ގަވާއިދާ ޚިލާފަށް ރާއްޖޭގައި އުޅޭ ބިދޭސީން ރަޖިސްޓަރީ ވުމަށް އިކޮނޮމިކް މިނިސްޓްރީން ހުޅުވައިލި ފުރުސަތުގައި ރަޖިސްޓަރީ ވާން ގަލޮޅު ދަނޑަށް އެއްވި ބައެއް މީހުން.---ފޮޓޯ: މިހާރު
06 އެޕްރީލް 2020 - 00:11
46 comments
ތަފާތު ބަލިތައް ފަސޭހައިން ފެތުރޭ ގޮތަށް، ތޮއްޖެހިފައިވާ ތަންތަނުގައި މިހާރު އުޅެމުންދާ ބިދޭސީން އެ އަށް ވުރެ ރަނގަޅު ތަންތަނަށް ބަދަލުކުރުމުގެ ކަންކަން ކުރިއަށް ގެންދާ ކަމަށް ސަރުކާރުން މިރޭ ބުނެފި އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި ނޫސްވެރިއެއްގެ ސުވާލަކަށް ޖަވާބު ދެއްވަމުން އެ ސެންޓަރުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ، އެ ކަމާ ގުޅޭ މަސައްކަތްތަކެއް އިކޮނޮމިކް މިނިސްޓްރީން ކުރަމުން އަންނަ ކަމަށެވެ. އޭނާ ވިދާޅުވީ، ތޮއްޖެހިފައިވާ ގެ ތަކުން އެ އަށް ވުރެ ރަނގަޅު ތަންތަނަށް ގެންދާ ބިދޭސީންގެ އަދަދާއި އެ ތަންތަނުގެ މައުލޫމާތު ކުރިއަށް އޮތް ދުވަސްތަކުގައި އިކޮނޮމިކް މިނިސްޓްރީން ހާމަކުރާނެ ކަމަށެވެ.
"މާ ގިނަ ދުވަހެއް ނުވެ ތިޔަބޭފުޅުންނަށް އެނގިވަޑައިގަންނަވާނެ ތަފްސީލްތައް،" ރައީސް އޮފީހުގެ އަންޑަ ސެކްރެޓަރީ މަބްރޫކް ވިދާޅުވި އެވެ.
މިރޭގެ މީޑިއާ ބްރީފިންގައި އެންއީއޯސީގެ ތަރުޖަމާން މަބްރޫކް ނޫސްވެރިއެއްގެ ސުވާލަކަށް ޖަވާބު ދެއްވަނީ.---ފޮޓޯ: ނިޝާން އަލީ/މިހާރު
ރާއްޖޭގައި ކޮރޯނާވައިރަސް ފެތުރުން ކޮންޓްރޯލް ކުރުމަށްޓަކައި ރައްކާތެރިކަމުގެ ފިޔަވަޅު އެޅުމުގެ ގޮތުން، ސަރުކާރުން ވަނީ މާލޭގައި ބިދޭސީން އުޅޭ ތަންތަނުގެ ހާލަތު އޮޅުން ފިލުވުމުގެ ސާވޭއެއް ވަރަށް ފަހުން ކޮށްފަ އެވެ. އެ ސާވޭގެ މައުލޫމާތު އަދި ހާމައެއް ނުކުރެ އެވެ.
މާލޭގައި ލޭބަރުންގެ ގޮތުގައި މަސައްކަތް ކުރާ ގިނަ ބިދޭސީންތަކެއް އުޅެނީ ވަރަށް ކުދިކުދި ތަންތަނުގައި އަދި ވަރަށް ބޮޑަށް ތޮއްޖެހިފައިވާ މާހައުލެއްގަ އެވެ. އެހެންވެ، މާލެ އަށް ކޮރޯނާވައިރަސް ފަދަ ނުރައްކާތެރި ވައިރަހެއް ފެތުރިއްޖެ ނަމަ އެ ކޮންޓްރޯލް ކުރަން އެންމެ އުނދަގޫ ވާނެ ތަނަކީ ބިދޭސީން އުޅޭ ގެތައް ކަމަށް ކަމާ ބެހޭ އޮފިޝަލުން ވިދާޅުވެ އެވެ.
