ރައީސް އިބްރާހިމް މުހައްމަދު ސޯލިހު، ޓާސްކް ފޯހުގެ އިސްވެރިންގެ ބައްދަލުވުން މުލީއާގޭގައި ރޭ ވާޗުއަލްކޮށް ކުރިއަށް ގެންދަވާއިރު، އަރިހުގައި ރައީސް އޮފީހުގެ ޗީފް އޮފް ސްޓާފް އަލީ ޒާހިރު މަޑުކޮށްލައްވައިގެން.
16 އެޕްރީލް 2020 - 09:06
13 comments
ކޮވިޑް-19 ގައި ރާއްޖޭގެ ހާލަތާ ގުޅޭގޮތުން ސަރުކާރުގެ އެކި ފެންވަރުގެ އިސްބޭފުޅުންނާ އެކު މަޝްވަރާ ކުރެއްވުމަށް ރައީސް އިބްރާހިމް މުހައްމަދު ސޯލިހު ކޮންމެ ރެއަކު ބާއްވަވަމުން އަންނަ ޓާސްކް ފޯސް ބައްދަލުވުން، ވާޗުއަލްކޮށް ކުރިއަށް ގެންދަން ރޭ ފަށައިފި އެވެ.
ކޮވިޑް-19 އާ ގުޅޭ ގޮތުން ކަންކަން ނިންމެވުމުގެ މަޝްވަރާތައް ރައީސް ފުރަތަމަ ބޭއްވެވީ ރައީސް އޮފީހުގަ އެވެ. އެ ބަލިން ރައްކާތެރިވުމަށް އަޅާ ފިޔަވަޅުތަކުގެ ތެރެއިން ސަރުކާރުގެ އޮފީސްތައް މިދިޔަ މަހުގެ 19 ގައި ބަންދުކުރުމާ ހަމައަށް ކޮންމެ ދުވަހެއްގެ ހަވީރު ރައީސް ގެންދެވީ ކަމާ ގުޅުން ހުރި އިދާރާތަކުގެ އިސްވެރިންނާ އެކު ބައްދަލުވުމެއް ބާއްވަވަމުންނެވެ. ނަމަވެސް ސަރުކާރު އޮފީސްތައް ބަންދުކުރަން ނިންމުމުން ބައްދަލުވުންތައް ބަދަލުކުރެއްވީ، އެ މަނިކުފާނު ދިރިއުޅުއްވާ ރަސްމީ ގެކޮޅު މުލީއާގެ އަަށެވެ. އޭގެ ފަހުން ކޮންމެ ރެއެއްގެ 9:30 ން 12 އަށް މުލީއާގޭގައި މެދުކެނޑުމެއް ނެތި ބައްދަލުވުން ބާއްވަވައި ކޮވިޑް-19 އާ ގުޅޭ މުހިންމު ނިންމުންތައް ނިންމަވަ އެވެ.
Tonight,Policy Task Force on #covid19 chaired by President @ibusolih met virtually to discuss current situation of community spread of the virus. We are in lock-down & taking all precautions. Please follow advice from authorities & #StayHomeStaySafe. Together we'll overcome this! pic.twitter.com/mz4fS1mKl2
— Abdulla Shahid (@abdulla_shahid) April 15, 2020
ފޮރިން މިނިސްޓަރު ޝާހިދު، ޓާސްކް ފޯހުގެ އިސްވެރިންގެ ރޭގެ ބައްދަލުވުމުގައި އޮންލައިންކޮށް ބައިވެރިވެވަޑައިގަންނަވަނީ.
