ސަން އައިލެންޑް ރިސޯޓުގެ ޖެޓީމަތިން ޓޫރިސްޓުންތަކެއް ހިންގާފައި ދަނީ: ރާއްޖޭގެ ގިނަ ރިސޯޓުތައް ވަނީ ބަންދުކޮށްފައި.
23 އެޕްރީލް 2020 - 19:05
92 comments
ކޮރޯނާވައިރަސްއާ ގުޅިގެން ރާއްޖޭގެ އިގްތިސޯދަށް ކުރިމަތިވެފައިވާ ދަތިތަކާ ހެދި، މި މަހުން ފެށިގެން ކުރިއަށް އޮތް ތިން މަހު ވިލާ ޝިޕިން އެންޑް ޓްރޭޑިންގެ މުވައްޒަފުންނަށް ކޮންމެ މަހަކު ދެވޭނީ ކޮންމެ މީހަކަށް 1،000ރ. ކަމަށް ނިންމައިފި އެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ ކުންފުނިން ނެރުނު ސާކިއުލާއެއްގައި ބުނީ، މިދިޔަ މާޗް މަހުގެ ބޮޑުބައެއްގައި ރިސޯޓުތަކުގެ އޮކިއުޕެންސީ ދަށްވެ، އާމްދަނީ ވަރަށް ބޮޑު ތަނުން ދަށް ވިޔަސް، އެ މަހުގެ މުސާރަ އާއި އިނާޔަތްތަކުން އެއްވެސް އަދަދެއް އުނިކޮށްފައި ނުވާނެ ކަމަށެވެ.
ކޮވިޑް-19 އާ ގުޅިގެން، ކުރިމަތިވެފައިވާ އިގްތިސޯދީ ދަތިތަކުގެ ސަބަބުން، ވިލާގެ ހުރިހާ މުވައްޒަފުންގެ މުސާރަ 10-15 ޕަސެންޓަށް ކުޑަ ކުރުމަށް ކުރިން އޮތީ ނިންމައިފަ އެވެ.
އެކަމަކު، މިހާރު އެ ކުންފުނިން ނެރުނު ސާކިއުލާގައި ބުނީ، ރިސޯޓުތަކަށް އާމްދަނީ ލިބޭނެ އެއްވެސް ގޮތެއް ނެތުމުން މި މަހުން ފެށިގެން އެ އުސޫލަށް އަމަލުކޮށްގެން ވެސް މުސާރަ ދެވެން ނެތް ކަމަށެވެ. އެހެންވެ، މި މަހާއި މޭ އަދި ޖޫން މަހު ކޮންމެ މުވައްޒަފަކަށް ދެވޭނެ ކަމަށް ބެލެވެނީ 1،000ރ. ކަމަށް ސާކިއުލާގައި ވެ އެވެ. ނަމަވެސް ރޯދަ މަހުގެ އިނާޔަތާއި ސާވިސް ޗާޖު އެ މުވައްޒަފެއްގެ އެކައުންޓަށް ޖަމާކުރުމަށް ފަހު، އެ ކަން އަންގާނެ ކަމަށް ވިލާ އިން ބުންޏެވެ.
"ޖޫން 2020 ގެ ނިޔަަލަށް ރިސޯޓުތައް އޮޕަރޭޝަނަށް ނުގެނެވި، އާމްދަނީ ލިބޭނެ ގޮތެއް ނުފެނިއްޖެ ނަމަ، މުވައްޒަފުންގެ ވަޒީފާއާ މެދު ގޮތެއް ނިންމައި އެކަން ކޮންމެ މުވައްޒަފަކަށް ވެސް އަންގަމުން ގެންދާނެ އެވެ،" ސާކިއުލާގައި ވެ އެވެ.
"މި ނިންމުމަކީ މިހާތަނަށް މި ކުންފުނިން ނިންމަން ޖެހުނު އެންމެ އުނދަގޫ ނިންމުމެވެ. މި ގޮތަށް މި ނިންމުން ނިންމީ ވެސް މި ހާލަތުގައި އެއްވެސް މުވައްޒަފަކު ވަޒީފާ އިން ދޫކޮށްލަން ބޭނުން ނުވާތީ އާއި ކުންފުންޏަށް އެއްވެސް ފައިސާއެއް ހޯދުނަސް އެ ފައިސާއެއް ހަމަހަމައަށް ހުރިހާ މުވައްޒަފުންގެ މެދުގައި ހިއްސާ ކުރުމުގެ މަގްސަދުފަ އެވެ.
