ގއ. އަތޮޅު ވިލިނގިލީ ހޮސްޕިޓަލް: އަތޮޅުތަކުގެ ހޮސްޕިޓަލްތަކުގައި އެކަށީގެންވާ ގޮތެއްގައި ކޮވިޑަށް ފަރުވާދެވޭނެ އިންތިޒާމެއް ހަމަޖެހިފައި ނެތުމުގެ ކަންބޮޑުވުން ދަނީ ފާޅުކުރަމުން. --ފޮޓޯ: ނިޝާން އަލީ/މިހާރު
10 މެއި 2020 - 13:42
26 comments
ކޮވިޑް-19 އަށް ޕޮޒިޓިވްވާ ކުދިންނަށް އެކަށީގެންވާ ފަރުވާ އަތޮޅުތަކުގައި ދެވޭނެ އިންތިޒާމެއް މިވަގުތާ ހަމައަށް ހަމަޖެހިފައި ނުވާ ކަމަށް ވިދާޅުވެ އައިޖީއެމްއެޗުގެ ކުޑަކުދިންގެ ޑޮކްޓަރު އަހްމަދު ފައިސަލް ރޭ ކަންބޮޑުވުންފާޅުކުރައްވައިފި އެވެ.
ސިއްހީ ދާއިރާގެ ބައެއް މައްސަލަތަކުގައި އާއްމުން ހޭލުންތެރިކޮށް، މައްސަލަތަކުގެ ހައްލު ހޯދަން ފާޅުގައި އަބަދުވެސް ވާހަކަ ދައްކަވާ ފައިސަލް ވިދާޅުވީ ކޮވިޑް-19 ޖެހިފައި ހުރި ކުއްޖަކަށް "އައިވީ ފެންކޮޅެއް ދެވޭނެ ގޮތެއް މާލެ ނޫން އެހެން ސަރަހައްދެއްގައި ހަމަޖެހުން މުހިއްމު" ކަމަށެވެ. އޭނާ ރޭ ޓުވީޓް ކުރެއްވުމާ ހަމައަށް މާލެ ނޫން އެހެން ތަނެއްގައި ކޮވިޑް ކުދިންނަށް އައިވީ ގުޅެން ނެތް ކަމަށް އޭނާ ވިދާޅުވި އެވެ.
"ބަލި މީހުން އެހެން އަތޮޅުތަކުގައި ބައިތިއްބަންޏާ މިވަރު ކުރެވެންވާނެ،" ފައިސަލް ވިދާޅުވި އެވެ.
ކޮވިޑް-19 އަށް ޕޮޒިޓިވް ވެއްޖެ ނަމަ އާންމު ބަލި މީހުންނާ އެއްތަނެއްގައި ފަރުވާ ނުދެވޭނެތީ، އެ ބަޔަކު ޖެހޭނީ އެކަހެރިކޮށްގެން ގެންގުޅޭށެވެ. އެހެންވެ ބަލި މީހުން އެގޮތަށް ގެންގުޅޭ ތަންތަނުގައި ފަރުވާގެ ކަންކަން ހަމަޖައްސަން ޖެހެ އެވެ.
މި ސިކުންތާ ހަމައަށް އެހެން އަތޮޅުތަކުގައި ކޮވިޑު ކުދިންނަށް އައިވީ ގުޅޭކަށް ނެތް
— Ahmed Faisal (@Faisalnaifaru) May 9, 2020
ބަލި މީހުން އެހެން އަތޮޅުތަކުގައި ބައިތިއްބަންޏާ މިވަރު ކުރެވެންވާނެ
ފައިސަލްގެ ޓުވީޓް.
އަތޮޅުތަކުގައި ފަރުވާ ނުދެވި އެންމެން މާލެ ގެންނަން ޖެހުމުގެ ބިރު އޮތް ކަަން ފާހަގަކުރައްވައި ވިދާޅުވީ އޭރުން ބަލި މީހުންނަށް އެދެވޭ ފަރުވާ ނުދެވޭނެ ކަމަށެވެ.