ޓާސްކް ފޯހުގައި، ރައީސާއި ނައިބު ރައީސް ފައިސަލް ނަސީމްގެ އިތުރުން ކަމާބެހޭ އެކި ވަޒީރުންނާއި ޓެކްނިކަލް އެގްވައިޒަރީ ގްރޫޕް (ޓެގް) ގެ މެމްބަރުންނާއި ސަރުކާރުގެ އެކި އިދާރާތަކާއި ކުންފުނިތަކުގެ އިސްވެރިން ހިމެނިވަޑައިގަންނަވަ އެވެ. ކޮވިޑް-19 އާ ގުޅިގެން އަޅަންޖެހޭ ފިޔަވަޅުތަކާއި ނިންމަންޖެހޭ ކަންތައްތައް ރައީސް އިބްރާހިމް މުހައްމަދު ސޯލިހު ނިންމަވަމުން ގެންދަވަނީ އެ ޓާސްކް ފޯހުގެ މަޝްވަރާގެ މަތިންނެވެ. އަދި ބަލީގެ އެންމެ ފަހުގެ މައުލޫމާތާއި ރާއްޖޭގައި އަޅާ ފިޔަވަޅުތައް މި ބައްދަލުވުމުގައި ކޮންމެ ރެ އަކު ވެސް އެ މަނިކުފާނާ ހިއްސާ ކުރެ އެވެ.
ކޮވިޑް-19 އާ ގުޅޭ ގޮތުން އުފައްދާފައިވާ ޖޮއިންޓް ޓާސްކްފޯހުން އިއްޔެ ރޭ މުލިއާގޭގައި ބޭއްވި ބައްދަލުވުމުގައި ބައިވެރިވެރިވެވަޑައިގެންނެވި ބައެއް ބޭފުޅުން.---ފޮޓޯ: ރައީސް އޮފީސް
ރައީސް އިބްރާހިމް މުހައްމަދު ސޯލިހު ބާއްވަވާ ޓާސްކް ފޯހުގެ ބައްދަލުވުން އޮންލައިންކޮށް ކުރިއަށް ގެންދަން ރޭ މި ފެށީ މާލެ އިން ކޮވިޑް-19 އަށް އިއްޔެ މީހަކު ޕޮޒިޓިވްވެ، ކޮންޓެކްޓް ޓްރޭސިން އާއި އެހެނިހެން ކަންކަން ކުރުމަށް އިއްޔެ މެންދުރު 2:30 ން ފެށިގެން 24 ގަޑިއިރަށް މާލެ ލޮކްޑައުން ކުރުމުންނެވެ.
އެ މީހާގެ ކޮންޓެކްޓް ޓްރޭސިންގެ ތެރެއިން އިތުރު ދެ މީހަކު މާލެ އިން މިހާތަނަށް ވަނީ ކޮވިޑް-19 އަށް ޕޮޒިޓިވްވެފަ އެވެ. އެއީ ފުރަތަމަ ޕޮޒިޓިވްވި އަންހެން މީހާގެ ތުއްތު ދަރިފުޅާއި އަންހެން މީހާއާ ޑައިރެކްޓް ކޮންޓެކްޓްވި މީހެއް ކަމަށް އެޗްޕީއޭ އިން ބުނެ އެވެ. ތުއްތު ދަރިފުޅުގެ އުމުރުން އަދި ދެ އަހަރު ވެސް ނުވެ އެވެ.
ކޮވިޑް-19 އަށް ޕޮޒިޓިވް މީހަކު މާލެއިން ފުރަތަމަ ފަހަރަށް ފެނުމާ ގުޅިގެން ގައުމާ މުހާތަބުކުރައްވައި ވާހަކަފު ޅުދައްކަވަމުން ރައީސް އިއްޔެ ވަނީ ކަމާބެހޭ އިދާރާތަކަށް ރައްޔިތުން އެއްބާރުލުން ދިނުމަށް އެދިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
16 April 2020
ރަޢިސް މީހާ މީ ވަރަށް ޕަބްލިކް ސްޓަންޓް ޖައްސާ މީހެއް. ރައީސް އޮފީހުގަ އުޅޭ އެމްޑީއެން ގްރޫޕް އަންގާގޮތް ކަންނޭގެ
ޔޔތރ
16 April 2020
އަހަރެމެނައް ކާއެއްޗެތި ނުލިބޭ.މިކަމާއި ވާހަކަވެސް ދައްކަވާތި
ޢެހެންތަ ހީވަނީ
16 April 2020
ލޮކްޑައުންނޭ ކިޔާއިރު މަގުމަތީ ބަގްލަދޭސް މީހުންތައް ވީޑިޔޯ އެއް އާއްމުކޮއްލީމަތަ ގަބޫލު ކުރާނީ .ފުލުފުލުން މަގުމަތީގަ . މީމިގައުމުގަ ވަކި ހާއްސަކަމެއް ދެވިފަވާ ބަޔަކީތަ .
