ހައި ކޯޓް: ސަސްޕެންޝަންގައި ތިބި ސިވިލް ސާވަންޓުންނާ މެދު ގޮތެއް ނިންމައިދޭން އެދި ސީއެސްސީން ހުށަހެޅި މައްސަލަ ބަލައިނުގަތުމަށް އެ ކޯޓުން ވަނީ ނިންމާފައި -- ފޮޓޯ/މިހާރު
23 އެޕްރީލް 2020 - 19:43
13 comments
މި އަހަރުގެ ލޯކަލް ކައުންސިލްތަކުގެ އިންތިޚާބަށް ކުރިމަތިލުމުގެ ސަބަބުން ސަސްޕެންޝަންގައި ތިބި ސިވިލް ސާވިސް މުވައްޒަފުންނާ މެދު ގޮތެއް ނިންމައިދޭން އެދި ސިވިލް ސާވިސް ކޮމިޝަން (ސީއެސްސީ) އިން ހައި ކޯޓަށް ހުށަހެޅި މައްސަލަ ބަލައިނުގަތުމަށް އެ ކޯޓުން މިއަދު ނިންމައިފި އެވެ.
މި މަހު ބާއްވަން ކުރިން ހަމަޖެއްސި ލޯކަލް ކައުންސިލްތަކުގެ އިންތިޚާބު ކޮވިޑް-19 އާ ގުޅިގެން މުއްދަތެއް ނެތް ގޮތަށް ވަނީ ފަސްކޮށްފަ އެވެ. ގާނޫނުގައިވާ ގޮތުން ކައުންސިލް އިންތިޚާބަށް ކުރިމަތިލާ ސިވިލް ސާވިސް މުވައްޒަފުން އިންތިޚާބު ނިމެންދެން ސަސްޕެންޝަންގައި ތިބެން ޖެހޭތީ އެ އިންތިޚާބަށް ކުރިމަތިލި ސިވިލް ސާވިސް މުވައްޒަފުން ތިބީ މުސާރަ އާއި އިނާޔަތްތައް ނުލިބޭ ގޮތަށް މުއްދަތެއް ނެތް ގޮތަށް ސަސްޕެންޑް ވެފަ އެވެ. އެހެންވެ، އެކަމަށް ހައްލެއް ހޯދައިދޭން ސީއެސްސީން ހައި ކޯޓަށް ހުށަހެޅީ މި ހަފުތާގަ އެވެ.
އެ ކޯޓުގެ މީޑިއާ އޮފިޝަލް އަމީން ފައިސަލް ވިދާޅުވީ އެ މައްސަލަ ބަލައިނުގަތުމަށް ނިންމީ އެއީ ހައި ކޯޓަށް ބެލުމުގެ އިހްތިސާސް ލިބިފައިވާ ބާވަތުގެ ދުސްތޫރީ މައްސަލައަކަށް ނުވާތީ ކަމަށެވެ.
އިންތިޚާބަށް ކުރިމަތިލުމުގެ ސަބަބުން މުއްދަތެއް ނެތް ގޮތަށް ސަސްޕެންޑް ވެފައި ތިބި ސިވިލް ސާވަންޓުންގެ މައްސަލައިގައި އިލެކްޝަންސް ކޮމިޝަނުން ވެސް ކުރިން އޮތީ ކަންބޮޑުވުން ފާޅުކޮށްފަ އެވެ.
ކައުންސިލް އިންތިޚާބު ފަސްކުރަން ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހެޅި ބިލުގައި ސަސްޕެންޝަންގައި ތިބި މުވައްޒަފުންގެ ސަސްޕެންޝަން އުވޭ ގޮތަށް ހިމަނާފައިވެ އެވެ. އެކަމަކު، އެ ބިލް މިހާތަނަށް ވެސް މަޖިލީހުން ފާސްކޮށްފައެއް ނުވެ އެވެ. އެ ބިލް އަވަހަށް ފާސްކޮށްދޭން މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ވެސް އޮތީ މަޖިލީހުގެ ރައީސް މުހައްމަދު ނަޝީދުގެ ކިބައިން އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުދިމު ކަތީބު
24 April 2020
ތަނެއް އޮތިއްޔާ ލާތި މަޑުން ތިބިނަމަ
އަހުމަދު ޒާހިރު
24 April 2020
މަޖްލީހުގެ ރައީސް އުޅުއްވަނީ ވެރިކަން ހޯދަން ވިއްޔާ. ދެ ކިިހިނެއް ކަމެއް ނިންމާނީ
ޙަސަނާ
24 April 2020
މަޖިލީހުގެ ރައީސް އަކީ ވެެރިމީހާ އަދި ސުޕުރިމްކޯޓުވެސް މެ ޔައުނީ ދިވެހިރައްޔިތުންގެ ހިތްތަކުގެ ރައީސް އަކީ މިގައުމުގެ ރަސްގެފާނެވެ.