މިދިޔަ އެޕްރީލް، 15، ގައި ކޮވިޑް-19 ރާއްޖޭގައި ފެތުރެން ފެށިފަހުން 30 ކުއްޖަކު ވަނީ ޕޮޒިޓިވްވެފަ އެވެ. އަތޮޅުތެރެއިން ޕޮޒިޓިވްވީ ކުއްޖާ އަށް ފަރުވާދޭން ޖެހުނީ މާލެ ގެނެސްގެންނެވެ.
މިއީ ވަކި ހާއްސަ ފަރުވާއެއް އޮތް ބައްޔަކަށް ނުވާތީ، ކޮންމެ މީހަކަށް ވެސް ފަރުވާ ދެނީ އެ މީހެއްގެ ކިބައިން ފެންނަ އަލާމަތްތަކާ ގުޅޭ ގޮތުން އެ ކަމަކަށެވެ.
ފައިސަލް ވިދާޅުވި ގޮތުގައި ބަލި ޖެހުނު ބައެއް ކުދިންގެ އަލާމާތްތައް ފެންނަނީ ޓެސްޓް ކުރި ފަހުންނެވެ. އަދި 30 ޕަސެންޓް ކުދިންގެ އެއްވެސް އަލާމާތެއް ނުފެނެ އެވެ. ގިނަ ކުދިން ހުންނަ އަންނައިރު، ހުމާއި ރޯގާ އަދި ހަމައެކަނި ރޯގާގެ އަލާމާތްތައް ވެސް ބައެއް ކުދިންގެ ފެންނަ ކަމަށް އޭނާ ވިދާޅުވި އެވެ.
މި ބަލި ޖެހުނު ކުދިންގެ ތެރެއިން މިހާތަނަށް ރަނގަޅުވީ އެންމެ ކުއްޖެކެވެ.
އަތޮޅުތަކުގައި އެކަށީގެންވާ ފަރުވާ ދެވެން ނެތިގެން ފައިސަލް ކަންބޮޑުވުންފާޅުކުރެއްވި އިރު ރާއްޖޭގެ ފަސް ސަރަހައްދެއްގައި ކޮވިޑަށް ފަރުވާދެވޭނެ އިންތިޒާމް ހަމަޖައްސަމުން އަންނަ ކަމަށް ސަރުކާރުން ވަނީ ބުނެފަ އެވެ.
ރާއްޖެ އިން މިހާތަނަށް 790 މީހަކަށް މި ބަލި ޖެހިފައިވާ އިރު މީގެެތެރޭގައި ގިނައީ ބިދޭސީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބޭހީވެ
10 May 2020
މިއީހަގީގަތުގައިވެސް ރާއްޖޭގެ ރައްޔިތުން ގެ ދޯހަޅިކަމުން ދިމާވެގެން އުޅޭކަމެއް. މިހާރަކަށް އައިސް މާބޮޑަށް ޕާޓީވެ އެސަޕޯޓުކުރާ ޕާޓީއެއްގެކަމަކާއިގެން އެންމެންވެސް އުޅޭތަންމިފެންނަނީ. އޭގެބަދަލުގައި ކޮންމެބަޔަކު ލައްވާވެސް މޮޅެތިޅެންފަރިހި ކިއުއްވުމުގެ ބަދަލަުގައި ހިދުމަތްފުޅާކުރަން މަޖުބޫރުކުރުވަން އެބަޖެހޭ. ޒަމާން މިހިސާބަށް ދިޔައިރު މާލެނޫން އެހެންތަނަކުން ބޭސްމަލަންކޮޅެއްހާވަރު ލިބެން ނެތުމަކީ ވެގެންވާނޭގޮތެއްނޫން.