އެކްޓިވިސްޓް
16 April 2020
ބަޔަކު ކޮއްމެގޮތަކަށްއުޅުނަސް ޞިއްޙީ މާހިރުންގެ އިރުޝާދާއި އެއްގޮތަށް ޢަމަލުތައްބަހައްޓައިގެން އަޅުގަނޑުމެން އަޅުގަނޑުމެންގެ ގޭގައި ތިބެމާ، އެއިރުން އަޅުގަނޑުމެންނަށް އަޅުގަނޑުމެންގެ ރައްކާތެރިކަން ކަށަވަރުވާނެ، އެކަމަކު އޭނާދިއައީ ކޮންތަނަކަށްތޯ މީނައައީ ކޮންތަނަކުންތޯ މިގަޑީގައި މަގުމަތީގައި އުޅޭބައެއްބަލަން މަގުމައްޗަށް އަޅުގަނޑުމެންނިކުމެ ފާރަވެރިވާން އުޅެގެންފިނަމަ އަޅުގަނޑުމެންނަކީވެސް އެވައިރަސްގެ ޝިކާރައަކަށްވުން ވަރަށްގާތް
މީމަގޭ ހިޔާލު
16 April 2020
ބަންގާޅުން އަންނަ ދެމަނަވަރަށް ލާފަ ތީގެން ބައެއް ފޮނުވާލަން ޕްލޭންކުރުން މުހިންމު
ތުނިޔަ
16 April 2020
މިއީ އެއްމެންވެސް ކެތްތެރިވާންވީ ވަގުތު...މިފަދަ ވަގުތެއްގައި އެއްވެސްކަމެއް އެއްމެފުރިހަމަ ނުވެދާނެ..ޝަކުވާނުކޮށް އިހަށް މަޑުކޮށްލަމާ!
ޙުއްބުލްވަޠަން
16 April 2020
މީ ސަރުކާރުން ވަރަށް ފުންކޮށް ވިސްނަންވީ ވަގުތު. މިދިޔަ އަހަރު ނިމެން އުޅެނިކޮށް މާލޭގެ ބޮޑު އަލިފާނުގެ ޙާދިސާއެއް ހިނގީ. މިއަދު މުޅި ދުނިޔެއަށް ފެތުރިގެންދާ މި ބަލިމަޑުކަމުގައިވެސް ރާއްޖޭގައި އެންމެ ބޮޑު ނުރައްކަލެއް އޮތީ ތޮއްޖެހިފައިވާ މާލޭ ސަރަހައްދު. އަދި ސިޔާސަތުތައް ކަނޑައެޅިފައިވަނީ މާލެ ސަރަހައްދަށް ވަޒީފާ އިތުރުކޮށް މީހުން މާލެ ސަރަހައްދަށް ޖަމާކުރުނު. މިކަން އެބަޖެހޭ ބަދަލުކޮށް ދުރުރާސްތާއެއްގައި ދިވެހިންނަށް ރަގަނޅު ގޮތެއް ހޯދުން.
