ރާއްޖޭގައި ހުންނަވާ ޗައިނާގެ ސަފީރު ޒާން ލިއޮން. އޭނާ ވިދާޅުވީީ ކޮވިޑް-19 ހުއްޓުވާން ރާއްޖޭން ކުރާ މަސައްކަތް ރަނގަޅުކަމަށް. ފައިލް ފޮޓޯ/މިހާރު
20 މާޗް 2020 - 15:23
31 comments
ޗައިނާއިން ފުރަތަަމަ ފެނުނު ކޮވިޑް-19 ފެތުރުން ހުއްޓުވަން ރާއްޖޭން ކުރާ މަސައްކަތަށް ރާއްޖޭގައި ހުންނަވާ ޗައިނާގެ ސަފީރު ޒާން ލިއޮން މިއަދު ތައުރީފު ކުރައްވައިފި އެވެ.
ސަފީރު މިއަދު ކުރެއްވި ޓްވީޓެއްގައި ވިދާޅުވީ ބަލި ފެތުރުމުގައި ރާއްޖޭން ކުރާ މަސައްކަތުގައި ރާއްޖެ އާ އެކު ޗައިނާ އޮތްކަން ކުރިއަށް އޮތް ދުވަސްތަކުގައި އެނގިގެންދާނެ ކަމަށެވެ. ގަދަ ހިތްވަރާ އެކު ކުރާ މަސައްކަތުން ނަތީޖާ ނެރެވޭނެކަން ޗައިނާއިން ސާބިތުކޮށްދީފައިވާ ކަމަށް ވެސް އޭނާ ވިދާޅުވި އެވެ.
"ވަގުތު [ހޭދަކުރި ގޮތް] ހުރިހާ ކަމެއް ވެސް ބުނެދޭ. ދިވެހިރާއްޖޭގައި ކޮވިޑް-19 ހުއްޓުވަން ކުރަނީ އުނދަގޫ އެކަމަކު ހިތްހަމަ ޖެހޭ މަސައްކަތެއް. ވަގުތު ބުނެދޭނެ އަޅުގަނޑުމެން މިތިބީ ތިޔަބޭފުޅުންނާ އެކީގައި ކަން،" ޓްވީޓްގައި ސަފީރު ވިދާޅުވި އެވެ.
ގޯސްކޮށް ވަގުތު ހޭދަކުރި ގައުމެއްގެ މިސާލު ވެސް އޭނާ ގެންނަވައިފައި ވެ އެވެ. އެކަމަކު އެއީ ކޮން ގައުމެއްކަން ސީދާ ވިދާޅެއް ނުވެ އެވެ. އެކަމަކު އެގައުމަކުން ދެ މަސްދުވަސް ބޭކާރުކޮށްލި ގޮތް އޭނާ ސިފަކޮށްދެއްވި އެވެ.
TIME tells all.
— Amb. Zhang Lizhong (@AmbassadorZhang) March 20, 2020
In Maldives, responses to tackle Covid19 are challenging but impressive.
Time will tell We're with You.
China proves through time that resolute actions bring results.
Certain country has wasted 2-months window time by mocking, blaming, & instigmatization. pic.twitter.com/8Dmnhy1dZL
"މަލާމާތް ކުރުން، ކުށްވެރިކުރުން އަދި އިލްޒާމް އެޅުވުމުގައި ކޮންމެވެސް ގައުމަކުން ދެ މަސްދުވަހުގެ މުއްދަތު ބޭކާރުކޮށްލި،" އޭނާ ވިދާޅުވި އެވެ.
ކޮވިޑް-19 ފެތުރުން ހުއްޓުވަން ރާއްޖޭން ވަނީ ވަރަށް ދުރާލައި ގިނަ ފިޔަވަޅުތަކެއް އަޅައިފަ އެވެ. އެފަދަ ބައެއް ފިޔަވަޅުތައް އަދިވެސް އަންނަނީ އަޅަމުންނެވެ. ރާއްޖޭން އެ ބައްޔަށް 500 އަށް ވުރެ ގިނަ މީހުން ޓެސްޓް ކުރި އިރު ޕޮޒިޓިވް ވީ 13 މީހުންނެވެ. އޭގެ ތެރޭގައި ދިވެއްސަކު އަދި ނުހިމެނެ އެވެ.
ޒާން އެ ވިދާޅުވަނީ ބޮޑަށް ބެލެވޭ ގޮތުގައި އެމެރިކާ އެވެ. އެކަމަކު އެއީ އިޓަލީ ކަމަށް ވުން ވެސް އެކަަށީގެންވެ އެވެ. ޗައިނާގެ ވޫހާން އިން ކޮޮވިޑް-19 ފުރަތަމަ ފެނުމާ އެކު ބައެއް ގައުމުތަކުން ޗައިނާ އަށް މަލާމާތްކޮށް، އެ ގައުމަށް ނިސްބަތްވާ މީހުންނަށް އިހާނެތިކޮށް ހިތުމުގެ އަމަލުތައް ފެނުނެވެ. ބަލި ފެތުރުން ހުއްޓުވުމުގައި ޗައިނާއިން ދޭން އުޅުނު އެހީތެރިކަން ބޭނުން ނުކުރަން އެއް ބައި ގައުމުތަކުން އުޅުނު އިރު ޗައިނާ އަށް އެހީވުން ވެސް ބައެއް ތަންތަނުން ލަސްކުރި އެވެ.