ރާއްޖޭގައި އުޅޭ ބިދޭސީންގެ ތެރެއިން އެންމެ ގިނައީ ބަންގްލަދޭޝް މީހުން ކަމަށް ވާއިރު، ގަވާއިދާ ޚިލާފަށް އުޅޭ މީހުންގެ ތެރޭގައި ވެސް ގިނައީ އެ މީހުންނެވެ.
ރާއްޖޭގައި ގަވާއިދާ ޚިލާފަށް އުޅޭ ބަންގްލަދޭޝްގެ މީހުން އަނބުރާ އެ ގައުމަށް ގެންދިއުމުގެ އެހީތެރިކަމަށް ރާއްޖޭގެ ފޮރިން މިނިސްޓަރު އަބްދުﷲ ޝާހިދު މިއަދު ވަނީ ބަންގްލަދޭޝްގެ ސަރުކާރުގައި އެދިވަޑައިގެންފަ އެވެ. އެ ގައުމުގެ ފޮރިން މިނިސްޓަރާ މިއަދު ފޯނުން ވާހަކަ ދައްކަވަމުން މިނިސްޓަރު ޝާހިދު ވިދާޅުވީ، ކޮރޯނާވައިރަސް ރާއްޖޭގައި ފެތުރިއްޖެ ނަމަ، އެ އެ ވައިރަހުގެ ނުރައްކާ އެންމެ ބޮޑުވާނެ އެއް ބަޔަކީ ގަވައިދާ ޚިލާފަށް އުޅޭ ބިދޭސީން ކަމަށެވެ.
ރާއްޖޭގައި ގަވާއިދާ ޚިލާފަށް އުޅޭ ބަންގްލަދޭޝްގެ މީހުން ގައުމަށް ގެންދިއުމުގައި އެހީތެރިކަން ފޯރުކޮށްދެއްވާނެ ކަމަށް ބަންގްލަދޭޝްގެ ފޮރިން މިނިސްޓަރު ވިދާޅުވި ކަމަށް ރާއްޖޭގެ ފޮރިން މިނިސްޓްރީން ބުންޏެވެ.
ރާއްޖޭގައި ގަވައިދާ ޚިލާފަށް އުޅޭ ބިދޭސީން ސަރުކާރުގެ ޚަރަދުގައި ފޮނުވަން ނިންމާފައިވާ ކަމަށް އިކޮނޮމިކް މިނިސްޓްރީން ބުނެފައި ވެ އެވެ. އަދި އެކަމަށް އެދި 300 އަށް ވުރެ ގިނަ މީހުން ރަޖިސްޓަރީ ކޮށްފައިވާ ކަމަށް މަބްރޫކް މިރޭ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
06 April 2020
މަބްރޫ ތޮއް ޖެހިފައިފާ ތަންތަނުގެ މައުލޫމާތު އާއްމުންގެ އެހީ ނުހޯދާ ހޯދުމަކީ އުނދަގޫ ކަމެކެވެ. ގުޅޭނެ ނަންބަރެއް ދެނިކޮށް ރައްޔިތުން ތޮއް ޖެހިފައިވާ ތަނަތަނުގެ މައުލޫމާތު ދީފާނެ އެވެ.