ބްރިޖް އަޅާނަން ފކ
16 April 2020
ތިޔާރުން ބޮޑުން ކިހިނެއް މަސަކަތެއް ނުކޮށް ކުލި ބޮއިގެން ޔޫރަޕްގައި އުޅޭނީ؟
އެކްޓިވިސްޓް
16 April 2020
ދިޔަދޮވީގެ ދެކޮޅުންފެންނުނަގާ ހަމައެއްކޮޅުން އެއްތާނގީއަކަށް ފެންނެގުމުގެ ސިޔާސަތު ދަމަހައްޓަންދޯ އަދިވެސް މަސައްކަތްކުރަމުންދަނީ ، އެކަމަކު ދިޔަދޮވީގެ ދެކޮޅުންނާއި މެދުތެރޭ އެކި ދިމަދިމާލުގައި "ޓީ" ޖޮއިންޓްތައް ޖަހައިގެން ފެންނެގޭނެގޮތްހަދައި އެއްމެންނަށް ހަމަ ހަމަ އުޞޫލުން ފެންލިބޭނެގޮތްހަަދާވާހަކައަކީ ކޮއްމެ އިންތިޚާބަކާއިދިމާކޮށް އިވޭ ވަރަށްބާރުގަދަ އަޑެއް
ލޮކީ
16 April 2020
އަހަރުމެން ހީކުރީ ވަރަށް ރަގަޅަށް ތައްޔާރުވެފައޭ އޮންނާނީ އެކަމަކު ކުންޏެއް ނޫކޭ ފުޑް ޑިލިވަރީ ކުރާ ފަރާތްތަކުން ފުޑް ޑިލިވަރީ އެއް ނުކުރެވޭ، އެސްޓީއޯ ގެ ސައިޓް ގައި ބުނަނީ ޑިލިވަރީ ޓީމަށް ހުއްދަ ހޯދަނީއޭ. 2.30 ގައި ޑީޖީ މީހުން ނުކުމެ އުޅުން ވަގުތުން މަނާކުރި. ޕޮލިހުން މީހުންނަށް 3.30 ގެ ފުރުސަތެއް ދިން. މިހާރު ލޮކްޑުން ހަމަވަނީ 2.30 ގެ ބަދަލުގައި 3.30 ގައި ކަމަށް ބުނޭ. އެއްވެސް ކޯރޑިނޭޝަން އެއް ނެތް. ތަންކޮޅެއް އޯރގަނައިޒްޑް ކޮށްލައްވާ ޕްލީސް.
ވޮޗްޑޯގް
16 April 2020
މާއިތިރިވެގެން ހުރޭ. ކުނި ވެސް އުކޭނެ. ފުޑް ވެސް ޑެލިވަރީ ވާނެ. ފިހާރަތަކުން ވެސް ޑެލިވަރީ ކުރާނެ. އޯގަނައިޒް ކުރާ ފަރާތްތަކަށް އެއްބާރުލުންދީ. ވެމްކޯގެ ނިއުސް ކޮންފޮރެންސެއް ވެސް އޮންނާނެ ރޭގައި ޓީވީއަށް އަރާ ދެން އަމަލުކުރާނެ ގޮތް ވެސް ކިޔާދިން.
މައިތިރި
16 April 2020
ވޮޗްޑޯގް އަށް ތިކިޔޭ އެއްޗެއް އެނގޭތަ؟ މައިތިރިވެގެން މިތިބީ. އެކަމަކު މީގެ ދެތިން ހަފުތާކުރިން ޑެލިވަރީ ކުރާ މީހުން ހޯދި ވާހަކަ، ކާޑު މަދުނުވާނެ ވާހަކަ، ދަތި އެއްވެސް ކަމެއް ނޯންނާނެ ވާހަކަ މިހެން ގޮސް ނުކަނޑާކަށް ފޮންޏެއް ނެތް. އެކަމަކު ފެށުނީމާ ތިޔަ ބުނީ އޮގަނައިޒްކުރަނިއްޔޭ.
އެކްޓިވިސްޓް
16 April 2020
ދިވެހިން ދިވެހިންގެ ގޮތުގަ، އެއްމެ ބަޓަނަކަށް ފުރަތަމަ ފިތާލާ ފުރަތަމަ މިނިޓްތެރޭގައި ހުރިހާކަމެއް ފުރިހަމަވެގެން ގޭ ސިޓިންގރޫމަށް ޖަމާވާންޖެހޭނެ، އެއުޅެނީ ކޮއްމެވެސް އެއްޗެކޭކިއައިގެން ހަމަ މަގުމައްޗަށް ނުނިކުމެވިގެން، މަގުމައްޗަށްހޭނިފަތިބޭމީހުން މަގުމައްޗަށްނުނިކުމެ ލޮލަށް ނިދިވެސް ނާންނާނެ، މާލޭގައި ދިރިއުޅޭ ދެލައްކައަށްވުރެ ގިނަމީހުންނަށް އެއްމެ ދިހަ ބާރަ ފިހާރައަކުން ޑެލިވަރކޮށްދޭނެގޮތް ނިިކަންރަނގަޅަށް ވިސްނާލާފަ ކެތްތެރިކަން އިސްކުރޭ