އޯ ލެވެލް އިމްތިހާނު އަންނަ އަހަރުގެ މެއި/ޖޫންގައި ބާއްވަން މަޝްވަރާކުރަނީ

އިސްކަންދަރު ސްކޫލުގެ ދަރިވަރުންތަކެއް މިދިޔަ އަހަރުގެ އޯލެވެލް އިމްތިހާނު ހެދުމަށް ހޯލުގައި މަޑުކޮށްލައިގެން.---ފޮޓޯ: ހުސައިން ވަހީދު/މިހާރު

އާސިމާ ނިޒާރު، މިހާރު

11 މެއި 2020 - 00:57

8 comments

ވަކި މުއްދަތެއް ނެތް ގޮތަށް ފަސްކޮށްފައިވާ އޯ ލެވެލް އާއި އެސްއެސްސީ އިމްތިހާން، އަންނަ އަހަރުގެ މެއި/ޖޫން ގައި ބާއްވަން މަޝްވަރާކުރަމުން އަންނަކަމަށް އެޑިއުކޭޝަން މިނިސްޓްރީން ބުނެފި އެވެ.

ރާއްޖޭގެ ހުރިހާ ސްކޫލެއްގެ ޕްރިންސިިޕަލުންނާ އެކު މިދިޔަ މަހުގެ 30 ވަނަ ދުވަހު ބޭއްވި ބައްދަލުވުމުގައި އެޑިއުކޭޝަން މިނިސްޓަރު ޑރ. އައިޝަތު އަލީ ވަނީ، ކޮވިޑް-19 އާ ގުޅިގެން ސަރުކާރު ބަންދުކޮށްފައިވާ މުއްދަތުގައި ކިޔެވުން ކުރިއަށް ގެންދެވޭނެ ގޮތްތަކާ ގުޅޭގޮތުން ވެސް މަޝްވަރާކުރައްވައިފަ އެވެ.

އޭގެ އިތުރުން އަންނަ އޮކްޓޯބަރު/ނޮވެމްބަރު މަހު ބާއްވަން ހަމަޖައްސާފައިވާ އޯ ލެވެލް އިމްތިހާނު ވެސް އަންނަ އަހަރުގެ މެއި/ޖޫން އިންޓޭކުގައި ބާއްވަން، ކެމްބްރިޖާ އެކު މަޝްވަރާކުރަމުން އަންނަ ކަމަށް މިނިސްޓަރު ވިދާޅުވި ކަމަށް، އެ ބައްދަލުވުމުގައި ބައިވެރިވި ޕްރިންސިޕަލަކު ވިދާޅުވި އެވެ.

Minister @aisthly just concluded a meeting with 212 Principals from schools across the country, to discuss ways to ensure the continuity of education, during the extended school closure. pic.twitter.com/bCUOLIYcju
— Ministry of Education (@MoEdumv) April 30, 2020

"މިނިސްޓަރު ވިދާޅުވީ މެއި/ޖޫންގައި އޯ ލެވެލް އިމްތިހާނު ބާއްވަން ކެމްބްރިޖާ އެކު މަޝްވަރާކުރަމުން އަންނަ ކަމަށް. އެހެން ނޫނީ އަންނަ އަހަރުގެ އޮކްޓޯބަރު/ ނޮވެމްބަރު ގައި ކަމަށް ދެން ބޭއްވޭނީ. ގިނަ ޕްރިންސިޕަލުން ބޭނުންވަނީ މެއި/ޖޫންގައި އިމްތިހާން ބާއްވަން،" އެ ބައްދަލުވުމުގައި ބައިވެރިވެވަޑައިގެންނެވި ޕްރިންސިޕަލަކު ވިދާޅުވި އެވެ.

އޯ ލެވެލް އަދި އެސްއެސްސީ އިމްތިހާނު ފަސްކޮށް މިދިޔަ މަހުގެ 29 ވަނަ ދުވަހު އެޑިއުކޭޝަން މިނިސްޓްރީން ނެރުނު ސާކިއުލާގައި ބުނީ ކޮވިޑް-19 ގެ ސަބަބުން ކުރިމަތިވެފައިވާ ހާލަތުގައި ސިލަބަސް ނިންމައި އިމްތިހާނަށް ތައްޔާރުވާން އެކަށީގެންވާ ވަގުތު ލިބޭނެކަމަށް ނުފެންނަ ކަމަށެވެ. އެހެންވެ ޖީސީއީ އޯލެވެލް، އައިޖީސީއެސްއީ އަދި އެސްއެސްސީ އިމްތިހާނު އެ ދުވަސްވަރު ނުބާއްވަން ހަމަޖެއްސީ ކަމަށް ބުންޏެވެ.

O level aai SSC imthihaan fas koffi

The most trusted news source in the Maldives

Mihaaru

"މި ނިންމުމާ ގުޅިގެން ދެން އިމްތިހާނު ބާއްވާނެ ދުވަސްވަރެއް ކަނޑައެޅުމުގެ މަސައްކަތް ކުރަމުންދާ ވާހަކަ ވެސް ދެންނެވީމެވެ. މި ބަދަލު ގެނައުމުގައި އެންމެ ބޮޑު އިސްކަމެއް ދޭނީ ދަރިވަރުންނަށް ލިބޭ ގެއްލުން ވީހާ ވެސް ކުޑަ ކުރުމަށެވެ،" އެޑިއުކޭޝަން މިނިސްޓަރު ޑރ. އައިޝަތު އަލީ ސޮއިކުރައްވައި، ރާއްޖޭގެ ހުރިހާ ސްކޫލަކަށް ފޮނުއްވި ސާކިއުލާގައިވެ އެވެ.