ދޮންމަނިކުބެ
10 May 2020
އަތޮޅުތެރެ ފެންނާނީ ވޯޓް ގާތްވީމމާ. އޭރު ނޯންނާނެ ނުފެންނަ ވެލިފުކެއްވެސް. ވަރަށް މޮޅަށް އަނދުން ވެސް އަޅުވާނެ
ބޮޑުމީހާ
10 May 2020
އަތޮޅުތެރެއެއް އެބައޮތްތަ. ސިޔާސީ މީހާ ރަށަށް ދިޔައީމަ ރަށުގެ ހުރި ދަތިތަކުގެ ވާހަކަ ނުދައްކައި ސަނާކިޔައި، ލަވަޖަހާ ނަށައި، ކުރަން އޮންނަ މަސައްކަތް ހުއްޓާލާފަ ގޭގަ އޮންނަ ކުރުބާ އިހާ ހިފައިގެން ވެދެމަށް އަރުވަންދާ އާދަ ނުހުއްޓައި މިކަމެއް ހައްލުނުވާނެ. މި މާލޭގަ ސިޔާސީ މީހުން މަގުމަތީގަ ހޫރޭއިރު މާލެ ބަޔަކު އިސްއުފުލާ ބަލާވެސް ނުލާ
އާރީ
10 May 2020
2020 އައި އިރު ރާއްޖެތެރޭ ރަށްރަށުން އައިވީ ފެންފޮދެށް ދެވޭނި ގޮތް ނެތުމަކީ ވެރިކަން ކޮށްފަ ފޭބި ވެރިންގެ އިހުމާލު ކިރިޔާ ބަލިވެލާއިރަށް މާލެ ގެނެެސް ގެން ފަރުވާ ދޭގޮތަށް އަދިވެސް ސިޔާސަތު ބަށްޓަށް ކޮށްފަ މިހުންނަނި.
ލައުރާ
10 May 2020
އެކަ މު ސަރުކާރުން ބުނި ފުރިހަމަޔައް ތައްޔާރޭ އެން މެ ބޮޑު ހާލަތު އަޔަސް ހާސްނުވާށޭ ބޭހާ ކާބޯތަކެއްޗާ ސިއްހީ ފަރުވާ މުޅިރާއްޖޭގަ ވަނީ ރުކުވާލެވިފަޔޭ ޑިރިލްތައްބާއްވާ ޓީވީޝޯތައް ދައްކާލި ކޮބާ އާހިރު ނަތީޖާ ހަ މަސު މެއް މިހާރުވެސް އެއުޅެނީ ތިލަފުށި ބުރިޖުނޭޅިގެން ހޮސްޕިޓާތައް ރަނގަޅުނުކޮއް މީވެސް ދައުލަތެއްތޯ
މޯޑް
10 May 2020
ސަރުކާރު އޮތީ ވެންޓިލޭޓަރަށް ލާންވެފަ. ތަށްޔާރު ވެފަ އޭ ބުނި އިރު ރާއްޖެތެރޭ އެއްވެސް ރަށެއްގަ ނެތް އެކަށީގެންވާ ވަސީލަތް ތަކެއް. ފީފީއީ ނެތް ރަށް މިހާރުވެސް ގިނައީ.
ޖަރާސީމު
10 May 2020
ދިވެހި ދައުލަތުގެ ހުރިހާ ވަސީލަތެއް ރޭވިފައި މިވަނީ ދުނިޔޭގެ ކަންކޮޅުތަކުގައި ތާށިވެފައިވާ މާލޭ ބޭފުޅުން ރާއްޖެގެނައުމަށާއި، މާލޭގެ ޑައިރެކްޓް ކޮންޓެކްޓްސް ރިސޯޓްތަކުގައި ކަރަންޓީނު ކުރުމަށް. އަތޮޅުތެރޭގެ މީހެއްވިއްޔާ "ވީ ހާލެއްގައި ވާން" އެރަށެއްގެ ޓާސްކްފޯސްއާއި ހަވާލުކޮށްލީމަ ނިމުނީ.
