އޭދަފުށީ ދާއިރާގެ މެމްބަރު އަހުމަދު ސަލީމް ކުރީގެ ރައީސް އަބްދުﷲ ޔާމީން އަރިހުގައި. ކުރީގެ ރައީސުންގެ އިނާޔަތް ދޫކޮށްލައްވަން ސަލީމް މިއަދު ގޮވައިލެއްވި.
26 އެޕްރީލް 2020 - 12:37
61 comments
ކޮވިޑް-19 އާ ގުޅިގެން ރާއްޖޭގެ އިގްތިސޯދު ބޮޑު އަޑިގަނޑަކަށް ވެއްޓިފައިވާ މިވަގުތު، ކުރީގެ ރައީސުންނަށް ދައުލަތުން ދޭ އިނާޔަތްތައް ދޫކޮށްލައްވަން ރައްޔިތުންގެ މަޖިލީހުގެ އޭދަފުށީ ދާއިރާގެ މެމްބަރު އަދި އިދިކޮޅު ޕީޕީއެމްގެ ޕާލަމެންޓްރީ ގްރޫޕްގެ ލީޑަރު އަހުމަދު ސަލީމް (ރެޑްވޭވް) މިއަދު ގޮވާލައްވައިފި އެވެ.
ސަރުކާރުގެ ކޭޝްފްލޯ ހަަމަޖެއްސުމަށްޓަކައި މަރުކަޒީ ބޭންކް (އެމްއެމްއޭ) ގެ ޕަބްލިކް އެކައުންޓް އޯވަޑްރޯ ކުރުމަަށްޓަކައި ގާނޫނީ ގޮތުން ލިބެން ޖެހޭ އިސްތިސްނާ ހޯދަން ސަރުކާރުން ރައްޔިތުންގެ މަޖިލީހަށް ހުށަހެޅި މައްސަލައިގެ މިއަދުގެ ބަހުސްގައި ސަލީމް ވިދާޅުވީ، ދައުލަތުން ދޭ ބޮޑެތި މުސާރަ އާއި އިނާޔަތްތައް ކުޑަކުރަންޖެހޭ ކަމަށެވެ. ދައުލަތުގެ ހަރަދު ކުޑަކުރުމަށްޓަކައި އެކަން ފަށަން ޖެހޭނީ ކުރީގެ ރައީސުންނާ ހަމައިން ކަމަށް އޭނާ ވިދާޅުވި އެވެ.
"ހަރަދު ކުޑަކުރުމުގައި އެންމެ ފުރަތަަަމަ ވެސް އަޅުގަނޑު ގޮވާލަން އެބަ، އަޅުގަނޑުމެންގެ ތެރޭގައި ރައީސްކަން ކުރައްވާފައި މި ތިބަ ހަތަރު ބޭފުޅުންނަށް ދޭ ފައިސާ މިހާރުން މިހާރަށް އުނިކޮށްލަން. އަޅުގަނޑުމެންގެ ތެރޭގައި މިތިބަ ރައީސުން ކިރިޔާ ވެސް ގައުމާ ދޭތެރޭގައި އިހުލާސްތެރިކަމެއް ހުރިއްޔާ އެ ބޭފުޅުން އަަމިއްލައަ ށް ވެސް އެބަ ޖެހޭ އެ [ފައިސާ] ދޫކޮށްލަން،" ސަލީމް ވިދާޅުވި އެވެ.
ކުރީގެ ރައީސުންގެ ގޮތުގައި މިހާރު ތިއްބެވީ މައުމޫން އަބްދުލްގައްޔޫމާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި މުހައްމަދު ވަހީދު އަދި އެންމެ ފަހުން ދައުރު ނިންމެވި އަބްދުﷲ ޔާމީނެވެ.
