ފިނޭންސް މިނިސްޓަރު އިބްރާހިމް އަމީރު ބަޖެޓް ކޮމިޓީގައި ވާހަކަދައްކަވަނީ--ފޮޓޯ:ނިޝާން އަލީ/މިހާރު
06 މެއި 2020 - 12:26
5 comments
ސަރުކާރުން ތަފާތު އެކި ކަންކަމަށް ދޭ ސަބްސިޑީ އާއި އާސަންދަ އިން ހޭދަކުރި އަދަދު 56 ޕަސެންޓަށް އިތުރުވެއްޖެ އެވެ.
ފިނޭންސް މިނިސްޓްރީން އާންމު ކޮށްފައިވާ ތަފާސްހިސާބުތަކުން އެނގޭ ގޮތުގައި، ސަރުކާރުން ދޭ ސަބްސިޑީ އަށް މި އަހަރުގެ މިހާތަނަށް ވަނީ 1.3 ބިލިއަން ރުފިޔާ ހޭދަކޮށްފަ އެވެ. މިއީ މިދިޔަަ އަހަރާ އަޅާ ބަލާއިރު 594 މިލިއަން ރުފިޔާގެ އިތުރުވުމެކެވެ. މިދިޔަ އަހަރުގެ މިހާ ހިސާބަށް ސަބްސިޑީގެ ގޮތުގައި ހޭދަކުރީ 766 މިލިއަން ރުފިޔާ އެވެ.
ސަބްސިޑީގެ ތެރެއިން އާސަންދަ އަށް 415 މިލިއަން ރުފިޔާ ހޭދަކޮށްފައިވާ އިރު، ސަބްސިޑީތަކާއި އެހެނިހެން ގޮތްގޮތުން ދޭ އެހީތަކަށް 945 މިލިއަން ހޭދަކޮށްފައިވެ އެވެ. އާސަންދައިގެ ދަށުން ބޭސްފަރުވާ ކުރުމަށް މިދިޔަ އަހަރު ހޭދަކޮށްފައިވަނީ 239 މިލިއަން ރުފިޔާ އެވެ. އެހެނިހެން އެހީތަކާއި ސަބްސިޑީގެ ގޮތުގައި ހަރަދު ކުރީ 528 މިލިއަން ރުފިޔާ އެވެ.
ސަބްސިޑީގެ ގޮތުގައި ހޭދަކުރި އަދަދު މި އަހަރު އެހާ ބޮޑުވެފައިވަނީ ކޮވިޑް-19 އާ ގުޅިގެން ސަރުކާރުން ކުރާ ޚަރަދުތައް ބޮޑުވުމުންނެވެ. ސަރުކާރުން ވަނީ ހާއްސަ ރިލީފް ފަންޑެއް ގާއިމްކޮށް، ވިޔަފާރިތަކާއި އާންމުންނަށް ވެސް އެހީތެރިކަން ފޯރުކޮށްދިނުމަށް ނިންމައިފަ އެވެ.
ވިޔަފާރިތަކަށް މާލީ އެހީތެރިކަން ދޭއިރު ކަރަންޓް ބިލްތަކުން 40 ޕަސެންޓު، ފެނުން 30 ޕަސެންޓު ވަނީ ކުޑަކޮށްފަ އެވެ. މީގެ އިތުރުން މި ދުވަސްވަރު ވަޒީފާ ގެއްލޭ މީހުންނަށް 5،000ރ. ގެ ހާއްސަ އެލަވަންސެއް ދިނުމަށް ވެސް ނިންމާފައިވެ އެވެ. ކޮވިޑް-19 އާ ގުޅިގެން ކަރަންޓީން ފެސިލިޓީތަކުގައި ތިބޭ މީހުންގެ ޚަރަދާއި އެ ބަލިން ސަލާމަތް ވުމަށް ކުރާ ބޭސްފަރުވާގެ ޚަރަދުތައް ވެސް ވަރަށް ބޮޑުތަނުން ވަނީ އިތުރުވެފަ އެވެ.