ރަން ތިރީސް
10 May 2020
އަތޮޅުތެރޭ ސިއްހީ ކަންކަން ތިޔަ ފަދަ ހާލަތެއްގައި އޮންނަތާ މިވަނީ 40 އަހަރު. މައުމޫނުގެ ރަން 30 އަހަރުގައި ހުރިހާ ޕޮލިސީއެއް ސެންޓްރަލް މާލެއަށް އަމާޒުކޮށް ބަށްޓަން ކުރުމުގެ ހިތި ނަތީޖާ މިއަދު މި ފެންނަނީ. މިއީ އެތައް ޒަމާންތަކެއްގެ ނާގާބިލުކަން، އަޅާނުލުން، ބާކީކުރުން. ރާއްޖެތެރެއަކީ އެއްވެސް ބަޔަކު ސަމާލުކަމެއް ދިން ތަނެއް ނޫން. ކޮވިޑާއި ޖެހިގެން މިދަނީ މިފަދަ އެތައް ޒަމާނެއްވީ މައްސަލަތަކުގެ ބިތުފަންގި ނެގެމުން.
ލީޑާޝިޕް ފޭލު
10 May 2020
އަބަދު ރަންތިރީސް ކިޔާ ކުރީގެ ވެރިންނަށް ފޫޅުކަނޑާ އަދުގެ ވެރިންނަށް ހުށާމަތުކުރާކަށް ނުތިބެވޭނެ. މިހާރު ދައްކަންޖެހޭނީ މިހާރުގެ ވާހަކަ. މިހާރުގެ ވެރިންގެ ނާގާބިލުކަން މިއީ. ޖެނިއަރީ މަހުން ފެށިގެން ތައްޔާރުވެއްޖައީމާ ކިޔާ ފޮނިކަނޑާފަ އޮތީ. ވެރިންގެ ކިބައިން އެއްވެެސް ލީޑާޝިޕެއް ނުފެނޭ
ބައިސްކަލްު
10 May 2020
މިހާރު ވެރިއަކު ހުރެގެންތާ އޭނަގެ ވާހަކައެއް ދެއްކޭނީވެސް.
އޮނަރަބްލް އަފީފު ދީދީ
10 May 2020
މާލޭސަރުކާރުގެ ސިޔާސަތާއިއެއްގޮތަށް ކަންކަންކުރިއަށްދޭ. މިސާލަކަށް އޭއީއެޗް ނަންގަވަމާ. މައުމޫނުދައުރުގައި ނެގޯޝިއޭޝަންފައްޓަވާ ނަޝީދުގެވެރިކަމުގައި ސައުދީ ކްވައިތުން 30 ހަކަށް މިލިޔަން ޑޮލަރުލިބި ހޮސްޕިޓަލް ނޭޅުނު. ވަހީދުގެވެރިކަންނިމި ޔާމީނު އައްޑޫ އިކްއިޓޯރިއަލް ކޮންވެންޝަން ސެންޓަރ އިމާރާތަށް ބަދަލުތަކެއްގެނެސް ހޮސްޕިޓަލަކަށްހަދާން މަސައްކަތްފެއްޓި. ސޯލިޙް ގެ ވެރިކަމުގައި އީސީސީގައި އޭއީއެޗް ގެ ނަންބޯޑުއެޅުވި. ހޮސްޕިޓަލްއަޅަންދިންފައިސާ ހުދުކާފޫރަށްވެގެންހިގައްޖެ.
ކައްކާ
10 May 2020
މިއީ ގައުމެއްގެ ގޮތުގަ ހިނގާ ތަނެއްނޫނޭ، ވަކި ގަބީލާއެއްގެ ކުލީވިޔަފާރިގަނޑެއް މިއީ، ގައުމެއްނޫން.