ރައީސް އިބްރާހިމް މުހައްމަދު ސޯލިހު، މިދިޔަ ބުދަ ދުވަހު ނޫސްވެރިންނާ ވާހަކަފުޅު ދައްކަވަނީ: އިންޓެނެޓުގެ ޚިދުމަތަށް "ރަނގަޅު ލުޔެއް" ގެނައުމުގެ މައުލޫމާތު 2-3 ދުވަހުގެ ތެރޭގައި ހިއްސާ ކުރައްވާނެ ކަމަށް އެ ދުވަހު ވިދާޅުވި.---ފޮޓޯ: އަހުމަދު އަވްޝަން/މިހާރު
28 މާޗް 2020 - 23:04
62 comments
ކޮވިޑް-19 ފެތުރުން ކޮންޓްރޯލް ކުރުމުގެ ބޭނުމުގައި މީހުން ގޭގައި ތިބުމަށް ސަރުކާރުން ބާރު އަޅާއިރު، ގިނަ ބަޔަކު މި ދުވަސްވަރު އިންޓަނެޓުގެ ބޭނުން ކުރާތީ އެ ޚިދުމަތުގެ އަގަށް ލުޔެއް ގެނައުމުގެ މަޝްވަރާ އަދިވެސް ކުރިއަށް ދަނީ ކަމަށް ނޭޝަނަލް އިމަޖެންސީ އޮޕަރޭޝަން ސެންޓަރުގެ ތަރުޖަމާން މަބްރޫކް އަބްދުލްއަޒީޒް މިރޭ ވިދާޅުވެއްޖެ އެވެ.
މިދިޔަ ބުދަ ދުވަހު ބޭއްވެވި މީޑިއާ ބްރީފިންގައި ރައީސް އިބްރާހިމް މުހައްމަދު ސޯލިހު ވިދާޅުވީ، މި ދުވަސްވަރު އިންޓަނެޓް ބޭނުންކުރާ މިންވަރަށް ވަރަށް ބޮޑަށް އިތުރުވެފައިވާ ކަމަށާއި އެހެންވެ އެ ކަމަށް "ރަނގަޅު ލުޔެއް" ހޯދައިދޭންޖެހޭ ކަމަށް އެ މަނިކުފާނު ގަބޫލުފުޅު ކުރައްވާ ކަށެވެ.
"އިރާދަކުރެއްވިއްޔާ، ކުރިއަށް އޮތް ދެ ތިން ދުވަހުގެ ތެރޭގައި، މިކަމުގެ މައުލޫމާތު ރައްޔިތުންނާ އަޅުގަނޑުމެން ހިއްސާ ކުރާނަން،" ރައީސް ވިދާޅުވި އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރުން މިރޭ ބޭއްވި މީޑިއާ ބްރީފިންގައި އެކަމާ ގުޅޭ ގޮތުން ނޫސްވެރިއަކު ސުވާލު ކުރުމުން މަބްރޫކް ވިދާޅުވީ، އިންޓަނެޓުގެ އަގަށް ލުޔެއް ގެނައުމާ ގުޅޭ މަޝްވަރާތައް މިއަދު ވެސް ކުރިއަށް ގެންދިޔަ ކަމަށެވެ. އޭނާ ވިދާޅުވި ގޮތުގައި އެ މަޝްވަރާ ދިރާގާއި އުރީދުއާ އެކު ސަރުކާރުން ކުރިއަށް ގެންދެ އެވެ. އަދި އެ ކަމުގައި ވަކި ގޮތެއް އަދި ނިންމާފައި ނުވާތީ މިރޭ ޖަވާބެއް ނެތް ކަމަށް މަބްރޫކް ވިދާޅުވި އެވެ.
"އަޅުގަނޑަށް ހީވަނީ މާދަމާ ހިސާބުގައި ތިޔަބޭފުޅުންނަށް ސީދާ ޖަވާބެއް ދެވޭނެހެން. ދިރާގާއި އުރީދުއާ އެކު އެ ކަންތަކުގައި މަސައްކަތް އެބަކުރެވޭ،" ރައީސް އޮފީހުގެ އަންޑަ ސެކްރެޓަރީ މަބްރޫކް ވިދާޅުވި އެވެ.
