ފިނޭންސް މިނިސްޓަރު އިބްރާހިމް އަމީރު ނޫސްވެރިންގެ ބައްދަލުވުމެއްގައި ވާހަކަދައްކަވަނީ-- ފޮޓޯ: އަހުމަދު އަވްޝަމް އިލްޔާސް/މިހާރު
23 އެޕްރީލް 2020 - 19:30
15 comments
ރާއްޖެ އަށް ވެސް ކޮރޯނާވައިރަސް ފެތުރި، ކުރިމަތިވެފައިވާ އިގްތިސޯދީ ދަތިތަކުން އަރައިގަތުމަށްޓަަކައި ބޭރުގެ މާލީ އިދާރާތަކުން 215 މިލިއަން ޑޮލަރު ހޯދުމުގެ މަސައްކަތް ކުރަމުން އަންނަ ކަމަށް ފިނޭންސް މިިނސްޓްރީން މިއަދު ބުނެފި އެވެ.
ރާއްޖޭގެ އިގްތިސާދާއި ދައުލަތުގެ މާލިއްޔަތަށް ކުރާނެ އަސަރާ ގުޅޭ ގޮތުން އާންމުކޮށްފައިވާ ރިޕޯޓުގައި ބުނީ، މާލީ އެހީތެރިކަން ހޯދުމަށްޓަކައި ސަރުކާރުން މާލީ އެކި ދާއިރާތަކާ އެކު އަންނަނީ މަޝްވަރާ ކުރަމުން ކަމަށެވެ. މީގެ ތެރެއިން ބައެއް އެހީތައް މިހާރު ވަނީ ލިބިފަ އެވެ.
މިހާތަނަށް މީގެ ތެރޭގައި ވޯލްޑް ބޭންކުން ހޯދާ، 30 މިލިއަން ޑޮލަރާއި އޭޝިއަން ޑިވެލޮޕްމެންޓް ބޭންކް (އޭޑީބީ) ގެ 27 މިލިއަން ޑޮލަރާއި އޭޝިއަން އިންފްރާސްޓްރަކްޗާ އިންވެސްޓްމެންޓް ބޭންކުން ފަސް މިލިއަން ޑޮލަރާއި އިންޓަނޭޝަނަލް މޮަނިޓަރީ ފަންޑް (އައިއެމްއެފް) އިން ހޯދާ 30 މިލިއަން ޑޮލަރާއި އޯޕެކް ފަންޑް ފޯ އިންޓަނޭޝަނަލް ޑިވެލޮޕްމެންޓް (އޮފިޑް) އިން ހޯދާ 20 މިލިއަން ޑޮލަރެވެ. އަދި އިންޓަނޭޝަނަލް ފައިނޭންސް ކޯޕަރޭޝަން (އައިއެފްސީ) އިން ހޯދާ 50 މިލިއަން ޑޮލަރާއި ސާކް ޑިވެލޮޕްމެންޓް ފަންޑުން ހޯދާ 1.5 މިލިއަން ޑޮލަރާއި ވޯލްޑް ހެލްތް އޮގަނައިޒޭޝަން (ޑަބްލިއުއެޗްއޯ) ގެ ހަތަރު ލައްކަ ޑޮލަރާއި ޔުނިސެފުން ހޯދާ 180،000 ޑޮލަރާއި އެޗްއެސްބީސީ އެސްޓީއޯ ޓްރޭޑް ފައިނޭންސް ފެސިލިޓީން ހޯދާ 25 މިލިއަން ޑޮލަރު ހޯދުމުގެ މަސައްކަތް އަންނަނީ ކުރަމުންނެވެ.
މާލީ އިދާރާތަކުގެ އިތުރުން ރަހުމަތްތެރި ގައުމުތަކާ އެކު ބައިލެޓްރަލް ގުޅުންތަކުގެ ތެރެއިން ފައިސާ އާއި ހިލޭ އެހީ ހޯދުމުގެ މަސައްކަތްތައް ވެސް ސަރުކާރުން އަންނަނީ ކުރަމުންނެވެ.