"ޖޫން 2020 ގެ ނިޔަަލަށް ރިސޯޓުތައް އޮޕަރޭޝަނަށް ނުގެނެވި، އާމްދަނީ ލިބޭނެ ގޮތެއް ނުފެނިއްޖެ ނަމަ، މުވައްޒަފުންގެ ވަޒީފާއާ މެދު ގޮތެއް ނިންމައި އެކަން ކޮންމެ މުވައްޒަފަކަށް ވެސް އަންގަމުން ގެންދާނެ އެވެ،"
ވިލާ އިން ބުނިގޮތުގައި، އެއްވެސް ގޮތަކުން ފައިސާ ލިބޭނެ ގޮތް ހަމަޖެހިގެން، މިހާރު ކަނޑައަޅާފައިވާ އަދަދު އިތުރު ކުރެވޭނެ ގޮތެއް ފެނިއްޖެ ނަމަ، މުސާރަ ދޭނީ އިތުރަށް ލިބޭ ބަޔާ އެކު އެވެ.
ކޮވިޑް-19 އިން ރައްކާތެރިކަމުގެ ފިޔަވަޅު އެޅުމަށްޓަކައި ރާއްޖޭގެ ގިނަ ރިސޯޓުތައް ބަންދުކޮށްފައިވާތާ މިހާރު މަހަކާ ކައިރިވާއިރު، ގިނަ ބައެއްގެ އަތްމަތި ދަތިވެ، އަދި ތިބީ އިގްތިސޯދީ ގޮތުން ދެން ވާނެ ގޮތް ނޭނގުމެއްގެ ތެރޭގަ އެވެ.
ވިލާ ކުންފުނީގެ ދަށުން ފަސް ރިސޯޓެއް ހިންގަ އެވެ. އޭގެ ތެރެއިން ތިން ރިސޯޓުވަނީ ސަރުކާރަށް ކަރަންޓީން ފެސިލިޓީތަކުގެ ގޮތުގައި ދޫކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟާސް
24 April 2020
އެމެރިކާގެ ކުންފުނިތަކުން އެ ކަނޑާލީ އެއްދުވަހު 20 މިލިއަން މީހުން. މިތާނގެ ކުންފުނި ތަކަށް ފާއިސާ ލިބެނީ ބޭރު މީހުން ޗުއްޓީ ހޭދަ ކުރަން އައީމާ. މިހާރް އެކަމެއްނެތް. ނުލިބޭ އެއްޗެއް އެހެން މީހަކަށް ނުދެވޭނެ. ވަކި ހިސާބަކުން ސަރްކާރަށްވެސް މުސާރަ ނުދެވޭނެ. ސަރްކާރަށް ފާއިސާ ލިބެނީ ޓުއަރިމުން ލިބޭ ޓެކުސް ފާއިސާއިން. މިހާލަތު ބަދަލް ނުވަންޏާ މުޅި ޤައުމު ބަނޑަށް ޖެހޭނެ. އިޤްތިސާދީ ޕުލޭނެއްނެތި ހިންގާ ޤައުމެއް މީ. ލިބުނީމާ ކާލާ ނިދާލަނީ.
ސަމާލުވޭ
24 April 2020
އަހަރެން ސިޔާސީ ގޮތުން ސަޕޯޓުކުރާ މީހެއް ނޫން ގާސިމްއަކީ އެހެނަސް ލިބޭ އެއްޗެއް އެންމެނަށް ބަހާލައިގެން ވަޒީފާއިން މިވަގުތު ވަކި ނުކުރާތީ އެކަމަށް ވަރަށް އިހްތިރާމްކުރަން.
ޖަވާހިރު ދޮންބެ
24 April 2020
މިފަދަ ނާޒުކު ދަނޑިވަޅުތަކުގަވެސް ވެރިކަމޭ ކިޔައިގެން ދިމާކުރެވޭތޯ ބަލަންވާނެ. ބުނެލަންއޮތީ, ތަޖުރިބާ އާއި ކަންކަމުގައި ނަތީޖާ ނެރެން އެނގުމާއި, ތަރައްޤީގެ ސިނާޔަތްތަކުގައި ދުރުވިސްނުންހުރިވަރަށްބަލާއިރު ޤާސިމާ ކައިރިއަށްވެސް ވެރިކަމަށް ހިފާފަތިބި މީހުންނަށް ނާދެވޭކަން. ދޫ ފަރިތަވުމާއި ފޮނިކަނޑަން އެނގުމަކީ މުޅިންއެހެންކަމެއް.