ކޮރޯނާވައިރަސް ފެތުރުން ކޮންޓްރޯލް ކުރުމަށް ކުރެވޭނެ އެންމެ މުހިންމު ކަމަކީ ގިނަ ބަޔަކު އެއް ތަނަކަށް އެއްވުން ހުއްޓުވުން ކަމަށް ވާތީ، ސަރުކާރުގެ އޮފީސްތަކާއި ސްކޫލްތަކާއި ކިޔަވައިދޭ އެހެނިހެން ތަންތަން ވެސް މިދިޔަ ހަފުތާ އާއި މި ހަފުތާގައި ބަންދެވެ. އެހެންވެ، އެތައް ބަޔަކު ގޭގައި ތިބޭތީ، އިންޓަނެޓު ބޭނުން ކުރުން ވަރަށް ބޮޑަށް ވަނީ އިތުރުވެފަ އެވެ. އެއާ އެކު، ދިރާގާއި އުރީދޫން ވެސް މިހާތަނަށް ވަނީ ޑިސްކައުންތް ޕެކޭޖުތަކެއް ތައާރަފު ކޮށްފަ އެވެ. ނަމަވެސް އިންޓަނެޓުގެ ސްޕީޑާ މެދު އާންމުން ކުރާ ޝަކުވާ އަށް ހައްލެއް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ އާބާދު
29 March 2020
އިންޓާނެޓުގެ އަގުހެޔޮކުރާނީ ކިހިނެއް ދިރާގުގެ މެޖޯރިޓީ ށެއާ އޮތީ ބަޓެލްކޯގެ %52 ނަށީދުވެރިކަމުގަ މިޖަރީމާ ހިންގީ" މައުމޫނުގެ ވެރިކަމުގަ ވަތަނިޔާ ހުއްދަދިނީ ބޮޑެތި ކަޓުނަގާގެން ކަމައްވަނީ އިބުރާހީމާ އެމީހުން ކުޑާކުރީޔާވާނީ ދެންދާން ޖެހޭނީ ހުޅުމާލެޔައް ރާކަނިމަސްކާން
އަހުމަދުބޭ
29 March 2020
އިންޓަރނެޓްގެ ސުޕީޑް އެބަޖެހޭ ރަގަނޅުވާން، ދިރާގާ ވަތަނިޔާ ގެ އަހަރީ ފައިދާ އެބަޖެހޭ ކުޑަކޮށް ދެމުންގެންދާ ޚިދަމުތުގެ ފެންވަރު ރަގަނޅުކުރަން، މިކަން ކަން އެބަޖެހޭ ސަރުކާރުން ބަލަން އަދި ސަރުކާރުގެ ޑިމާންޑް ތަށް އެބަޖެހޭ ދެކުންފުންޏަށްވެސް ހުށައަޅަން، ގައުމުގެ ރައްޔިތުންނަށްވުރެ ދެކުންފުނި ބާރުގަދަވެގެންނުވާނެ، މިޔަކު މާގިނަ މަސްވަރާ އޮންނައިކަށް ނުޖެހޭ،
އެމްޑިޕީ ސޮރު
29 March 2020
ވެރިކަމަށް އައިއްސުރެ މިކިޔަނީ މިހެން. ރައްޔިތުން ގުނބޯ ހެއްދޭނީ ވަކިވަރަކަށް. ހުރިހާ ރައްޔިތުންނަށްވެސް އިނގޭ މެޖޯރިޓީ ހިއްސާ ކުރީގެ އެމްޑީޕީ ސަރުކާރުން ވިއްކާލާފައި އޮތްކަން. އަދި މެޖޯރިޓީ ހިއްސާ އެހެން ބަޔެއް އަތުގައި އޮތްހާ ހިނދަކު ކިތަންމެ ހުސްއަނގައެއް ތެޅިޔަސް އަގު ކުޑަނުކުރެވޭނެކަން.