ކޮވިޑް-19 އާ ގުޅިގެން ރާއްޖޭގެ އިގްތިސާދީ ހަރަކާތްތައް އިންތިހާ އަށް ދަށްވުމާ އެކު މާލީ ގޮތުން ބޭރުގެ އެހީތަކަށް ވަރަށް ބޮޑަށް ބަރޯސާވާން ޖެހޭ ހާލަތަކަށް ވަނީ ގޮސްފަ އެވެ. ސިއްހީ ކަންކަމަށް ކުރަން ޖެހޭ ހަރަދުތައް ބޮޑުވުމާ އެކު، ސަރުކާރުން ވަނީ ކުރިން ބަޖެޓުގައި ޖެހި ކެޕިޓަލް ހަރަދުތަކާއި ބައެއް ރިކަރެންްޓް ހަރަދުތައް ވެސް ކުޑަކޮށްފަ އެވެ. ފިނޭންސް މިނިސްޓްރީން ބުނީ، މި ހާލަތުގައި ބޮންޑް ނުވަތަ ސުކޫކާއި ޓީބިލް ވިއްކައިގެން މާލީ ފައިދާ ހޯދުމަށް ދަތިތަކާ ކުރިމަތިވެފައިވާ ކަމަށެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަނާ
24 April 2020
ލިބޭހާލަރިއެއް ހަރަދުކުރަން ޖެހިފަ މިއޮތީ މުސާރައައް ސަރުކާރު ފެށެނީ އެތައްބަޔަކުވަޒީފާއިންވަކިކޮއް ވެރިކަންލިބުނު ޕާޓި ކުދިންނައްވަޒީފާ ދިނުމުން ބޮޑެތި މުސާރަ ލިބެންޖެހެނީ ސިޔާސީ މަގާމުތަކައް ކައުންސިލް ތަކުގެ މުސާރަވެސް އިންތިހާއައްބޮޑު ބަދަލުދެނީ ނުކަތާވަރައް މަސްރޫއުތައްހިންގަނީ ލޯނުނަގައިގެން ދަރަނި ވަނީ ބޮޑު 2008 ނިމިނު އިރު 12 ބިލިއަން ދަރަނި 2011 ނިމުނު އިރު 24 ބިލިއަން 2018 ގަ 50 ބިލިއަން މިހާރު 60 ބިލިއަން އަދިވެސް ...
ލެއްގި ކޮމިޝަނަރ
24 April 2020
ކޮބާހޭ އަބްދުއްﷲ ޝާހިދު ބޭރަށް ދަތުރު ކޮށްގެން ހޯދި 1 ބިލިއަން ޑޮލަރުގެ ހިލޭއެހީ. ހަމަ މިހާރު އެލާރިއަށް ވީގޮތް ދިވެހި ރައްޔިތުންނަށް އަންގާ. އެހީ ލިބުނީޔާ ލޯނު ނުނަގާ އެފައިސާ ބޭނުންކުރޭ. ނުލިބޭކަމަށް ވާނަމަ ރައްޔިތުންނަށް ދޮގު މައުލޫމާތު ދިނުމުގެ ކުށުގައި މަޤާމުން ވަކިކުރޭ. މަޤާމު ހަޥާލުކުރީ ދޮޅުއަހަރު ވާންދެން މުޅިދުނިޔެވަށާ ބުރުޖަހާކަށްނޫން. އަބުދުއްﷲ ޝާހިދު މަގާމުން ވަކިނުކުރީޔާ ގައުމުގެ ރައީސާ ދެކޮޅަށް މަހުސަރުދުވަހުންވެސް ދައުވާ ކުރާނަން
ބިލިޔަން
24 April 2020
އެއް ބިލިޔަން ޑޮލަރުގެ ހިލޭ އެހީ ލިބުނޭ ބުނީ ކާކު؟ އެވަރު ނުދޭނެ އެއްވެސް ގައުމަކުން. އެއް ބިލިޔަންގެ ކްރެޑިޓް ފެސިލިޓީއެއް ލިބުނު ވާހަކަ އޮތީ. އެއީ ބޭނުން ޖެހިއްޖެއްޔާ ލޯނުގެ ގޮތުގަ އެވަރަށް ނެގޭނެއޭ. އެކަމަކު އެއްވެސް އެއްޗެއް ނުލިބޭތާ އެހާ ބައިވަރު ލޯނު ނެގުމަކީ މާ ރަނގަޅުކަމަކަށް ނުވާނެ.
ޙަބީބު
24 April 2020
ރިސޯޓު މުވައްޒަފުންނައް ސެލިޔުޓްކުރަން މިހުރިހާދުވަހު ސަރުކާރައްބޭނުންވާ ޑޮލަރު ހޯދައި ދިނު މައް 24 ގަޑިއިރު އަނބިދަރިންނާ ދުރުގަ ތިޔަކޮއްދެއްވި ބުރަމަސަތްކަތައް ސަރުކާރުން އެބަޖެހޭ ކޮން މެ އަހަރެއްގެ ޓުވެރިޒަ މް ދުވަސް ފާހަގަކޮއް 20 އަހަރުވެފަތިބި މުވައްޒަފުންނައް ފައިސާގެ އިނާ މާ ރައިސް ދެއްވާ އިނާ މު ދެއްވަން ފުލުހުންނާ ސިފައިން ނައްވެސް އެހިދު މަތުގަ އެ މުސާރަ ސަނަހިޔާން ބޭސްފަރުވާ ދެވެނީ ރިސޯޓު މުވައްޒަފުންގެ ބުރަމަސަތްކަތުން
ހޭކެނޑޭ
24 April 2020
މަމމެން ރައްޔިތުންނަށް ހެޔޮ ކިތަންމެ ވަރަކަށް ލޯނު ނެގިއަސް. ލޯނު ނަގައިގެންވެސް ރައްޔިތުންގެ ފުރާނަ ސަލާމަތް ކުރެވޭ ބެލުން މުޙިންމު.