ހެޔޮއެދޭ މީހާ
24 April 2020
ބުނަންތަ. ޤާސިމަށް އަދިވެސް ކަމެއްކުރެވުނަސް ކުރެވޭނީ. ފައިސާނެތީމަ ދަތިވާނެ މަގޭ އާއިލާއަށްވެސް. ދެން ތިޔާއުޅޭ މީހުންނަކީ ބާރުލިބުނީމަވެސް ހަރުދަނާގޮތެއްގައި ސިނާޔަތްތަށް އުފަށްދަންވެސް ނޭނގޭ ފޮނިކަނޑާ މީހުން. ހީވަނީ ތިޔައުޅޭ ސިޔާސީ ބޭފުޅުންނަކީ ލައްކަ ކަންތައް ކޮށްދީފަތިބި ބައެއްހެން. ބާރު ދިނީމަ މަށަށްވެސް އެނގޭނެ ބުނަން އެހެންހަދާ މިހެންހަދާ, މަގޭ ޕާޓީ ކުދިންނަށް ވަޒީފާދީ.
ސިޔާސީ ހާސަރު
24 April 2020
މި ދަނޑިވަޅުގަވެސް ސިޔާސީ ކުދިންތައް ތިއުޅެނީ ޤާސިމު ކުރިމަތިލާފާނެތީ އެކަމާއި އެއްޗެތިގޮވުމުގައި. ދެން ކުރިމަތި ލައިގެންތިބި ފަރާތްތަކަކީ ކިތައް މީހުންނަށް ވަޒީފާދީ މުސާރަދެވުނު މީހުންތޯއެވެ. ބާރު ލިބުމުން ސިޔާސީ މަޤާމު ބަހަންއެގޭނެ މަގޭ 10 އަހަރުގެ ދަރިއަށްވެސް.
އާރިޔާ
24 April 2020
މިކަމަކީ މި ހީވެސްނުކޮށްހުއްޓާ ދިމާވި ފައިސާގެ ދަތިކަމެކެވެ. މީގެ މާނައަކީ ކުރިން ފައިދާނުވާ ވާހަކައެއްވެސްނޫނެވެ. އަހަރެންގެ ސްޓާފުންކޮޅަށްވެސް ހަދާނެގޮތެއް ނޭންގިގެން މިއުޅެނީ. ވަރަށްދެރަވޭ. ބޭންކުން ބުނަނީ ފައިސާއެއްނެތޭ. ސަރުކާރަށްދީފަ އަހަރެމެންކަހަލަ ވިޔަފާރިތަކަށް ދެވޭނީ ވަރަށްކުޑައެއްޗެކޯ. ސަރުކާރު ބަލަހައްޓަންވެސް މިޖެހެނީ ކޮމާރޝަލް ބޭންކުތަކަށް.
ހާސަރުބެ
24 April 2020
ދެރަކަމެއްދޯ. ނަމަވެސް ހިތާމައަކީ ޤާސިމުގެ ސިޔާސީ ހަޔާތާއި މިކަމާ ގުޅުވައިގެން ކޮމެންޓްކުރާތީ. ހީވާނީ އެހެން ސިޔާސީ ވެރިންނަކީ މިފަދަ މާބައިވަރު ކަންތައްކޮށް އެމީހުންގެ ހަޔާތުގައި ވަޒީފާތަކެއް އުފައްދާ މުސާރަތަކެއްދީފަ ތިބި ބައެއްހެން.
އިލްޔާސް
24 April 2020
މިއަކީ މިއަދު ވިލާގެ އެކަނި ހާލަތެއްނޫނެވެ. ސަރުކާރުންވެސް މުސާރަ އެދެނީ ހުރެގެންނެތްނޫނެވެ. އަމިއްލަ ކުންފުނިތަކަށް ފައިސާނެތިއްޔާ ކޮށްދެވޭނެކަމެއް ނޯންނާނެއެވެ.
ާާާޢކކ
24 April 2020
ހުރިހާ އަހަރަކުު މިލިޔަނުން ފައިދާ ، މިހާރުވެސް ސިޔާސީ ކަންކަމުގައި މިލިޔަނުން ހަރަދުކުރެވޭ އެކަމު މުވައްޒަފުން ނިކަމެތިވިދުވަހު ނެރިއެއްލާޅީ.
ސާރާ
24 April 2020
މިއަކީ ސިޔާސީ ކަމަކަށްހަދައިގެން ވާހަކަދެއްކުމުގެ މާނައެއްނެތެވެ. މިއަކީ ޤައުމުގެ ހާލަތެވެ. ވެރިކަމަށް ހިފާފަތިބި މީހުންނަކީ އަމިއްލަ ހއިސިއްޔަތަކުން ޤާސިމަށްކުރެވުނުވަރުގެ ބައިކުޅަބައިވެސް ކޮށްދެވުނު މީހުންނެތްނޫނެވެ.