ގަޓް ބްރޯ
24 April 2020
އިންތިކާބްތަކާ ގުޅިގެން އުފެދޭ މައްސަލަތަކުގަ ފަހުބަސް ބުނާފަރާތަކީ ހައި ކޯޓު. މިއީ ޤާނޫނު އަސާސީ ގަ ބުނާގޮތް. ދެން އިހްތިސާސްތެރޭ ހިމެނެންޏާ ހިމެނެންވީ! މަ ނެތިން ވަކި ގޮތެއް ނިންމާކަށް.
އަންބާނީ
24 April 2020
މިގައުމުގެ ކަންކަމާހަވާލު ވެގެން ތިބޭމީހުންނަކީ މުސާރަނަގައިގެން ޒިންމާއިން ރެކިގެން އުޅޭބައެއް
ނިޒާރު
24 April 2020
އިންތިހާބާ ގުޅިގެން ނިކަމެތިވީ މީހުންނެއް ނުތިބޭނެ. އިންތިހާބަށް ކުރިމަތި ލާއިރު އެގޭނެ ވަޒީފާ ސަސްޕެންޑުވެ މުސާރައާ އިނާޔަތްތައް ނުލިބޭނެކަން. އިންތިޚާބު ނުބޭއްވުނީ ބަޔަކު ކުރިކަމެއްގެ ސަބަބަކުންނޫން. ދިމާވެގެން އުޅޭ އިންސާނީ ބާރު ނުފޯރާ މަހާކާރިޘާ އެއްގެ ސަބަބުން. އެކަމުގެ ސަބަބުން އަސަރުކުރީ ހަމައެކަނި ސިވިލްސާވިސްގެ އިންތިޚާބަށް ކުރިމަތިލީ މީހުންނަކަށް އެކަންޏެއްނޫން. އެތައްހާސް ދިވެހި މުވައްޒަފުން އެތިބީ މުސާރައާ އިނާޔަތްތައް ނުލިބި.
ބޮޑުމީހާ
23 April 2020
ކޮބާތަ އެމީހުންގެ ބެލެނިވެރިފަރާތް ސިވިލް ސާރވިސް! ބަޔަކަށް މިއަށްވުރެ ބޮޑު އަނިޔާއެއް ދެވޭނެތަ! އިންތިހާބަށް ސަސްޕެންޑު ކުރި ބަޔަކު އަދިވެސް ސަަސްޕެންޝަނުގަ. އިންތިހާބު އޮތީ ކޮންއިރަކު ކަމެއް ނޭގެ
ޒެޑްވީ
24 April 2020
ބެލެނިފަރާތުން އެކަމަށް ހައްލެއްހޯދަން ހައިކޯޓަށްލީ. ސަސްޕެންޝަން އުވާލަން އޭޖީގެ ލަފާހޯދިކަމާއި ސަންސެޓްބިލް އަވަހަށް ފާސްކޮށްދިނުމަށް މަޖިލީހަށް ދެފަހަރު އެދިފައިވާނެކަމާއި އަދި އީސީ އާއެކު މަޝްވަރާކުރިވާހަކަ ސީއެސްސީގެ ބަޔާނުގަވޭ.
ރަމަޝަން މުބާރަކު
23 April 2020
ބޮލުން ނައްޓާ ތި.
ކަކުނިބޯ
23 April 2020
އެ މީހުންނަށްވެސް ދެން ލިބެންވާނީ 5000ރ ވޯޓްލާނި މުނީ މާ ދާއި މީ ހައްލު ލިބެންވާނީ އެހެންނޫނީ މަޤާ މާ ނުފޫޒުބޭނުންކުރު މަށް ޖާގަލިބޭ
އާސި އާ
23 April 2020
އަދިވެސް ހައިކޯޓު އިސްލާހު ކުރާކަށް ޖޭއެސްސީން ނޫޅޭތަ؟ ހައިކޯޓު އޮތީ ވަރަށް ބޮޑަށް ހަޑި ވެފައި
މުހައްމަދު..
23 April 2020
ތި ކޯޓް ތަކަކީ މިހާރު މަޖިލިސް ރައީސްގެ ޖީބުގައި އޮންނަ އެއްޗެއް، އެހެންވީމާ ތި އިންތިހާބާއިބެހޭ އެއްވެސް މައްސައެއް ބަލައެއްނުގަންނާނެ، އެއީ އެކަމަށް އެންމެ ފަހުބަސް އިއްވާނެ މީހަކީ ތިމަންނަ ކަމަށާއި މަޖިލީހުން ކަމަށް ބަސްފުޅުއިއްވާފަވަނީ.