އައްޑޫ އާބާދު
29 March 2020
ބަޓެލްކޯ މީހުން އަގުހެޔޮ ކުރީޔާ ކުރެވޭނީ
ބަބިބު
29 March 2020
އަތުގަ އޮންނާނީ އެންމެ ފަހުގެ އައިފޯނު. އެކަމަކު ބިލުދެއްކޭހާ ފެންވަރެއް ނުހުރޭ. އަބަދު ހިލޭ އެއްޗެހި ހޯދަން ސަލާން ޖެހުމުގެ ބަދަލުގައި އެމީހަކަށް ލިބޭ މިންވަރުން އުޅުނީމާ ނިމުނީ.
ބަޑީ
29 March 2020
ހެޔޮނުވާނެ، ފުދިއްޖެ މިހާރު. ދެން އިތުރަށް ތި ހިދްމަތް ކުޑަކޮށްދެނިކޮށް އަޅުގަޑުމެން ތިނޫން އެހެން ކަމެއް ކުރާނެ ވަގުތެއް ނޯންނާނެ، ލާރިތައް ބާކީވާނެ. ދެން ކުޑަކޮށްދީ އަންނަ ފަހަރު ވެރިކަމަށް ހޮވުނީމަ!!! އަދި ފިޔަކޮށާލެވޭ ކައުންސިލް ލިބުނީމަ. މިހާރު ފުދިއްޖެ.
އަލިފުޅުބެ
29 March 2020
ސަރުކާރުން ކިތަންމެ ބޭނުންވިއަސް ތިޔަކަން ނުވެގެން އުޅެނީ ދިރާގުގެ ހިއްސާ ކެނެރީގެ މުޙައްމަދު ނަޝީދު ކިޔާ ރާއްޖޭގެ ކުރީގެ ރައީސަކު ބޭރުގެ ބަޔަކަށް ވިއްކާލާފައިވާތީ ދިރާގުގައި ސަރުކާރުގެ ކޮންޓްރޯލް ނެތުމުގެ ސަބަބުން.
ގެރިގާ
29 March 2020
އަގު ދައްކާފައި ދޭން ބުނާ ސްޕީޑެއް ނުލިބެޔޭ ޝުކުރިއްޔާ ދިރާގު!
ކަކްސް
29 March 2020
އިންޓަނެޓަކީ އަސާސީ ހިދުމަތެއް ނޫން. އިންޓަނެޓު އަގު ހެޔޮ ކުރާނެ ކަމެއް ނެތް. ފެންވަރު ނެތީޔާ ބެނުން ނުކުރާނީ.
ހަކީމް
29 March 2020
މިބޭފުޅާ މީ ވަރަށް ފެންވަރު ހުރި ސީދިއަކާ ވައްތަރީ.
މުޙުއްމާ
29 March 2020
ތީއެއްވެސް ކަމަކަށް ނުވާނެ ފިނިހަކަ ސްޕީޑް ދިރާގަކަށް. ހިލޭ 3 ގީބީ ދީފަ މިހާރު އިންނަ ފިނިހަކަ ސްޕީޑް 4/1 ދަށްކޮށްލީމަ އެނިމުނީ. މިއީ އެމީހުން ހަމަ ހަދާނެ ގޮތް. ސަރުކާރުން އަގު ހެޔޮ ކުރަން ބޭނުމިއްޔާ ޖީ.އެސް.ޓީ. ކަޑާލަބަލަ.
ހަސަންނިކުބެ
29 March 2020
މިގައުމުގައި އޮންނަގޮތަކީ އެބަޔަކު ބޭބުންގޮތަކަށް ކުރާކަމެއްކުރަންވީ. ކިތަންމެ ބޮޑުއަގެއް ރައްޔިތުންގެ އަތުންނެގިއަސް އޯކޭ. ބަލާނެބަޔަކުނެތް. ދުނިޔޭގެ ތަސައްރަފުފުދިގެން އުޅޭމީހުން ކަންކުރާގޮތް ރައްޔިތުންގެ ކަންކަން ބަލަހައްޓާގޮތް ދަސްކޮށް އެގޮތަށް އަމަލު ކުރަން އެބަޖެހޭ.