ކޮރަންޓީން
24 April 2020
ވޫހން ގައި މިބަލި ބާރައް ފެތުރެމުން ދަނިކޮށް މިހާރު އެހީއަށް ލިބިފައިވާ ޢަދަދުތަކަށް ވުރެ މާ ބޮޑެތި ޢަދަދުތަކެއް ކުންފުނިތަކަށް ދީފައި ވަނީ. އެފަދަ ގެއްލުމެއް އެކުންފުނިތަކައް ނުވޭނަކަން މި އެނގެނީ މިނާޒުކު ހާލަތުގައި އިޤްތިޞާދު ފުނޑިފައިވާތީ އިންޓަރެސްޓު ނާރާގޮތައްވެސް މިދިނީ އައި.އެމް.އެފް. އިން ވިއްސަކަށް މިލިއަން ޑޮލަރު. ފިނޭންސުން ވަނީ ގޯސް ހަދާފަ.
ޑެބްޓް ޓްރެޕް
24 April 2020
އައިއެމްއެފްއިން ބޮޑު އަދަދުތަކުން ދޭނީ ބޮޑެތި ޝަރުތުތަކާއެކު ދޭ ލޯނުތައް. ވަކިން ހާއްސަކޮށް މިއަދު ދުނިޔޭގެ ގިނަ ގައުމުތަކުން ލޯނުތައް ބޭނުންވެފަ ތިއްބާ. އޭރުން ސަރުކާރުގެ ހުރިހާ ހަރަދަކާ މުސާރައެއް ކުޑަކުރުމާ ބޭރުގެ ކުންފުނިތަކަށް ގައުމު އިތުރަށް ހުޅުވާލުމާ މިކަހަލަ ގިނަ ރައްޔިތުން ބޭނުންނުވާ އެތައް ކަމެއް ކުރަން ޖެހިދާނެ. ރާއްޖެއިން ހޯދީ އިންޓްރެެސްޓް އަދި ޝަރުތުތުވެސް ފްރީ ލޯނެއް.
ާަަނަސް
23 April 2020
އެއްބަޔަކު މިކިޔަނީ މިހާލަތުގަައި ހާލުގާޖެހޭ މީހުންނަށާއި ކުންފުނިތަކަށް ސަރުކާރުން އެހީ ނުވާ ވާހަކަ އަނެއްބަޔަކު ލޯނުނަގާތީ ކަންބޮޑުވަނީ. މި ރާއްޖެއްކީ މިކަހަލަ ކަމަކަށް ވިސްނައިގެން އިގްތިސާދު ބަންޓަންކޮށް ކޮށްފައިވާ ގައުމެއް ނޫން. ވީމާ ލޯން ނެގުން ނޫންގޮތެއް މިވަގުތު ނެތެވެ. މިކަމުގެ ބުލޭމް މިސަރުކާރަށް އެޅުން ރަގަޅެއް ނޫން.
ޖަހޯބަރާ
23 April 2020
ނަގަންއުޅޭ 215 މިލިއަން ޑޮލަރު ގެ ޕްލޭން އާއް މު ކުރުން މުހިއް މު.. މިހާލަތުގަ އެން މެ ރަނގަޅު ވާނީ ދެފުށްފެންނަ ސިއާސަތެއް ގެންގުޅުން..
ބޮޑުމީހާ
23 April 2020
މި ކާރިސާ ނިމޭއިރު ކުރިން އާދައިގެ ދިރިއުޅުމެއް އުޅުނު ކިތައް މީހުން މުއްސަދިވެފަވޭތޯ އޭސީސީން ބަލައިދޭތި
ޙުސާމް
23 April 2020
އަމީރު. ހިއްވަރާއި އެކު ކުރިޔަށް ވަޑައިގަންނަވާ. ތިކަހަލަ އިޚްލާސްތެރި ދަރިން ބޭނުންވަނީ މިޤައުމަށް. ޤައުމުގެ ތިބި އިޤްތިސާދީ މާހިރުން އެއްކޮށްގެން އެމީހުންގެ ލަފަޔާއި އިރްޟާދުވެސް އަޑު އައްސަވާތި. ކޮރޮޕްޓު ނުވާތި.
ކޮރައްޕްޓް
24 April 2020
ދެން އިތުރައް ވާނެ ކޮރައްޕްޓް އެއް އެބަ އޮއް ތޯ؟
ޖުބައިިރު
23 April 2020
ނާގާބިލްކަމުގެ ލާމަސީލް މީސާލެއް!