށް ބޮޑު އެހީއެއް.

ފައްޔާޒް: މިބަދަލުތައް ގެނައީ ވިޔަފާރިންނާ ވާހަކަ ދައްކާފައި. މި ޕެކޭޖުގެ ސަބަބުން ވިޔަފާރި ކުރާ ފަރާތްތަކަށް ދައްޗެއް ނުވާނެ. އެބޭފުޅުން ޓެކްސް ދެއްކުމުގައި ވެސް ދަތިވާނެ ކަމަކަށް ނުބެލެވޭ. އެހެންވެ ސަރުކާރުގެ ވިސްނުމެއް ނެތް ޓެކްސްތައް އަދި ޑިލޭ ކުރުމަށް.

ފައްޔާޒު: މިއީ ދިވެހިންގެ ވަޒީފާތައް ހިމާޔަތްކުރަން ދޭ އެހީއެއް. ލޯނު ދޭއިރު އެކަން ބަލާ ޗެކްކުރާނެ.

ފައްޔާޒް: އިސްއެމްއީ ބޭންކުން އާ ޕްރޮޖެކްޓްތަކަށް ފައިސާ ދިނުން މި ވަގުތަށް ވަނީ މަޑުޖައްސާލާފައި. މި ވަގުތު މި ބަލަނީ ވިޔަފާރިތައް ހިފެހެއްޓުމަށް. ވަރަށް ޔަގީންކަން އެބައޮތް އިރާދަކުރެއްވިއްޔާ އިގްތިސާދު މާގިނަ ދުވަހެއް ނުވެ ވަރަށް އަވަހަށް އަރައިގަނެވޭނެކަން

މި ވެއްޓުމުން ސަލާމަތްވާން ކުރާ މަސައްކަތުގައި ރާއްޖޭގެ ލޯނުތަކުގެ ހާލަތަށް ނުބައްލަވައި، ރާއްޖޭގެ އިގުތިސާދު ހިފަހައްޓަން ލޯނު ނަގާނެ ކަމަށް ވެސް އަމީރު ވިދާޅުވި. އެއީ އެއް އަހަރު ފަހުން ވެސް ރާއްޖޭގެ އިގުތިސާދު އޮތް ކަން ސާބިތުކޮށްދޭން ކުރަން ޖެހޭ މަސައްކަތެއް ކަމަށް ވެސް ވިދާޅުވި.

އަމީރު: ރާއްޖޭން ބޭރުން ޑޮލަރު ގެނެސްގެން ނަމަވެސް އިގްތިސާދު ހަމައަކަށް އަޅުވަން ކުރަން ޖެހޭ ހުރިހާ ކަމެއް ކުރާނަން. ރާއްޖޭގައި ޑޮލަރު ހިފެހެއްޓުމަށްޓަކައި 600 މިލިއަން ޑޮލަރުގެ ފެސިލިޓީޒް މިހާރު ވެސް އެބަހުރި.

އަމީރު: މަނީ ސާކިއުލޭޝަން ދަށްވިޔަ ނުދިނުމަށް ޕީއެސްއައިޕީ ހުރިހާ ޕްރޮގްރާމްތަކެއް ހުއްޓާނުލައި ކުރިއަށް ގެންދާނަން. ނަގަން ޖެހޭ ހުރިހާ ލޯނެއް ނަގައިގެން ނަމަވެސް ރާއްޖޭގައި އިގްތިސާދެއް އޮތްކަން ސަރުކާރުން ޔަގީން ކުރާނެ

މި ޕްރެސް ކޮންފަރެންސްގައި ރާއްޖޭގެ ބޭރުގެ ދަރަނި ބޮޑުވުމުގެ މައްސަލާގައި ކުރި ސުވާލަށް ޖަވާބު ދެއްވަމުން އަމީރު ވިދާޅުވީ ގައުމީ އުފެއްދުންތެރިކަމުގެ ނިސްބަތުން ބޭރުގެ ލޯނު ފުދޭވަރަކަށް މަތީގައި ހުރި ކަމަށާއި އެ ލޯނުތައް ދެއްކުމުގައި ރީސްޓްރަކްޗާކުރެވޭތޯ ބަލާ ކަމަށް. އެ މަސައްކަތުގައި ޗައިނާއާ އެކު ވެސް ވާހަކަ ދައްކަވާނެ ކަމަށް އޭނާ ވިދާޅުވި.