ޗައިނާގައި މިހާރު ކޮވިޑް-19 ވަރަށް ބޮޑަށް ކޮންޓްރޯ ކުރެވިފައި ވިޔަސް، ޔޫރަޕްގައި އެބަލި ދަނީ ވަރަށް ބާރަށް ފެތުރެމުންނެވެ. އެގޮތުން ބަލި ޖެހުނު މީހުންގެ އަދަދު ގާތްގަނޑަކަށް 250،000 އަށް އެރި އިރު ބަލީގައި މަރުވި މީހުންގެ އަދަދު 10،000 ފަހަނަ އަޅައި ހިނގައްޖެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
21 March 2020
އެމެރިކާގެ ވާހަކަ ހެން ބޮޑަށް ހީވަނީ، އެގައުމުގެ ރައީސް ވަރަށް ފަހުން ބޭއްވި ނޫސްވެރިންގެ ބައްދަލުވުން ފަށަމުން ކޮރޯނާ ވައިރަހަށް ޗައިނާ ވައިރަހޭ ކީމަ، މުޅި ބައްދަލުވުން ދިޔައީ އެޒުވާބުގައި. ނޫސްވެރިންގެ ޒަރީއާއިން ރައްޔިތުންނަށް ލިބެންވީ މައުލޫމާތެއް ނުލިބި ބޭކާރުވީ.
ޑޮންޑަނާ
21 March 2020
ތޭންކް ޔޫ ޗައިނާ.
ސަލާހު
20 March 2020
ދެއްހަމަ އެއްޗެކޭބުނާއިރައް އެމިހަކައް ތައުރީފު ކުރަންވީތޯ! ބަލަ ޗައިނާގެ ފަރުވާކުޑަ ކަމުންނޭ މުޅިދުނިއެއައް ތިފެތުރުނީ! ޗައިނާގެ އެތެރޭގަ ހިގާކަމެއް ދުނިޔައައް ބޭރުނުކުރެވޭނެ އެމިހުން ކުރިއްޔާނޫނީ ޖަފާނުގެ މީހަކައް ތިތަނުންތި ޖެހުންތާ ކޮންޒަމާނަކުންދި ތިވަރުވީ! އިޓަލީގެ ރޯމުފަދަ ސިޓީތަކަކީ އަހަރަކު 18 މިލިޔަންވަރު ފަތުވެރިން ޒިޔާރައް ކުރާސިޓީތައް އޭގެތެރޭގަ ޗައިނާގެ ގިނައަދަދެއްވޭ ޗައިނާގެ ހުވާން ބަންދުކުރި އިރު ތިއޮތީ މުޅިދުނިޔެއްބަހާފަ
ސަރުދާރު
21 March 2020
ކަލޯ ރަށަށް ދޭ! ޗައިނާ މީގެން ނިކުންނާނީ ގަދަފަދަކޮށް އަދީ އިބުރަތާ ފިލާވަޅުތަކެއް ޖާހިލުންނަށް ނަގައިދީފައި!!!
ާވަހަުސޔ
21 March 2020
ކަލޭގެ ކޮމެންޓަށް 36 ވަނަ ޑިސްލައިކުވީ އަހަރެން. ޗައިނާއިން އެޅި ފިޔަވަޅު ރަނގަޅު ކަމުން މިވަރު ވެސް މިވީ. އެހެން ނޫންނަމަ ގިނަ ބަޔަކު މަރުވެގެންދާނީ ނުވެސް އެނގި ތިއްބައި.