ނަން
06 April 2020
ދިވެހިންވެސް މަޖުބޫރުވެގެން އެތައް ބަޔަކު ކުޑަކުޑަ ތަންކޮޅުކޮޅުގައި އެބަ ދިރިއުޅޭ. ކީއްވެބާ ދިވެހިންނަށް އެފުރުޞަތު ނުލިބެންވީ. 2 ކޮޓަރި އެޕާރޓްމަންޓް ކިޔާއިރު ސިންގަލް އެނދަކާއި އަލަމާރިއެއްބަހައްޓާފއި ހިނގަން އޮންނަނީ 1 ފޫޓުވަރު ތަންކޮޅެ. ދިވެހިން ދިވެހި ބިމގައި ދިވެހިންގެ ވެރިންނަށް ދިވެހިން ތިބެމެ ހާދަހާ ނިކަމެތިކޮށޭ އަދު ދިވެހިންނާ މެދު ކަންތައް މިކުރަނީ
އަޝްރަފެ
06 April 2020
މަގޭ ހިތަށް އަރަނީ މިދިވެހިރާއްޖޭގައި މުޅިން މިއުފެދެނީ ޝަރުތުހަމަނުވާ ސަރުކާރުތަކެކޭ. އަޅެ އެއްވެސް ސަރުކާރަކަށް ބަންގާޅީމައްސަލަޔަށް ހައްލެއް ނުގެނެވުނު. ބަންގާޅު ސަރުކާރަކީ އެތާގެމީހުން ތަންތަނަށްފޮނުވައިގެން ހޯދާ ފައިސާއިން ގައުމުބަލަހައްޓާ ބައެއް. މިކަން އެނގޭތީ ގިނަގައުމުތަކަށް މިހާރު ބަންގާޅީން ނާރުވާ. މިއަހަރު ފުރަތަމަ 2 މަސްދުވަހު ސައޫދީން 7 ހާސް ބަންގާޅީން ޑިޕޯޓްކުރި. މި ދިވެހިސަރުކާރުތައް ނޫނީ ބަންގާޅީންގެ ދަށުވެފައިތިބޭ ބަޔަކު ނުފެނޭ
ހައްޔު ބިން ޔަގްޒާން
06 April 2020
ސައޫދީގައި ކުރާ ކަންކަމަކީ އެއްވެސް ހާލަތެއްގައި ނަމޫނާއަށް ބަލަން ހެޔޮވާ ވަރު ތަނެއް ނޫން. ސައުދީ ދައުލަތަކީ މާތް ނަބިއްޔާގެ ލޮބުވެތި ވަތޮން ކަމުގައިވާ ހިޖާޒުކަރަ އަޅުވެތިކޮށްގެން އުޅޭ ނަޖިދުކަރައިގެ ދައުލަތެއް.
ފަހުދު ބުން ބޮންބޮން
06 April 2020
ކޮނަމެކަމެއްގައި ހަރުކަށި ބާގައިގެ ވިސްނުން ގެންގުޅެގެން ކަމަކުނުދާނެ
އަހައްމަދޫ
06 April 2020
އަދިވެސް އެހެން ތަންތަން ހޯދައިފަ ލަނީދޯ. ފޮނުވާލަނީކީނޫންދޯ
ކީކޭބުނާނީ
06 April 2020
އެމީހުން ދެކެ މާބޮޑަށްވިއްޔަ ލޯބިވަނީ..
ފަހުދު
06 April 2020
ތިމީހުން ވައްދަންވީ ހައިވަކަރުގެއައް.
ބައިރަހަ
06 April 2020
ތިއީ ހަމަ ހަގީގަތް. ތިގޭގައި އުޅޭ މީހަކު އެންމެ ފުރަތަމަ ތިގަނޑެެއްގަތީ. އަޑުއަހަން އަންހެނުންގެ ގެ ބުރިބުރިޔަށް ހަދައި މެލޭޝިޔާއިން ތަންތަން ގަނެފައި ހުންނަވާހަކަ.