މި ޕްރެސް ކޮންފަރެންސްގައި ވާހަކަ ދައްކަވަމުން އެމްއެމްއޭގެ ގަވަރުނަރު އަލީ ހާޝިމް ވިދާޅުވީ މިވަގުތު ކުރިމަތިވެފައިވާ ޑޮލަރު ލިބުމުގެ ދަތިތައް ހައްލުކުރަން، 150 މިލިއަން ޑޮލަރު ބޭންކްތަކަށް ދޫކުރަން ހަމަޖައްސާފައިވާ ކަމަށް.

ރާއްޖޭގެ އިގުތިސާދަށް ރާއްޖޭގެ ތާރީޚުގައި ވެސް މިހާތަނަށް ކުރިމަތިވެފައި ނުވާ ވަރުގެ މި ބޮޑު ވެއްޓުމުގައި މި ބޮޑު އެހީގެ އިތުރުން ބީއެމްއެލުން ވިޔަފާރިތަކަށް ނަގާފައިވާ ލޯނުތައް ދެއްކުން ހަ މަސް ދުވަހަށް ލަސްކުރަން، ވާހަކަ ދެކެވި ނިންމާފައިވާ ކަމަށް. ނަމަވެސް އެ ގޮތަށް ގައުމީ ބޭންކުން ހަމަޖައްސައިދޭނީ ކޮވިޑް-19 އިން އެ ވިޔަފާރިއަކަށް އަސަރުކޮށްފައިވާ ގޮތް ބަލާފައި ކަމަށް.

އަމީރު: ކޮވިޑް-19 އާ ހެދި އިކޮނޮމިކް ކްރައިސިސް އަކަށް މިދަނީ. ފަންޑިން ހޯދަން ބޭރުގެ ފަރާތްތަކާ ވާހަކަ ދައްކަމުން މިދަނީ

ފިނޭންސް މިނިސްޓަރު ވަނީ ވަރަށް މުހިންމު އިލްތިމާސެއް ވެސް ކުރައްވާފައި. އޭނާ ވިދާޅުވީ މި ދޭ އެހީ ވިޔަފާރިވެރިންނާއި އާންމު ފަރުދުން ވެސް ރަނގަޅު ގޮތުގައި ބޭނުންކޮށް ދިވެހިންގެ ވަޒީފާގެ އަދަދު މަދުނުކުރަން.

ކުރިއަށް އޮތް އެޕްރީލް އަދި މެއި މަހު ކަރަންޓް ބިލުން 40 ޕަސެންޓް އަދި ފެން ބިލުން 30 ޕަސެންޓް ކުޑަ ކުރަން ނިންމައިފި

ސަރުކާރުގެ ބޭނުމަކީ ވިޔަފާރިތައް ހީނަރުވުމާ ގުޅިގެން ދިވެހިންގެ ވަޒީފާތައް ގެއްލުމުގެ ފުރުސަތު ކުޑަކޮށް، ޕްރައިވެޓް ސެކްޓަރުގެ މަސައްކަތްތައް ކުރިއަށް ގެންދިއުމުގެ ފުރުސަތު ދިނުން ކަމަށް ވެސް، އަމީރު ވިދާޅުވި.

ފައްޔާޒް އިސްމާއިލް: ފައިނޭންޝަލް ޕެކޭޖުގެ މައިގަނޑު މަގްސަދަކީ އެއްވެސް ދިވެއްސެއްގެ ވަޒީފާ ނުގެއްލުން

މިހާރު ކުރިއަށް ދާ ޕްރެސް ކޮންފަރެންސްގައި ފިނޭންސް މިނިސްޓަރު އިބްރާހިމް އަމީރު ވިދާޅުވީ ވޯކިން ކެޕިޓަލަށް ދޭ މި އެހީތެރިކަން ދޫކުރާނީ ހަ ޕަސެންޓްގެ އިންޓަރެސްޓާ އެކު، ހަ މަހުގެ ގްރޭސް ޕީރިއަޑެއްގައި ވެސް ދީފައި ކަމަށް. އަދި އެ ލޯނު އަނބުރާ ދައްކަން ތިން އަހަރު ދުވަސް ލިބޭނެ ކަމަށް ވެސް މިނިސްޓރު ވިދާޅުވި.