ދައުލަތުގެ މި އަހަރުގެ ބަޖެޓުގައި ސަބްސިޑީ އާއި ސަރުކާރުން ދޭ އެހީތަކުގެ ގޮތުގައި 4.6 ބިލިއަން ރުފިޔާ ކަނޑައަޅާފައިވެ އެވެ. މިހާ ބޮޑު ބަޖެޓެއް އޭރު ކަނޑައެޅީ ކައުންސިލްތަކަށް ދޭ މާލީ އެހީ އާއި ސްކޫލު ކުދިންގެ ނާސްތާ ޕްރޮގްރާމަށާއި އެކަނިވެރި މައިންނާއި ބަފައިންނަށް ދޭ އެހީ ބޮޑުވުމުގެ ސަބަބުން ނެވެ.
ނަމަވެސް މިހާރު ސަރުކާރުން ވަނީ ކައުންސިލްތަކަށް ދޭން ކަނޑައެޅި ފައިސާ ނުދީ މަޑު ޖައްސާލަން ނިންމައިފަ އެވެ. ސަރުކާރުން މި ދުވަސްވަރު އެންމެ ބޮޑު ހޭދައެއް ކުރަނީ ކޮވިޑް-19 އާ ގުޅިގެން ކުރަން ޖެހޭ ޚަރަދުތަކަށެވެ. އެގޮތުން މިދިޔަ އޭޕްރިލް މަހުގެ ނިޔަލަށް 665 މިލިއަން ރުފިޔާ ވަނީ އެ ކަމަށް ހޭދަކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހަންމާ
06 May 2020
ރާއްޖޭގެ ކަންތައް ދަނީ އެކޮޅުކޮޅުން. އިގްތިސާދީ މާހިރުން ބުނާގޮތުގައި. އަދި ފަޒީލް ނަޖީބު ވިދާޅުވާގޮތުން މިދަނޑިވަޅުގައި ކުންފުނިތަކުންވެސް މުވައްޒަފުން ކަނޑައި މުސާރަ ދަށްކުރާނަމަ އެކަން ހުއްޓުވަން ސަރުކާރު ތެދުވާނެޖެހޭނެ. އެކަމަކު މިހާރު ވަނީ އެހެނަކުންނޫން. ސަރުކާރުން އިސްނަގައިގެން މުވައްޒަފުންގެ މުސާރަ ކުޑަކޮށް މުވައްޒަފުން ކަނޑާލަނީ. ދެން ވޯޓްހޯދަން ނަމަނަމަ ނާންނާތި. ސޮރީ.
އެންދެރި
06 May 2020
ގެޒެޓް ނުކޮށް އަދި ބިޑް ނުކޮށް ކަންކަން ކުރެވޭތީ ބަޔަކު ދަނީ އޭގެ ނާޖާއިޒް ފައިދާ ނަގަމުންނެވެ. ކޮންމެ ވެސް ބަޔަކު އެކަން ބަލަން ޖެހެ އެވެ.
ނަމުގައި ޒީރޯ ޓޮލް
06 May 2020
ހަމަ ގައިމުވެސް ތި އިތުރުވި އެއްޗެއް ލިބުނު އިތުރު މީހަކު މިޤައުމަކު ނެތް. އެހެން ގައުމެއްގެ ރައްޔިތުންނަށްތޯ ތި ޚަރަދުކުރަނީ؟
ކަމުގައިވެސް ޒީރޯ ޓޮލް
06 May 2020
ރަނގަޅު. ރާއްޖެ ނާދެވި ބޭރުގައި ތާށިވި ދިވެހީންނަށްވެސް އެއިން ޚަރަދުކުރި. އަހާލަމާ އޭގެއިން މީހެއް ގާތު. މަދެއް ނޫން އެ މީހުނެއް.
ދޮންވެލި
06 May 2020
ބޭހެއް ނެތް ބަލި ފެތުރޭ އިރު އެމީހަކު ހުރިތަނަކުން ބަލި ނުފެތުރޭ ތަނކަށް ނުދިޔުމަށް ވަނީ ދީނުގަ އަނގަވާފަ ވެ އެވެ. އިނގިރޭސި ވިލާތުން އައުމަށް ފަހު ދެން އިވުނީ ޕޮސިޓިވް ވާ ވާހަކަ އެވެ.