މަޓީގެ އިސް ބޭފުޅުންތަކެއް: ސަރުކާރުގެ އެހީގެ ޕެކޭޖަށް މަޓީން ވަނީ ފާޑު ކިޔާފައި -- ފޮޓޯ/މިހާރު
06 މެއި 2020 - 20:50
128 comments
ކޮވިޑް-19 ގެ ސަބަބުން ގެއްލުންވާ ވިޔަފާރިތަކަށް އެހީވުމަށް ސަރުކާރުން އިއުލާންކުރި އިގްތިސާދީ އެހީގެ ޕެކޭޖް ކަނޑައެޅީ މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އާ މަޝްވަރާ ނުކޮށް ކަމަށާއި އެ ޕެކޭޖްގެ ފައިދާ އެ ދާއިރާގެ ގިނަ ފަރާތްތަކަށް ނުލިބޭނެ ކަމަށް މަޓީން މިއަދު ބުނެފި އެވެ.
ކޮވިޑް-19 ގެ ސަބަބުން ކުރިމަތިވި އިގްތިސާދީ ގޮންޖެހުންތަކާ ހެދި ސަރުކާރުން ވަނީ 2.5 ބިލިއަން ރުފިޔާގެ އެހީގެ ޕެކޭޖެއް އިއުލާންކޮށް، ވިޔަފާރިތަކަށް ލޯނު ދޫކުރަން ނިންމައިފަ އެވެ. އެގޮތުން ރިސޯޓްތަކަށް ހަތް މިލިއަން ރުފިޔާއާ ހަމައަށް، ޝަރުތުތަކަކާ އެކު ލޯނު ދޫކުރާނެ ކަން ސަރުކާރުން އޮތީ ހާމަކޮށްފަ އެވެ.
އެކަމާ ގުޅިގެން މަޓީން މިއަދު ނެރުނު ބަޔާނުގައި ބުނީ ރާއްޖޭގެ އިގްތިސާދުގެ ބޮޑު ބައެއް ބިނާވެފައިވަނީ ޓޫރިޒަމް ދާއިރާއަށް ކަމަށް ވެފައި ދައުލަތަށް އެންމެ ބޮޑު އާމްދަނީއެއް ލިބެނީ އެ ދާއިރާ އިން ކަމަށް ވާއިރު، ސަރުކާރުގެ އެހީގެ ޕެކޭޖް ކަނޑައަޅާފައިވަނީ ޓޫރިޒަމް ދާއިރާ ތަމްސީލްކުރާ މަޓީއާ މަޝްވަރާ ކުރުމެއް ނެތި ކަމަށެވެ. އަދި ކޮވިޑް-19 ގެ ސަބަބުން ވިޔަފާރިތައް ބަނގުރޫޓްވެ، ވަޒީފާތައް ސަލާމަތް ކުރުމަށްޓަކައި އެކަށީގެންވާ ފިޔަވަޅުތައް އަޅަންޖެހޭ ކަމަށާއި އެކަމަށް ސަރުކާރުގައި އެކި ގޮތްގޮތުން އެދުނަސް، އެދެވޭ ފިޔަވަޅުތަކެއް މިހާތަނަށް ނުފެންނަ ކަމަށް ވެސް އެ ބަޔާނުގައިވެ އެވެ.
މީގެ އިތުރުން އެހީގެ ޕެކޭޖް ދިނުމުގައި ކަނޑައަޅާފައިވާ ޝަރުތުތަކުގެ ސަބަބުން އެ ދާއިރާގެ ގިނަ ބަޔަކަށް އެ ޕެކޭޖްގެ އެހީ ލިބެން ނެތް ކަމަށް މަޓީން ބުނެ އެވެ. އެހެންވެ، ކަމާބެހޭ ހުރިހާ ފަރާތްތަކާ އެކު މަޝްވަރާ ކުރުމަށް ފަހު ވިޔަފާރިތަކާއި ވަޒީފާތައް ސަލާމަތް ކުރެވޭނެ ފަދަ ފިޔަވަޅުތަކެއް އަޅަން އެ ޖަމިއްޔާ އިން ގޮވައިލި އެވެ.
ސަރުކާރުން ވަނީ ލޯނުތަކަށް ލުއި ދިނުމުގެ އިތުރުން ވިޔަފާރިތަކަށް މި ވަގުތު ބޭނުންވާ މާލީ އެހީތެރިކަން ދޭން ވެސް ނިންމައިފަ އެވެ. ނަމަވެސް އެހީ ދިނުމުގައި ކަނޑައަޅާފައިވާ އުސޫލުތަކާ މެދު އެކި ފަރާތްތަކުން ހިތްހަމަނުޖެހުން ފާޅުކޮށްފައިވެ އެވެ.