www.mvlaw.gov.mv
ކުރީގެ ރައީސުންނަށް ދައުލަތުން އިނާޔަތާއި ރައްކާތެރިކަން ދިނުމުގެ ގާނޫނު
ރައީސްކަން ކުރައްވާފައިވާ ބޭފުޅުންނަށް ދޭންޖެހޭ އިނާޔަތާއި ރައްކާތެރިކަން ބަޔާންކުރާ ގާނޫނުގައިވާ ގޮތުން ރައީސްކަން އެއް ދައުރު ކުރައްވައިފި ނަމަ ދައުލަތުން މާލީ އިނާޔަތުގެ ގޮތުގައި މަހަކު 50،000ރ. ދޭންޖެހެ އެވެ. އެއް ދައުރަށް ވުރެ އިތުރު ނަމަ މަހަކު 75،000ރ. ދޭންޖެހެ އެވެ. އަދި ރައީސްކަން ކުރައްވާފައިވާ ބޭފުޅަކު ދިރިއުޅުއްވާ ތަނަކަށް ހިނގާ ހުރިހާ ހަރަަދަކަށް ކޮންމެ މަހަކު 50،000ރ. އާ ހަމައަށް ދައުލަތުން ދޭންޖެހޭނެ ކަމަށް ގާނޫނުގައި ވެ އެވެ. މީގެ އިތުރުން، މުޖުތަމައަށް ފައިދާ ހުރި އިޖުތިމާއީ މަސައްކަތެއް ކުރައްވަން އެ ބޭފުޅަކު ބޭނުންފުޅުވެއްޖެ ހިނދެއްގައި އޮފީހާއި މުވައްޒަފުންގެ ހަރަދާއި އެހެނިހެން ކަންކަމަށް 175،000ރ. އާ ހަމައަށް ދައުލަތުން ފައިސާ ދޭންޖެހެ އެވެ.
ރައްޔިތުންގެ މަޖިލީހުގެ މެމްބަރުންނާއި ސިޔާސީ މަގާމުތަކުގައި ތިއްބެވި ބޭފުޅުން އަދި ފަނޑިޔާރުންގެ މުސާރަ ވެސް 20،000ރ. އަށް ދަށްކުރަން ސަލީމް މިއަދު ގޮވާލެއްވި އެވެ. އޭނާ ވިދާޅުވީ، އެ ގޮތަށް މުސާރަ އާއި އިނާޔަތް ކުޑަކުރަން އެންމެ ފަސޭހަ ވާނީ ،ހުންނަވާނެ ތަނަކާއި އެހެނިހެން ހަރަދުތައް ދައުލަތުން ހަމަޖައްސައިދީފައިވާ ބޭފުޅެއްގެ ހައިސިއްޔަތުން ރައީސް އިބްރާހީމް މުހައްމަދު ސޯލިހަށް ކަަމަށެވެ.
"ހަރަދު ކުޑަކުރުމުގައި އެންމެ ފުރަތަަަމަ ވެސް އަޅުގަނޑު ގޮވާލަން އެބަ، އަޅުގަނޑުމެންގެ ތެރޭގައި ރައީސްކަން ކުރައްވާފައި މި ތިބަ ހަތަރު ބޭފުޅުންނަށް ދޭ ފައިސާ މިހާރުން މިހާރަށް އުނިކޮށްލަން. އަޅުގަނޑުމެންގެ ތެރޭގައި މިތިބަ ރައީސުން ކިރިޔާ ވެސް ގައުމާ ދޭތެރޭގައި އިހުލާސްތެރިކަމެއް ހުރިއްޔާ އެ ބޭފުޅުން އަަމިއްލައަ ށް ވެސް އެބަ ޖެހޭ އެ [ފައިސާ] ދޫކޮށްލަން،" ސަލީމް ވިދާޅުވި
"ހާއްސަކޮށް އަދި ރައީސުލްޖުމްހޫރިއްޔާ އަކީ ދައުލަތުން ކާންދީގެން ބޯންދީގެން، ދައުލަތުން ހުންނާނެ ތަނަކާއި ބޭސްފަރުވާ އާއި މި ހުރިހާ ކަމެއް ކޮށްދީފައި ހުންނަވާ ބޭފުޅެއް. އަޅުގަނޑު ރައީސުލްޖުމްހޫރިއްޔާ އަށް ގޮވައިލަން ކުރިއަށް އޮތް ހަ މަސް ދުވަހުގެ މުސާރަ އެ މަނިކުފާނު ވެސް ދޫކޮށްލަން،" ސަލީމް ވިދާޅުވި އެވެ.
ރައްޔިތުންގެ މަޖިލީހުގެ މެމްބަރުންގެ ތެރެއިން މާލެ އިން ކުއްޔަށް ތަންތަން ހިފައިގެން އުޅުއްވާ ބޭފުޅުން މި ހާލަތުގައި ވަޑައިގަންނަވަންވީ ރަށަށް ކަމަށާއި މަޖިލިސް މިހާރު ކުރިއަށް ގެންދަނީ އޮންލައިންކޮށް ކަމަށް ވާތީ ރަށުގައި ތިއްބަވައިގެން ވެސް ޖަލްސާގައި ބައިވެރިވެވަޑައިގެންނެވޭނެ ކަމަށް އޭނާ ވިދާޅުވި އެވެ.