އަހުމަދުބޭ
06 April 2020
ހައްލަކީ ވީ އެންމެ އަވަހަށް އިހަކަށް ދުވަހު ގަލޮޅުދަނޑަށް އެއްކޮއްގެން ރަޖިސްޓްރީ ކުރިއެންމެން ސޮޕޮންސަރ އެއްހޯދައިގެން އަންނައިރަށް ގަވައިދަށް ފައްތާންވީ، އަޑުއަހަން 32000 މީހުން ރަޖިސްޓްރީ ކުރިކަން، އެއެންމެންގެ 80 ފަސެންޓް ގަވައިއިދަށް ފެއްތުނަސް ވަރަށް ބޮޑު ކުރިއެރުމެއް، ދެންވެސް އެންމެންނަށް އަންގަންވީ ސޮޕޮންސަރުން ހޯދައިގެން އައުމަށް، އެއަށްފަހު ކާޑްނެތް އެއްވެސް ބަޔަކަށް މާލެ ހުޅުމާލެ، ތިލަފުށި، ވިލިންގިލި އަދި ރާއްޖޭގެ ރައްތަކަށް ދަތުރުނު
ސަހަރޯ
06 April 2020
ދެން ތޮއްޖެހިގެން ދިރިއުޅޭ ދިވެހީންނަށް އެއްވެސް ޙައްލެއް ނެތްތޯ؟ ކުޑަކުޑަ ތަންތަންކޮޅުގައި މައިންބަފައިންނާއި ދަރިން ބަރިބަރި ޖަހައިގެން ނިދަންޖެހިފައިވާ މަޖްބޫރީ ޙާލަރުން އަރައިގަތުމަށް އޮތް ޙައްލަކީ ކޮބައިތޯ؟
މެންދޫއާގެ. އަމީނީމަގު ހަނިގޯޅ
06 April 2020
ބައުވެ ވެއްޓެންވެފަ ހުންނަގޭގޭ ފާރު ތަންކޮޅެއްމައްޗަށް ހިއްލާލާފަ ޑެކުއަޅާފަ ގެސްޓް ހައުސް ގަދައިގެން އެބަހިންގައޭ. ކޮންތާކުން ކޮން ވުޒާރާއަކުން ކާކުތޯ މިކަންކަންބަލައި ފިޔަވަޅެއް އަޅަނީ. ތަންބޮލަށްވެއްޓި ބަޔަކު ފުރާނަދިޔައިމަ ބުނާނެ މަރުވެގެން ވަޅުލައިފިޔޭ. ގަވައިދު ހަދަން ވީއޭ.
ފޫބި
06 April 2020
ތިޔަހެން ހެދުމުން އަނެއްކާވެސް މިމީހުންގެ އަތްދަށު ތިޔަވަނީ. ރޭޑިއޯ ޓީވީ އިން އެމީހުންގެ ބަހުން އެނައުންސްކުރޭ ރަސްމީ އެއްވެސްލިޔުމެއްނެތްނަމަ އާއްމުހިދުމަތް ނުލިބޭނޭ. އޭރުން އެމީހުންގެ ޕާސްޕޯޓް ކޮޕީތައް ހޯދާނެ އަދި އެމްބަސީއަށްގޮސް ޕާސްޕޯޓްވެސް ހައްދާނެ.
އައްޔަ
06 April 2020
ސަރުކާރަކަށް ހުރިހާ ބަންގާޅީން ގޮސް ގޮޅިއަކަށް ނުލެވޭނެ. އެކަމަކު ދޭތެރެއަކުން ގަވާދާ ހިލާފަށް އުޅޭ ބަންގާޅިން ހިފާ ހަފްތާއަކަށް ޖަލަށް ލާފަ ފުރަން ނަސޭހަތްދީ ދޫކޮށްލަބަލަ. އޭރުން ހަފްތާއިން ހަފްތާއިން ބަންދުވަންޏާވެސް އެމީހުން މިތާ ތިބޭކަށް ބޭނުމެއް ނުވާނެ. މިތާ މާ އުޅެން ފަސޭހައީ އަސްލު. ކޮންމެވެސް ހައްލެއް ހޯދަބަލަ. ތިތިބީ ސިކުނޑި ރަނގަޅު ޒަމާނީ ވިސްނުމުގެ މީހުނެއްނު ވެރިކަމުގަ.