ޖމ
20 March 2020
ހެލްތް މިނިސްޓަރުގެ ޓީމް ހާދަ އެކަައުންޓެއް މިތާ ގެންގުޅެއޭދޯ
ހާނިމް
20 March 2020
ހަޖަމުނުވީދޯ.. އަމީނުގެ މަސައްކަތްތަށް ރައްޔިތުން ބަލައިގެންފި. އަލީ ވަހީދަކަސް ނަޝީދަކަށް ދެން ކުރާނެ ކަމެއް ނެތް
ކަމެކޭ
20 March 2020
ރެސްކިއު ޕެކޭޖެއްގެ ގޮތުގައި ޗައިނާ އިން ލިކްއިޑް އެެސެޓެއްގެ ގޮތުގައި 1 ބިލިއަން ޑޮލަރު ހޯދަންވީއޭ އެކަން ކުރަންވީ ގޮތަކީ މާލެސަރަހައްދުން މާލޭގެ ދެކުނުން ގޮސް ރިހިވެލި އާއި ޖެހެން ދެން މިހާރު ކުއްޔަށް ނުދީ ހުރިއްޔާ ހުރިހުރިހާ ފަޅު ތަކެއް ޗައިނާ އަށް ކުއްޔަށް ދޫކޮށްލަންވީއޭ 100 އަހަރު ދުވަހަށް ޝަރުތަކީ އެއް ބިލިއަން ޑޮލަރު ވަގުތުން ޖެހޭނެއޭ ބީއެމްެއެލް އަށް ޑިސްބާރސް ކޮށް ދޭން އެނޫން ނަމަ މިގައުމު ބަނޑަށް ޖެހޭނެ ކަން އެއީ ކަށަވަރުވެ ޔަގީން ވާ
ައަފުރާސިޔާބު
20 March 2020
މިދަނޑިވަޅަކީ ސިޔާސީ ވާހަކަދައްކައި ދޭތެރެ ޖެއްސުމަށް އުޅެންވީ ވަގުތެއްނޫން. ހެލްތު މިނިސްޓަރ އެކުރައްވަނީ އެމަނިކުފާނާ ޙަވާލުކުރައްވާފައިވާ މަސައްކަތް ވަރަށް އިޚްލާޞްތެރިކަމާއެކު. ބޮޑު ބަލިމަޑުކަމެއް ފެތުރޭއިރު ހެލްތްމިނިސްޓަރަކަށް މީހުން ކިޔާއެއްޗެހި އަޑުއަހައި އެއިން ރެކެން އުޅުމަށްވުރެ ބުއްދިވެރީ އެހުރީހާ އެއްޗެއްވެސް އަޑުއަހައި ރައްކާތެރިކަމަށް ކުރެވެންއޮތް ހުރިހާ މަސައްކަތެއް ކުރުން. މުޅި ހެލްތު މިނިސްޓްރީ އޮތީ މިބަލިމަޑުކަމަށް ތައްޔާރުވެ.
ރަސްގެ
20 March 2020
މިނިސްޓަރ އަމީން އަކީ ކިޔަވައިގެން ހުންނެވި އަދި އަހްލާގު ރަނގަޅު ކެތްތެރި މީހެއްކަން ރައްޔިތުންނަށް ދައްކުވައި ނަތީޖާ ނެރެދެއްވައިދި.
އޭނަ
20 March 2020
ވަރަށް ރަނގަޅު ވާހަކައެއް. އަހަރެން ފުރަތަމަ ހީކުރީ އަމީން އެއީ އެންމެ ފޭކް މިނިސްޓާރކަން. އެކަމަކު މިހާރު ޔަޤީންވެއްޖެ އޭރު އެކުރެވުނީ ކުށްހީއެއްކަން. އަމީނަކީ މި ސަރުކާރުގެ އެންމެ ހީވާގި އަދި އެންމެ ބެސްޓް މިނިސްޓަރު.
ކުރުކޯސް
20 March 2020
އެމަނިކުފާނު ކުރުކޯސް ނަހަދައިގެން ވެސް ޕީޕީކުދިން އުޅުނު ނޫސް ކޮންފަރެންސަށްގޮސް!
އެކުވެރި ގައުމުތައް
20 March 2020
އަޅުގަނޑުމެންނަށް ޖެހޭ މިފަދަ ކޮންމެ ހާލަތެއްގައި، އަވަށްޓެރި، އެކުވެރި ގައުމުތަކުން ޚާއްސަކޮށް ޗައިނާ އަދި އިންޑިޔާ އިން ދެއްވާ އެހީތެރިކަމަށް ޝުކުރުކުރަން. އަޅުގަނޑުމެންނަށް އެއްވެސް ބަޔަކު ދޫކޮށްލެވޭކަށް ނެތް. އަޅުގަނޑުމެން ވެސް މި ތިބީ ތިޔަ ބޭފުޅުންނާ އެކުގައި
ބޮރާއޯ
20 March 2020
ޢެއީ އެމެރިކާގެ ވާހަކަ އިޓަލީގެ އަކީ ޗައިނާގެ ބައިވެރިއެއް!
މަނިކުު
20 March 2020
ސާބަހޭ ހެލްތު މިނިސްޓާ އެންޑް ޓީމް. ބޭރު ގައުމުތަކަށްވެސް ތިޔަ ދައްކަމުން ގެންދަވަނީ ހަމަ ނަމޫނާ!
ރާއްޖޭން ބޭރުގައި ހުރި ދިވެހިދ
21 March 2020
އަހަރެން މިހުރީ ވ އުފާވެފަ . އަހަންނަށް ވ ކަމުދޭ ރާއްޖޭގައި އަޅާފައިވާ ފިޔަވަޅުތައް. ޚާއްސަކޮށް ޝައްކު ކުރެވޭ މީހުން ކަރަންޓީނު ކުރަން ވަކިން ގެންދިއުން! ރާއްޖޭ ރައްޔިތުން ބަސް އަހައިގެން ގޭގައި ތިބެންވީ. އަހަރެން މިއުޅޭ ދުނިޔޭގެ ކުރިއަރާފައިވާ މި ގައުމުގަޑުގަ ސެލްފް އައިސޮލޭޓުވާން އަންގަނީ.ޕޮޒިޓިވް ވީމަވެސް. ހާހަކަށް އަރާއިރުވެސް އިސްކޫލު ހުޅުވާފަ. މަނީ މަނީ މަނީ!