"މިއީ އެއްގޮތް. އަނެއް ގޮތަކީ އޮންނަ ކޮންމެ ޖަލްސާ އަކަށް 500.ރ ގެ އެލަވަންސެއް ދިނުން. މިއީ އަޅުގަނޑު ގޮވާލާ ގޮވާލުން،" ސަލީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮވިޑް
29 April 2020
ރައީސް ކަން ކުރެއްވިޔޭ ކިޔާފަ ތީބޮޑު ވަރު...-/100000 ރުފިޔާ ދިރިއުޅެން...-/50000 ދެން އޯކޭ ވެރިކަން ކުރެވުނީމަ ހިންނާނެ ދޯ އެހެނިހެން ގޮތްގޮތުން ލާރި ލިބިފަ...
ޝޮކްތެރަޕީ
27 April 2020
ސަރުކާރުގެ ދޯދިޔާ ސިޔާސައް ކަމަކުނުދޭ.
މައިކް
26 April 2020
މަޖިލިސް މެންބަރުންގެ މުސާރަ -/20000ރ އަށް ބަދަލް ކުރަން އެބަޖެހޭ މުޅި ޤައުމު ހަލާކުވެގެން ދާއިރުގަ ދޫދޭން އެބަޖެހޭ އެންމެންވެސް
ސައްދުބޭ ބޭބެ
26 April 2020
ސަލީމު ކަލޭ މުސާރަޢެކީ ދޫކޮށްލާ. ޜައްޔިތުން ފެލައިގެން ކަލެއަށް ފައިސާ އޮހޭނު!
ގަފޫރު
26 April 2020
ކުރީގެ ރައީސުން ބުނާނެ އެއްޗެއް ބަލަން މިހިރީ.
ކުއްޓި
26 April 2020
ލަނޑަޔާ ވާނީ ލަނޑަޔާ ...
އަލީރާޖާ
26 April 2020
ބަލަ ސަލީމޫ ކަލޭގެ މުސާރަ ދޫކޮށްލާފައި ނަމޫނާ ދައްކަންވީނު؟ ނުކެރޭނެ!
އަސްބާބުު
26 April 2020
ސަލީމްބެއަކީ ބޮޑުވިޔަފަރިވެރިއެއް. ބޮޑުމަހުޖަނެއ. މީ ދަތިދުވަސްކޮޅެއް. ސަލީމްބެއަކީ ނަމޫނާދައްކާމީހެއްނަމަ ރޯދައަށް ހަނދުބެލުމުގެ ކުރިން އޮންނާނީ ދައިރާގެ ކޮންމެ ގެއަކަށް ކާުޑުގެ ވައްތަރަކުން ބަސްތާއެއް އެގޭގެ ދޮރުމައްޗަށް ވައްޓާލާފާ.
ރަހަ
26 April 2020
ހަމަ ރަނގަޅަށްވެސް މޮޔަވެފަ ތިބި ބައެއް.. އެކަމަކުވެސް ހިތައްއަރާ މެމްބަރުންގެ މުސާރައިގެ ވާހަކަ ނުދެއްކީ ކީއްވެބާއޭ.. ޖާހިލުކަމުންކަންނޭގެ!
ފަރީޝާ
26 April 2020
މަޖިލީހުގެ މެމްބަރުންގެ މުސާރަ ކުޑަކުރައްވާ 30،000 އަށް ވުރެ ބޮޑުނުވާގޮތެއްގެ މަތީން.. މިރޭޓުން ޕޮލިޓިކަލް ކަލްޓުންގެ މުސާރަވެސް އަދި މަޖިލީހުގެ ފަރިއްކޮޅު ދިނުން ހުއްޓާލާ.. އެއީ ދައުލަތަށް ބޮޑު ބުރައެއް.. ކޮންމެ ގަޑިޔަކު 15 ވައްތަރުގެ ރިހަ ހަދަން ޖެހޭ ފްރެޝް ފްރުޓު ހުންނަން ޖެހޭ މީ ލާހިކަވަރެް ނޫންނ.. އެއްހެން މަގާމުތަކަށް ވެސް ކާން ނުދޭ ކީއްވެ ވަކި މަޖިލީހުގެ ބޮޑުންނަށް ދައުލަތުން ކާންދޭންވީވެސް..