ކޮވިޑް-19 ގެ ސަބަބުން ރިސޯޓްތައް ބަންދުކުރަން ޖެހި ޓޫރިޒަމް ދާއިރާގެ 11،000 އަށް ވުރެ ގިނަ މުވައްޒަފުން މުސާރަ ނުލިބޭ ގޮތަށް ދިގު މުއްދަތަކަށް ޗުއްޓީއަށް ދާން ޖެހުނުއިރު، މުސާރަތައް ބައެއް ރިސޯޓްތަކުން ވަނީ ވަރަށް ބޮޑަށް ކުޑަކޮށްފަ އެވެ. އެކަމާ ގުޅިގެން ސަރުކާރުން ބުނެފައިވަނީ މުވައްޒަފުންގެ ހައްގުތައް ނުދޭ ފަރާތްތަކާ މެދު ފިޔަވަޅު އަޅާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮގު ތެދު
08 May 2020
ސަރުކާރަށް ލިބޭ އާމްދަނީ އަންދާޒީ އަދަދު ޖީއެސްޓީއަކީ 2.9 ބިލިއަން ރުފިޔާ. ޓީޖީއެސްޓީ 5 ބިލިއަން. ގްރީންޓެކްސް 1 ބިލިއަން، ރިސޯޓު ކުލި 1.5 ބިލިއަން، އެއަރޕޯޓް 1.2 ބިލިއަން، އިމްޕޯޓް ޑިއުޓީގެ ބޮޑުބައެއް، ބީޕީޓީ 1 ބިލިއަން. މަޓީގެލަފާ މުނިންމު. އެންމެން ގުޅިގެން ގަައުމު އިސްކުރަންވީ ވަގުތު. މިބޭފުޅުންނަކީ މުޅި ދުނިޔޭގަ ފުޅާކޮށް ވިޔަފާރި ހިންގަވާ ބޭފުޅުން. ޓްރީޓޮޕް ވަރުގެ ޒަމާނީ ޓެކްނޮލޮޖީގެ ހޮސްޕިޓަލެއް އަޅާދެއްވޭނީ ތީގެން ކިތައް ދިވެހިން ނަށްތޯ؟
އެއްކަލަ ސޮރު
08 May 2020
ޓޫރިޒަމުން ދިވެހި ރާއްޖެއަށް ވަންނަ ކޮންމެ ޑޮލަރަކުން ސީދާގޮތުގައާއި ނުސީދާ ގޮތުގަ ސަރުކާރަށް ވަންނަނީ ކިތައް ސެންޓުތޯ ނިކަން ހިސާބު ޖަހާފާ ބުނެ ދެވޭނީ ކޮން ބޭފުޅަކައްތޯ ؟ ތިހެން ފޫހި ވެފަ ގޭގަ ތިބޭ އިރު މި އަރަތަ އަށް ޖަވާބު ހޯދުމަކީ އާ ޗެލެންޖު ކަމުގާ ހައްދަވާ!! ޖަވާބު ލިބި ވެރިފައި ކުރެވުނީމާ ޓްއަރިޒަމުން ރައްޔަތުންނަށް ފައިދާ އެއްވޭތޯ ނުވަތަ ނޫންތޯ އޭ ކިޔާފާ ޒުވާބު ކުރަމާ ބަހީ ؟
މުމމ މުރުއްބާ
08 May 2020
މޮޔަ ވާހަކަ ނުދައްކާ..އެތިބެނީ ރަށްތަށް 99 އަހަރަށް ވެރިކޮށްލައިގެން..މީން މީހަކަށް މާސްކްކޮޅެއްވެސް ނުދެވުނު...
ކޮމިއުނިސްޓް ޕާޓީ (މާކްސިސްޓް)
08 May 2020
ރިސޯޓުތައް ދައުލަތުގެ މިލްކެއްގެ ގޮތުގައި ދައުލަތަށް ނެގުމަށްފަހު ރިސޯޓުތަކުގެ ހިއްސާ ރައްޔިތުންނަށް ލިބޭގޮތް ހަމަޖެއްސީމާ މިހާރު ރާއްޖޭގެ އިގުތިސާދީ ދާއިރާގައި ހުރި ވަރަށްގިނަ މައްސަލަތަކަށް ހައްލެއް ލިބޭނެ. ރިސޯޓުތަކުގެ މަސައްކަތްތެރިންނަށް ރިސޯޓުގެ ހިއްސާ ލިބެން ޖެހޭނެ. މަސައްކަތްތެރިންގެ އަމިއްލަ ރިސޯޓު ހުންނަންވާނެ.
އަލީ މައުސޫމް
08 May 2020
މަޓީ ކައެ މަހަށް ދޭބަލަ ތި ދަބަސް ބަހައްޓާފަ ?
އެއްކަލަ ސޮރު
07 May 2020
ސެންޓްރަލް އޭޝިޔާ އާއި އެފުރިކާ ގެ ގައުމު ތަކުގެ ބިމު އަޑީގަތިބި މައުދަން ތައް ފަދަ ތަކެތި އަގު ހުރި އެއްޗަކައް ވަނީ ދިވެހިރާއްޖޭގައި އަންޒަމާނުއްސުރެ ތިބި ފަޅުރައްތައް ރިޒޯޓް ތަކައް ވާފަދައިން ބަޔަކު ލާރި އަޅާ އެތައް ބުރަމަސައްކަތެއް ކުރުމުން ކަން ހަދާން ނައްތާލަނީ ކީއްވެބާ !!