އޯ ލެވެލްގެ އިތުރުން މި މަހު ފަށަން ހަމަޖައްސާފައި އޮތް އޭ ލެވެލް އިމްތިހާނު ވެސް ވަނީ، އަންނަ އޮކްޓޯބަރު/ނޮވެމްބަރަށް ފަސްކޮށްފަ އެވެ. ނަމަވެސް އެ ދަރިވަރުންގެ އިމްތިހާނު ބާއްވަން ހަމަޖައްސާފައިވާ ތާރީހަށް އިތުރު ބަދަލެއް ގެންނާކަށް އަދި ނުނިންމަ އެވެ.

ސްކޫލް ތައުލީމް އެޑިއުކޭޝަން މިނިސްޓްރީ ކިޔަވާކުދިން އޯލެވެލް އިމްތިހާން ޑރ. އާއިޝަތު އަލީ، އެޑިއުކޭޝަން މިނިސްޓަރު

8 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގައްބަރު ސިންގު

11 May 2020

އިމްތިހާނު ފަސްކުރަން ނިންމިއިރު މިކަމުގެ ކޮމްޕްލިކޭޝަންތަކަށް އެއްވެސް ވަރަކަށް ވިސްނާފައި ނެތްކަން ވަރަށް ސާފު. އަހަރު ނިމޭއިރު ބޮލާފޮށާ އެޅިފައި އޮންނަތަން މިހާރުވެސް ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ިނައީމް

11 May 2020

މަޝްވަރާކުރަނީ ދޯ އަބަދު އައިސްތޫ.. ކޮންމެވެސް ކަމެއް ކޮށްފައި ދައްކަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވީސީވީޕީ

11 May 2020

މީ ވަރަށް ނާގާބިލު މިނިސްޓަރެއް.މުޅި އެޑިޔުކެސަން ސެކްޓަރު އެއްކޮށް ކޮމްޕްރޮމައިޒު ކޮށް ނިންމައިފި މިކަމަނާ މަގާމުގައި ދެމިހުރުމަށްޓަކާ.ވަރަށް ސޯއޮފް މީހެއް. އެޑިޔުކޭސަން މިނިސްޓްރީއަކީ އެންމެ ޕަފޮމެންސް ދަށް އެއްތަން. އާންމުންނަށް އެކަން ނޭނގިދާނެ. އެކަމަކު ދިރާސީ އަދި ތަހުލީލީ ނަޒަރަކުން ބަލއިފިނަމަ މިވާހަކަ ގަބޫލު ކުރާނެ ކޮންމެމީހަކުވސް. މިނިސްޓްރީގެ މަތީފަޑީގައި ތިބީ އެކި ސުކޫލުތަކުން ފެއިލްވެފައި ތިބިބައެއް. ދެންތިބީ އެތާކުމިތާކު ލައްވާނުލާ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަފީރު

11 May 2020

އެއީ ކޮންތާކުން ފެއިލްވެފައި ތިބި ބައެއް؟ ހިތަށް އެރިހާއެއްޗެއް ގޮވިދާނެ. އެއީ ހަގީގަގަތަށް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްބެސެޑަރ ނ

11 May 2020

ސަފީރަށް 1/2 ޕީއެސް، އައްޑޫ ހައިސުކޫލް/ނ.ވެލިދޫ ސުކޫލުން (އައްޑޫ ހައިސުކޫލާއި އައްޑޫއިން ބޭރުކޮށްލީ ކީއްވެކަން ހެކިވާނެ މުޅި އައްޑޫ. ނޫނުގަ ހުރެ ކުރީ ކީއްކަމާއި އެކަންކަމާއިގުޅިގެން ވަޒީފާއިން ވަކި ކުރިކަން ފެންނަން އޮތް ހަގީގަތެއް މީ.ޕީއެސްގެ ވާހަކައިގެ ތަފުސީލް އާންމު އިޖުތިމާއީ މިންގަނޑުތަކާ ފުށުއަރާތީ ކުރުކޮށްލީމެވެ)

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްބެސެޑަރ ނ

11 May 2020

ސަފީރަށް 2/2 އެސްއެމް އެސްއޭ، އިސްލާމިއްޔާ ސުކޫލުންފެއިލް އެސްއެމް އެންއައިއީ، މަޖީދިއްޔާ ސްކޫލުންފެއިލް އެސްއެމް މަރާމާތު، ފެންވަރުނެތިގެން ސިސްޓަމުން އޮޓެމެޓިކުންފެއިލް ޑީއެމް އެޗްއާރު، ތާޖުއްދީން/މަޖީދިއްޔާ ސުކޫލުންފެއިލް ސިޔާސީ މަގާމުތަކުތިއްބެވި ބޭފުޅުން ގިނަކަމުން އިތުރަށް މަގާމުތައްނުލިޔެ މިހިސާބުން ކުރުކޮށްލީމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާފުތާ

11 May 2020

ތިއާ އެކު ޑިސެންބަރ/ޖެނުއަރީގައި ކިޔަވާދޭ ގޮތަށް ހަދާފައި، އަހަރީ ޗުއްޓީ އަހަރުގެ މެދު ތެރޭގައި ދޭ ގޮތަށް ކިހިނެއްތޯ ވާނީ. ޗުއްޓީގައި ގައުމުން ބޭރަށް ބޭހަށް ދަތުރުކުރަން ޖެހޭ އާންމުންނަށްވެސް ތަން ކޮޅެއް އަގުހެޔޮކޮށް ރާއްޖޭން ބޭރަށް ދެވި، ރިސޯޓް ތަކުގެ އޮފް ސީޒަންގައި ގިނަ މުވައްޒަފުންނަށް އާއިލާ ކައިރީގައި ގިނަ ދުވަހަށް ތިބެވޭނެ.