ގާސިމް ޢިބުރާހިމް
07 May 2020
ސަރުކާރުން ހާލަތު ބަދަލް ކުރަން ކުރިކަމެއް ނިކަން ބުނެލަބަލަ.. ރިޒޯޓު ތަކުގަ މަސަޢްކަތް ކުރި ހުރިހާ ކުދިންތަށް ނިކަމެތިވެ ހާލުގަ ޖެހުނު އިރު ސަރުކާރުން ކުރިކަމެއް ނިކަން ބުނެބަލަ.. ތި ރިޒޯޓު އޯނަރުންނަށް އެޅި ފިޔަވަޅެއް ބުނެބަލަ.. ރަށްޔިތުން ބިކަވެ ނެތިދަނީ
ބިސް
07 May 2020
ބުނަން ވާހަކަ އެެއް. މަމިހުރީ ރޯދަ އަށް.
ކެޔޮޅުބޭ
07 May 2020
ކޮވިޑް ރިލީފް ޕެކޭޖާ ބެހޭގޮތުން ސަރުކާރުން މަޓީއާ ވާހަކަ ދެއްކުމަކީ ކްރައުން އެންޑް ޗަމްޕާ އާއި ޔުނިވަރަސަލް ކުންފުންޏާއި ވިލާއާއި ވާހަކަ ދެއްކުން އެކަނި! މީތޯ ރާއްޖޭގެ އޮތް "ޓުއަރިޒަމް އިންޑަސްޓްރީ" އަކީ؟ މުޅި އިންޑަސްޓްރިގެ ހައްގުގަ މަސައްކަތް ނުކުރެވޭ ވަކާލާތު ނުކުރެވޭ ބަޔަކާ މަޝްވަރާ ނުކުރިކަން ނަސީބެއްނުން! ތި މަޓީއަކުން އިންޑަސްޓްރީއަށް ދިމާވެފަ ހުރި މައްސަލަތަށް ހައްލުކުރަން ދުވަހަކު ވެސް މެމްބަރުންގެ މަޝްވަރާއެއް ނުހޯދާނެ! އަދިވެސް އެބައޮތް!
ކެޔޮޅުބޭ
07 May 2020
މަޓީގެ ބޯޑު ފެއިލް ވުމުގެ ސަބަބުން އިންޑަސްޓީރީގެ ޓްރެވެލް އެޖެންޓުންނާ ގެސްޓް ހައުސްތަކާ ސަފާރީތަށް ވަކި ވަކި އެސޯސިއޭޝަން ހަދަން ޖެހުނީ ވެސް. މުޅި ޓުއަރިޒަމް އިންޑަސްޓްރީ ނިސްބަތްވާ އެސޯސިއޭޝަނުގެ ވެރިކަމުގަ ފެށުނީއްސުރެ އެއްބަޔަކު ތިބިއިރު މިއަދު މިއިންޑަސްޓްރީ މިއޮތީ ބަދަލުވެފަ. ފުޅާވެފަ. ގިނަވެފަ. އެކަމަކު މިބޭފުޅުންނަކަށް މިއަދުގެ އިންޑަސްޓްރީ އަންޑަސްޓޭންޑެއް ވެސް ނުވޭ. އިންޑަސްޓްރީގެ ގިނަ މީހުންނާ ގުޅުމެއް ވެސް ނޯވޭ. -ނުނިމޭ -
ޓްރިޕަލްބޮޓަމްލައިން
07 May 2020
ޔާމީން ސަރުކާރަށް 2 މިލިއަން ޑޮލަރ ދީ ރިަީޓްތައް 99 އަހަރަށް ލީޒް ޕީރިއަޑް ދިގު ކުރިކުރުން ބާޠިލް ކުރަންޖެހޭ؟ އެއީ ދައުލަތަށް ދިން ބޮޑު ގެއްލުމެއް. މަހަކު 3 ހާސްރުފިޔާގެ މާރކެޓްގޮޅި ދެނީ އޮޕަރޭޓްކުރާ މީހާއަށް، އެކަމަކު ހެޑް ލީޒް ސަރުކާރުން މަކަރުން އަތުލާފައިވާ ނުފޫޒު ގަދަ މީހުން ރިސްކް ނުނަގާ ތާރޑް ޕާރޓީ އަކަށް ދީ ކްއާރޓަލީ މިލިއަން ޑޮލަރު ނެގުން އޯކޭ. މި އެބިއުޒް ހުއްޓުވަންޖެހޭ. ރާއްޖޭގެ ކޮންމެ ރަށަކީ ދިވެހި ކޮންމެ ރައްޔިތެއްގެ ހައްޤެއް